Մանկությանս տիկնիկը կուզեի վերադարձնել

Armenia Marriott-ում կրկին համաշխարհային գաստրոնոմիկ շոու է՝ Le Petit Chef-ը վերադարձել է Երևան

Երբևէ ասե՞լ եք «Ես քեզ սիրում եմ»՝ իրականում այդպես չզգալով

«The Last Breath». Սևան Շահմիրյանը հանդիսատեսին է ներկայացնում իր երաժշտական աշխարհը

Լողազգեստով լուսանկարներ. ազատ ինքնարտահայտո՞ւմ, թե՞ չափի զգացում

Կարմիր խնձորը… Արդյո՞ք այն դեռ ակտուալ է

Տղամարդիկ ուժեղ չեն. դերասանուհի Մարի Գրիգորյան

Մեկնարկեց «Ոսկե ծիրան» Երևանի 23-րդ միջազգային կինոփառատոնը

Արսեն Ալբարյան․ բեմի լույսերի տակ՝ զգացմունքների, ընտրությունների ու անկեղծության մասին

Հրաժեշտ Արտիստին. Արտաշես Ալեքսանյանի հոգեհանգիստը՝ Կոնդի Սուրբ Հովհաննես եկեղեցում

Դերասան լինելու որոշումն եմ կայացրել՝ չնայած բոլորի դեմ կարծիքին. Հովհաննես Դիշչյան

Վահե Վայան. Ինչքան մարդիկ շատ են իմանում մարդու մասին, այնքան բարդ է դառնում ապրելը

Նիկոս Վերտիսը «ԱԿՎԱ ԲԻԼԴԻՆԳՍ» ընկերության հրավերով արդեն 3-րդ անգամ ելույթ կունենա Հայաստանում

Մալյան թատրոնի դերասանները՝ Թումանյանի «Հեքիաթներ» ներկայացման զվարճալի դեպքերի մասին

Մի երեկո Նեմրայի հետ․ զրույցներ և պատմություններ, որոնք մնում են երաժշտությունից հետո

Մեկ բաժակ ավել՝ հյուրի համար․ սուրճ, արվեստ և Գյումրվա ժպիտը «Վառեմ-Մարեմ»-ում

«Վառեմ-Մարեմ». Գյումրու ստեղծարար ոգին՝ արվեստի և հիշողությունների հանդիպման վայրում

Ինչպե՞ս եք վերաբերվում լողազգեստով լուսանկարներին

«Գալիս ա էլի»․ Առնո Բաբաջանյանը 100 տարեկան է

10:06, 22 հունվարի

Այս օրերին Հայաստանի երաժշտական հանրությունը (եւ ոչ միայն) նշում է մեծ վարպետի՝ կոմպոզիտոր, դաշնակահար, մանկավարժ Առնո Բաբաջանյանի 100-ամյակը։

Ըստ էության, Բաբաջանյանի ծննդյան օրվա հետ ամեն ինչ այնքան էլ միանշանակ չէ։ Ի դեպ, նա ծնվել է հունվարի 21-ին, բայց, քանի որ խորհրդային ժողովրդի համար դա սգո օր էր՝ համաշխարհային պրոլետարիատ Վ․ Ի․ Լենինի մահվան տարելիցը, Առնոյի հայրը ծննդյան վկայականում ամսաթիվը փոխել է  հունվարի 22-ին: Այնուամենայնիվ, ոչ թե թվերը կարեւոր են, այլ հիշողությունը:

Հայաստանի երաժշտական հարթակներում այսօր կհնչի նրա անմահ երաժշտությունը՝ դասական եւ էստրադային ստեղծագործությունները։ Հանդիսատեսը մեծարելու է նրա տաղանդն ու շնորհակալություն հայտնելու իրապես անգնահատելի ժառանգության համար, որով մեծացել եւ սովորել է մեր կոմպոզիտորների ոչ մեկ սերունդ։

Առնոյի երաժշտությունը վառ, լուսավոր, խորը եւ անհավանական հայկական է։ Իր կտավներում նա հմտորեն, աննկատ հյուսեց հայկական անուշահամ գույները՝ դրանք դարձնելով անմոռանալի ոչ միայն մեր հայրենակիցների, այլեւ ողջ աշխարհի երաժշտասերների համար։

Եվ խոսքը ոչ միայն երգերի ու էստրադային ստեղծագործությունների, որոնք մինչ օրս լսողության մեջ են, այլեւ ակադեմիական մասին է։ Դրանք մեծ ու փոքր նվագախմբային, կամերային պիեսներ․․․ Պետք է նրանց միայն հնչեցնել, եւ առաջին իսկ նոտաներից պարզ է. դա Առնո Հարությունովիչն է, սա Հայաստանն է։

Կարծում եմ, չափազանցություն չի լինի ասել, որ Բաբաջանյանի երգերը դարձել են մեր կյանքի անբաժանելի մասը. առանց դրանց ոչ մի քաղաքային տոն կամ ընտանեկան խնջույք չի անցնում։ Ով չգիտի «Հարսնացուն հյուսիսից» ֆիլմից նրա «Год любви» կամ «Твои следы» երգերը: 70-ականներին նրա ստեղծած եւ Անդրեյ Վոզնեսենսկու խոսքերով «Верни мне музыку»-ն անվիճելի հիթ է, եւ ընդհանրապես, ցանկացած վոկալիստի երգացանկում պարտադիր «կետ» է։

Բաբաջանյանին մի անգամ հարցնում են․ «Ինչպե՞ս եք ստեղծում Ձեր հիանալի երգերը»․․․  «Գալիս ա էլի», - պատասխանել է նա:

Մինչեւ հիմա «գալիս ա»․ արդեն նույնիսկ նրանց, ովքեր Առնոյի երաժշտությամբ դաստիարակում են իրենց երեխաներին։ Երաժշտությանը, որը ներշնչում է լավ ճաշակ, ընդլայնում աշխարհընկալումը, սովորեցնում է սիրել սեփական երկիրը, հարազատ Երեւանը։ Եվ նրա սրտում՝ Կարապի լճի մոտ, Վարպետի մասին հիշեցնում է մեկ այլ նշանավոր երեւանցի՝ քանդակագործ Դավիթ Բեջանյանի աշխատանքը՝ հրաշալի հուշարձանը։ Այսօր այնտեղ անպայման ծաղիկներ կլինեն․․․

Ծնունդդ շնորհավոր, Առնո Հարությունովիչ։ Շնորհակալություն...


Հետևեք NEWS.am STYLE-ին Facebook-ում, Twitter-ում և Instagram-ում





  • Related News

TV SHOWS PHOTO VIDEO


@NEWSam_STYLE

  • Archive
Search