• Ինչպես շունը ձեռք բերեց իր տիրոջը, կամ «Արթուր, դու թագավոր ես» ժապավենը

  Շների մասին բոլոր ֆիլմերը հաճոյախոսություններ են ստանում հանդիսատեսի կողմից․․․

• Հյու Ջեքմանը եւ Ջոդի Քոմերը կնկարահանվեն «Ռոբին Հուդի մահը» ֆիլմի գլխավոր դերերում

  Հյու Ջեքմանը եւ Ջոդի Քոմերը ճանապարհվում են դեպի Շերվուդ անտառ: «Ռոսոմախայի» աստղը եւ «Սպանելով Եվային» ֆիլմի դերասանուհին կնկարահանվեն «Ռոբին Հուդի մահը» ֆիլմում, որի ռեժիսորը Մայքլ Սառնոսկին է․․․

• Քրիստեն Ստյուարտը եւ Օսկար Այզեքը կնկարահանվեն 80-ականների վամպիրների մասին հեդոնիստական ​​թրիլլերում

  Քրիսթեն Ստյուարտը եւ Օսկար Այզեկը կնկարահանվեն 80-ականների վամպիրների մասին հեդոնիստական ​​թրիլլերում, որի ռեժիսորը Փանոս Կոսմատոսն է…

• Ֆիլմերում սեքսը կտրուկ նվազել է, բայց դարձել է ավելի բացահայտ

  Ըստ նոր հետազոտության՝ ֆիլմերում սեքսը կտրուկ նվազել է, բայց դարձել է ավելի բացահայտ․․․

• Ներկայացվել է դիսնեյան «Մուֆասա Առյուծ արքա» մուլտֆիլմի պրիկվելի թրեյլերը

  «Առյուծ արքա» անիմացիոն օրիգինալ ֆիլմի առաջին ցուցադրությունից 30 տարի հետո «Դիսնեյը» որոշել է հիշել Մուֆասայի ծագման պատմությունը․․․

• Ռասել Քրոուն կնկարահանվի «Էկզորցիզմ» սարսափ ֆիլմի գլխավոր դերում

  Օսկարակիր դերասան Ռասել Քրոուն կնկարահանվի «Էկզորցիզմ»՝ առաջիկա սարսափ ֆիլմում…

• Էդի Մերֆիի առաջիկա ֆիլմերից մեկը հետաքննության կենտրոնում է հայտնվել նկարահանման հրապարակում տեղի ունեցած խնդիրների պատճառով

  Էդի Մերֆիի առաջիկա ֆիլմերից մեկը հետաքննության կենտրոնում է հայտնվել նկարահանման հրապարակում տեղի ունեցած խնդիրների պատճառով…

• Բարոյականության «պահապանները» թող շրջանցեն. էրոտիկ ֆիլմերի ընտրանի

  Եթե «էրոտիկ ֆիլմ» արտահայտությունը լսելով ձեր մտքին միանգամից գալիս են «Նիմֆոմանուհին» եւ «Մոխրագույնի 50 երանգները», ապա շնորհավորում ենք՝ դուք ոչինչ չգիտեք ժանրի մասին…

NEWS.am STYLE-ը շարունակում  է ներկայացնել 2020թ․-ի առավել հետաքրքիր դեպքերը, որոնք արժանի են էկրանավորման։

Կարող եք սկզբում կարդալ առաջին և երկրորդ մասերը, ապա վերադառնալ:

Black Lives Matter (Սևերի կյանքերը կարեւոր են)

2020 թվականի մայիսի վերջին, երբ սպիտակ ոստիկան Դերեկ Շովինը սպանեց աֆրոամերիկացի Ջորջ Ֆլոյդին, զանգվածային բողոքներ սկսվեցին:

BLM շարժումը (Black Lives Matter) գործում է 2013 թվականից։ Այն առաջացել է Ջորջ Ցիմերմանին արդարացնելուց հետո: Վերջինս 2012թ.-ի փետրվարին սպանել էր աֆրոամերիկացի դեռահաս Թրեյվոն Մարտինին։

Բայց հենց 2020 թվականին շարժումն առավել մեծ թափով է տարածվում ոչ միայն Նահանգներում, այլեւ ամբողջ աշխարհում։

