• Բլոգեր Նուշիկ Օհանյանի ամուսինը, մեկ տարի կոմայի մեջ գտնվելուց հետո, մահացել է

  Բլոգեր Նուշիկ Օհանյանի ամուսինը, մեկ տարի կոմայի մեջ գտնվելուց հետո, մահացել է…

• Ալեն Սիմոնյանի շնորհավորանքը կնոջը՝ Անելյա Գուբրյանին, 26-ամյակի առթիվ (ֆոտո)

  Անվտանգության խորհրդի քարտուղար Ալեն Սիմոնյանի կինը՝ մոդել Անելյա Գուբրյանն, այսօր՝ սեպտեմբերի 2-ին, նշում է ծննդյան 26-ամյակը…

• ArmenՅԱՆs. Ջեք Թոփալյան՝ «էյֆորիայի» հայ աստղը․ ինչպե՞ս բիզնեսը փոխարինեց դերասանի կարիերայով, «տանջեց» Ջեյքոբ Էլորդիին ու հայերեն խոսեց ամերիկյան հայտնի սերիալում

  Մենք՝ հայերս, աշխարհի որ երկրում էլ լինենք, միշտ հպարտություն ենք ապրում, երբ մեր հայրենակիցներից մեկին հանկարծ տեսնում ենք որևէ խոշոր միջազգային նախագծում...

• Անձրևի և կայծակի պատճառով հետաձգվել է Էրիկի մենահամերգը

  Համերգի մեկնարկից հետո երգիչը հասցրել է մի քանի երգ կատարել, սակայն ուժեղ անձրևի և կայծակի պատճառով միջոցառումը ստիպված են եղել դադարեցնել։ Էրիկ Կարապետյանն ավելի ուշ իր ինստագրամյան սթորիում հայտնել է, որ համերգը տեղափոխվում է սեպտեմբերի 3-ին՝ ժամը 20:30-ին...

• Մոհաննայի «Անպայման»-ը․ նոր երգ, նոր տրամադրություն ու սիրելի տղամարդուն ուղղված երաժշտական խոստովանություն

  Մոհաննան ներկայացրել է իր նոր՝ «Անպայման» երգը, որն արդեն հասանելի է նաև ամբողջական տեսահոլովակով։ Նոր աշխատանքով երգչուհին ոչ միայն շարունակում է իր երաժշտական ճանապարհը, այլև բացում է իր զգացմունքային աշխարհի մի նոր էջ՝ երգը նվիրելով իր սիրելի տղամարդուն...

• Անի Արզումանյանն ու Վազգեն Օհանյանը ամուսնացել են

  Այսօր՝ օգոստոսի 29-ին, տեղի է ունեցել բլոգեր և դերասանուհի Անի Արզումանյանի ու ստենդափեր Վազգեն Օհանյանի հարսանիքը...

• Հայ դերասան Սամվել Թադևոսյանը նկարահանվել է Dior Men-ի նոր արշավում

  Հայ դերասան Սամվել Թադևոսյանը նկարահանվել է Dior Men Tailoring Winter 2026 նոր գովազդային արշավում: Նա դարձել է ֆրանսիական նորաձևության տան՝ տղամարդու կոստյումին նվիրված նախագծի մոդելներից մեկը..

• «Դուք ձեր խնդիրները չեք լուծել ու բարդույթները փոխանցում եք Գասպարին». Գոհար Ավետիսյանին քննադատել են 6-ամյա որդու դիետայի համար

  Գոհար Ավետիսյանը քաշի պատճառով դարձյալ հայտնվել է քննարկումների կենտրոնում։ Այս անգամ խոսքը ոչ թե իր, այլ 6-ամյա որդու՝ Գասպարի մասին է։ Դիմահարդարը տեսանյութ է հրապարակել, որտեղ երևում է, թե ինչպես է փոքրիկը կշռվում, ու պատմել է նրա սննդակարգի մասին։ Կշեռքը ցույց է տվել 38.9 կգ, ինչից հետո Գոհարը հրապարակմանը կից գրել է. «Դիետա... երկրորդ օր... քաշի ավելացում ունենք»...

