#Backstage. Ինչպես են ընթանում «Արտակարգ Արտակ» նոր հումորային սիթքոմի նկարահանումները

Օֆին խոսել է երեւանյան այցի, հոր մահվան մասին եւ նկարահանվել News.am Style-ի ֆոտոշարքում

ՇոկTok. «Թատերականի ժողովուրդն ինձ ընդհանրապես չի սիրում». Դիանա Մխիթարյան

ՇոկTok. «Ես ու եղբայրս այնպես ենք արել, որ ոչ մայրս միայնակ լինի, ոչ` տատիկս». Գևորգ Մկրտչյան

«Ոսկե ծիրան» 19-րդ միջազգային կինոփառատոնի պաշտոնական բացումն ու կարմիր գորգը

Դեն Բիլզերյանը Երեւանում է․ Պոկերի արքան հանդիպել է երկրպագուներին ու ներկայացրել իր գիրքը

ՇոկTok. «Տղաների կողմից բացասական էր ընդունվում, որ ասում էի «привет пупсики»». Էվելինա Խանոյան

ՇոկTok. «Հայկական տիկտոկում վատ կոնտենտն ավելի շատ է, քան` լավը». Անդրանիկ

ՇոկTok. «Բոլորը մտածում էին, թե հղի եմ». Օվսաննա Խաչատրյան

«Ժառանգ80» նախագծի նկարահանման մեկնարկը տրված է

ՇոկTok. «Բուքմեյքերների գովազդ չեմ անի». Ռաֆո Համբարձումյանը` բլոգային կյանքի, տիկտոկերներին բլոկելու մասին

Ամերիաբանկի «Դարձիր փոփոխությունը» մրցույթի հաղթող թիմը ստացավ 3 մլն ՀՀ դրամ մրցանակ

ՇոկTok. Մագա Հարությունյանը` միլիոններ աշխատելու, սիրելիից բաժանվելու եւ Քինգ Ռուզիի հետ կոնֆլիկտի մասին

ՇոկTok. Անյա Սահակյանը` տղամարդու վրա ձեռք բարձրացնելու, ոստիկանություն ընկնելու, բաց տեսարաններում նկարահանվելու մասին

«Նոյը եւ՛ ինձ է նման, եւ՛ ամուսնուս». Լյուսի

ՇոկTok. «Իմ բոլոր ուզողները հիմնականում «ճիշտ աբրած տղերք են»». Ջուլիաննա Հարությունյան (julianna_loo_)

«Սիրո հասակ». մարտի 18-ից կմեկնարկի նոր հումորային նախագիծը

ՇոկTok. «Երբ ինձ հարցնում են, կուզեիր բոյով լինել, ասում եմ ոչ». Աստվածուհի (Ելենա Վարդերեսյան)

Exclusive. «Ասում են՝ հայերենս «քաղցր» է հնչում»․ Մարգարիտա Պոզոյանը՝ հայերեն երգելու, Հայաստանում կայանալիք համերգների, Սթիվեն Սիգալի հետ հանդիպման ու Դոլինայի մասին

15:05, 11 օգոստոսի

Ռուսաստանաբնակ հայտնի երգչուհի, ձայնային յուրահատուկ տեմբրով առանձնացող Մարգարիտա Պոզոյանն առաջիկայում պատրաստվում է այցելել հայրենիք։ Երգչուհին երկու համերգ է ծրագրում Հայաստանում, որոնցից առաջինը տեղի կունենա օգոստոսի 19-ին՝ Երեւանում, իսկ երկրորդը՝ օգոստոսի 20-ին՝ Գյումրիում։ 

Մինչ Հայաստան այցելելը ռուսական «Ձայնը» նախագծից ճանաչված արտիստը եւս մեկ անակնալով է ուրախացրել իր հայ լսարանին։ Երգչուհին օրերս ներկայացրել է իր նոր՝ հայալեզու տեսահոլովակը, որը Սոսի Խանիկյանի եւ Սեւակ Խանաղյանի հեղինակած «Խոսքեր» երգի հիման վրա է։ 

NEWS.am STYLE-ի հետ բացառիկ հարցազրոյցում Մարգարիտա Պոզոյանը խոսել է հայերեն երգելու, առաջիկա համերգի, Երեւանում սիրելի ժամանցի, Սթիվեն Սիգալի հետ զուգերգի, Լարիսա Դոլինայի հետ աշխատելու ու սպասվող մյուս նորությունների մասին։

298327293_565391285277516_1029712251743038791_n.jpg (46 KB)