Մենք առաջարկում ենք ֆիլմ «սոցիալական դրամա» ժանրում, որտեղ բարձրացվելու են սևամորթ բնակչության իրական խնդիրները, բայց առանց ծայրահեղությունների և պոպուլիզմի հանդուրժողականության թեմայի։

Ֆիլմի գլխավոր հերոսը կլինի աֆրոամերիկացի ՝ փաստաբան Հարլեմից (Նյու Յորքի անբարենպաստ շրջան), որը կարողացել է դառնալ ընտանիքի հպարտությունն ու հասարակության արժանի անդամը: Ֆիլմը կպատմի սեւ բնակչության նկատմամբ խտրականության դրսեւորումների, կեղծավոր քաղաքական գործիչների մասին, որոնք օգտվում են հասարակության օրակարգից եւ քրեական տարրերից:

Գլխավոր դերում առաջարկում ենք Տերենս Հովարդի թեկնածությունը, որը հայտնի է իր ուժեղ դերասանական խաղով։

Ռեժիսորական աթոռին անպայման պետք է նստի Դարրեն Արոնոֆսկին։

Արցախյան Երկրորդ պատերազմն

2020թ. սեպտեմբերի 27-ի առավոտյան սկսվեց Արցախյան Երկրորդ պատերազմը։ 44 օր տևած արյունալի մարտերից հետո կողմերը Ռուսաստանի Դաշնության օգնությամբ հրադադարի մասին համաձայնագիր են ստորագրում։

Մենք առաջարկում ենք ռազմական դրամա ժանրի ֆիլմ, որտեղ տեղի ունեցածը հանդիսատեսին կներկայացվի երիտասարդ լրագրողի անունից, որը խմբագրության հանձնարարությամբ ռեպորտաժ է պատրաստում Անդրկովկասի գեղեցիկ վայրերի մասին։ Բայց մեր հերոսը չէր սպասում, որ կհայտնվի մի իրավիճակում, որտեղ պետք է բառացիորեն պայքարի իր կյանքի համար՝ զուգահեռ ցույց տալով հանդիսատեսին պատերազմի բոլոր սարսափները։

Գլխավոր դերում տեսնում ենք Դիլան Օ ' Բրայենին, որը, վստահ ենք, կկարողանա ցույց տալ հույզերի ողջ սպեկտրը։

Ռեժիսորի «պաշտոնում» առաջարկում ենք Սեմ Մենդեսին։

Կորոնավիրուս

2020թ.-ի սկզբին ոչ ոք չէր պատկերացնում, որ տարին գրեթե բոլորի համար շրջադարձային կլինի՝ մյուս տարիներից շատ տարբեր: Տնտեսությունից մինչև քաղաքականություն, սպորտից մինչև մշակույթ ՝ ամեն ինչ փոխվել է։

Առաջարկում ենք ֆիլմ ալմանախ ժանրում ՝ մեկ սյուժեով, բայց առանձին պատմություններով («Սուրբ Վալենտինի օրը» ֆիլմի նման):

Ֆիլմը կլինի այն մասին, թե ինչպես է ամբողջ աշխարհը դիմակայում վիրուսին, այն բժիշկների մասին, որոնք իսկական հերոսներ են դարձել։

Ֆիլմը կպատմի այն մասին, թե ինչպես են երբեմնի հեղինակավոր պաշտոնները դարձել  անպետք։ Փոխարենը, սննդի առաքիչները եւ առցանց հարթակները նետվեցին առաջ եւ մեզ համար իսկական փրկություն դարձան:

Ֆիլմում կներկայացվի, թե որքան դժվար էր սիրահարված զույգերի  համար շփվել հեռվից հեռու, և, թե ինչպես բարեկամները, որոնք իրար հանդուրժել չէին կարող, հայտնվելով մեկուսացված մեկ տարածության մեջ, քիչ-քիչ ընդհանուր լեզու են գտնում։

Եվ շատ բաներ, որ բոլորն արդեն զգացին  իրենց  մաշկի վրա։

Դերասաններ չենք առաջարկելու. բոլորս դեր ենք խաղացել այս կինոյում, իսկ լավագույն ռեժիսորը հենց կյանքն է։

Մաղթում ենք բոլորին քաջառողջություն:

Նորայր Նազարյան

Հետևեք NEWS.am STYLE-ին Facebook-ում, Twitter-ում և Instagram-ում