1. Կյանքում` երգելով
Թող զարթուցիչի կտրուկ զանգի փոխարեն քեզ արթնացնի սիրելի մեղեդին: Լոգասենյակում քեզ գերաստղ պատկերացրու: Օրվա գերազանց սկիզբ է: Եթե հասարակական տրանսպորտով ես աշխատանքի գնում, մի մոռացիր ականջակալները, դրանք օգնում են խուսափել վեճերից: Գրասենյակում միացրու սիրելի հիթերով: Իսկ լիցքաթափող մեղեդիներն ավելի լավ է լսել տուն գնալիս, այսպես ասած` լարված աշխատանքային օրվանից հետո սթրեսը հանելու համար:
2. Որեւէ բույս պահիր
Քո մեջ պատասխանատվության զգացում զարգացնելիս քչից սկսիր: Գեղեցիկ, ոչ քմահաճ սենյակային բույսերը հենց այն են, ինչ պետք է: Մշտապես ծաղկող բեգոնիան ոչ միայն կհիշեցնի շոգ Բրազիլիայի մասին, որտեղից ծագում է, այլեւ հյուրասենյակի կամ գրասենյակի աշխատասեղանի արժանի զարդարանք կդառնա:
3. Գիտելիքը լույս է
Գրանցվիր անգլերենի դասընթացների կամ էլ սկսիր hand-made խմբակ այցելել: Վաղուց երազում ես որեւէ երաժշտական գործիք յուրացնել կամ էլ պարե՞լ սովորել: Ժամանակն է: Երազանքը հեռավոր դարակում պահելով` այն երբեք նպատակի չես վերածի:
4. Հավաքածու ստեղծիր
Մտածիր, թե ինչն է քեզ իրոք դուր գալիս: Գուցե քո մեջ վայրի հիացմունք են առաջացնում կենդանիների ճենապակե ֆիգուրները կամ էլ տարբեր երկրներից նկարազարդված ափսեները: Կարելի է հավաքել նույնիսկ սովորական բազմագույն կոճակներ եւ դրանցից ամբողջական կոլաժներ պատրաստել: Քեզ իսկական կոլեկցիոներ զգա, տանը քո փոքրիկ «Էրմիտաժը» ստեղծիր, որով կհպարտանաս ընկերներիդ առաջ: Շուտով նրանք իրենք կսկսեն քո հավաքածուի համար զվարճալի բաներ նվիրել:
5. Համեղ` ճաշակով
Ուշադրություն դարձրու, թե ինչպես ես սնվում: Սեղանի գեղեցիկ սպասքը ոչ միայն նպաստում է սնունդն ավելի լավ յուրացնելուն, այլեւ կանխարգելում է չափից շատ ուտելը: Գեղեցիկ ափսեներ գնիր, թեյի սպասք, անձեռոցիկի տուփեր, թեյը թրմելու ինքնատիպ տարա, եւ թող սննդի յուրաքանչյուր ընդունումը նրբին ճաշկերույթի վերածվի: Վերջ տուր հեռուստացույցի կամ համակարգչի դիմաց ուտելուն: Սիրելի տեսանյութի դիտումով տարված` դու չես նկատի, թե ինչպես գիշերվան ընդառաջ մի քանի ավելորդ կտոր կուլ կտաս:
6. Հիշողության օրացույց
Օրացույց պահիր: Հավանաբար մանուկ հասակում արդեն ունեցել ես այդպիսին, դրանում գրանցել ես քեզ համար ամենաթանկը: Ինչու այսօր նման ժամանակաչափ չպահես: Դա կարող է լինել սովորական տետր կամ էլեկտրոնային նոթատետր, եւ նույնիսկ քո պահարանի ներքին պատը, որի վրա կարելի է մարկերով գրել: Պատկերացնում ես, թե քո ընտանիքում աղջիկ հետնորդներին ինչ հնություն կփոխանցվի: Ոչ թե ընտանեկան մատանի, ամուսնական քող, այլ հիշողությունների ամբողջ պահարան:
7. Բարեգործությամբ զբաղվիր
Մենք բոլորս ամեն օր կարող ենք ինչ-որ մեկին օգնել, ամբողջ հարցը իրավիճակին վերաբերմունքն է: Կարելի է որդեգրել «ես ոչ մեկին պարտք չեմ» շահավետ դիրքորոշումը, բայց կարելի է նաեւ փոքր քայլ անել կարիքավորների ուղղությամբ: Կերակրիր սոված շանը, անցումում տատիկից ծաղկեփունջ գնիր, արյուն հանձնիր: Հավատա, բարի գործը միշտ վերադառնում է, իսկ այն զգացողությունը, որ երկրի վրա ինչ-որ մեկն իրեն ավելի տաք է զգում, անկրկնելի է:
8. Գույներ ավելացրու
Որքան ավելի վառ են շրջապատող գույները, այնքան ավելի վառ է կյանքը: Ամբողջ իմաստը գունային մանրամասներում է: Փիրուզագույն շարֆ, եղունգների վառ կարմիր լաք, դեղին պայուսակ... Ազատվիր զգեստապահարանում ձանձրալի մոխրագույնից եւ ներքին հարդարման հասարակ դարչնագույնից: Սենյակում սիրելի ծաղիկների լուսանկարներով շրջանակներ կախիր` Մալեւիչի քառակուսու գունագեղ այլընտրանք:
Հետևեք NEWS.am STYLE-ին Facebook-ում, Twitter-ում և Instagram-ում
15:04, 24 ապրիլի
«Երբ մենք հիշում ենք Հայոց ցեղասպանությունը, մենք երդվում ենք երբեք չմոռանալ պատմության դասերը»․ լիբանանահայ դիզայներ Գրիգոր Ջաբոտյան14:29, 24 ապրիլի
Լույս է տեսել Հաքան Սեքինելգինի «Հայոց ցեղասպանությունը եւ Թուրքիան. հանրային հիշողություն եւ ինստիտուցիոնալացված ժխտում» գիրքը13:03, 24 ապրիլի
«Եվրատեսիլ 2024»-ում Հայաստանը ներկայացնող «Լադանիվա» խմբի անդամները հարգանքի տուրք են մատուցել Հայոց ցեղասպանության զոհերի հիշատակին (ֆոտո)12:01, 24 ապրիլի
Մարգարիտա Սիմոնյանը պատմել է Հայոց ցեղասպանությունից փրկված իր նախնիների պատմությունը11:12, 24 ապրիլի
«24.04.2024 ից թող սկսվի Հայաստան-Արցախի վերածննդի հետհաշվարկը: Ես հավատում եմ». Նազենի Հովհաննիսյան10:04, 24 ապրիլի
Աշխարհը՝ Հայոց ցեղասպանության մասին. հայտնի մարդկանց հայտարարությունները՝ ողբերգության 109-րդ տարելիցի կապակցությամբ23:10, 23 ապրիլի
Rolex-ի հազվագյուտ ժամացույցը աճուրդում վաճառվել է ռեկորդային՝ 3,5 միլիոն դոլարով22:26, 23 ապրիլի
Գրավիչ կանայք տղամարդկանց ոգեշնչում են ասել ճշմարտությունը, իսկ կանանց՝ ստել21:19, 23 ապրիլի
Ֆարել Ուիլյամի առաջին թվային իրը՝ Louis Vuitton-ի հավաքածուից, արժե ավելի քան 8000 դոլար20:19, 23 ապրիլի
Նանուլը նշում է 14-ամյակը. երգչուհու տոնական ֆոտոշարքը19:25, 23 ապրիլի
Կոմպոզիտոր Շառլ Ազնավուր․ շանսոնյեի հարյուրամյակի առթիվ16:22, 23 ապրիլի
Դեւիդ Լինչը Salone del Mobile-ում ներկայացրել է «Մտորումների սենյակը» ինստալյացիան