Այսօր բացվում է Վենետիկի 78-րդ կինոփառատոնը՝ Մոստրան, ինչպես այն անվանում են Իտալիայում։ Այն հայտնի է ոչ միայն պատկառելի տարիքով, այլեւ տասնյակ անվանի կինեմատոգրաֆիստների անուններ բացահայտելով։
Նախորդ տարի Մոստրան դարձել է համավարակից հետո առաջին փառատոնը, որը թեեւ սեղմ տարբերակով, բայց անց է կացվել կինոթատրոններում։ Այժմ այն կրկին բացվում է՝ սանիտարական սահմանփակումների պահպանմամբ։
Անկախ համավարակից՝ կինոփառատոնին ներկայացված են ե՛ւ հոլիվուդյան բլոքբաստերներ, ե՛ւ ամերիկյան անկախ ֆիլմեր, Լատինական Ամերիկայի եւ Եվրոպայի կինեմատոգրաֆիստների աշխատանքներ, հատկապես ակտիվ են Իտալիայի վարպետները։ Ներկայացված չէ Չինաստանը։ Փառատոնին ընդհանուր առմամբ 59 երկիր է մասնակցում։
Պրեմիերաների ցանկում են Փոլ Շրեդերի «Սառը հաշվարկ» թրիլլերը, որում Օսկար Այզեկը պոկերի պրոֆեսիոնալ խաղացողի դերում է, Մեգի Ջիլենհոլի «Կորած դուստր» ռեժիսորական դեբյուտը, Պաբլո Լարիանի «Սփենսեր» դրաման՝ երեք օր արքայադուստր Դիանայի կյանքից․ ֆիլմի գլխավոր դերում Քրիստեն Ստյուարտն է։ Պրեմիերաների ցանկում է Ռիդլի Սքոթի «Վերջին մենամարտ» ժապավենը, որում Բրիտանիայում թույլատրված վերջին մենամարտը դիտարկվում է երեք տեսանկույունից․ նկարահանվել են Մեթ Դեյմոնը, Ադամ Դրայվերը եւ Բեն Աֆլեքը։ Բոլորը սպասում են Դենի Վիլնեւի «Դյունա» ֆիլմին Տիմոտի Շալամեի եւ Օսկար Այզեկի մասնակցությամբ։
Ի տարբերություն Կաննի կինոփառատոնի, որը համառորեն չի ցանկանում գործ ունենալ Netflix-ի հետ, Վենետիկի կինոփառատոնը կներկայացնի Պաոլո Սորենտինոյի «Աստծո ձեռք» ֆիլմը եւ Ջեյն Քեմփիոնի «Շան ուժը» ընտանեկան դրաման․ վերջինս մինչեւ հունիսը միակ կինն էր, որը Կաննում «Ոսկե արմավենի» է ստացել։ Վավերագրական ֆիլմեր կլինեն կոմպոզիտոր Էնիո Մարիկոնեի, ռեժիսոր Սերջիո Կորբուչիի եւ «Led Zeppelin» խմբի մասին։
Փառատոնը բացում է Պեդրո Ալմոդովարի «Զուգահեռ մայրեր» դրաման՝ ռեժիսորի վերադարձը «կանացի» թեմային եւ սիրելի դերասանուհիներին։
Գլխավոր մրցույթի ժյուրիի նախագահը հարավկորեական «Մակաբույծների» ռեժիսոր Պոն Ջուն-հոն է։ Կինոարդատրութան ոլորտում ներդարման համար եւս մեկ պատվավոր մրցանակի կարժանանա իտալացի ռեժիսոր եւ դերասան Ռոբերտո Բենինին («Կյանքը հիասքանչ է»). մրցանակը կհանձնվի այսօր՝ բացման արարողության ընթացքում։
Фото - La Biennale di Venezia
Հետևեք NEWS.am STYLE-ին Facebook-ում, Twitter-ում և Instagram-ում
23:16, 25 ապրիլի
Miu Miu-ն դարձել է մոլորակի ամենահայտնի ապրանքանիշը22:19, 25 ապրիլի
Առնոլդ Շվարցենեգերը` Սիլվեստր Ստալոնեի յուրահատուկ ոճի որոշ նրբությունների մասին21:31, 25 ապրիլի
LVMH-ն ավելի շատ դիզայներական ապրանքներ է արտահանում, քան Ֆրանսիան՝ գինի20:20, 25 ապրիլի
Մարկ Ցուկերբերգն ապացուցում է, որ մորուքով տղամարդիկ ավելի գրավիչ են19:27, 25 ապրիլի
Ասիայի ամենահարուստ մարդու որդին շրջում է 1 միլիոն դոլար արժողությամբ Ferrari-ով՝ անվտանգության շարասյան ուղեկցությամբ16:36, 25 ապրիլի
Գուստավ Կլիմտի՝ 100 տարի կորած համարվող նկարն աճուրդում վաճառվել է 30 միլիոն եվրոյով15:22, 25 ապրիլի
Ջենիֆեր Լոպեսը ցուցադրել է Hermes-ի հազվագյուտ Birkin պայուսակը, որն արժե ավելի քան 400,000 դոլար15:05, 25 ապրիլի
Ջազի միջազգային օրը՝ Երեւանում14:55, 25 ապրիլի
Էդի Մերֆիի առաջիկա ֆիլմերից մեկը հետաքննության կենտրոնում է հայտնվել նկարահանման հրապարակում տեղի ունեցած խնդիրների պատճառով14:36, 25 ապրիլի
Իրինա Շեյքը նոր տղամարդ է փնտրում13:15, 25 ապրիլի
Լիլիթ Հովհաննիսյանը հայտնել է, որ իր վերջին տեսահոլովակի զգեստն ինքն է հեղինակել (ֆոտո)12:41, 25 ապրիլի
Քիմ Քարդաշյանը խոստովանել է, որ իր մասին որոշ լուրեր իրականում համապատասխանում են իրականությանը