Մարգարիտա, օրերս ներկայացրիք Ձեր առաջին հայալեզու տեսահոլովակը՝ «Խոսքեր» երգի հիման վրա։ Ինչպե՞ս որոշեցիք հենց հայերենին անդրադառնալ։ 

Հիմա ես իմ յուրաքանչյուր երգի հիման վրա տեսահոլովակ եմ նկարահանում, քանի որ կարծում եմ՝ աուդիո նյութը տարածելու եւ այն ավելի տպավորիչ դարձնելու համար վիզուալը շատ կարեւոր գործոն է, հատկապես, որ  սա իմ առաջին հայալեզու երգն էր։ Հասկանում էի, որ այն անպայման պետք է ունենար տեսահոլովակ, չէ՞ որ այդպես արդյունքն ավելի խոսուն է լինում, քանի որ ցուցադրում է արտիստի հույզերը։

Երգի հեղինակները Սեւակ Խանաղյանն ու Սոսի Խանիկյանն են, որը, ցավոք, այլեւս մեզ հետ չէ․․․ Կհիշե՞ք, թե ինչպես ստացվեց համագործակցությունը։

Սոսիի հետ կատարվածն ինձ շատ է տխրեցրել․ նա անհավանական լուսավոր մարդ էր ու լավ ընկեր։ 

Երգի պատմությունը սկսվեց հենց խոսքերից։ Երբ հերթական անգամ Երեւանում էի, ինչպես միշտ, զանգահարեցի Սոսիին, մենք հանդիպեցին․ սա մեզ համար արդեն բարի ավանդույթ էր դարձել։ Ես նրան պատմեցի, որ ցանկանում էի մի երգ թողարկել՝ ամբողջությամբ հայերենով, եւ նրան այդ միտքը եւս շատ դուր եկավ։ Այդ օրը մենք երկար զրուցեցինք, քննարկեցինք նաեւ երգի իմաստը։ Ես նրա հետ կիսվեցի այն ժամանակ իմ հոգում կուտակված էմոցիաներով, եւ նա միանգամից հասկացավ, թե ինչի մասին պետք է գրի, եւ մի քանի օրից ինձ ուղարկեց երգի խոսքերը։

298184336_3289115274575178_6525843809784150616_n.jpg (57 KB)

Հետո արդեն պետք էր այդ խոսքերի հիման վրա երաժշտություն գրել, եւ քանի որ ես այնքան էլ լավ չեմ տիրապետում հայերենին, դժվարացա երաժշտություն գրել։ Այնպես ստացվեց, որ այդ շրջանում միջոցառումներից մեկի ժամանակ հանդիպեցի Սեւակին, նա առաջարկեց ինձ համար երգ գրել, եւ ես այդ պահին հիշեցի, որ արդեն պատրաստի խոսքեր ունեի ու առաջարկեցի, որ հենց այդ խոսքերի համար երաժշտություն գրի։ Հիշում եմ՝ Սոսին շատ ուրախ էր, որ երաժշտությունը հենց Սեւակը պետք է հեղինակեր, հետո արդեն երեքով սկսեցինք աշխատել ամբողջական երգի վրա, արդյունքում ստացվեց այն, ինչ այսօր լսում եք։

298362787_1496136154150541_4612948024353853627_n.jpg (56 KB)

Երգի տակ արված մեկնաբանություններից երեւում է, որ մեծամասնությունը հավանություն է տվել Ձեր հայալեզու կատարմանը։ Այդ կարծիքներից ելնելով՝ մտադրություն չունե՞ք հայալեզու ձայնասկավառ թողարկելու։

Ես դա չեմ բացառում։ Անկեղծ ասեմ՝ կան մարդիկ, որոնց դուր չի գալիս իմ կատարումը հայերենով, եւ դա էլ է նորմալ։ Բայց ավելի շատ են նրանք, ովքեր հավանել են հայերենով երգելս։ Շատերն ասում են, որ հայերենս «քաղցր» է հնչում․ ես՝ ինքս, չեմ հասկանում, թե ինչ նկատի ունեն, բայց հաճելի է նման կարծիք լսելը, եւ եթե այդպես է, դա կհամարեմ իմ յուրահատկությունը (ժպտում է)։

Շուտով համերգներով եք հանդես գալու Երեւանում եւ Գյումրիում․ կներկայացնե՞ք, թե ինչ ծրագիր է սպասվում հանդիսատեսին։

Կհավաքեմ այն բոլոր գեղեցիկ ստեղծագործությունները, որոնք տարբեր շրջաններում գրել եմ, կամ՝ ինձ համար են գրել։ Ծրագրում եմ ներկայացնել նաեւ հայկական երգերի cover-ներ, եւ, իհարկե, իմ մյուս հայալեզու երգերից մի քանիսը՝  «Сестра по духу», «Շատ սիրուն ես» ու «Խոսքերը»։

