• Մարդկանց վաճառք, սեռական ոտնձգություններ․ Ար Քելին դատապարտվել է 30 տարվա ազատազրկման

  Տարիների անպատժելիություն․․․

• HBO-ն պաշտոնապես թողարկել է «Իսկական դետեկտիվ» սերիալի 4-րդ եթերաշրջանը

  Հստակ ժամկետը չի նշվում․․․

• Սանդրա Բուլոկի նախկին ամուսինը հարաբերություններն օրինականացրել է մեծահասակների համար նախատեսված ֆիլմերի աստղի հետ

  Սիրահարները երդումներ են փոխանակել․․․

• Հայտնի են «Շտապօգնություն» սերիալի աստղի մահվան հնարավոր պատճառները

  Մահացած աստղի ընտանիքը պատմել է․․․

• Քարդի Բին մերկ լուսանկարով ազդարարել է Քանյե Ուեսթի հետ համատեղ տեսահոլովակը

  Նոր տեսահոլովակ․․․

• «Կոտրված լապտերների փողոցը» սերիալի աստղը պատմել է ծանր հիվանդության դեմ պայքարի մասին

  Դերասանուհին չի հստակեցրել․․․

• Վուդի Ալենն ակնարկել է ռեժիսորական կարիերան ավարտելու մասին

  Նույնը չէ․․․

• Արիանա Գրանդեի տուն ներխուժել է տղամարդ, որը մինչ այդ սպառնացել էր սպանել նրան

  Մեղադրանք է առաջադրվել․․․

Կանադացի հայտնի երգիչ Գարուն մի քանի օր է` Երեւանում է, իսկ այսօր` ապրիլի 21-ին, հանդես եկավ խոստացված մենահամերգով, որը տեղի ունեցավ Կարեն Դեմիրճյանի անվան մարզահամերգային համալիրում:

«Շատ էի կարոտել Հայաստանն ու ձեզ, հուսով եմ` այսօր միասին մի լավ կխենթանանք»,-բեմից ասաց երգիչն ու կատարեց իր խոստումը.

Սա Garou-ի երկրորդ այցն է Հայաստան. իր առաջին երեւանյան համերգը աշխարհահռչակ արտիստն ունեցել է 2009 թ-ին, եւ ինչպես խոստովանեց, կարոտել էր հայ հանդիսատեսին ու Երեւանը:

Garou-ն եւս մեկ անգամ անդրադարձավ խոսակցություններին, թե ինքը հայ է. կրկին հերքեց դրանք ու հավատացրեց` հայ չլինելը չի խանգարում, որ ամբողջ հոգով ու սրտով սիրի Հայաստանը:

Երգչի համերգն անցավ լեփ-լեցուն դահլիճում, նա հիմնականում հնչեցրեց ֆրանսերեն երգեր, սակայն լեզվական անջրպետը չխանգարեց Garou-ի հայ երկրպագուներին, որ յուրաքանչյուր երգի ժամանակ ձայնակցեն ու ոգեւորեն արտիստին, որն էլ իր հերթին կիսվեց անկեղծ պատմություններով՝ օրինակ այն մասին, թե որտեղ ու ինչպես է առաջացել համերգ ունենալու գաղափարը.

«Համերգն, իրականում, փոքր-ինչ տարբերվում է իր սկզբնական ծրագրից, քանի որ պանդեմիան փոխել է յուրաքանչյուրիս, մեր փորձերն, օրինակ, անցել են քաղաքից դուրս՝ մեր տան մոտակայքի ախոռում (ծիծաղում է), եւ բնության գեղեցիկ ձայների ազդեցությամբ, այն ավելի ֆոլք էլեմենտներ է ներառում, քան ես սովոր էի օգտագործել, բայց կարծում եմ` դա վատ չէ, մարդկանց, կարծես, դուր է գալիս: Համերգը բավական ինքնաբուխ է ստացվել: Մենք, պարզապես, սկսեցինք նվագել ու անգամ չէի էլ մտածում, որ այն, ինչ անում ենք, վերածվելու է շոուի, ինչն էլ, կարծում եմ, այս համերգի հեքիաթային կողմն է»:

Արտիստն իր հայտնի հիթերից բացի կատարեց նաեւ cover-ներ` Շառլ Ազնավուրից, Միշել Լեգրանից, Ջո Դասենից եւ այլ լեգենդների երգացանկից: Ինչպես համերգին նախորդող ասուլիսի ժամանակ էր խոստացել, բեմում եղան անսպասելի իմպրովիզներ, ընդհուպ մինչեւ նոր ու, նույնիսկ, անավարտ երգերի պրեմիերաներ: Նա հնչեցրեց նաեւ իր համար առանձնահատուկ երգ, որը, ինչպես կատակով նշում է, «գողացել է» իր 20-ամյա աղջկանից: Վերջինն այն գրել է, երբ հանրահռչակ հայրիկն իրեն երաժշտական գործիք է նվիրել, ու թեեւ Garou-ի խոսքով՝ դուստրը երբեք չի ձգտել սովորել նվագել, անչափ ուրախացել է իր անակնկալից ու սկսել ոչ միայն նվագել, այլեւ ստեղծագործել:

Garou-ի համերգը տեւեց մոտ երկու ժամ: Այն իրականություն դարձավ «Երեւանյան հեռանկարներ» ծրագրի շրջանակում: Երեւանում երգիչը հանդես է գալու եւս մեկ մենահամերգով, որը նախատեսված է վաղը՝ ապրիլի 22-ին, Կարեն Դեմիրճյանի անվան մարզահամերգային համալիրում:

Посмотреть эту публикацию в Instagram

Публикация от NEWS.am STYLE (@style.news.am)

Սյունե Առաքելյան

Լուսանկարները՝ Արսեն Սարգսյանի

Հետևեք NEWS.am STYLE-ին Facebook-ում, Twitter-ում և Instagram-ում