Տիհանա vibes. Թվում է՝ պարզ հարցեր են, պարզվում է՝ ոչ այնքան

Միխայիլ Շուֆուտինսկին ժամանեց Հայաստան

Տիհանա Vibes. Ընկերները, սեքսը, շաուրման. իսկ ձեզ ի՞նչն է երջանկացնում

Ի՞նչ ակնկալիքներ ունեն երեւանցիները «Եվրատեսիլում» Լադանիվայի մասնակցությունից

«Օսկար 2024». Լավագույնները, «ամենամերկը», հմայիչ Քենն ու մյուս հիշարժան պահերը

Տիհանա Vibes. Իսկ դուք պատրա՞ստ եք ձեր կնոջ համար այսպիսի «քննություն» հանձնել

«Մենչի վերջը» ստենդափի պրեմիերան, հայտնի հյուրերն ու գլխավոր «մեսիջը»

Տիհանա Vibes. մի քանի շոթ ու դեսից–դենից զրույց Վաչե Երիցյանի հետ

POP NEWS. Շաբաթվա իրադարձությունները` մեկ տողով

«Բարի օր»՝ տաքսիստ Հենդոյի հետ. Մհեր Մխիթարյանի հայտնի կերպարի մասին ֆիլմի պրեմիերան ու կարմիր գորգը

Տիհանա Vibes. Ո՞վ է Նեմրայում ամենաcute-ն ու ամենաsexy-ն

Տիհանա Vibes Արսեն Գրիգորյանի հետ. Ընկերուհի չունեմ, ժամանակ չունեմ

Տիհանա Vibes. Իսկ դուք կկարողանայի՞ք պատասխանել այս հարցերին

Pop NEWS. Շաբաթվա ամենաքննարկված իրադարձությունները

Սիրո տոնը՝ Սիրուշոյի հետ. բացառիկ կադրեր՝ երգչուհու համերգից, որի տոմսերն անմիջապես սպառվել էին

Տիհանա Vibes. փեսացուն հյուսիսից եւ Տրնդեզի խարույկի բոցերը

Kinodaran-ի՝ մեծ աղմուկ հանած «Սուրբը» սերիալը նոր իրականություն է սահմանում Հայաստանում

«2024-ին, վերջապես, կամուսնանանք». Գևորգ Մկրտչյան

Մեկ օրում 3 միլիոն դիտում եւ ավելի, քան 50 հազար մեկնաբանություն. արտասահմանյան ԶԼՄ-ների արձագանքն ու System of a Down-ի օտարազգի երկրպագուների աջակցությունը՝ Հայաստանին եւ Արցախին

19:18, 7 նոյեմբերի

Ավելի քան 3 միլիոն դիտում մեկ օրվա ընթացքում եւ 40 հազարից ավել մեկնաբանություն. հանրահայտ System of a Down-ի «վերադարձը» ոգեւորել է ռոք խմբի ոչ միայն հայ, այլեւ օտարերկրացի երկրպագուներին: Վերջինները տեսահոլովակի ներքո արված մեկնաբանություններում փաստում են՝ երգն ու իրական տեսանյութերն օգնել են ավելի լայն պատկերացում կազմել Արցախում տեղի ունեցող պատերազմի մասին:

«15 տարվա լռությունից հետո պատերազմը ստիպեց System of a Down-ին նոր երգ ձայնագրել: Այն բանից հետո, երբ սեպտեմբերին Ադրբեջանը պատերազմ սկսեց Հայաստանի դեմ, երաժիշտները, որոնք բոլորն էլ հայկական ծագում ունեն, շտապեցին ձայնագրման ստուդիա, ինչի արդյունքում ստեղծեցին միանգամից երկու նոր երգ՝ Protect The Land եւ Genocidal Humanoidz` այս կերպ աշխարհի ուշադրությունը հառելով իրենց պատմական հայրենիքում տեղի ունեցող կոնֆլիկտի վրա»,-անդրադառնալով խմբի հնչեղ վերադարձին գրել է Rolling Stone կայքը:

Մեկ այլ կայք՝ Variety.com-ը, մեջբերել է խմբի վոկալիստ, կիթառահար եւ երգերի հեղինակ Տարոն Մալաքյանի խոսքը. «Մենք, երեւի, միակ ռոք բենդն ենք, որն ի դեմս կառավարությունների՝ ունի թշնամիներ, միակ ռոք բենդը, որը պատերազմի մեջ է, այսպիսով՝ ես այս երգերը գրել եմ, որպեսզսի բարձրացնեմ մեր զորքերի, եւ, առհասարակ, ամբողջ աշխարհի հայերի ոգեւորությունը»:

