• Հավակնության և առևտրի խաչմերուկում. Հայացք՝ 2026 թվականի Երևանի նորաձևության շաբաթին

  Չորրորդ Երևանի նորաձևության շաբաթը պատմություն դարձավ՝ իր հետևում թողնելով հարյուրավոր փայլուն կադրեր սոցիալական ցանցերում և նկատելի հետք ինչպես տեղական, այնպես էլ արտասահմանյան մամուլում․․․

• Zuhair Murad-ը մեղմացրել է սովորական շքեղությունը՝ միջերկրածովյան երանգ, ծոպեր և Մերիլին Մոնրոյից ոգեշնչված զգեստ

  Zuhair Murad-ը մի քայլով հեռացել է սովորական երեկոյան գլամուրից և ներկայացրել գարնանային ավելի թեթև ու անկաշկանդ պատրաստի հավաքածու․․․

• Մաթյո Բլազին հաղթական ելույթ է ունեցել Chanel-ի համար. Կոկո Շանել, թվիդ և մի փոքր համարձակություն  

  Մեկ տարի առաջ Մաթյո Բլազին իր դեբյուտն է կատարել Chanel-ի նորաձևության տան պոդիումին՝ բացելով նոր գլուխ լեգենդար տան պատմության մեջ։ Այժմ, 12 ամիս անց, նա վերադարձել է Grand Palais իսկական հաղթանակով՝ իր գարուն/ամառ 2027 հավաքածուով, որը և՛ սիրո խոստովանություն էր Կոկո Շանելի նկատմամբ, և՛ ապագայի խոստում...

• Elie Saab-ը վերադարձնում է 2000-ականների պաշտամունքային գեղագիտությունը և պատրաստում է բարձրակարգ համագործակցություն H&M-ի հետ

  Հենց Էլի Սաաբի զգեստն էր, որը Հոլի Բերին կրեց 2002 թվականին Օսկարի կարմիր գորգին և պատմություն ստեղծեց՝ լիբանանցի դիզայներին դարձնելով հանրահայտ…

• Miu Miu-ն և New Balance-ը վերամիավորվում են. Փարիզը տեսավ ապագայի սպորտային կոշիկները

  Miu Miu-ն Փարիզի նորաձևության շաբաթվա ընթացքում ներկայացրեց երկու նոր համագործակցություն…

• Դիտա ֆոն Թիզը նվաճեց Փարիզը. Քրիստիան Լուբուտենը պաշտամունքային կոշիկները վերածեց թատերական սենսացիայի

  Քրիստիան Լուբուտենը կրկին կոշիկի շնորհանդեսը վերածեց հիասքանչ թատերական ներկայացման…

• Valentino Գարուն/Ամառ 2027. Նորաձևությունը որպես անվերջ հնարավորություն  

  Մեկ երեկոյի ընթացքում Փարիզի Սենտ-Ժենևիևի գրադարանը վերածվել է Valentino-ի ամենատպավորիչ ցուցադրություններից մեկի բեմի։ Ստեղծագործական տնօրեն Ալեսանդրո Միշելը խնդրել է հյուրերին գրքեր բերել նվիրատվության համար՝ գարուն/ամառ 2027 հավաքածուն անվանելով «Հակա-գրադարան»...

• Hermès SS27. Շքեղություն, որը հեշտ է շնչել. Նադժե Վանհի-Սիբուլսկին ներկայացրել է եթերային հավաքածու  

  Ինչպիսի՞ն պետք է լինի զգեստապահարանը մի աշխարհում, որտեղ ամառները ավելի շոգ են դառնում: Hermès կանացի հագուստի շարքի գեղարվեստական ղեկավար Նադժե Վանհի-Սիբուլսկու համար պատասխանը պարզ է. այն պետք է ավելի թեթև դառնա...

Անառողջ նիհարության հասած մոդելներն այսօր ոչ միայն արդիական չեն նորաձեւության մեջ, այլեւ՝ այս միտումը ժամանակի ընթացքում արժանացել է մի շարք քննադատությունների, քանի որ հենց այս պահանջների պատճառով մի շարք աղջիկներ կորցրել են ինքնավստահությունը, ոմանք էլ՝ դարձել անորեքսիկ ու ուշաթափվել հենց պոդիումի վրա:

Նորաձեւությունն այսօր ավելի բազմաոճ  ու հանդուրժող է, եւ սա նաեւ այն համարձակ մոդելների վաստակն է, որոնք կոտրելով կարծրատիպեր՝ հստակ քայլերով «ներխուժել են» նորաձեւության աշխարհ ու թելադրել իրենց կանոնները:

Վերհիշել ենք պլյուս չափսի 5 մոդելների, որոնք իրենց օրինակով ոգեշնչել են շատ աղջիկների սիրել իրենց մարմինն ու դիմացինին ստիպել անել նույնը:

Էշլի Գրեմ

Գրեմի կարգախոսն է՝ «Հպարտացիր քո բարեմասնություններով», եւ երբ 2010-ին Fox-ն ու ABC-ն հրաժարվեցին հեռարձակել նրա բրենդային ներքնազգեստների հավաքածուի գովազդային հոլովակը, նա CBS-ի առավոտյան շոուի հարցազրույցում արտահայտեց իր դժգոհությունը՝ նշելով՝ «Victoria's Secret-ի գովազդային հոլովակներն այդ հեռուստաալիքներով պտտվում են ամբողջ օրվա ընթացքում, իսկ երբ հերթը հասնում է իմ հավաքածուին, որը ներկայացնում է փոքր-ինչ մեծ չափսերի ներքնազգեստներ, բոլորն ապշում են»:

Սակայն մոդելն իր պայքարը շարունակելով՝ հասել է նրան, որ այժմ գովազդում է աշխարհահռչակ բրենդների հավաքածուները: Նա իր ողջ հմայքով փայլում է ամենանորաձեւ ամսագրերի շապիկներին ու իր օրինակով ոգեշնչում բազում աղջիկների, որոնք անկախ չափսերից՝ երազում են մոդել դառնալու մասին:

Դենիս Բիդո

Պուերտոռիկացի մոդելն աշխատում է այնպիսի հայտնի բրենդների հետ, ինչպիսիք են՝ Macy’s-ը, Old Navy-ն եւ Forever 21-ը: Մոդելը հայտնի է իր բարձր ինքնագնահատականով, որը փորձում է սերմանել նաեւ մյուս աղջիկների մեջ:

«Կնոոջ մեջ ոչ մի սխալ բան չկա: Ամեն ինչ կախված է ինքնավստահությունից ու քեզ տրվածը լավագույնս ներկայացնելու կարողությունից»,-ասել է նա:

Ուիթնի Թոմփսոն

Թոմփսոնը «Ամերիկայի հաջորդ թոփ մոդելը» շոուում պլյուս չափսի առաջին հաղթող մոդելն է: Հաղթանակից հետո մոդելն ակտիվորեն զբաղվել է սնման խանգարումներ ունեցող աղջիկների խնդիրներով:

«Ուզում եմ օգնել մարդկանց բացահայտել իրենց յուրահատկությունն ու  դեմ գնալ հասարակական կարծրատիպերին, որոնք շատերին տանում են դեպի անառողջ սովորություններ»,-հարցազրույցներից մեկում նշել է նա:

Քրիսթալ  Ռեն

35-ամյա Քրիսթալ Ռենն այսօր պլյուս չափսի ամենահայտնի մոդելներից է, մինչդեռ 14 տարեկանում, երբ առաջին քայլերն էր փորձում անել մոդելային ասպարեզում, նրան ասացին, որ նա կարող է սուպերմոդել դառնալ միայն այն դեպքում, եթե տասը կիլոգրամով նիհարի:

Աղջիկն, ազդվելով ասվածից, այնքան նիհարեց, մինչեւ դարձավ անորեքսիկ ու դժբախտ: Ավելի ուշ՝ հարցազրույցներից մեկում նա նշել է. «Հետո ես սկսեցի նորից սնվել, քաշ հավաքել ու ինձ սիրել այսպիսին, ու հենց այդ ժամանակ իմ մոդելային կարիերան վերելք ապրեց՝ մի բան, որին քչերն էին հավատում»:

Ռոբին Լոուլի

Լոուլին պլյուս չափսի ամենահայտնի մոդելներից է: Նա չի վախենում անգամ անմշակ լուսանկարներ տեղադրելուց: 32-ամյա մոդելը խոստովանել է, որ իր կյանքի հպարտություններից մեկն այն է, որ ստիպել է նորաձեւության աշխարհին ընդունել իրեն այնպիսին, ինչպիսին՝ կա:

«Երբ ես, վերջապես, հաշտվեցի իմ մարմնի չափսերի հետ եւ հանրայնորեն եւս ճանաչվեցի՝ որպես պլյուս չափսի մոդել, հիշում եմ՝ հենց այդ պահին ինձ զգացի լիարժեք ու բավարարված: Ես ի վերուստ այսպիաին եմ ծնվել»,-ասել է նա:

Աղբյուրը՝ Woman’s Day

Լուսանկարները՝ Wireimage, Getty Images, Sport Illustrated, Allure.com, David Becker/Getty Iages for LARAS, Sean Zanni/Patrick Macmullan/Getty Images, Shutterstock, Cosmopolitan.com, Glamour, Marie Clair Australia

Հետևեք NEWS.am STYLE-ին Facebook-ում, Twitter-ում և Instagram-ում