«Կինստագրամ» սիթքոմից հայտնի դարձած դերասանուհի Դիանա Տոռեսը, թեեւ նախապես չէր պլանավորել որեւէ հատուկ ձեւով նշել Ամանորը, այնուամենայնիվ, այն բավական հետաքրքիր է անցել: NEWS.am STYLE-ի հետ զրույցում դերասանուհին պատմել է, թե որտեղ եւ ում հետ է դիմավորել 2021-ը, խոսել է 2020-ի դժվարությնների ու, առհասարակ, իր կյանքում պատահած դժբախտությունների մասին, որոնց ցավը հաճախ թաքցրել է վառ արտաքինով շիկահերի ստվերում:
«Նոր տարի չեմ նշել, ու, առհասարակ, զարմանում եմ այն մարդկանց վրա, ովքեր կարողացել են պարել, երգել, ուրախանալ... Շատ մեծ ցավ եմ ապրում մեր նահատակված տղաների համար: Ոչ տոնածառ եմ զարդարել, ոչ այլ պատրաստություններ եմ տեսել»,-նշում է նա` հավելելով, որ, այնուամենայնիվ, տարին դիմավորելու մի սովորություն ունի, որը փերձել է պահել, բայց չի ստացվել.
«Որոշել էի, պարզապես, ինքս ինձ համար գեղեցկանալ` դա ինձ համար սովորություն է դարձել, որ ամեն տարին նորությամբ դիմավորեմ` նոր հագուստով ու աքսեսուարներով: Բայց այդ ամենը տանը թողեցի եւ գնացի վարսահարդարման, որից հետո`դիմահարդարման:
Դիմահարդարիս տունը իմ տնից բավական հեռու է, ու ժամը 21:00-ին հասա այնտեղ: Հրաշալի ընտանեկան միջավայրում էի հայտնվել, տարբեր բաներ հյուրասիրեցին, հետաքրքիր զրույց ունեցանք, ու չնկատեցինք, թե ինչպես անցավ ժամանակը (ծիծաղում է): Երբ պատրաստվում էի դուրս գալ, պարզ էր, որ կեսգիշերին հաստատ չէի հասնելու տուն, ճանապարհին էի մնալու, եւ այդպես ինձ առաջարկեցին մնալ եւ այդ ջերմ ընտանիքում դիմավորել 2021-ը (ժպտում է): Ես էլ սիրով համաձայնվեցի: Այդպես էլ նոր հագուստով չդիմավորեցի Նոր տարին, եւ այլ սովորութուններիցս էլ հետ մնացի` թղթի վրա երազանք գրել եւ այլն, բայց ոչինչ` միգուցե, այս տարին էլ խորհրդանշվի փոփոխություններով»,-ժպիտով պատմում է նա:
Դիանան ասում է` 2020-ի հետ կապված մեծ սպասելիքներ է ունեցել.
«Չնայած սպասելիքներիս` շատ վատ տարի էր. ինձ համար այդ տարվա միակ լավ բանը «Կինստագրամում» նկարահանվելու առաջարկն էր. դա ինձ համար երազանք էր: Հետո սկսվեց կորոնավիրուսային քաոսը, իսկ հետո վատթարագույնը` պատերազմը...»:
2021-ի հետ կապված դերասանուհին մեծ հույսեր ունի. «Առաջնահերթ աղոթում եմ խաղաղության համար, որ էլ պատերազմներ չլինեն, աղոթում եմ, որ կորցրածը հետ բերենք: Իմ առաջ էլ մեծ նպատակներ եմ դրել, որոնց փորձելու եմ հասնել»:
Դիանայի կյանքում կորուստներ, առհասարակ, շատ են եղել. մանկության տարիներին դերասանուհին կորցրել է մորը, ավելի ուշ` նաեւ հորը: Ցանկացած դժվարություն Դիանան փորձել է հաղթահարել կյանքին լավատեսությամբ տրամադրվելով, հաճախ վիշտը թաքցրել է վառ շիկահերի կերպարի ներքո... Այսօր էլ դերասանուհին աշխատում է չկորցնել լավատեսությունը.
