• Կրեմի և ասպիրինի փոխարեն՝ տավարի ճարպ պիլինգի համար. գեղեցկության խորհուրդներ բլոգերներից, որոնք ավելի լավ է չկրկնել

  Ինտերնետը կարող է գրեթե ամեն ինչ վերածել գեղեցկության սենսացիայի, և որքան ավելի արտասովոր է փորձը և որքան ավելի տպավորիչ է տեսանյութի արդյունքը, այնքան մեծ է հավանականությունը, որ հազարավոր օգտատերեր կկրկնեն այն․․․

• Հայ կանանց գեղեցկության լավագույն ընտրությունները այս աշնանը. սեզոնի 5 հիմնական խնամքի միջոցները

  Այս աշնան լավագույն հաճոյախոսությունն է՝ «Դուք հանգստացած տեսք ունեք»․․․

• Մաշկի վերակենդանացում. SOS ուղեցույց ամառային արևայրուքից և այրվածքներից հետո

  Ամառը իր ետևում է թողնում ոչ միայն լողափնյա լուսանկարներ և գեղեցիկ արևայրուք, այլև դեմքի և մարմնի վրա այնպիսի հետքեր, որոնք պակաս հաճելի են և որոնք մենք կցանկանայինք թաքցնել․․․

• Վազելին՝ կրեմի, դիմակի և բալզամի փոխարեն. կարո՞ղ է արդյոք մեկ միջոցը փոխարինել կոսմետիկ պարագաների կեսին

  Վազելինը հերթական գեղեցկության վերադարձն է ապրում․․․

• «Մաշկի դիետա»․ աշխատո՞ւմ է արդյոք կատարյալ մաշկ ունենալու համար TikTok-ի skin cycling մեթոդը

  Մաշկի խնամքը նույնպես վերածվել է հստակ գրաֆիկի. մի երեկո՝ թթուներ, հաջորդը՝ ռետինոլ, հետո՝ երկու օր վերականգնում, և այդպես շարունակ։ Այսպես TikTok-ը հորինեց skin cycling-ը (մաշկի ցիկլավորումը)՝ մի համակարգ, որն առաջարկում է ակտիվ նյութերն օգտագործել ոչ թե միանգամից, այլ հերթագայել ըստ օրերի...

• Ինչու է մանկական կոսմետիկան դարձել գեղեցկության միտում

  Մեծահասակ աղջիկները կրկին լոգարանից հանում են մանկական քսուքներ, յուղեր և շամպուններ․․․

• K-Beauty-ն նոր մակարդակի է հասնում. Հարավային Կորեան գեղեցկության նոր կանոններ է սահմանում

  Կորեական կոսմետիկան վաղուց դադարել է լինել վիրուսային սոցիալական ցանցերի միտում․․․

• «Սառցե դեմք». Արդյո՞ք սառը թերապիան իսկապես աշխատում է, և ի՞նչ է անում սառույցը ձեր մաշկի հետ

  Սառույցը կրկին դարձել է գեղեցկության հիմնական միջոցառում. աղջիկները դեմքերը թաթախում են սառցե ջրով լի ամանների մեջ, սառած գլանափաթեթներով սրբում մաշկը, դիմակները պահում սառնարանում և կարևոր իրադարձությունից առաջ կատարում են տնական սառցե դեմքի խնամք․․․

Երազելով երկար ու փարթամ մազեր ունենալու մասին՝ մենք մշտապես խորհուրդներ ենք հարցնում մեր ընկերուհիներից, հարազատներից եւ իհարկե, վարսահարդարներից։ Այս հոդվածում ներկայացնելու ենք մազերի մասին մի քանի առասպելներ, որոնք իբրեւ թե օգնում են առողջ մազեր ունենալու հարցում։

Գաղտնիք չէ, որ շատ իրավիճակներում մենք ենթարկվում ենք ընդունված կարծրատիպերի ազդեցությանը. այդպիսի մի ոլորտներից մեկն էլ մազերի խնամքն է։ 

Չի կարելի մազերի խնամքի միջոցները գնել խանութներից

Միայն գեղեցկության սրահներից եւ միայն պրոֆեսիոնալ միջոցներ։ Իհարկե, մազերի խնամքի պրոֆեսիոնալ եւ ճիշտ ընտրված միջոցը կարող է շատ ավելի լավ ու դրական ազդեցություն ունենալ ձեր մազերի վրա, քան այն, ինչ գնում են բոլորը։ Բայց շամպուն գնելիս կարեւոր է ոչ թե գինը, այլ նրա բաղադրությունը եւ միշտ չէ, որ թանկ միջոցը լավն է լինում։