298221431_754477375759903_5451116361299896963_n.jpg (70 KB)

Ինչպե՞ս եք, առհասարակ, այստեղ անցկացնում Ձեր ժամանակը։

Պաշտում եմ ընկերներիս հետ հանդիպումները։ Կարծում եմ՝ մարդկության հնարած ամենալավ բաներից մեկը շփումն է (ծիծաղում է)։ Իհարկե, նաեւ սիրում եմ զբոսնել Երեւանով ու վայելել քաղաքի գեղեցկությունը, այցելել սրճարաններ եւ լողավազանում արեւայրուք ընդունել, փորձել ամենահամեղ ուտեստները․․․․ Մի խոսքով՝ Երեւանում ես ամեն բան սիրում եմ, միայն մնում է հուսալ, որ այդ ամենի համար ժամանակ կունենամ (ծիծաղում է)։  

Մարգարիտա, ուսումնասիրելով Ձեր ինստագրամյան էջը, մի հրապարակման հանդիպեցի, որտեղ զուգերգ եք կատարում աշխարհահռչակ դերասան Սթիվեն Սիգալի հետ։ Կպատմե՞ք, այդ համագործակցության մասին։

298592226_1132592300689315_7755906593747418667_n.jpg (60 KB)

Ամեն ինչ սկսվեց նրանից, որ Թաբրիզ Շահիդին, որը Ռուսաստանում ամենահայտնի կազմակերպություններից մեկի տնօրենն է, ինձ հրավիրեց մի միջոցառման, որտեղ պետք է ելույթ ունենայի Սթիվեն Սիգալի հետ։ Ես, իհարկե, չէի կարող մերժել նման հրավերը։ Ավելին՝ ինձ շատ էր դուր եկել երգը, որը Սթիվենն էր հեղինակել։ Ես գիտեի, որ նա երաժիշտ է, բայց պատկերացում չունեի, որ այդքան լավ է երգում ու կիթառ նվագում։ Բայց իմ համաձայնությունից զատ՝ պետք էր նաեւ Սթիվենի համաձայնությունը։

Посмотреть эту публикацию в Instagram

Публикация от МАРГАРИТА ПОЗОЯН (@pozoyan_official)

Նա, ի դեպ, շատ բծախնդիր է մոտենում ցանկացած զուգերգի, բայց մեծ սիրով ընդունեց ինձ հետ զուգերգով հանդես գալու առաջարկը, ու այդպես էլ երգեցինք միասին։ Տպավորիչ էր նաեւ այն, որ այդ օրը նրա տարեդարձն էր, եւ այդ փաստն ինձ կրկնակի ոգեւորում էր։ Նրանից շատ լուսավոր տպավորություններ ունեցա, հրաշալի երաժիշտ է ու շատ լավ մարդ, ինձ հեշտ էր նրա հետ աշխատելը։ Երեկոյի ընթացքում նաեւ հասցրինք մի փոքր զրուցել, քննարկել իր գրած երգը։

298149676_633778124611976_5498079350052182055_n.jpg (51 KB)

Կա՞ն այլ նորություններ, որոնցով եւս կարող եք կիսվել։ 

Կարծում եմ՝ իմ լսարանն արդեն գիտի, որ բացի բեմական գործունեությունից՝ նաեւ դասավանդում եմ։ Վերջին շրջանում աշխատում եմ Լարիսա Դոլինայի երաժշտական ակադեմիայում։ Հուլիսին ես եւ իմ գործընկերները մասնակցեցինք AguTeens ֆորումին, որը ղեկավարում էր Լեոնիդ Ագուտինը։ Մեկ շաբաթ շարունակ մենք վարպետության դասեր էինք անցկացնում, իսկ վերջում հանդես եկանք նաեւ համերգով։ Ինձ համար սա շատ կարեւոր էր ու հետաքրքիր։ Ես շատ եմ սիրում իմ «շեֆին»՝ այսպես եմ անվանում Լարիսա Դոլինային, որի ղեկավարության ներքո աշխատելն, իսկապես, հաճելի է։

Սյունե Առաքելյան


Հետևեք NEWS.am STYLE-ին Facebook-ում, Twitter-ում և Instagram-ում





  • Այս թեմայով



@NEWSam_STYLE

  • Արխիվ
Որոնել
  • Հարցում
Հայաստանի ամենահայտնի տղամարդը
Նիկոլ Փաշինյան
Սերժ Թանկյան
Մկրտիչ Արզումանյան
Հայկ Մարության