Եթե աչքերը հոգու հայելին են, որի մեջ կարելի է տեսնել մարդու մտքերն ու մտադրությունները, ապա շուրթերը զուգընկերոջ հուզականության եւ զգայական ներուժի արտացոլումն են: Բացի այդ, գիտնականները պնդում են, որ համբուjրները ինտիմ հարաբերությունների յուրօրինակ չափիչ են, որը կարող է նշել մարդու բնավորության որոշ գծեր, սովորույթներ եւ գաղտնի ցանկություններ:
Եթե ձեր զուգընկերը բավականին կոպիտ է համբուրվում, լեզվի ռիթմիկ-միանման շարժումներով եւ բաց աչքերով, դա վկայում է կյանքի նկատմամբ նրա չափազանց լուրջ վերաբերմունքի մասին: Նա իրատես է, այդ պատճառով մարդկանց մեջ ավելի շատ գնահատում է չափավորությունը, կայունությունը եւ հույզերն ու զգացմունքները ժամանակին զսպելու կարողությունը: Նրա հետ հանգիստ կլինի եւ իրոք հուսալի: Սակայն նրանից երեւակայության հրավառություն մի սպասեք. իրատեսներն իրենց բնավորության բերումով դրան ի վիճակի չեն:
Տղամարդը (կամ կինը) համբուրվում է շատ նուրբ եւ զգայականորեն, փակ աչքերով եւ ձեզ այնպես գրկելով, ասես հին ծաղկամա՞ն եք: Ձեր առաջ ռոմանտիկ մարդ է: Այդպիսի մարդը համբուրվելիս մեկուսանում է շուրջը տեղի ունեցող ամեն ինչից, լիովին տրվելով սիրային երեւակայությանը: Ռոմանտիկը շատ ուշադիր, քնքուշ եւ հոգատար, բայց երբեմն մի քիչ անվճռական եւ անինքնավստահ զուգընկեր կլինի: Նա չի կարողանա կրքերի հրաբուխ նվիրել, բայց քնքշության ծով` հարյուր տոկոսով: Գլխավորը, երբեք մի հիասթափեցրեք նրան:
Համբուրվելիս ձեր զուգընկերն ամուր գրկո՞ւմ է ձեզ, ինչպես գիշատիչը զոհին: Նրա համբույրներն ակտիվ են, տիրական, կտրուկ եւ գրեթե միշտ հուսահատեցնո՞ւմ են ձեզ: Ուրեմն ձեր տղամարդը վառ արտահայտված սեփականատեր է: Նրան օդին նման անհրաժեշտ է քնքուշ հենարան եւ էլ ավելի հուսալի թիկունք, ինչպես նաեւ իր կրքի առարկային լիովին տիրապետելու զգացումը: Եթե դուք կարողանաք այդ ամենը երաշխավորել նրան (ցանկալի է` գրավոր), ամեն ինչ կստացվի:
Եթե ձեր զուգընկերոջն ակնհայտ հաճույք է պատճառում մարդկանց առաջ համբուրվելը, ընդ որում` մի քիչ չափազանցված եւ դերասանական կրքով, նա ցուցամոլ է: Նման մարդկանց համար շատ կարեւոր է զգալ, որ շրջապատում բոլորը նախանձում են իրենց. դա շոյում է նրանց հիվանդ ինքնասիրությունը եւ բուժում է բազմաթիվ բարդույթները: Սակայն երբեմն նման պահվածքը վկայում է ցուցամոլների ոչ այնքան վատ բնավորության, որքան ամաչկոտության եւ միայնության մասին, որից նրանք տառապել են անցյալում:
Յուրաքանչյուր համբույրից հետո ձեր զուգընկերը փախչում է բերանը ողողելու, ատամները լվանալու կամ ծամո՞ն է վերցնում: Ձեր համբույրները երբեք 10 վայրկյանից ավելի չեն տեւում եւ դժվա՞ր է դրանք հասուն համբույր կոչելը: Ձեզ չի կարելի նախանձել, որովհետեւ նա ձեւամոլ է: Նման մարդիկ պեդանտ են, զզվող եւ լիովին վստահ են, որ «սեր անելը» հակաէսթետիկական է: Սակայն իրականում մաքրամոլի դիմակի տակ ձեւամոլները սովորաբար թաքցնում են ուրիշի ապրումներն ընկալելու իրենց անկարողությունը եւ սեփական անձին չափազանցված վերաբերմունքը:
Իսկ եթե դուք ունիկումի հետ եք հանդիպում, որն ընդհանրապես չի սիրում համբուրվել եւ դա անում է ակնհայտ տհաճությամբ, ուրեմն անուղղելի ալարկոտի եք սիրահարվել: Նման մարդիկ սովոր չեն լարվել, այդ թվում` զգացմունքները դրսեւորելու առումով: Նրանք սիրում են կյանքը եւ նրա ուրախությունները ուրիշներից ոչ պակաս, բայց երազում են հաճույք ստանալ, առանց իրենց նեղություն տալու, ծանրաբեռնելու: Հրաշքներ իհարկե պատահում են եւ նույնիսկ ալարկոտները ինչ-որ պահի կարող են ինչ-որ բան անել, բայց մեր խորհուրդն է` փախեք:
Աղբյուրը` Kleo
Հետևեք NEWS.am STYLE-ին Facebook-ում, Twitter-ում և Instagram-ում
23:18, 6 մայիսի
Daily Express-ը՝ Կիմ Չեն Ընի սեռական կյանքի մասին. 25 կույսերից բաղկացած «Հաճույքների ջոկատ» եւ ուղեկցորդուհիներով լի գնացք22:20, 6 մայիսի
Իտալական ծովափնյա քաղաքը նախատեսում է «մերկ» հարսանիքներ կազմակերպել20:33, 6 մայիսի
Snob. Դիլիջանը, թերեւս, Հայաստանի ամենահանգիստ քաղաքն է19:46, 6 մայիսի
«Imperial Orchestra»-ն Երեւանին զգացմունքների կայսրություն կնվիրի16:25, 6 մայիսի
Պիեռ Յովանովիչը եւ Քրիստիան Լուբուտենը ստեղծել են Red-Bottom աթոռների յուրահատուկ հավաքածու15:06, 6 մայիսի
Քորթնի Քարդաշյանը խոստովանել է, որ ծննդաբերությունից երեք ամիս անց «պատրաստ չի եղել» կիպ զգեստով ֆոտոշարքին14:20, 6 մայիսի
Զենդայան, Ջենիֆեր Լոպեսը եւ Սիեննա Միլլերը՝ Met Gala-ին ընդառաջ կազմակերպված ընթրիքին13:55, 6 մայիսի
Միխայիլ Գալուստյանը 14 կգ նիհարել է՝ հրաժարվելով խորովածից13:16, 6 մայիսի
Նիկոլաս Քեյջի որդուն մեղադրել են սեփական մորը ծեծելու մեջ12:33, 6 մայիսի
Իտալացի մոդելը պնդում է, որ իրեն հեռացրել են 2024 թ-ի Met Gala-ում աշխատանքից, քանի որ ինքն արտաքնապես գերազանցել է Քայլի Ջեններին11:23, 6 մայիսի
Բեյոնսեն ցուցադրել է իր համարձակ կերպարը՝ մերկացնելով հետույքը10:59, 6 մայիսի
Մադոննան պատմություն է կերտում՝ Ռիոյում իր վերջին համերգին ներգրավելով 1,6 միլիոն երկրպագուների