• Ռաֆայել Երանոսյանը խոստանում է «թեթևացնել» կյանքի ծանրությունները. նոր մոնոներկայացման պրեմիերան՝ հոկտեմբերի 19-ին

  Ռաֆայել Երանոսյանը կրկին բեմ է բարձրանալու մոնոներկայացմամբ, այս անգամ՝ «Ծանր ու թեթև» խորագրով...

• Ռոմեոն ու Ջուլիետը՝ Սունդուկյանի բեմում․ երկու դերակատարների անկեղծ պատասխանները

  Ռոմեոն ու Ջուլիետը համաշխարհային թատրոնի ամենաճանաչված սիրահարներից են...

• Սամվել Հայրապետյան. վիրտուոզ ջութակահար, որը համատեղում է դասականը, ռոքը և ջութակագործության արվեստը

  Երբեմն ուրիշի մասնագիտական ​​սխալը լիովին փոխում է կյանքի ընթացքը: Սամվել Հայրապետյանը մանկուց դատապարտված էր դաշնակահար դառնալու, բայց հանձնաժողովը նայեց նրա ձեռքերին և մտածեց՝ մատները չափազանց կարճ են…

• Անահիտի փայլուն ելույթը՝ ռուսական նախագծում, Լիլիթ Հովհաննիսյանի շքեղ համերգը՝ Երևանում, Վարդուհի Վարդանյանին նվիրված համերգին ընդառաջ․ Instagram-ը՝ այս շաբաթ

  Այս շաբաթ եկեք միասին ամփոփենք հայ արտիստների՝ արդեն իրականություն դարձած փայլուն ելույթները, և մեկ շատ կարևոր համերգ, որը նվիրված է սիրված երգչուհի Վարդուհի Վարդանյանին...

• Կես դար Հայաստանի ազգաին ֆիլհարմոնիկի կազմում. տավղահարուհի Ժաննա Հովհաննիսյանի պատմությունը

  Ծնողներս համարում էին որ երաժշտությունը՝ հոգու համար է, իսկ ավելի «կոնկրետ» մասնագիտություն ստանալը պարտադիր է․․․

• Մեծամտությունից, իրար չլսելուց, խաբելուց, բողոքելուց հայերը պետք է հրաժարվեն

  «Բլոկադա» ներկայացումը պատմում է արցախցի ընտանիքի մասին, որի կյանքը փոխվում է շրջափակման հետևանքով, և Երևանից Արցախ հասած ընտանիքի հետ հանդիպման մասին...

• Վարդուհի Վարդանյանի թոռնուհին ելույթ կունենա նրան նվիրված համերգին․ ինչպե՞ս են անցնում համերգային փորձերը (VIDEO)

  «Բարձրաձայն կարոտ»՝ այսպես է կոչվում Վարդուհի Վարդանյանին նվիրված մեծ համերգը, որը տեղի կունենա հոկտեմբերի 7-ին՝ Adana Complex-ում...

• Ռաֆայել Երանոսյանը նորություն ունի. նա «հարսանեկան» տեսանյութ է հրապարակել

  Ռաֆայել Երանոսյանն իր սոցիալական էջերում «հարսանեկան» տեսանյութ է հրապարակել...

Nemra ռոք խումբը երեկ թողարկեց  իր նոր տեսահոլովակը՝ հին ու սիրված երգերից մեկի հիման վրա: Հատկանշական է, որ տեսահոլովակի հերոսուհին դարձել է սերիալներից հայտնի դերասանուհի Ժաննա Բուտուլյանը:

«Զիմ խորոտիկ յար» երգը Nemra-ի երգացանկում վաղուց կա. խմբի, գրեթե, ոչ մի համերգ չի անցնում առանց դրա կատարման: NEWS.am STYLE-ի հետ զրույցում խմբի վոկալիստ ու կիթառահար Վան Եղիազարյանը պատմել է՝ ինչու են հենց հիմա որոշել տեսահոլովակով ներկայացնել երգը, ու ինչպես է Ժաննան դարձել տեսահոլովակի հերոսուհին:

«Արդեն մոտ 6 տարի է, ինչ համերգներին ներկայացնում ենք  «Զիմ խորոտիկ յար»-ը: Մեր հեղինակային երգերը հերթ չէին տալիս, որ մեր ժողովրդական երգերի մշակումները ձայնագրեինք ու տեսահոլովակով ներկայացնեինք, բայց քանի որ  երկու ալբոմ թողարկեցինք մեր հեղինակայիններով եւ նաեւ մեկ սինգլ՝ գալիք երրորդ ալբոմից, որոշեցինք մեր հայկական մշակումները նույնպես ձայնագրել եւ տեսահոլովակով ներկայացնել»,-պատմեց երաժիշտը:

Տեսահոլովակի ռեժիսորը Կարեն Ամյանն է, որի շնորհիվ էլ իրագործվել է խմբի վաղեմի գաղափարը:

«Ռեժիսոր Կարեն Ամյանն իր ամբողջ թիմի հետ միասին մեզ շատ օգնեց իրագործել այս ամենը, վաղուց էինք մտածել այս երգի համար տեսահոլովակ նկարահանելու մասին, եւ, վերջապես, եկավ այդ ճիշտ ժամանակը»:

Եթե նախկինում Nemra-ի տեսահոլովակներում հերոսուհու դերում նկարահանվում էին աղջիկներ, որոնք հանրությանը հայտնի չէին, այս տեսահոլովակն առանձնացավ նաեւ այդ առումով: Անդրադառնալով հայտնի դերասանուհու ընտրությանը՝ Վանը նշեց.

«Նախկինում, այո, ձգտում էինք, որ հերոսուհին հայտնի չլինի, եւ մարդիկ բացահայտեն նրան հենց մեր տեսահոլովակով, և մեր ապագա տեսահոլովակներում այդ մոտեցումը հնարավոր  է՝ շարունակվի: Իսկ «Զիմ Խորոտիկի» համար մենք եւ տեսահոլովակի ռեժիսոր Կարեն Ամյանը միակարծիք էինք, որ հերոսուհին հենց Ժաննան պետք է լինի, մնում էր հասկանալ՝ արդյոք այդ ցանկությունը փոխադարձ էր: Եվ, ինչպես պարզվեց, Ժաննան էլ շատ լավ ծանոթ էր մեր գործունեությանն ու սիրով ստանձնեց խորոտիկ յարի դերը»:

Վանի խոսքով՝ Ժաննայի հետ աշխատելը հաճելի էր՝ թե´ մարդկային որակների, թե´ պրոֆեսիոնալիզմի առումով.

«Ծանոթացանք հենց նկարահանման ժամանակ, բայց տպավորություն էր, կարծես վաղուց էինք ճանաչում իրար»:

Ի ուրախություն Nemra-ի երկրպագուների՝ տեսահոլովակը միակ նորությունը չէ, որով խումբն այս ընթացքում կիսվում է. զբաղվածությունը շատ է, իսկ առջեւում՝ համերգներ.

«Արդեն այս ամիս հասցրինք մի շարք ելույթներ ունենալ տարբեր վայրերում՝ Ձորաղբյուրում, Դիլիջանում, մասնակցեցինք փառատոնի Երեւանում, նվագեցինք «Եվրո 2020»-ի եզրափակիչ հանդիպման ցուցադրությունից առաջ կազմակերպված համերգին, իսկ առաջիկայում ունենք համերգներ Գյումրիում եւ Սեւանում, դրանից հետո համերգները դեռ հաստատման փուլում են:

Այսքան դադարից հետո կրկնակի եռանդով վերադարձանք բեմ՝ շատ մեծ կարոտով եւ լրիվ ուրիշ էներգետիկայով ու թարմությամբ: Այս ընթացքում աշխատել էինք մեր հնչողությունը բարելավելու ուղղությամբ, եւ հիմա ավելի հաճելի է, չենք հագենում համերգներից»,-հավելեց Վանը:

Սյունե Առաքելյան

Հետևեք NEWS.am STYLE-ին Facebook-ում, Twitter-ում և Instagram-ում