Ռուս երգիչ Միշա Մարվինը լքել է Black Star լեյբլը։ Այս մասին նա հայտնել է մայիսի 4-ին Instagram-ի իր էջում։

Ինչպես հայտնում է Starhit-ը՝ վկայակոչելով երաժշտին մոտ կանգնած աղբյուրները, երգիչը զրկվել է ոչ միայն ստեղծագործություններից, այլեւ բեմական անունից։ Միգուցե հիմա նա կօգտագործի իր իսկական անունը՝ Միխայիլ Ռեշետնյակ։

«Այո, իմ անունն ու իմ երգերն ինձ չեն պատկանում։ Բայց կա այն, ինչ կմնա ինձ հետ ընդմիշտ՝ դուք եք։ Իսկ Ձեզ համար ես կգրեմ շատ նոր ստեղծագործություններ, մենք լավ ժամանակ կանցկացնենք ապագա համերգների ժամանակ», - Միշա Մարվինը դիմել է իր երկրպագուներին։

Նա նշել է, որ լեյբլի հետ համագործակցել է վերջին յոթ տարիների ընթացքում։ Երաժիշտը շնորհակալություն է  հայտնել բոլորին, ով իրեն օգնել է ծրագրի զարգացման համար։ Նրա մենեջեր Անաստասիա Շլինչակի խոսքերով՝ դուրս գալու որոշումը Մարվինն ընդունել է ավելի վաղ, ինչի հետ կապված էլ նա արտիստը երկար ժամանակ չի հրապարակել նոր երգեր եւ սպասել է պայմանագրի ավարտին։

Հետևեք NEWS.am STYLE-ին Facebook-ում, Twitter-ում և Instagram-ում