Բալետի պարուհի Արմինե Մանուկյանը, որը հեռուստադիտողների շրջանում հայտնի է նաեւ «Կայարան» հեռուստասերիալում իր կերպարով ու «Միսս Արմենիա 2017» մրցույթին մասնակցությամբ, օրեր առաջ կարողացել է ԱՄՆ-ից վերադառնալ Հայաստան: Պարուհու մեկամսյա շրջագայությունը համաճարակային անսպասելի շրջադարձի պատճառով ձգվել է եւս երկու ամսով: Նա այժմ հայրենիքում է եւ գտնվում է ինքնամեկուսացման մեջ, իսկ Միացյալ Նահանգներում իր արկածների մասին պատմել է NEWS.am STYLE-ին: Պարուհու հետ զրուցել ենք նաեւ վերջին շրջանի ամենաքննարկվող լուրերից մեկի` իր եւ Ռաֆայել Երանոսյանի հնարավոր սիրավեպի մասին:

«Միացյալ Նահանգներ մեկնել էի փետրվարի 15-ին` 1 ամսով շրջագայելու նպատակով: Մեկնել էի Նյու Յորք, սակայն մի քանի քաղաքներում եղա` Վաշինգթոն, Ֆիլադելֆիա, Բալթիմոր... Նախապես վերցրել էի հետադարձ տոմսը, որը նախատեսված էր մարտի 17-ի համար, սակայն երբ թռիչքիս օրը գնացի Նյու Յորքի օդանավակայան, այնտեղ ասացին, որ չեմ կարող մեկնել, քանի որ սահմանները փակվել են: Ես պետք է Կիեւով վերադառնայի, սակայն այդ օրվանից սկսած այնտեղ միայն Ուկրաինայի քաղաքացիներին էին տեղափոխում: Եթե թռիչքս լիներ մինչեւ կեսգիշեր, ես կկարողանայի վերադառնալ, սակայն այն 01:00-ին էր, եւ մեկ ժամվա տարբերության պատճառով ես 3 ու կես ամիս մնացի Միացյալ Նահանգներում»,-պատմում է Արմինեն` խոստովանելով, որ սկզբում շատ է սրտնեղել այդ փաստից.

«Երբ օդանավակայանում անձնագիրս վերադարձրին ու ասացին, որ չեմ կարող մեկնել, հասկացա, որ ամեն ինչ ավելի լուրջ էր, քան ես պատկերացնում էի: Դե, ինչպես ցանկացած մարդ, որը ճամպրուկը ձեռքին մնում է օդանավակայանում, ես էլ ինձ շփոթված ու հուսահատված զգացի. չեմ կարող բառերով դա նկարագրել, որովհետեւ շատ էի կարոտել ընտանիքս ու հնարավորինս շուտ ուզում էի վերադառնալ հայրենիք ու տուն հասնել»:

Այնուամենայնիվ, դերասանուհի-պարուհին փորձել է չկենտրոնանալ բացասականի վրա ու իր ամերիկյան առօրյան դարձնել հիշարժան.

«Այնտեղ առօրյաս շատ հագեցած էր անցնում: Առաջին մեկ ամսվա ընթացքում հասցրել էի բավական լավ ժամանակ անցկացնել, հետաքրքիր վայրերում լինել, քանի որ գիտեի` այնտեղ օրերս հաշված են ու ուզում էի ամեն ինչ հասցնել, բայց մյուս ամիսները եւս շատ բուռն ու հագեցած անցան: Երկրում արտակարգ դրությունը չէր խանգարում, որպեսզի լինեի այն վայրերում, որտեղ նախկինում չէի հասցրել լինել: Բավական լավ հանգստացա... Առհասարակ, ցանկացած իրավիճակում փորձում եմ գտնել լավ կողմեր: Ես առիթը բաց չթողեցի եւ փորձեցի վայելել ամեն վայրկյանը»:

Իսկ երբ արդեն վերադարձի օրը մոտ էր, անհանգստությունը շարունակել է ուղեկցել նրան.

