Թիմաթին եւ Նազիման ներկայացրել են Հայաստանում նկարահանված տեսահոլովակը

Տարանտինոյի «Մեկ անգամ Հոլիվուդում» ֆիլմը՝ Կաննի կինոփառատոնում

Սերժ Թանկյանը կատարել է «Գահերի խաղ»-ի վերջին եթերաշրջանի սաունդթրեքը

«Եվրատեսիլը» բեմից այն կողմ․ տեսանյութ Թել Ավիվից

Ով կհաղթի «Եվրատեսիլ 2019»-ին. լրագրող-փորձագետների կանխատեսումները եւ կարծիքը Սրբուկի ելույթի մասին

Exclusive. հարցազրույց Սրբուկի հետ՝ «Եվրատեսիլ 2019»-ի երկրորդ կիսաեզրափակչից առաջ

Մաշկի արագ խոնավեցում ու թեթեւ, ցերեկային դիմահարդարում մի քանի րոպեում. խորհուրդներ մասնագետից

Ավարտը մոտ է. «Գահերի խաղ»-ի վերջին սերիայի թրեյլերը

Ինչպես են Քիմ Քարդաշյանին «տեղավորել» թաց զգեստի մեջ, եւ շաբաթվա ընթացքում քանի օր է մարզվում աստղը

Հարցում. ո՞վ կնստի երկաթե գահին, ըստ «Գահերի խաղ»-ի հայ երկրպագուների

Պայքար թագավորական նավահանգստի համար. «Գահերի խաղ»-ի 8-րդ եթերաշրջանի 5-րդ սերիայի թրեյլերը

Tbilisi Mercedes-Benz Fashion Week- 2019: Djaba Diassamidze՝ վրացական ակցենտով փարիզյան կուտյուր

NEWS.am STYLE&haze․ նոր նախագիծ

Tbilisi Mercedes- Benz Fashion Week- 2019. BLIKVANGER՝ լինել այն, ինչին արժանի ես

Հանդիսատեսի արձագանքը «Գահերի խաղ»-ի 8-րդ եթերաշրջանի 3-րդ սերիայի ամենաէպիկական պահին

«Գահերի խաղի» 8-րդ եթերաշրջանի 4-րդ սերիայի թիզերը

«Նայում եմ Ռոբերտին եւ հասկանում, որ նա սուպերաստղ է»․ Լոբոդան եզրափակիչ չանցած Ռոբերտ Բագրատյանի մասին

Միշա Գրիգորյանը հիանալի երգեց, սակայն չանցավ եզրափակիչ

Երգչուհի Էռնա Յուզբաշյան. «Սիրուշոն շատ տաղանդավոր է եւ լավ ճաշակ ունի»»

17:38, 20 սեպտեմբերի

Հայտնի էստրադային երգչուհի Էռնա Յուզբաշյանը լրագրողներին պատմեց այն պատճառների մասին, թե ինչու չի կարողանում երգեր ձայնագրել այնքան հաճախ, որքան կցանկանար, ինչպես նաեւ, թե ինչ պատճառներով նա կարող է հրաժարվել ելույթ ունենալ Հայաստանում:

Երգչուհին, ով այժմ մշտապես բնակվում է ԱՄՆ-ում, այս օրերին Երեւանում է: Այստեղ նա հանդես է գալու համերգով Music Week in Yerevan փառատոնի շրջանակում:

«Եթե համերգը չի վճարվում, իհարկե, ես հրաժարվում եմ (ելույթ ունենալ-խմբ.), որովհետեւ ես այնքան էլ հարուստ կին չեմ հանուն խորհրդանշական «շնորհակալության» 15-ական ժամ թռչելու համար: Երեխեք, ես տուրիստի տպավորությո՞ւն եմ թողնում: Եթե ես գալիս եմ (համերգի-խմբ.), ուրեմն պետք է վճարվեմ: Եթե Մոսկվայում ապրեի, եւ ինձ համար տոմս գնեին, ես կասեի, որ խնդիր չկա»,- նշեց երգչուհին:

Պատասխանելով լրագրողներից մեկի հարցին, թե ի՞նչ կաներ, եթե հարուստ կին լիներ, երգչուհին պատասխանեց. «Շատ բան կանեի: Բարեգործությամբ կզբաղվեի»,- նշեց նա: NEWS.am STYLE-ի թղթակցի հարցին էլ, թե ե՞րբ հնարավոր կլինի լսել երգչուհու նոր երգերն ու ծանոթանալ ալբոմներին, նա պատասխանեց.

