Օֆին խոսել է երեւանյան այցի, հոր մահվան մասին եւ նկարահանվել News.am Style-ի ֆոտոշարքում

ՇոկTok. «Թատերականի ժողովուրդն ինձ ընդհանրապես չի սիրում». Դիանա Մխիթարյան

ՇոկTok. «Ես ու եղբայրս այնպես ենք արել, որ ոչ մայրս միայնակ լինի, ոչ` տատիկս». Գևորգ Մկրտչյան

«Ոսկե ծիրան» 19-րդ միջազգային կինոփառատոնի պաշտոնական բացումն ու կարմիր գորգը

Դեն Բիլզերյանը Երեւանում է․ Պոկերի արքան հանդիպել է երկրպագուներին ու ներկայացրել իր գիրքը

ՇոկTok. «Տղաների կողմից բացասական էր ընդունվում, որ ասում էի «привет пупсики»». Էվելինա Խանոյան

ՇոկTok. «Հայկական տիկտոկում վատ կոնտենտն ավելի շատ է, քան` լավը». Անդրանիկ

ՇոկTok. «Բոլորը մտածում էին, թե հղի եմ». Օվսաննա Խաչատրյան

«Ժառանգ80» նախագծի նկարահանման մեկնարկը տրված է

ՇոկTok. «Բուքմեյքերների գովազդ չեմ անի». Ռաֆո Համբարձումյանը` բլոգային կյանքի, տիկտոկերներին բլոկելու մասին

Ամերիաբանկի «Դարձիր փոփոխությունը» մրցույթի հաղթող թիմը ստացավ 3 մլն ՀՀ դրամ մրցանակ

ՇոկTok. Մագա Հարությունյանը` միլիոններ աշխատելու, սիրելիից բաժանվելու եւ Քինգ Ռուզիի հետ կոնֆլիկտի մասին

ՇոկTok. Անյա Սահակյանը` տղամարդու վրա ձեռք բարձրացնելու, ոստիկանություն ընկնելու, բաց տեսարաններում նկարահանվելու մասին

«Նոյը եւ՛ ինձ է նման, եւ՛ ամուսնուս». Լյուսի

ՇոկTok. «Իմ բոլոր ուզողները հիմնականում «ճիշտ աբրած տղերք են»». Ջուլիաննա Հարությունյան (julianna_loo_)

«Սիրո հասակ». մարտի 18-ից կմեկնարկի նոր հումորային նախագիծը

ՇոկTok. «Երբ ինձ հարցնում են, կուզեիր բոյով լինել, ասում եմ ոչ». Աստվածուհի (Ելենա Վարդերեսյան)

Նոր արկածներով եւ փորձություններով հումորային սիթքոմ. «Հյուրերն անցյալից»

Գեղեցիկ մի ծնվիր․ Հոլիվուդի ամենապայծառ 4 շիկահերների ողբերգական մահը

22:02, 19 հունիսի

Մերիլին Մոնրո

36 տարեկան (1926-1962)

Մերիլին-Մոնրո.jpg (162 KB)

Մերիլին Մոնրոն ընդմիշտ մտել է պատմության մեջ որպես համաշխարհային սեքս-խորհրդանիշ: Սակայն կենսուրախ շիկահերի եւ միամիտ կոկետուհու կերպարի տակ թաքնված էր շատ դժվար ճակատագիր։ Նորմա Ջին Մորտենսոնը (այդպես էր Մերլինի իսկական անունը) ծնվել է 1926 թվականի հունիսի 1-ին Լոս Անջելեսում։ Ապագա աստղի մայրը նրան տվել է հարուստ ընտանիքի խնամքին՝ կրթություն ստանալու համար, իսկ հետո ամբողջությամբ հանձնել է մանկատուն։ Ինը տարեկանում Մոնրոն ենթարկվել է սեռական բռնության, ինչը չէր կարող չանդրադառնալ նրա ճակատագրի վրա։ Գեղեցկուհին այդպես էլ չկարողացավ դասավորել իր անձնական կյանքը. բացի բազմաթիվ սիրավեպերից, նա ամուսնացած է եղել երեք անգամ եւ երբեք երեխաներ չի ունեցել, թեեւ շատ էր ուզում վայելել ընտանեկան երջանկությունը: Փախչելով ներքին մենակությունից՝ Մոնրոն սկսեց չարաշահել հանգստացնող դեղերի օգտագործումը։ 1962 թվականի օգոստոսի 4-ի լույս 5-ի գիշերը Լոս Անջելեսի իր տանը հայտնաբերվել է աստղի դին։ Հետաքննությունը պարզել է, որ Մերլինը թունավորվել է դեղահաբերից։

Ջին Հարլոու

26 տարեկան (1911-1937)

Ջին Հարլոու.jpg (151 KB)