«Շատ կարոտած էի. երբ վերջին անգամ գնացի օդանավակայան, մեջս վախ կար: Մտածում էի` միգուցե նույն պատմությունը կրկնվի... շատ անհանգիստ էի, մինչեւ վերջին վայրկյանը չէի հավատում, որ վերադառնում եմ: Երբ ինքնաթիռ նստեցի, միայն այդ ժամանակ հասկացա, որ ամեն բան լավ է»:

Այժմ դերասանուհին 14-օրյա մեկուսացման մեջ է, եւ պատրաստվում է ամենայն լրջությամբ կիրառել բոլոր ցուցումները.

«Ես շատ լրջորեն եմ մոտենում այս հարցին, որովհետեւ ներկայում մեր երկրի վիճակը շատ վատ է համաճարակի պատճառով: Լինելով գիտակից ու պատասխանատու մարդ` 14 օր ինքնամեկուսանալու եմ տանը, նույնիսկ ծնողներիցս եմ հեռավորություն պահում, քանի որ ռիսկային գոտուց եմ եկել եւ կարծում եմ` զգուշությունը չի խանգարի: Երկու օր է, ինչ այստեղ եմ, ու դեռ փոձում եմ հարմարվել ժամային գոտուն: Կփորձեմ օրս արդյունավետ ու հետաքրքիր անցկացնել: Շատ եմ սիրում ֆիլմեր դիտել, կարծում եմ` դրա համար ճիշտ ժամանակն է: Տնից դուրս չեմ գալու ու հյուրեր չեմ ընդունելու: Շատ լուրջ եմ տրամադրված»,-ասում է նա:

Վերջին օրերին համացանցում տարածվեց Ռաֆայել Երանոսյանի ուղիղ եթերի այն հատվածը, որտեղ նրան տեսազանգով միացել էր նաեւ Արմինեն: Դերասանն ուղիղ եթերում չթաքցրեց իր համակրանքը Արմինեի հանդեպ` նշելով, որ վաղուց էր ցանկանում հանդիպել պարուհուն: Ռաֆոն խոստացավ գտնել Արմինեին, իսկ նրա հետեւորդները մեկնաբանություններում նշում էին, որ դերասանն ու պարուհին շատ գեղեցիկ զույգ կլինեին ու հորդորում` բաց չթողնել Արմինեի հետ շփվելու հնարավորությունը: Զրույցի ընթացքում անդրադարձանք նաեւ Ռաֆայել Երանոսյանի հետ եթերից հետո ձեւավորված հարաբերություններին, ինչի վերաբերյալ Արմինեն նշեց.

«Տեղյակ եմ ուղիղ եթերի արձագանքներից. մի բան կարող եմ ասել ու եզրափակել բոլորի հետաքրքրությունն այս հարցի շուրջ` ես ու Ռաֆայել Երանոսյանը, պարզապես, լավ ընկերներ ենք»:

Ինչ վերաբերում է էկրանային նորությններին` Արմինեն նշեց.

«Նոր առաջարկներ դեռ չկան, քանի որ նոր եմ վերադարձել, բայց հետաքրքիր նախագծերի դեպքում կմտածեմ` գուցե կրկին վերադառնամ եթեր: Որոշ առաջարկներ ինչ-ինչ պատճառներով մերժել եմ, բայց ինքնամեկուսացումից հետո կվերադառնամ աշխատանքի թատրոնում: Հուսով եմ` այս ամենը շուտով կավարտվի եւ մենք կվերադառնանք բնականոն կյանքին: Բոլորին մաղթում եմ առողջություն ու զգուշավորություն»:

Սյունե Առաքելյան

Լուսանկարները տրամադրել է Արմինե Մանուկյանը

Հետևեք NEWS.am STYLE-ին Facebook-ում, Twitter-ում և Instagram-ում