• Երկար սեւ զգեստ, առատ աքսեսուարներ. «Միսս Աշխարհ Արմենիա 2021» Միրնա Բզդիգյանի նոր ֆոտոշարքը

  «Միսս Աշխարհ 2021» մրցույթում Հայաստանի ներկայացուցիչ Միրնա Բզդիգյանն Instagram-ում հաճախ շատ ակտիվ չէ, բայց նա իր պասիվությունը որոշել է «կոտրել» նոր ֆոտոշարքով…

• Նրբակազմ Մալենան՝ նոր՝ «գունատ վարդագույն» կերպարում

  Մալենան իր գեղեցիկ կազմվածքը ցուցադրել է Instagram-ում հրապարակած նոր լուսանկարներում...

• «Հատուկ դասարան»-ից հայտնի Արաքսյա Խաչատրյանը սպասում է առաջնեկին

  Դերասանուհի Արաքսյա Խաչատրյանը սպասում է առաջնեկին։ Այս մասին նա հայտնել է Instagram-ի իր էջում՝ հրապարակելով գեղեցիկ կարգավիճակն ազդարարող տեսանյութ․․․

• Դերասանուհի Ջուլիա Եղշատյանն ու ամուսինը սպասում են իրենց առաջնեկին

  Ջուլիա Եղշատյանն ու ամուսինը սպասում են իրենց առաջնեկին։ Այս մասին դերասանուհին հայտնել է ինստագրամյան իր էջում՝ հրապարակելով իր եւ ամուսնու մասնակցությամբ կարճ հոլովակ, որում երեւում է նրա կլորացած փորիկը...

• «Այս եթերաշրջանն ամենաինտրիգայինն է լինելու»․ մեկնարկում է «Սյուրպրիզ 4»-ը

  «Արմենիա» հեռուստաընկերության եթերում մեկնարկում է ամենաանակնկալներով լի՝ «Սյուրպրիզ» սիթքոմը...

• Իվետա Մուկուչյանը պատասխանել է իրեն ուղղված վատ մեկնաբանություններին

  Իվետա Մուկուչյանը տեսանյութի տեսքով է որոշել պատասխանել սոցիալական ցանցերում իր հրապարակումների ներքո արված բացասական մեկնաբանություններին...

• «Եվրատեսիլ 2024»-ում Հայաստանը ներկայացնող «Լադանիվա»-ի առաջին փորձի առաջին կադրերը (ֆոտո)

  Շվեդիայի Մալմյո քաղաքում այսօր կայացել են «Եվրատեսիլ 2024»-ի մրցութային փորձերը…

• Հարգանքի տուրք Ազնավուրին․ բացվեց քանդակագործ Մկրտիչ Մազմանյանի ցուցահանդեսը

  Շառլ Ազնավուրի ծննդյան 100-ամյակին նվիրված հոբելյանական միջոցառումների շրջանակում Two Arcs պատկերասրահում բացվեց քանդակագործ Մկրտիչ Մազմանյանի հայաստանյան առաջին ցուցահանդեսը...

Սեպտեմբերի 10-ից Հայաստանում մեծ էկրաններ կբարձրանա Արման Նշանյանի «Սողոմոնի երգերը» ֆիլմը, որի համաշխարհային պրեմիերան կայացել է 2019 թ-ին՝ Լոս Անջելեսում: Ժապավենը հիմնված է իրական դեպքերի վրա: Այն Սողոմոն վարդապետի՝ Կոմիտասի կյանքի մասին է, նաեւ ընկերության, որը դաժանորեն ընդհատվել է համիդյան ջարդերի պատճառով։

Ֆիլմի գլխավոր հերոսին՝ Կոմիտասին, մարմնավորում է դերասան Սամվել Թադեւոսյանը. դերասանն այս պահին Իտալիայում է՝ զբաղված է նոր ֆիլմի նկարահանումներով, ինչի պատճառով չի կարողանա ներկա գտնվել ֆիլմի պրեմիերային, սակայն NEWS.am STYLE-ի հետ զրույցում նա սիրով անդրադարձել իր կերպարին, դժվարություններին ու իր առջեւ դրված հիմնական առաքելությանը:

Սամվելը խոստովանեց, որ երբ Արման Նշանյանի կողմից ստացել է Կոմիտասին մարմնավորելու առաջարկը, այն միանգամից չի ընդունել. «Ինձ համար կարեւոր էր, թե ինչպես էր ինքը՝ Արմանը, պատկերացնում Կոմիտասին: Եկանք այն կետին, որ այդ կերպարը չի խոսում, ինքն, ըստ երեւույթին, կառուցված է բոլոր այն պատկերացումների վրա, որն ունի հասարակությունը: Առհասարակ, մտավախության կամ երկմտելու հարց երբեք չի եղել: Արմանն առաջ քաշեց այն տեսակետը, որ կերպարը թե´ վիզուալ, թե´ էներգետիկ առումներով հիմնված է այն պատկերացումների վրա, որոնք կան Կոմիտասի շուրջ: Դերասան-ռեժիսոր միասնությունն, առհասարակ, կառուցված է վստահության վրա: Այսինքն՝ եղել է վստահության որոշակի քանակ, որը ենթադրել է միասին աշխատելը, ու դրա արդյունքում ստացվել է այն, ինչ ունենք»,-պարզաբանեց դերասանը:

Նա հավելեց, որ կերպարի միջոցով Կոմիտասի շուրջ նոր բան բացահայտելու, գտնելու խնդիր իր առջեւ չի եղել.

«Նա հենց լեգենդ է՝ լեգենդի մարմնավորում: Իմ կողմից, ամեն դեպքում, փորձ չի արվել խորանալ Կոմիտասի պատկերներից այն կողմ ենթադրվող կյանքի մեջ: Սցենարն էլ դա չէր ենթադրում: Արմանը եւս չուներ այդ մտադրությունը»:

Սամվելի խոսքով՝ կերպարը մարմնավորելու հետաքրքիր կողմերից է եղել Կոմիտասի վիզուալ տեսքը՝ ճաղատությունը, հայացքը ստանալը.

«Կերպարը վիզուալ կառուցված է բոլոր այն լուսանկարների հիման վրա, որոնք կան Կոմիտասից, այն ողբերական պատմությունների հիման վրա է՝ ինչպես դրանք դարձնել գործողություն, կամ՝ լռություն, փակ մարմին, ուղղակի լինել այնտեղ, որովհետեւ ինքը չի խաղում՝ ուղղակի կա»,-նշեց նա՝ հավելելով,-«Չեմ հիշում, որ նկարահանման ընթացքում լինեին բարդություններ: Հիմնական բանը, որ գլխիս մեջ պտտվում էր, այն էր, որ հենց այդպես իրեն պահեմ՝ այդ ռիթմի, այդ հայացքի մեջ: Ինքն, առհասարակ, հեռու է, ֆիզիկապես ներկա է, բայց նաեւ ներկա չէ… Այդ ամենն ամբողջական պահելու վրա էի կենտրոնացել, որովհետեւ կերպարն, առհասարակ, տեքստ չուներ: Արմանի կողմից չկար մտադրություն բացել Կոմիտասի հոգեբանությունը, նրա իրական լինելը: Կերպարը, մեծ հաշվով, հիմնված էր Արմանի ընկալումների վրա, ու խոսակցությունների ընթացքում այդ պատկերն ավելի է հստակեցվել ու դարձել կերպար»,-նշեց նա:

Ավելի վաղ «Սողոմոնի երգերը» ընտրվել էր Հայաստանի Ազգային Կինոակադեմիայի կողմից, որպեսզի ներկայացներ Հայաստանը 2021 թվականի «Օսկար» մրցանակաբաշխությանը:

Ֆիլմի համապրոդյուսերներից է Նիք Վալելոնգան, որը «Օսկար» մրցանակի արժանացած «Կանաչ գիրք» ֆիլմի պրոդյուսերներից է:

Ֆիլմում նկարահանվել են նաեւ Արման Նշանյանը, Արեւիկ Գեւորգյանը, Տաթեւ Հովակիմյանը, Սոս Ջանիբեկյանը, Արման Նշանյանը, Արտաշես Ալեքսանյանը, Ժան-Պիեր Նշանյանն ու այլք:

Սյունե Առաքելյան

Հետևեք NEWS.am STYLE-ին Facebook-ում, Twitter-ում և Instagram-ում