Ջին Հարլոուն 30-ականների Ամերիկայի ամենահայտնի աղջիկն էր եւ հոլիվուդյան առաջին դիվան, ում սկսել են անվանել «պլատինե շիկահեր»։ Հենց նա էլ տարիներ անց ձգտեց ընդօրինակել Մերիլին Մոնրոյին եւ Ջեյն Մենսֆիլդին, բայց ողբերգական ճակատագրով գեղեցկուհին ընդմիշտ մնաց իր տեսակի մեջ միակը։ Չնայած խելահեղ ժողովրդականությանը եւ փայլուն կարիերային, աղջկա անձնական կյանքը չի դասավորվել։ 26 տարեկանում նա հասցրել էր ամուսնանալ երեք անգամ, իսկ նրա երկրորդ ամուսինը՝ պրոդյուսեր Փոլ Բերնը, ինքնասպան է եղել երկու ամիս տեւած ընտանեկան կյանքից հետո: Երբ Ջին Հարլոուն իր փառքի գագաթնակետին էր, հիվանդացավ գրիպով, որը թուլացրեց նրա օրգանիզմը եւ առաջացրեց երիկամների հետ կապված խնդիրներ: 1937 թվականին նա հիվանդացել է հենց «Սարատոգա» ֆիլմի նկարահանումների ժամանակ, իսկ հոսպիտալացումից մի քանի օր անց աստղը մահացել է օրգանիզմի թունավորման պատճառով։

Ջեյն Մենսֆիլդ

34 տարեկան (1933-1967)

728x546_1_43e8252ab0678616fb4bc53dd228b444@819x614_0xac120003_14994959591612255630.jpg (121 KB)

Ջեյն Մենսֆիլդը 50-ականների շիկահեր սեքս խորհրդանիշ էր եւ համարվում էր Մերիլին Մոնրոյի գլխավոր մրցակիցը։ Էկրանին գեղեցկուհին խնամքով ստեղծել է հիմար շիկահերի կերպար, սակայն կյանքում նրան անլուրջ անվանել չէր կարելի։ Աստղը գիտեր հինգ լեզու, ջութակ էր նվագում, ուներ կատարյալ լսողություն եւ շատ բարձր IQ (գրեթե Ալբերտ Էյնշտեյնի նման): Իր կարիերայի ընթացքում նա արժանացել է «Ոսկե գլոբուս» մրցանակի, դարձել Բարբի տիկնիկի նախատիպը, ամուսնացել էր երեք անգամ եւ ուներ հինգ երեխա։ Ջեյնը մահացել է 1967 թվականին սարսափելի ավտովթարից։ Մեքենայում բացի իրենից եղել են նրա ընտրյալ Սեմ Բրոդինն ու երեք երեխաները։ Մեքենան, որով աստղը երթեւեկել է շատ արագ, մտել է բեռնատարի տակ եւ բառացիորեն թիթեղյա տարայի պես բացվել է։ Վթարից ողջ են մնացել միայ երեխաները, որոնք այդ պահին հանգիստ քնած են եղել։

Շերոն Թեյթ

26 տարեկան (1943-1969)

_тейт_1.jpg (130 KB)

Ամերիկացի դերասանուհի Շերոն Թեյթը մանկուց մասնակցել է գեղեցկության տարբեր մրցույթների եւ նախանձելի օրինաչափությամբ հայտնվել ամսագրերի շապիկներին։ 17 տարեկանում նա լրջորեն հետաքրքրվել է կինոյով եւ սկսել խաղալ հեռուստատեսային շոուների եւ սերիալների փոքր դրվագներում։ Նա իր առաջին գլխավոր դերը խաղացել է 1961 թվականին, որից հետո այդպես էլ չի հեռացել մեծ էկրաններից։ 25 տարեկանում աղջիկն ամուսնացել է ռեժիսոր Ռոման Պոլանսկիի հետ եւ թվում էր, թե սա նրա գլխապտույտ կարիերայի ու երջանիկ ընտանեկան կյանքի միայն սկիզբն է... Սակայն հարսանիքից մեկ տարի անց, այդ ժամանակ հղի աստղը, սպանվել է սեփական տանը՝ աղանդավորների բանդայի կողմից։ Հղի դերասանուհին աղաչել է խնայել իրեն հանուն չծնված երեխայի, սակայն ստացել է դանակի առնվազն 15 հարված։ Մարդասպանները շուտով հայտնաբերվել եւ դատապարտվել են։  

Աղբյուրը՝ GraziaMagazine

Լուսանկարները՝ GettyImages


Հետևեք NEWS.am STYLE-ին Facebook-ում, Twitter-ում և Instagram-ում





  • Այս թեմայով



@NEWSam_STYLE

  • Արխիվ
Որոնել
  • Հարցում
Հայաստանի ամենահայտնի տղամարդը
Նիկոլ Փաշինյան
Սերժ Թանկյան
Մկրտիչ Արզումանյան
Հայկ Մարության