Օֆին խոսել է երեւանյան այցի, հոր մահվան մասին եւ նկարահանվել News.am Style-ի ֆոտոշարքում

ՇոկTok. «Թատերականի ժողովուրդն ինձ ընդհանրապես չի սիրում». Դիանա Մխիթարյան

ՇոկTok. «Ես ու եղբայրս այնպես ենք արել, որ ոչ մայրս միայնակ լինի, ոչ` տատիկս». Գևորգ Մկրտչյան

«Ոսկե ծիրան» 19-րդ միջազգային կինոփառատոնի պաշտոնական բացումն ու կարմիր գորգը

Դեն Բիլզերյանը Երեւանում է․ Պոկերի արքան հանդիպել է երկրպագուներին ու ներկայացրել իր գիրքը

ՇոկTok. «Տղաների կողմից բացասական էր ընդունվում, որ ասում էի «привет пупсики»». Էվելինա Խանոյան

ՇոկTok. «Հայկական տիկտոկում վատ կոնտենտն ավելի շատ է, քան` լավը». Անդրանիկ

ՇոկTok. «Բոլորը մտածում էին, թե հղի եմ». Օվսաննա Խաչատրյան

«Ժառանգ80» նախագծի նկարահանման մեկնարկը տրված է

ՇոկTok. «Բուքմեյքերների գովազդ չեմ անի». Ռաֆո Համբարձումյանը` բլոգային կյանքի, տիկտոկերներին բլոկելու մասին

Ամերիաբանկի «Դարձիր փոփոխությունը» մրցույթի հաղթող թիմը ստացավ 3 մլն ՀՀ դրամ մրցանակ

ՇոկTok. Մագա Հարությունյանը` միլիոններ աշխատելու, սիրելիից բաժանվելու եւ Քինգ Ռուզիի հետ կոնֆլիկտի մասին

ՇոկTok. Անյա Սահակյանը` տղամարդու վրա ձեռք բարձրացնելու, ոստիկանություն ընկնելու, բաց տեսարաններում նկարահանվելու մասին

«Նոյը եւ՛ ինձ է նման, եւ՛ ամուսնուս». Լյուսի

ՇոկTok. «Իմ բոլոր ուզողները հիմնականում «ճիշտ աբրած տղերք են»». Ջուլիաննա Հարությունյան (julianna_loo_)

«Սիրո հասակ». մարտի 18-ից կմեկնարկի նոր հումորային նախագիծը

ՇոկTok. «Երբ ինձ հարցնում են, կուզեիր բոյով լինել, ասում եմ ոչ». Աստվածուհի (Ելենա Վարդերեսյան)

Նոր արկածներով եւ փորձություններով հումորային սիթքոմ. «Հյուրերն անցյալից»

«Ճանապարհին մի քանի անգամ լաց եմ եղել». Արծվիկը՝ Կապանում ունեցած համերգի, «Եվրատեսիլին» մասնակցելու շրջանում մենակ մնալու ու հոր կորստի մասին (ֆոտոշարք)

14:25, 2 սեպտեմբերի

Ռուսաստանաբնակ երգչուհի Արծվիկն (Արծվիկ Հարությունյան) այս շրջանում Հայաստանում է: Երգչուհին հայրենիք էր ժամանել Կապանի օրվան նվիրված՝ հոկտեմբերի 21-ին կայացած համերգին ելույթ ունենալու համար: NEWS.am STYLE-ի հետ զրույցում Արծվիկը նշեց, որ 8 տարի չէր եղել ծննդավայրում: Երգչուհին լուսանկարվել է մեր նոր ֆոտոշարքում ու խոսել Կապանի հետ իր կապի, պատերազմի ու կորոնավիրուսի հետեւանքով ունեցած դեպրեսիոն շրջանի, «Եվրատեսիլ»-ին եւս մեկ անգամ մասնակցելու պատրաստակամության, հորը 14 տարի առաջ կորցնելու ու նրա հետ մինչ օրս ամուր կապի մասին:

Երեւանում զբոսնելիս Արծվիկը խոստովանեց՝ այստեղ վերջին անգամ եղել էր երկու տարի առաջ, կարոտը մեծ է, ու փորձում է զգալ իր հարազատ ու սիրելի քաղաքի ամեն անկյունը:

«Այնպես ստացվեց, որ այս ամռան ընթացքում սա իմ երկրորդ այցն է Հայաստան: Նախորդ անգամ, պարզապես, եկել էի հանգստանալու, կարոտս առնելու համար, բայց Մոսկվայում շտապ գործեր առաջացան, ու ստիպված եղա շուտ մեկնել: Այս անգամ վերադարձել եմ հատուկ Կապան քաղաքի տոնին ելույթ ունենալու համար: Հրավերը ստացել եմ եղբորս՝ Գեւորգ Փարսյանից, որը Կապանի քաղաքապետն է»,-պատմեց նա՝ հավելելով, որ ծննդավայր Կապանում համերգով ելույթ ունենալն իր վաղեմի երազանքն էր, որն ինչ-որ չափով կատարվեց.

«Մեծ ոգեւորությամբ ընդունեցի այնտեղ ելույթ ունենալու առաջարկը: Իհարկե, ցանկություն ունեմ ավելի մեծ համերգով ներկայանալու, ինչն առաջիկայում կաշխատեմ իրագործել: Շատ տպավորված եմ համերգից: Երբ մտա Կապան, սկսեցի լաց լինել, քանի որ տեսա շատ դրական փոփոխություններ: Քաղաքը շատ գեղեցիկ է: Ցանկություն առաջացավ մեր բնակարանը վերանորոգելու, որպեսզի այնտեղ ավելի հաճախ կարողանամ այսուհետ լինել: Ավելի վաղ էի ուզում այցելել Կապան, բայց պանդեմիան խախտեց ծրագրերս: Վերջին անգամ 8-9 տարի առաջ էի եղել իմ ծննդավայրում»:

Արծվիկի համար Կապանը կապ է ոչ միայն իր մանկության, այլեւ՝ իր հոր հետ, որին երգչուհին կորցրել է 14 տարի առաջ: Նրա խոսքով՝ այնտեղ արթնացել են ամենաջերմ ու հուզիչ հուշերը.

«Ինձ համար Հայաստանն, առհասարակ, առաջին հերթին իմ կապն է հայրիկիս հետ: Առաջին բանը, որ արել եմ այստեղ, հորս գերեզմանին այցելելն էր: Նա արդեն  14 տարի է՝ մեզ հետ չէ, բայց չկա մի օր, որ ես չխոսեմ հայրիկիս մասին, որ չհիշեմ նրան: Նա ինձ վրա մեծ հետք է թողել, ես շատ կապված էի հորս հետ: Ինձ ասում են, որ բնավորությանս շատ գծերով եմ նման հայրիկիս՝ ազնվություն, բարոյականություն, պարզամտություն ու ճշտախոսություն, ու ես միշտ հպարտանում եմ այդ համեմատությունների համար»,-նշեց նա՝ հավելելով, որ Կապանում քայլել է իր հարազատ անկյուններով ու վերհիշել իրեն՝ մանկության տարիներին.

«Հենց մտնում եմ Կապան, հիշում եմ հին Արծվիկին՝ խելոք, համեստ: Իրականում շատ չեմ փոխվել: Կյանքի դասերից, նույնիսկ, շատ բան չեմ վերցրել՝ երբ ինչ-որ բան ասել, երբ լռել (ծիծաղում է): Փորձում եմ միշտ լինել բարի ու պարզամիտ, հավատալ բոլորին ու սիրել, ներել: Պետք է բաց թողնել մարդկանց ու ներել: Այս ամենին եկել եմ 2017 թ-ին՝ «Եվրատեսիլ»-ին մասնակցելուս շրջանում, երբ մի պահ մնացի մենակ: Նկատի ունեմ ընկերական շրջապատս: Իմ հանդեպ շատերի վերաբերնունքը փոխվեց, բայց մտերիմներից ես դա չէի սպասում: Իրականում շատերն են հիմա փոշմանել, ու ինձ ասել այդ մասին: Ես էլ հեշտ եմ ներում մարդկանց, բայց արդեն զգում եմ՝ կարո՞ղ է տվյալ մարդը կրկնել իր արարքը, թե՞ ոչ, ու դա, միգուցե, խանգարի, որ առաջվա նման մտերիմ լինեմ նրա հետ»:

Վերհիշելով պատերազմի օրերը՝ երգչուհին շեշտեց՝ հայրենիքից հեռու գտնվելը բոլորովին հեռու չէր պահում Հայաստանում կատարվող իրադարձություններից: Նա նկատեց, որ պատերազմի հետեւանքները, հատկապես, զգացել է Կապան գնալու ճանապարհին.

«Երեւանը նույնն է՝ ջերմ, լավ, արեւոտ: Երեւանի ներսում, անկեղծ ասած, փոփոխություն չեմ զգացել: Բայց Կապան տանող ճանապարհին մի քանի անգամ լաց եմ եղել, երբ տեսել եմ այդ դրոշները: Հոգեպես շատ դժվար պահ է: Ես ինձ պատրաստել էի դրան, բայց չստացվեց հանգիստ նայել այդ ամենին: Մի բան ասեմ՝ անգամ հեռվում գտնվելիս այս շրջանը մենք շատ ծանր ենք տարել: Տարբեր թիմերով փորձել ենք մեր հնարավորությունների չափով օգնել Հայաստանին, Արցախին: Հեռու գտնվելը շատ ծանր էր: Ես այդ ընթացքում չէի կարողանում տրամադրվել եւ աշխատել: Հիմա հաճախ են լինում այստեղ տարբեր առիթների ելույթ ունենալու առաջարկներ, բայց այս շրջանում ես դեռ պատրաստ չեմ, որոշ ժամանակ անց միայն կներկայանամ համերգով»:

Արծվիկի խոսքով՝ 2020-ը բոլոր առումներով է ծանր տարի եղել իր եւ շատերի համար.

«Մի օր արթնանում ես ու հասկանում, որ դու ոչ մեկին պետք չես: Պանդեմիայի շրջանում ես առցանց համերգներ չեմ արել, չեմ հասկանում այն մարդկանց, որոնք կարողանում են օնլայն ելույթներ ունենալ, քանի որ առանց հանդիսատեսի էներգետիկայի ոչինչ ինձ համար իմաստ չունի: Շատ դժվար էր, բայց հասկացա, որ դա էլ է հաղթահարելի: Պարզապես դրական տրամադրվեցի ու հասկացա, որ սա ընդմիշտ չի կարող լինել: Տան գործերով էի զբաղվում, շատ ժամանակ էի անցկացնում ամուսնուս հետ՝ դրական բաների վրա էի կենտրոնանում: Սկսել եմ վերլուծել ինքս ինձ, իմ ձեռքբերումները, անելիքները, ու հասկացել, որ քիչ ճանապարհ չեմ անցել…»:

Երգչուհին այս շրջանում աշխատում է նոր երգերի վրա: Ասում է՝ առայժմ նոր մրցույթների մասնակցելու ցանկություն չունի, բայց կա մի մրցույթ, որին պատրաստ է կրկին մասնակցել, եթե դրա անհրաժեշտությունը լինի.

«Միշտ պատրաստ եմ գնալ «Եվրատեսիլ», կարծում եմ՝ այդ մրցույթն, անկախ իր դժվարություններից, միշտ կմնա իմ սրտում: Միգուցե, գա մի օր, որ էլի ներկայանամ այդ մրցույթին, տեսնենք՝ ինչպես կստացվի»,-նշեց նա:

Սյունե Առաքելյան

Լուսանկարները՝ Արսեն Սարգսյանի

Հագուստը՝ Նաիրա Հովսեփյանի


Հետևեք NEWS.am STYLE-ին Facebook-ում, Twitter-ում և Instagram-ում







@NEWSam_STYLE

  • Արխիվ
Որոնել
  • Հարցում
Հայաստանի ամենահայտնի տղամարդը
Նիկոլ Փաշինյան
Սերժ Թանկյան
Մկրտիչ Արզումանյան
Հայկ Մարության