«The Last Breath». Սևան Շահմիրյանը հանդիսատեսին է ներկայացնում իր երաժշտական աշխարհը

Լողազգեստով լուսանկարներ. ազատ ինքնարտահայտո՞ւմ, թե՞ չափի զգացում

Կարմիր խնձորը… Արդյո՞ք այն դեռ ակտուալ է

Տղամարդիկ ուժեղ չեն. դերասանուհի Մարի Գրիգորյան

Մեկնարկեց «Ոսկե ծիրան» Երևանի 23-րդ միջազգային կինոփառատոնը

Արսեն Ալբարյան․ բեմի լույսերի տակ՝ զգացմունքների, ընտրությունների ու անկեղծության մասին

Հրաժեշտ Արտիստին. Արտաշես Ալեքսանյանի հոգեհանգիստը՝ Կոնդի Սուրբ Հովհաննես եկեղեցում

Դերասան լինելու որոշումն եմ կայացրել՝ չնայած բոլորի դեմ կարծիքին. Հովհաննես Դիշչյան

Վահե Վայան. Ինչքան մարդիկ շատ են իմանում մարդու մասին, այնքան բարդ է դառնում ապրելը

Նիկոս Վերտիսը «ԱԿՎԱ ԲԻԼԴԻՆԳՍ» ընկերության հրավերով արդեն 3-րդ անգամ ելույթ կունենա Հայաստանում

Մալյան թատրոնի դերասանները՝ Թումանյանի «Հեքիաթներ» ներկայացման զվարճալի դեպքերի մասին

Մի երեկո Նեմրայի հետ․ զրույցներ և պատմություններ, որոնք մնում են երաժշտությունից հետո

Մեկ բաժակ ավել՝ հյուրի համար․ սուրճ, արվեստ և Գյումրվա ժպիտը «Վառեմ-Մարեմ»-ում

«Վառեմ-Մարեմ». Գյումրու ստեղծարար ոգին՝ արվեստի և հիշողությունների հանդիպման վայրում

Ինչպե՞ս եք վերաբերվում լողազգեստով լուսանկարներին

Վերջին զանգ․ արցունք, ծիծաղ ու հրաժեշտ մանկությանը

Ժամանակից շուտ մի՛ մեծացեք․ խորհուրդներ երիտասարդներին

Արժի, արդյոք, որ Հայաստանը շարունակի մասնակցել «Եվրատեսիլին»

Սեպտեմբերին կանցկացվի «Միսս Հայաստան 2020» մրցույթը. կազմակերպիչները` մրցույթի անցկացման հնարավոր սցենարների եւ հայ գեղեցկուհու չափանիշների մասին

14:03, 4 հունիսի

Հայաստանում սեպտեմբերին նախատեսվում է անցկացնել «Միսս Հայաստան 2020» գեղեցկության մրցույթը, որի հայտագրման փուլն այսօրվանից պաշտոնապես մեկնարկեց: Այսօր` հունիսի 4-ին, կայացած առցանց ասուլիսին «Միսս Հայաստան 2020» մրցույթի կազմկոմիտեի ղեկավար Մամիկոն Դանիելյանն ու կազմկոմիտեի անդամ, մոդել Աննա Դեմիրխանյանը ներկայացրին մրցույթի անցկացման կարգն ու այն չափանիշները, որոնց պետք է համապատասխանեն մասնակիցները.

««Միսս Հայաստան 2020»-ն ազգային գեղեցկության մրցույթ է, որը պետք է արդեն դառնա ամենամյա: Սա այն մրցույթն է, որի շրջանակում «Միսս Հայաստան» են դարձել մի շարք հայտնի գեղեցկուհիներ` Անգելինա Բաբաջանյանը, Իրինա Թովմասյանը, Լուսինե Թովմասյանը, Գոհար Հարությունյանը, նաեւ` Հայկուհի Մաթեւոսյանը»,- նշեց կազմկոմիտեի ղեկավարը` շեշտելով, որ այս տարի` չնայած համաճարակայն իրավիճակին, ավելի մեծ ակտիվություն է նկատում մրցույթի շուրջ:

