Երգչուհի Սյուզի Մելիքյանը հանրությանը հայտնի է իր համարձակ կերպարով, բայց անձնականին վերաբերող թեմաների հանդեպ երգչուհին ոչ այնքան բաց է: NEWS.am STYLE-ի «20 փաստ հայտնիների մասին» խորագրում, այնուամենայնիվ, փորձել ենք որոշ բացահայտումներ անել Սյուզիի եւ նրա նախասիրությունների մասին:
Սյուզի, առավոտդ սկսվում է...
Զարթուցիչով, որովհետեւ ինքնուրույն դժվար եմ արթնանում, հետո ցնցուղ եմ ընդունում, մի քիչ հեռախոսով եմ զբաղվում ու տնից դուրս եմ գալիս:
Սնունդ կամ ըմպելիք, առանց որի չես պատկերացնում օրդ:
Աշխատում եմ առողջ սնունդ օգտագործել. երկար ժամանակ է` գազավորված ըմպելիքներից հրաժարվել եմ: Օրս չեմ պատկերացնում առանց ջրի:
Կերակուր, որը տանել չես կարողանում:
Երեւի` մսային որոշ ուտեստներ, որոնք ընդհանրապես չեմ ուտում:
Արտաքինումդ ի՞նչն ես ամենից շատ սիրում ու ինչի՞ց բարդութավորվում:
Բարդույթներից վաղուց եմ ազատվել, աշխատել ու շտկել եմ դրանք: Առհասարակ, ես սիրում եմ խնամված արտաքին ու կարծում` աղջիկը միշտ պետք է իր վրա աշխատի, որպեսզի ե´ւ բարդույթներից ազատվի, ե´ւ իրեն զգա մշտապես խնամված ու անթերի:
Երեք իր, որ պարտադիր վերցնում ես տնից դուրս գալիս:
Պայուսակ, ավտոմեքենայի բանալիներ ու հեռախոս:
Գույն, որը լավագույնս բնորոշում է քեզ:
Սպիտակը, կարմիրը եւ բաց երկնագույնը:
Հայաստանում ամենասիրելի վայրդ:
Այնտեղ, որտեղ կա գեղեցիկ բնություն` Դիլիջան, Ծաղկաձոր եւ այլն:
Վերջին անգամ ինչո՞ւ ես նեղվել:
Չեմ ուզում կոնկրետ օրինակ բերել, բայց հաճախ շատ եմ նյարդայնանում երթեւեկության իրականությունից:
Քո ականջակալներում հաճախ հնչում է...
Աուդիո գրքեր եւ հանգիստ երաժշտություն:
Բնավորությանդ ամենատարօրինակ գիծն՝ ըստ քեզ:
Անկեղծ ասած` տարօրինակ գծեր, կարծում եմ, չունեմ (ծիծաղում է):
Վատ սովորություններ, որոնցից հաջողվել է ազատվել, կամ պատրաստվում ես ազատվել:
Տարիներ առաջ, երեւի, ավելի շատ ունեի վատ սովորություններ, հիմա շատ խորացված աշխատում եմ դրանցից ազատվելու վրա: Կարծում եմ` մարդն անընդհատ պետք է իր վրա աշխատի. այս պահին չեմ կարող ասել, թե որ սովորույթից եմ փորձում ազատվել, բայց անպայման դա անելու եմ (ծիծաղում է):
Բաներ, որոնք չանելու համար փոշմանել ես:
Աշխատում եմ չփոշմանել իմ կատարած քայլերի համար, ու ցանկացած քայլ խորապես վերլուծում եմ կատարելուց առաջ, չեմ սիրում պահի տակ, էմոցիաներին տրվելով բաներ անել: Իհարկե, կան բաներ, որոնք կցանկանայի այլ կերպ անել, բայց դրանց նայում եմ` որպես դաս:
Մասնագիտություն, որի մեջ կցանկանայիր քեզ փորձել:
Չեմ սիրում ամեն ինչ փորձել: Ընդհանրապես, կողմնակից եմ, որ մարդ ընտրի մեկ ուղղություն ու դրա մեջ միայն խորանա: Կարող ես ունենալ մեկ կամ երկու մասնագիտություն, բայց ավելին ունենալ, կարծում եմ, ճիշտ չէ: Ինչպես գիտեք` դիմահարդարմամբ էլ եմ զբաղվում, բայց այս պահին ինձ նկարչությունն է շատ հետաքրքրում, բայց դա դիտարկում եմ` որպես հոբբի:
Ամենասիրելի ֆիլմդ…
Մտքիս չի գալիս կոնկրետ ֆիլմ, բայց այս պահին նայում եմ The Crown սերիալը, որը շատ հետաքրիր է նկարահանած: Ընդհանուր առմամբ` վերջին շրջանում շատ եմ ֆիլմեր դիտում:
Ավագ կոլեգաներիցդ ումի՞ց ես ամենից շատ սովորել:
Ոչ մեկին չեմ առանձնացնի, բայց ինձ համար շատ մեծ դպրոց է եղել «Դո-Ռե-Մի»-ն, Երգի պետական թատրոնում ուսանելուս տարիներին էլ երգեցողությանս մեջ մեծ ազդեցություն ունեցավ Արթուր Գրիգորյանը, անհատական պարապել եմ նաեւ Արմեն Գեւորգյանի մոտ: Շատ գնահատում եմ այն դպրոցը, որն անցել եմ ու շնորհակալ եմ յուրաքանչյուրին իրենց ներդրման համար:
Երբ 30 րոպե ազատ ժամանակ ես ունենում, ինչպե՞ս ես այն անցկացնում:
Սիրում եմ կարդալ, զբոսնել եւ ընկերներիս հետ սրճել:
Ամենասիրելի երգդ քո երգացանկից:
Քանի որ իմ բոլոր երգերի շուրջ շատ երկար եմ աշխատում, բոլորն էլ ինձ համար շատ սիրելի են, բայց եթե պետք է միայն մեկը նշեմ, կառանձնացնեմ «Ինձ գրկիր» երգը. պատճառը չեմ նշի, բայց այն ինձ համար բոլորովին այլ հոգեվիճակ է:
Սուպեր ունակություն, որը կցանկանայիր ունենալ:
Շատ կցանկանայի թռչել եւ վերեւից դիտել այն, ինչ կուզեի տեսնել (ծիծաղում է):
Ինչի՞ մասին նորություններին ես ամենից շատ հետեւում նյուզֆիդումդ:
Փորձում եմ տարբեր ոլորտներից տեղեկանալ, բայց ժամանակս չի ներում, որ անընդհատ նորությունների հետեւեմ:
Ո՞ր մեկ բառով կնկարագրես քեզ
Մտերիմներս, կարծում եմ, ավելի լավ կնկարագրեն ինձ, բայց եթե մեկ բառ պետք է նշեմ, կասեմ` բարի (ժպտում է):
Սյունե Առաքելյան
Լուսանկարները՝ Սյուզի Մելիքյանի Facebook-ից
Հետևեք NEWS.am STYLE-ին Facebook-ում, Twitter-ում և Instagram-ում
23:13, 24 ապրիլի
«Ցեղասպանությունը եղել է․ իմ մեծ տատն ու պապը զոհ են գնացել այդ սարսափելի ոճրագործությանը»․ Գեւ Օրկյան22:17, 24 ապրիլի
Վահե Բերբերյանը հրապարակել է Հայոց ցեղասպանության զոհ դարձած իր պապի միակ լուսանկարն ու խոսել իր խոստման մասին21:30, 24 ապրիլի
«Մենք ոգեկոչում ենք 1915 թվականին զոհված հայերի հիշատակը: Նրանց թվում են իմ նախնիները»․ ամերիկահայ դերասանուհի Դիանա Մեդիսոն20:48, 24 ապրիլի
«Ուզում եմ հիշել իմ նախնիներին, ովքեր զոհվել են, եւ նրանց, ովքեր ողջ են մնացել»․ Սերժ Թանկյանի գրառումը՝ Հայոց ցեղասպանության 109-րդ տարելիցի կապակցությամբ19:46, 24 ապրիլի
«Այս ողբերգությունը նրա կյանքի անբաժան մասն է եղել»․ Քրիստինա Ազնավուրը արխիվային լուսանկարներ է հրապարակել Շառլ Ազնավուրի՝ Հայաստան կատարած այցից16:33, 24 ապրիլի
«Հայոց պատմության ուսուցիչս նույնիսկ մեր ավարտական երեկոյի ժամանակ ասաց՝ թուրքին բարեկամ չկարծեք…». Ժաննա Բուտուլյան15:04, 24 ապրիլի
«Երբ մենք հիշում ենք Հայոց ցեղասպանությունը, մենք երդվում ենք երբեք չմոռանալ պատմության դասերը»․ լիբանանահայ դիզայներ Գրիգոր Ջաբոտյան14:29, 24 ապրիլի
Լույս է տեսել Հաքան Սեքինելգինի «Հայոց ցեղասպանությունը եւ Թուրքիան. հանրային հիշողություն եւ ինստիտուցիոնալացված ժխտում» գիրքը13:03, 24 ապրիլի
«Եվրատեսիլ 2024»-ում Հայաստանը ներկայացնող «Լադանիվա» խմբի անդամները հարգանքի տուրք են մատուցել Հայոց ցեղասպանության զոհերի հիշատակին (ֆոտո)12:01, 24 ապրիլի
Մարգարիտա Սիմոնյանը պատմել է Հայոց ցեղասպանությունից փրկված իր նախնիների պատմությունը11:12, 24 ապրիլի
«24.04.2024 ից թող սկսվի Հայաստան-Արցախի վերածննդի հետհաշվարկը: Ես հավատում եմ». Նազենի Հովհաննիսյան10:04, 24 ապրիլի
Աշխարհը՝ Հայոց ցեղասպանության մասին. հայտնի մարդկանց հայտարարությունները՝ ողբերգության 109-րդ տարելիցի կապակցությամբ