«Հիմա մտածեք, թե որքան հաշվենկատ է Էռնա Նիկոլաեւնան… Ամեն ինչ գումարից է կախված: Երգն առանց գումարի չես ձայնագրի: Ցավոք, այնքան էլ լավ երգեր չեն գրում: Վերադառնալով հայկական դասական էստրադային` միշտ էլ կարելի է ինչ-որ բան գտնել: Ձայնագրել եմ Էլվինա Մակարյանի «Երկրորդ սեր» երգը՝ Արամայիս Սահակյանի խոսքերով, որի պրեմիերան բեմում կկայանա: Գուցե մեկ տարի անց եւս մի բան կձայնագրենք»,- ասաց երգչուհին եւ հավելեց, որ ստեղծագործական բազմաթիվ գաղափարներ ունի, եւ եթե հնարավորություն ունենար, տարեկան երկու ալբոմ կթողարկեր:

«Ես շատ եմ սիրում մեր հայ հանդիսատեսին, որովհետեւ հայ հանդիսատեսն ամենից ադեկվատ եւ շնորհակալ հանդիսատեսն է, բայց ես դեռեւս պատրաստ չեմ նման զոհերի»,- հավելեց երգչուհին:

Նա նաեւ իր կարծիքն արտահայտեց ժամանակակից հայկական էստրադայի մասին՝ հատուկ նշելով, որ ժամանակակից հայկական էստրադայի երգիչներից շատ է հավանում Սիրուշոյին, ով «շատ տաղանդավոր է եւ լավ ճաշակ ունի»: Ինչ վերաբերում է էստրադային երգչուհիներին ընդհանուր առմամբ. Յուզբաշյանի խոսքով, բոլորը գեղեցիկ ու երիտասարդ աղջիկներ են: Մեկը տաղանդավոր է, մյուսը`ոչ այնքան: Նա նկատում է նաեւ սերունդների փոփոխություն, իսկ փորձը տարիքի հետ է գալիս: Բայց ընդհանրապես, Էռնա Յուզբաշյանի կարծիքով, այսօր չափազանց մեծ թվով մարդիկ են երգում Հայաստանում:

Էռնա Յուզբաշյանը ծնվել է 1958 թվականին Երեւանում, սակայն մինչեւ 20 տարեկանն ապրել է Բաքվում, ուր տեղափոխվել էր հոր հետ: Այնուհետեւ երգչուհին նորից փոխադրվել է Երեւան: Բեմում առաջին քայլերն արել է 16 տարեկանում` որպես «Գայա» Պետական ջազային կվարտետի մենակատար: Ռոբերտ Ամիրխանյանի հետ համագործակցության շնորհիվ երգչուհին ելույթ է ունենում Դնեպրոպետրովսկում կազմակերպվող Սովետական երգի երիտասարդ կատարողների մրցույթում:

1982 թվականին ԽՍՍՀՄ ժողովրդական արտիստ Կոնստանտին Օրբելյանը երգչուհուն հրավիրում է Հայաստանի պետական ջազային նվագախմբում աշխատելու:

1994 թվականին երգչուհին տեղափոխվում է ԱՄՆ, սակայն մինչ օրս պարբերաբար այցելում է Հայրենիք:


Հետևեք NEWS.am STYLE-ին Facebook-ում, Twitter-ում և Instagram-ում








@NEWSam_STYLE

  • Արխիվ
Որոնել
  • Հարցում
Հայաստանի ամենահայտնի տղամարդը
Նիկոլ Փաշինյան
Սերժ Թանկյան
Մկրտիչ Արզումանյան
Հայկ Մարության