«Արդեն սկսում ենք նախապատրաստական փուլը: Այսօրվանից սկսած աղջիկները կարող են հայտը լրացնել մրցույթի պաշտոնական կայքում: Ունենք պայմանավորվածություններ նաեւ մարզերի հետ: Սեպտեմբերին կանցկացվի մրցույթի եզրափակիչ փուլը, որի ժամանակ էլ կորոշվի հաղթողը»,-հավելեց նա` նշելով, որ առայժմ պարզ չէ, թե ինչպես կանցկացվի մրցույթը: Ամեն ինչ կախված կլինի Հայաստանում համաճարակային իրավիճակից.

«Միգուցե, մրցույթն անցկացնենք բացօթյա տարածքում, կամ միայն ուղիղ եթերով, որին ներկա կլինի միայն ժյուրին, ամենավատ սցենարի դեպքում` այն կլինի առցանց` աղջիկների լուսանկարների եւ տեսանյութերի միոջոցով: Մինչ եզրափակիչն աղջիկները 15-20 օր նախապատրաստական փուլ են ունենալու, որի ընթացքում անհրաժեշտության դեպքում` կթեստավորվեն»:

Մրցույթի ղեկավարի խոսքով` եթե ամեն ինչ ավելի լավ ընթացք ստանա, այս տարվա մրցույթն իր կազմակերպչական աշխատանքով կտարբերվի մյուս տարիների մրցույթներից:

«Միսս Հայաստան 2020» մրցույթին կարող են մասնակղել 17-27 տարեկան, 168-ից բարձր հասակ ունեցող ՀՀ քաղաքացիները: Ինչ վերաբերում է պլաստիկ միջամտություններին` ըստ կազմակերպիչների` փոքրիկ միջամտությունների դիմած աղջիկների մասնակցությունը չի խոչընդոտվի, այլ հարց են արտաքին ակնհայտ փոփոխությունները:

Գեղեցիկ, բարի, խելացի ու հայեցի` այսպիսին, ըստ մրցույթի կազմկոմիտեի անդամ Աննա Դեմիրխանյանի, պետք է լինի տիտղոսակիր գեղեցկուհին. «Առաջին հերթին ցանկանում ենք գտնել, ստեղծել, կերտել իրական հայուհու կերպար, որպեսզի մեր երիտասարդներն ի դեմս նրա ունենան էտալոն, որին կցանկանան նմանվել: Այսօր սոցցանցերում այնքան սխալ էտալոններ են ձեեւավորվել, որոնց ցանկանում են նմանվել, ինչը վատ է»,-ասում է մոդելն ու հավելում,-«Յուրաքանչյուր աղջիկ, որը կհաղթահարի այս մրցույթի նախընտրական փուլն, արդեն հաղթող կլինի, որովհետեւ մենք նրանց համար նաեւ հետաքրքիր կրթական ծրագրեր ենք մտածել: Նրանք կսովորեն ոչ միայն գեղեցիկ քայլել, այլեւ ճիշտ խոսել եւ ճիշտ ներկայանալ հանրությանը»:

Թե ովքեր են լինելու ժյուրիի կազմում, դեռ հստակ որոշված չէ. Մամիկոն Դանիելյանի խոսքով` պայմանավորվածություններ ունեցել են միջազգային մասնագետների հետ, սակայն նրանց` Հայաստան ժամանելը կախված կլինի միայն իրավիճակից: Այնուամնայնիվ, մրցույթի կազմակերպիչները ցանկացած պարագայում ունեն մտածված սցենար, եւ ինչպես նշում են` փորձելու են հաշվի առնել նաեւ հանրության կարծիքը:

Սյունե Առաքելյան

Լուսանկարները` Մամիկոն Դանիելյանի ու Աննա Դեմիրխանյանի ֆեյսբուքյան էջերից


Հետևեք NEWS.am STYLE-ին Facebook-ում, Twitter-ում և Instagram-ում




Print  

  • Related News

TV SHOWS PHOTO VIDEO


@NEWSam_STYLE

  • Archive
Search