• Ի՞նչ է թաքնված «Ճերմակ շապիկի» տակ․ Թելման Խաչատրյանի ու Մերի Քոչարյանի հերոսների պատմությունը՝ մեծ էկրանին․ ֆիլմի պրեմիերան, կարմիր գորգն ու հայտնի հյուրերը (ֆոտո)

  Ի՞նչ պատմություններ են թաքնված ճերմակ շապիկներ կրող մարդկանց ներաշխարհում, հոգում ու հիշողություններում՝ հե՞րքում, կարո՞տ, ցա՞վ…

• Երբ հանգամանքները բացահայտում են մարդկանց. «Գիշատիչների խնջույքը» ֆիլմի պրեմիերան՝ «ՀանդArt»-ում

  Ի՞նչ է մնում մարդուց, երբ ընտրությունը սահմանափակվում է սեփական փրկությամբ...

• Ներսես Ավետիսյանն ամուսնալուծվել է

  Դերասան, երգիչ և հաղորդավար Ներսես Ավետիսյանն ամուսնալուծվել է…

• «ֆուլ Հաուս» ֆիլմը կունենա 2-րդ մաս

  Նախորդ տարի մեծ էկրաններ բարձրացած «ֆուլ Հաուս. վայրէջք» ֆիլմով թիմը չի սահմանափակվի…

• Զվարճալի իրավիճակներ, քաղաքական հումոր ու «Մուշեղի մահը»․ «Ֆուլ Հաուսը» վերադարձավ ներկայացման տեսքով (VIDEO)

  «Ֆուլ Հաուս»-ում կրկին թեժ են ժամանակին մեկ տան մեջ հայտնված ու անբաժան դարձած հերոսների հարաբերությունները...

• Արթուր Խաչենցը հայր է դարձել․ ի՞նչ հետաքրքիր անուն է նա ընտրել դստեր համար

  Երգիչ Արթուր Խաչենցն ու նրա կինը՝ Անժելիկան, օրերս ողջունել են իրենց առաջնեկին...

• «Մի գդալ սեր», Coca-Cola Fest ու հարսանիքներ․ Instagram-ը՝ նախորդ շաբաթ

  Նախորդ շաբաթ Instagram-ից սեր էր ճառագում։ Սիրո մասին նոր ֆիլմի պրեմիերա ու աստղային հարսանիքներ․․․ Սկսենք սկզբից...

• «Գեղեցիկ կադրը դեռ կինո չէ». Հովհաննես Ղազարյանը՝ ռեժիսորի աչքի, դերասանի ազատության և ժամանակի մասին

  Ի՞նչն է տարբերում ռեժիսորին պարզապես լավ նկարահանողից...

Երեկ երեկոյան՝ սեպտեմբերի 13-ին, երեւանյան Bourbon St.-ում պատմական իրադարձություն է կայացել. առաջին անգամ իրենց համատեղ երաժշտական կարիերայի ընթացքում երկուսով ելույթ են ունեցել հանրահայտ Armenian Navy Band խմբի անդամներ Արտո Թունջբոյաջյանը եւ Վահագն Հայրապետյանը:

Երաժիշտները հանդես են եկել միանգամայն նոր՝ իմպրովիզացիոն ծրագրով, որն ավանգարդ ֆոլքի միախառնում է հայկական ժողովրդական երաժշտության, ջազի, տանգոյի եւ նույնիսկ դասականի հետ: Իրադարձությունը պատմական էր, եւ այդ կապակցությամբ երաժիշտները երկար էին պատրաստվել: Ակումբի այցելուներին հաճելի անակնկալ էր սպասում:

Կատարյալ լռության մեջ «Պարել» երգը կատարելով՝ դահլիճ մտան Արտոն եւ Վահագնը, ընդ որում՝ Արտոն, ինչպես միշտ, յուրօրինակ իմպրովիզացիոն լուծում էր գտել. նա իրեն եւ Վահագնին նվագակցում էր ավազով շշերի օգնությամբ:

Արտոն նվագում էր լարային եւ հարվածային, իսկ Վահագնը՝ ստեղնաշարային գործիքները: Ամբողջ համերգի ընթացքում նրանք անընդհատ զարմացնում էին հանդիսատեսին նոր ու նոր երաժշտական անակնկալներով: Արտո Թունջբոյաջյանն աշխարհահռչակ ավանգարդ երաժիշտ է, կոմպոզիտոր եւ մուլտիգործիքավորող:

Արտոն «Գրեմմի» եւ World Music Award մրցանակների դափնեկիր է, հանդես է գալիս ֆոլք, ջազ, էմբիենթ, ֆոլք-ռոք ժանրերում: Նա ստեղծել է Armenian Navy Bandy խումբը, որի կազմում նվագում են այնպիսի հայտնի ջազիստներ, ինչպիսիք են Վահագն Հայրապետյանը եւ Արմեն Հյուսնունցը:

Նա երաժշտություն է գրել մի շարք հայկական եւ արտասահմանյան ֆիլմերի համար, ԱՄՆ-ում համագործակցել է ջազի լեգենդներ Չեթ Բեյքերի, Էլ Դի Մեոլայի եւ Ջո Զավինուլայի, ինչպես նաեւ Փոլ Վինթերի եւ «Earth Band»-ի հետ:

Բացի այդ, Արտոն համագործակցել է նաեւ հայտնի System of A Down ռոք-խմբի հիմնադիր Սերժ Թանկյանի հետ, որի արդյունքում թողարկվել է հայտնի Serart ձայնասկավառակը: Վահագն Հայրապետյանը հայտնի ջազ դաշնակահար, կոմպոզիտոր է, «Կատուներ» խմբի հիմնադիրը: Հայրապետյանը ելույթ է ունեցել այնպիսի ջազմենների հետ, ինչպիսիք են Իգոր Բութմանը, Դանիիլ Կրամերը, Էլվին Ջոնսը, Բարրի Հարրիսը:

Նա հանդես է գալիս Armenian Navy Band խմբի կազմում, ինչպես նաեւ ղեկավարում է «Կատուներ» ջազ-ռոք սեպտետը: 2011 թվականին Հայրապետյանը երաժշտություն է գրել հայտնի հայ ռեժիսոր Հովհաննես Գալստյանի՝ աղմուկ բարձրացրած «Խճճված զուգահեռներ» ֆիլմի համար, ինչպես նաեւ ձայնագրել է Singin′& Swingin’ անվանումով իր առաջին ջազային ձայնասկավառակը:

Հետևեք NEWS.am STYLE-ին Facebook-ում, Twitter-ում և Instagram-ում