«Կյանքում կորուստներ շատ եմ ունեցել. ինձ համար շատ ծանր շրջաններ են եղել: Մինչ օրս էլ ցույց եմ տալիս, թե ինձ մոտ ամեն ինչ լավ է, բայց հոգումս ու սրտումս պահպանված են այդ թախիծն ու տխրությունը, սակայն գիտակցում եմ, որ ոչինչ չեմ կարող փոխել. պիտի առաջ շարժվեմ, պիտի հասնեմ իմ նպատակներին, իսկ նպատակներս ու երազանքներս շատ են. չեմ ուզում հանձնվել, պիտի հասնեմ դրանց»,-ասում է ու հավելում,-«Ընդհանրապես ես պոզիտիվ մարդ եմ, բայց ինչպես յուրաքանչյուրը, ունենում եմ տխուր պահեր, արտասվում եմ... Կյանքս բնավ անհոգ չէ, ունեմ շատ խնդիրներ: Շատ դեպքերում, այո, հոգուս իրական գույները թաքցնում եմ կերպարիս ներքո, բայց համոզված եմ, որ դա էլ է անցողիկ:
Եղել է մի շրջան, որ միայն վատի մասին եմ մտածել, կարծել եմ, թե շուրջս ամեն ինչ շատ վատ է, ու ես ելք չունեմ, որ ամեն բան անիմաստ է... Բայց ժամանակի ընթացքում հասկացա, որ այդպես մտածելը սխալ է, ու պետք է միշտ լավատես լինել, որ կյանքը քեզ ժպտա: Հիմա, վստահաբար, կարող եմ ասել, որ լավատես մարդ եմ»:
«Կինստագրամից» հետո Դիանան ձեռք է բերել մի շարք երկրպագուներ, որոնց հետաքրքրում է դերասանուհու ոչ միայն ստեղծագործական, այլեւ անձնական կյանքը: Խոսելով աշխատանքի մասին` դերասանուհին ասաց` նոր առաջարկների դեպքում անպայման կտեղեկացնի հետեւորդներին: Ինչ վերաբերում է անձնականին` «Դա թող մնա առեղծված (ժպտում է): Եթե կյանքումս որեւէ արմատական փոփոխություն լինի, առաջինը խոստանում եմ պատմել NEWS.am STYLE-ի ընթերցողներին»,-նշեց նա:
Սյունե Առաքելյան
Լուսանկարները` Դիանա Տոռեսի ինստագրամյան էջից
Հետևեք NEWS.am STYLE-ին Facebook-ում, Twitter-ում և Instagram-ում
17:13, 8 մայիսի
Ռուսաստանում բանակցություններ են ընթանում այնտեղ Քանյե Ուեսթի համերգը կազմակերպելու շուրջ16:32, 8 մայիսի
Հիսուս Քրիստոսի մանկության մասին սարսափ ֆիլմ կնկարահանվի15:11, 8 մայիսի
Քլոե Քարդաշյանը պատմել է այն խնդիրների մասին, որոնց բախվել է որդու՝ Թաթումի ծնվելուց հետո15:00, 8 մայիսի
«Եվրատեսիլ 2009»-ի հաղթող Ալեքսանդր Ռիբակը Հայաստանի երգը նշել է, որպես իր ֆավորիտ` իր երաժշտական աջակցությունը հայտնելով «Լադանիվա»-ին14:18, 8 մայիսի
Աննա Վինտուրն արգելել է այս երեք մթերքը մատուցել Met Gala-ին14:00, 8 մայիսի
Հայկական էպոսի հերոսը՝ էլ ավելի գունեղ ու ժամանակակից լուծումներով. կայացավ «Սասունցի Դավիթ» կոմիքսի շնորհանդեսը (ֆոտո)13:21, 8 մայիսի
Ինչպես մայիսի 9-ին քվեարկել «Լադանիվա» խմբի օգտին13:17, 8 մայիսի
«Ուենսդեյ» սերիալի երկրորդ եթերաշրջանի նկարահանումները սկսվել են12:34, 8 մայիսի
Ջեսիկա Բիլը Met Gala-ից առաջ 9 կգ աղով լոգանք է ընդունել11:23, 8 մայիսի
Քիմ Քարդաշյանը բացահայտել է Met Gala-ում իր սենսացիոն տեսքի գաղտնիքները10:46, 8 մայիսի
Շակիրան Met Gala-ի after-pary-ին ներկայացել էր ատլասե սպիտակ զգեստով10:17, 8 մայիսի
Meta Gala 2024-ի after-party-ն. «մերկ» հանդերձանքներ եւ վայրի պարեր