• «Ցեղասպանությունը եղել է․ իմ մեծ տատն ու պապը զոհ են գնացել այդ սարսափելի ոճրագործությանը»․ Գեւ Օրկյան

  Բրիտանահայ երաժիշտ, կատակերգու Գեւ Օրկյանը Հայոց ցեղասպանության 109-րդ տարելիցի կապակցությամբ ինստագրամյան իր էջում գրել է․․․

• Վահե Բերբերյանը հրապարակել է Հայոց ցեղասպանության զոհ դարձած իր պապի միակ լուսանկարն ու խոսել իր խոստման մասին

  Դերասան, կատակերգու եւ գրող Վահե Բերբերյանը Instagram-ում հրապարակել է Հայոց ցեղասպանության զոհ դարձած իր պապի արխիվային լուսանկարը՝ նշելով, որ դա միակ հիշողությունն է, որ ունի նրանից...

• «Մենք ոգեկոչում ենք 1915 թվականին զոհված հայերի հիշատակը: Նրանց թվում են իմ նախնիները»․ ամերիկահայ դերասանուհի Դիանա Մեդիսոն

  Ամերիկահայ դերասանուհի, պրոդյուսեր Դիանա Մեդիսոնը Հայոց ցեղասպանության 109-րդ տարելիցի կապակցությամբ տեսանյութ է հրապարակել ինստագրամյան իր էջում...

• «Ուզում եմ հիշել իմ նախնիներին, ովքեր զոհվել են, եւ նրանց, ովքեր ողջ են մնացել»․ Սերժ Թանկյանի գրառումը՝ Հայոց ցեղասպանության 109-րդ տարելիցի կապակցությամբ

  Ամերիկահայ անվանի երաժիշտ, System of a Down-ի անդամ Սերժ Թանկյանը ոգեկոչել է 1915 թ-ի Հայոց ցեղասպանության զոհերի հիշատակը...

• «Այս ողբերգությունը նրա կյանքի անբաժան մասն է եղել»․ Քրիստինա Ազնավուրը արխիվային լուսանկարներ է հրապարակել Շառլ Ազնավուրի՝ Հայաստան կատարած այցից

  Շառլ Ազնավուրի հարսը՝ Քրիստինա Ազնավուրը, Instagram-ում արխիվային լուսանկար է հրապարակել...

• «Հայոց պատմության ուսուցիչս նույնիսկ մեր ավարտական երեկոյի ժամանակ ասաց՝ թուրքին բարեկամ չկարծեք…». Ժաննա Բուտուլյան

  Հայոց պատմության ուսուցիչս նույնիսկ մեր ավարտական երեկոյի ժամանակ ասաց . «Թուրքին բարեկամ չկարծեք. նրանք սեղան կնստեն ձեզ հետ , բայց կչարախոսեն, ձեռքը Ղուրանին դրած կերդվեն ու կխաբեն…

• «Երբ մենք հիշում ենք Հայոց ցեղասպանությունը, մենք երդվում ենք երբեք չմոռանալ պատմության դասերը»․ լիբանանահայ դիզայներ Գրիգոր Ջաբոտյան

  NEWS.am STYLE-ի «ArmenՅԱՆs» խորագրում, անդրադառնալով իր նախնիների պատմությանը, Ջաբոտյանը նշել էր․ «1915 թ-ի Հայոց ցեղասպանության ժամանակ իմ մեծ պապը ստիպված եղավ լքել Սիսն ու տեղափոխվել Բեյրութ՝ Կարանտինա...

• Լույս է տեսել Հաքան Սեքինելգինի «Հայոց ցեղասպանությունը եւ Թուրքիան. հանրային հիշողություն եւ ինստիտուցիոնալացված ժխտում» գիրքը

  B.Tauris-ը՝ Bloomsbury Publishing-ի հրատարկչությունը, հայտարարել է Հաքան Սեքինելգինի «Հայոց ցեղասպանությունը եւ Թուրքիան…

Ամերիկահայ դերասան Քեն Դավիթյանը Երեւանում է եւ նորություն ունի․ Հոլիվուդում նկարահանվող մեր հայրենակցին հանդիպեցինք երեկ՝ հուլիսի 10-ին,  «Ոսկե ծիրան» միջազգային կինոփառատոնի պաշտոնական բացմանը։ Նա նշեց, որ Հայաստանում զբաղված է 16 մասից բաղկացած սերիալի նկարահանումներով, որի մանրամասներն առայժմ չի կարող բացահայտել․

«Քանի որ ես աշխատում եմ տեսախցիկի առաջ, ոչ թե հետեւում, շատ բաներից տեղյակ չեմ․ միայն կարող եմ պատմել, որ 16 մասից բաղկացած այս ֆիլմը մի հայի մասին է, որը գալիս է Հայաստան՝ իր գործընկերոջ տղային գտնելու նպատակով։ Ես ֆիլմում խոսում եմ հայերեն եւ անգլերեն, եւ, առհասարակ, մի նպատակ ունեմ, որ այս ֆիլմը հասնի Ամերիկա։ Ես այստեղ չեմ եկել գումար աշխատելու համար, երբ գալիս ես Հայաստան, պետք չէ դրա վրա կենտրոնանալ, բայց պետք է դնել նպատակ ու ձգտել հասնել դրան»,-նշեց դերասանը։ Նա նաեւ հավելեց, որ վերջին անգամ հինգ տարի առաջ էր եղել Հայաստանում, ուրախությամբ ընդգծեց, որ մի շարք դրական փոփոխություններ է նկատում հայկական կինոարտադրության մեջ․

«Հիմա ամեն բան փոխվել է, չգիտես՝ ԱՄՆ-ում ես, թե Հայաստանում, ամեն բանից հասկացող լավ մասնագետներ ունենք, կարծում եմ՝ շեշտը պետք է մի փոքր էլ դնենք դերասանության վրա»։

Քեն Դավիթյանը նկարահանվել է հոլիվուդյան մի շարք նախագծերում, հատկապես հայտնի է 2006-ին էկրաններ բարձրացած «Բորաթ» կատակերգությունից։ Դերասանը նկարահանվել է նաեւ Էլիզաբեթ Բենքսի մասնակցությամբ «Շիկահերը եթերում» ֆիլմում, որտեղ մարմնավորել է տաքսու վարորդին, եւ տասնյակ այլ նախագծերում։

NEWS.am STYLE-ը դերասանից հետաքրքրվեց, թե ինչ նոր հոլիվուդյան ֆիլմերում իրեն կտեսնենք առաջիկայում․

«Վերջերս Լոնդոնում նկարահանվել եմ միանգամից երեք ֆիլմում, կրիմինալ ժանրի նախագծեր են։ Շուտով վերադառնալու եմ Լոս Անջելես, բայց դեռ չգիտեմ՝ ինչ է ինձ այնտեղ սպասվում»,-ասաց նա։

Սյունե Առաքելյան

Հետևեք NEWS.am STYLE-ին Facebook-ում, Twitter-ում և Instagram-ում