Հայազգի երաժիշտների վերամիավորման արդյունքում ստեղծված երգերի ողջ հասույթը տրամադրվելու է Հայաստանի համահայկական հիմնադրամին: Երգերը կարելի է ձեռք բերել systemofadown.bandcamp.com կայքից:

Ի դեպ, SOAD-ի հազարավոր երկրպագուներ ամբողջ աշխարհում արդեն հասցրել են կատարել իրենց հանգանակությունները հանուն Արցախի ու Հայաստանի: Այս մասին նրանք կիսվել են մեկնաբանություններում՝ չթաքցնելով, որ այն, ինչ տեղի է ունենում Արցախում, հուզել է իրենց:

Ճիշտ ժամանակին՝ ճիշտ հաղորդագրությամբ վերադարձ՝ այսպես են արտահայտվում ոմանք:

«Կարծում եմ՝ խմբի ավելի տարիքով երկրպագուները գիտեն, թե որքան սրտացավ են նրանք իրենց ազգի նկատմամբ: Ըստ իս՝ սա նրանց երաժշտության ամենակարեւոր բնութագիրն է: Չնայած ես շատ ուրախ եմ, որ նրանք կրկին համախմբվել են System of a Down անվան ներքո, ես նաեւ խոնարհվում եմ դրա պատճառի առջեւ: Առանց SOAD-ի հին երգերի, ես չէի իմանա իրենց երկրի պատմության մասին»,-Protect The Land տեսահոլովակի ներքո գրել է օտարազգի երկրպագուներից մեկը, մյուսն էլ հավելել՝ «Ես եւ ամուսինս ամեն աշխատավարձի օրը մեր հնարավորության չափով նվիրատվություն կանենք՝ ինչ-որ կերպ աջակցելու նպատակով: Ես SOAD-ին ամբողջ սրտով սիրում եմ, քանի որ որքան, որ ինձ հիշում եմ, ձեր երաժշտության ներքո եմ մեծացել, տղաներ, եւ չնայած շատ ոգեւորվեցի ձեր նոր երգերի համար, սիրտս պայթում է այն մտքից, որ նման բաներ են տեղի ունենում: Շնորհակալ եմ, որ ավելի շատ բացահայտեցիք, թե ինչ է կատարվում, քանի որ ես իրականում այդքան շատ բան չգիտեի, հիմա ես կարող եմ բացել նաեւ այլ մարդկանց աչքերն ու իրազեկել նրանց…»:

«Ես, իրականում, պատկերացում չունեի, որ այսպիսի բան է կատարվում աշխարհում, չնայած Նիդերլանդներում բավական հաճախ եմ նորություններին հետեւում, բայց այս հարցն այդքան հաճախ չի բարձրացվում, որքան, որ պետք է: Պատմական փաստերն ընթերցելով՝ շատ վշտացա, եւ ցանկացա մի բան էլ ինքս անել, թեեւ քիչ է, բայց ես իմ նվիրատվությունը կատարել եմ, հուսով եմ՝ մյուսներն էլ կհետեւեն»,-նշել է մեկ այլ օգտատեր:

Մեկնաբանողներից շատերն էլ ոգեւորել են խմբին ու Հայաստանին՝ «Ազատ Արցախ», «Խաղաղություն Հայաստանին», «Սեր ենք ուղարկում Հայաստանին» եւ այլ գրառումներով:

Խմբի մյուս՝ Genocidal Humanoidz երգն էլ մեկ օրում հավաքել է մոտ 2 միլիոն դիտում եւ մեկնաբանվել ավելի, քան 14 հազար օգտատերերի կողմից:

«SOAD-ը կրկին այստեղ է՝ այն պահին, երբ աշխարհն ամենից շատ նրանց կարիքն ունի: Երգը հրաշալի է եւ շատ անսպասելի»,-գրում են նրանք:

Սյունե Առաքելյան


Հետևեք NEWS.am STYLE-ին Facebook-ում, Twitter-ում և Instagram-ում




Տպել    |  In English

  • Այս թեմայով



@NEWSam_STYLE

  • Արխիվ
Որոնել