Մասնագետները խորհուրդ են տալիս գնել նուրբ եւ մեղմ ազդեցություն ունեցող շամպուններ եւ մշտապես բնական յուղերով սնուցել մազերը։

Մազերը պետք է կտրել վեց ամիսը մեկ անգամ

Չնայած տարածված կարծիք կա, որ մազերը պետք է վեց ամիսը մեկ անգամ կտրել, բայց եթե մազերը առողջ են, ճյուղավորված չեն, ապա մասնագետները պնդում են, որ կարելի է վարսահարդարին դիմել տարեկան երկու անգամ։  

Բայց եթե մազերի ծայրերը ճյուղավորված են, ապա պետք չէ թողնել, որ այս գործընթացը շարունակվի, քանի որ արդյունքում շատ ավելի երկար մազեր պետք է կտրել՝ վնասված մազերից ազատվելու համար։

Մազերը պարբերաբար կտրելով՝ դրանք ավելի ամուր ու դիմացկուն են դառնում

Եթե ձեր մազերն այնքան էլ ուղիղ չեն, ապա մշտապես կտրելը կարող է փարթամ տեսք հաղորդել դրանց։ Բայց շատ կարեւոր է, թե ինչպես է դա կատարվում։ Մասնագետները նշում են, որ  այս պարագայում մազերը պետք է կտրել չոր վիճակում, հակառակ դեպքում սխալվելու եւ ավելի երկար մազեր կտրելու հավանականությունը մեծանում է։

Գանգուր մազերը պետք է ավելի կարճ կտրել

Եթե գանգուր մազեր ունեք, ապա դրանք անպայման պետք է կարճ լինեն, քանի որ այսպես դրանք շատ ավելի է հեշտ է սանրել եւ խնամել։ Սակայն եթե համապատասխան ու ճիշտ միջոցներ օգտագործեք, ապա գանգուր մազերը կտրելու կարիք չի լինի։

Ամեն օր մազերը լվանալը վնասակար է

Եթե մազերը վարսահարդարիչով չեք հարդարում, չեք գանգրացնում եւ չեք փաթաթում, ապա ամեն օր մազերը լվանալն այնքան էլ վնասակար չէ. թույլ շամպունը  եւ մազերի համար նախատեսված հատուկ յուղերը չեն կարող ոչ մի բացասական հետեւանք ունենալ մազեր վրա։

Մազերի ծայրերը կտրելը նպաստում է դրանց արագ աճին

Մազերի ծայրերը հաճախ կտրելը կարող է միայն մեկ ազդեցություն ունենալ՝ առողջ եւ գեղեցիկ արտաքին տեսք հաղորդել։ Իսկ այն, որ մազերը հաճախ կտրելը կարող է նպաստել դրանց արագ աճին, պարզապես առասպել է։

Մազերը հաճախ սանրելը օգտակար է

Իրականում մազերը հաճախ սանրելը շատ վտանգավոր է, քանի որ մեծանում է մազերը վնասելու հավանականությունը։ Հետեւաբար, եթե ձեր մազերն այնքան էլ ամուր ու դիմացկուն չեն, ապա ավելի լավ կլինի հաճախ չսանրել, այլ ձեռքերով գլխամաշկը մերսել. այսպես դուք նաեւ կխթանեք արյան շրջանառությունը։

Չոր շամպունը հիանալի այլընտրանք է

Սա նույնպես չի համապատասխանում իրականությանը, քանի որ չոր շամպունն ակնթարթային ազդեցություն կարող է ունենալ մազերի վրա, եւ այն ամբողջությամբ չի մաքրում գլխամաշկը։ Եթե ուրիշ այլընտրանքային տարբերակ չկա, ապա կարող եք օգտագործել չոր շամպուն, բայց պետք չէ կանոնավոր կերպով կիրառել այն, քանի որ ոչ մի բան չի կարող փոխարինել մազերը լվանալուն։

Հետևեք NEWS.am STYLE-ին Facebook-ում, Twitter-ում և Instagram-ում