Միխայիլ Շուֆուտինսկին ժամանեց Հայաստան

Տիհանա Vibes. Ընկերները, սեքսը, շաուրման. իսկ ձեզ ի՞նչն է երջանկացնում

Ի՞նչ ակնկալիքներ ունեն երեւանցիները «Եվրատեսիլում» Լադանիվայի մասնակցությունից

«Օսկար 2024». Լավագույնները, «ամենամերկը», հմայիչ Քենն ու մյուս հիշարժան պահերը

Տիհանա Vibes. Իսկ դուք պատրա՞ստ եք ձեր կնոջ համար այսպիսի «քննություն» հանձնել

«Մենչի վերջը» ստենդափի պրեմիերան, հայտնի հյուրերն ու գլխավոր «մեսիջը»

Տիհանա Vibes. մի քանի շոթ ու դեսից–դենից զրույց Վաչե Երիցյանի հետ

POP NEWS. Շաբաթվա իրադարձությունները` մեկ տողով

«Բարի օր»՝ տաքսիստ Հենդոյի հետ. Մհեր Մխիթարյանի հայտնի կերպարի մասին ֆիլմի պրեմիերան ու կարմիր գորգը

Տիհանա Vibes. Ո՞վ է Նեմրայում ամենաcute-ն ու ամենաsexy-ն

Տիհանա Vibes Արսեն Գրիգորյանի հետ. Ընկերուհի չունեմ, ժամանակ չունեմ

Տիհանա Vibes. Իսկ դուք կկարողանայի՞ք պատասխանել այս հարցերին

Pop NEWS. Շաբաթվա ամենաքննարկված իրադարձությունները

Սիրո տոնը՝ Սիրուշոյի հետ. բացառիկ կադրեր՝ երգչուհու համերգից, որի տոմսերն անմիջապես սպառվել էին

Տիհանա Vibes. փեսացուն հյուսիսից եւ Տրնդեզի խարույկի բոցերը

Kinodaran-ի՝ մեծ աղմուկ հանած «Սուրբը» սերիալը նոր իրականություն է սահմանում Հայաստանում

«2024-ին, վերջապես, կամուսնանանք». Գևորգ Մկրտչյան

«Վիշապի լեգենդը» շքեղ շոուով «Երեւան պարկում» բացվեց ընդարձակ սահադաշտը

Արման Նշանյան. «Կցանկանայի կյանքում գոնե մեկ անգամ շատ սիրել»

22:25, 4 նոյեմբերի

Դերասան եւ երգիչ Արման Նշանյանը բավական արտասովոր անձնավորություն է: Նրա հետ NEWS.am STYLE-ի հարցազրույցը նույնպես հետաքրքիր եւ ինքնատիպ է ստացվել:

 

Եթե հրաշագործ լինեիք, ի՞ նչ կանեիք:

Ոչ մի բան, քանի որ Աստծուց մեծ հրաշագործ չկա:  Եթե անհրաժեշտ լիներ մի բան անել, ապա հենց Նա կաներ:

Ունե՞ ք այնպիսի երազանք, որին դեռեւս չեք հասել:

Կան օպերային դերեր, որոնք դեռ չեմ երգել, բայց ցանկանում եմ: Նաեւ ցանկանում եմ աշխատել համաշխարհային ռեժիսորների հետ եւ ֆիլմարվեստում, եւ թատրոնում, օրինակ` Մարտին Սկորսեզեի հետ: Ցանկություն կա երգել Տրավիադա օպերայում՝ Ալֆրեդոյի, Լաֆրենի, Ռուդոլֆի դերերում:

Իսկ ի՞ նչն է խանգարում այդ ամենին հասնել:

Միայն պայմանները:

Գալիս է մի պահ, երբ արվեստագետն իրեն սպառում է: Համաձա՞յն եք այս մտքի հետ:

Դրա մասին լսել եմ, բայց չեմ հավատում: Եթե ճիշտ աշխատես, ոչ մի խնդիր չի լինի: Տատիկս 84 տարեկան է, բայց երգում է 18 տարեկանի նման:

Այսօր Հայաստանի գրեթե բոլոր երիտասարդները ցանկանում են սովորել եւ աշխատել Ամերիկայում: Իսկ Դուք այդ ամենը թողեցիք ու եկաք Հայաստան: Ինչո՞ւ:

Ես ցանկանում էի օպերային աշխարհ մուտք գործել, իսկ դրա համար պետք է սովորել ու շատ լավ սովորել: Դրա համար էլ Հայաստան եկա: Ես երգիչ եմ դարձել Երեւանի Կոնսերվատորիայի շնորհիվ:

Իսկ արտերկրում սովորելու հնարավորություններն ավելի մեծ չէի՞ն:

Միշտ չէ, որ դրսում լավ է: Ես եղել եմ արտասահմանում եւ շատ լավ գիտեմ այնտեղի կյանքի համը: Հայաստանում շատ ավելի լավ մասնագետներ կան: Եթե մեր սոցիալական վիճակը ծանր է, դեռ չի նշանակում, որ մեր արվեստագետները թույլ են: Եթե մեր բժիշկները չունեն լավ սարքավորումներ, չի նշանակում, որ նրանք վատ բժիշկ են:

Իսկ Ձեր սովորածն ուրիշներին փոխանցելու ցանկություն չունե՞ք:

Ինձ համար դասավանդելը բոլորովին այլ մասնագիտություն է: Եթե լավ ես երգում, չի նշանակում, որ կկարողանաս նաեւ լավ ուսուցիչ լինել: Ցավոք, հիմա շատերը հենց այդպես էլ անում են: Դասավանդողն իր աշակերտի համար պետք է լինի առաջնորդ ամբողջ կյանքում: Թեեւ ես դասավանդման փորձ ունեմ: 2004 2005թ.թ. դասավանդել եմ թատերական ինստուտում, Սոս Սարգսյանի կուրսում: Աշակերտ եմ ունեցել նաեւ Ամերիկայում:

Մի անգամ ասել եք, որ բեմը Ձեզ համար խորան է: Այդ դեպքում ի՞նչ է կյանքը:

Կյանքը դպրոց է: Եվ ես ամեն օր ինձ նորովի եմ ճանաչում ու բացահայտում:

Իսկ այսօր ի՞նչ բացահայտեցիք Ձեր մեջ:

Պետք է միշտ քաղաքավարի լինել մարդկանց հետ:

Դերասան ծնվե՞լ եք, թե՞ դարձել:

Դերասան ծնվում են, չեն դառնում: Եվ, առհասարակ, բոլոր ոլորտների մասնագետներն էլ ծնվում են այդպիսին, հետո կատարելագործվում են, բայց ոչ թե դառնում: Դերասանի մասնագիտությունը նման է բժշկի մասնագիտությանը: Բժիշկը մարմին է բուժում, մենք` հոգի: Եթե հանդիսատեսը հավատա իմ կերպարին, ուրախություն ապրի կամ հուզվի, անհանգստանա, ուրեմն ես համարում եմ կերպարս ստացված: Հենց դրանից եմ ես մեծ բավարարվածություն ստանում, որը հնարավոր չէ գտնել փառքի կամ փողի մեջ:

Ձեզ հաջողակ մարդ համարո՞ւմ եք:

Երբեմն` այո, երբեմն` ոչ: Հենց մտածում եմ՝ հաջողակ եմ, սկսում եմ նաեւ մտածել, թե ինչեր դեռեւս կարող էի արած լինել եւ չեմ արել: Եվ այդ ժամանակ սկսում եմ վախենալ, արդյո՞ք շնորհքս չեմ վատնում դեսուդեն:

Եթե հասկանայիք վրձնի լեզուն, ի՞նչ կնկարեիք:

Իմ երկրորդ կեսին կնկարեի, բայց թե ինչպիսին կպատկերեի, չեմ կարող ասել:

Ասում են՝ տղամարդու համար հավատարմությունը նույնն է, ինչ վագրի համար՝ վանդակը:

Մենք` տղամարդիկս, ընդունել ենք դա որպես փաստ, որպեսզի հեշտ ապրենք, բայց եթե տղամարդը կարողանում է դավաճանել իր կնոջը, այսինքն՝ իր ընտրությունը, ուրեմն նա ամեն ինչ էլ ու ամեն մարդու էլ ունակ է դավաճանել:

Իսկ ի՞նչ կասեք հաշվարկով ամուսնության մասին:

Այսօր գրեթե բոլորն էլ ամուսնանում են հաշվարկով: Եթե դիմացինիդ ընտրում ես, որովհետեւ խելացի, գեղեցիկ է, կարող է լավ մայր լինել, ուրեմն էլի հաշվարկ ես անում:

Կինը կարո՞ղ է փոխել տղամարդուն:

Չեմ կարծում, որ ինչ-որ մեկը կարողանա փոխել տղամարդուն: Պարզապես կինը տղամարդու մեջ կարող է նոր բաներ արթնացնել:

Գիշե՞ր, թե՞ ցերեկ:

Իհարկե՝ գիշեր:

 

Խոսակցություններ կան, որ այս տարի Եվրատեսիլում Դուք եք ներկայացնելու Հայաստանը:

Առաջարկ դեռեւս չեմ ստացել: Ես այդպիսի մեծ մրցույթների կողմակից չեմ, բայց եթե պետությունը գտնում է, որ դա ճիշտ քայլ է, ուրեմն ավելին է հասկանում այդ ամենից: Ես կողմնակից եմ, որ այս տարի Հայաստանը, օրինակ, ներկայացնի Ռենկարնացիան:

Եթե գիրք գրեիք, ինչպե՞ս կանվանեիք այն:

(Երկար մտածելուց հետո)  «Որովհետեւ»:

Սիրե՞լ, թե՞ սիրվել:

Սիրել: Կուզեի իմ կյանքում գոնե մեկ անգամ շատ սիրել: Թեեւ մտածում եմ, որ չեմ էլ սիրվել, այլ կարծել եմ, թե ինձ սիրել են, որովհետեւ իրական սերը ծնվում է երկու կողմից:

Հոգով դերասա՞ն եք, թե՞ երգիչ:

Ինձ համար երգիչը դերասան է, ու եթե ընտրության առջեւ կանգնել՝ կինո՞, թե՞ բեմ, կընտրեի բեմը, քանի որ ֆիլմն ինձ համար սուտ արվեստ է: Կան ֆիլմեր, որոնք որպես դրամատուրգիա են հանճարեղ, բայց դերասանական արվեստը շատ հզոր պետք է լինի, որպեսզի կարողանա բավարարել: Իսկ եթե երգ կամ թատրոն, ապա՝ օպերա:

Կա՞ մի ֆիլմ, որտեղ ցանկություն ունեք նկարահանվելու:

Այո, շատ են, բայց այդ ֆիլմերն այդքան էլ ճանաչված չեն, որովետեւ կոմերցիոն չեն:

Ապագայի ի՞նչ ծրագրեր ունեք:

Հիմա Դրամատիկական թատրոնում բեմադրում ենք մի ներկայացում` Նիլ Սայմոնի «Կենտ զույգ» կատակերգությունը: Ներկայացումը երկու տղամարդու մասին Է: Այն բեմադրել եմ ես, գլխավոր դերում ես ու Սոս Ջանիբեկյանն ենք, ինչպես նաեւ Ստեփան Ղամբարյանը, Լեռնիկ Հարությունյանը, Գագիկ Մադոյանը, Լյուսի Հայրապետյանն ու Մարիամ Հայրապետյանը: Ներկայացման պրեմիերան կկայանա նոյեմբերի 14-ին: Հիմա երկու երգի ուղղությամբ եմ աշխատում, որոնք ձայնագրության գործընթացում են: Երկուսն էլ տեսահոլովակ են ունենալու: Ցանկություն ունեմ նաեւ մենահամերգ ունենալ գարնանը, որն առավել վաղ էր նախատեսվում, սակայն բեմադրություններիս պատճառով հետաձգվեց:

Նարե Մովսիսյան


Հետևեք NEWS.am STYLE-ին Facebook-ում, Twitter-ում և Instagram-ում





  • Այս թեմայով



@NEWSam_STYLE

  • Արխիվ
Որոնել