• Ամենավերջին շարքից «Արտավազդ»-ին հետեւելուց մինչեւ հաղթանակ․ Սեյրան Մովսիսյանը՝ Տարվա լավագույն երիտասարդ դերասան ճանաչվելու եւ չհանձնվելու մասին

  NEWS.am STYLE-ը Սեյրան Մովսիսյանի հետ զրուցել է սպասված հաղթանակի, ապրումների ու առաջիկա ծրագրերի մասին...

• Ջոն Շաբագլյանի «Խաղաղության սիմֆոնիան» այժմ հասանելի է հոսքային հարթակներում

  «Խաղաղության սիմֆոնիան, որը կոչ է անում ունկնդիրներին դառնալ հաշտության գործիքներ պառակտված աշխարհում, գրվել է Շաբագլյանի, Տեմիտոպի եւ Հարտի կողմից․․․

• Օրվա look-եր. Աննա Թովմասյան, Տաթեւիկ Ադումյան, Աննա Մանուչարյան, Անիտա Ավետիսյան, Մերի Երեմյան

  NEWS.am STYLE-ը հայտնիների ինստագրամյան էջերից առանձնացրել է 5 կերպար, որոնք ներկայացնում ենք «Օրվա look-եր» խորագրում...

• Սարոն՝ Միացյալ Նահանգներ երկար ժամանակով մեկնելու պատճառի, այնտեղ ունեցած համերգների եւ Երեւանում սպասվող մենահամերգի մասին

  Երգիչ Սարոն վերջերս ներկայացրեց 5 երգից կազմված ալբոմ, սակայն դրանցից ոչ մեկը տեսահոլովակ չունեցավ...

• Ամերիկյան երազանք, որ դարձավ իրականություն. Ռոզա Լինը պատրաստվում է իր առաջին շրջագայությանը՝ ԱՄՆ-ում

  Ռոզան ելույթ կունենա մոտ 35 քաղաքում...

• «Եվ ես, եւ աղջիկս կարող էինք, ուղղակի, չլինել, չապրել, բայց փրկվեցինք». Հասմիկ Խոջյան

  Դերասանուհի Հասմիկ Խոջյանն այսօր` մարտի 29-ին, նշում է ծննդյան 28-ամյակը...

• Օրվա look-եր․ Սիրուշո, Աննա Դովլաթյան, Արենա Զեյնալյան, Դալիթա, Էմմա Սապունջյան (ֆոտո)

  Դասական, սպորտային կամ casual՝ ո՞ր ոճն ես նախընտրում դու։ Գարունը թույլ է տալիս զգեստապահարանում ունենալ հարուստ տեսականի...

• Ալեքսիս Օհանյանը՝ Սերենա Ուիլյամսի հետ իր առանձնահատուկ ամուսնության, դստեր դաստիարակության վերաբերյալ Բարաք Օբամայի խորհուրդների մասին

  E!News-ին տված բացառիկ հարցազրույցում Օհանյանը նշել է, որ․․․

Երևանի Շեքսպիրյան 16-րդ միջազգային թատերական փառատոնն անցկացվելու է հոկտեմբերի 17-ից 22-ը` «ՄԵՆՔ» բարեգործական հասարակական կազմակերպության հովանավորությամբ  և ՀՀ ԿԳՄՍ նախարարության աջակցությամբ։ Մշակույթն ամուր թիկունք է Հայաստանի համար, հատկապես հիմա մշակութային գործիչներն իրենց աշխատանքով պետք է հենասյուն դառնան հայրենիքի համար։

Այս տարի փառատոնը կհյուրընկալի 10 երկրից ժամանած ավելի քան 250 մասնակցի և հյուրի՝  նրանց թվում են հեղինակավոր արվեստագետներ, միջազգային փառատոների տնօրեններ Իտալիայից, Հունգարիայից,  Ռումինիայից, Ղազախստանից, Իրանից, Բուլղարիայից, Ռուսաստանից, Վրաստանից և Ֆրանսիայից։

Երևանյան 11 բեմահարթակում կցուցադրվի ավելի քան 19 ներկայացում 18 թատերախմբի մասնակցությամբ։

Երևանի Շեքսպիրյան 16-րդ միջազգային թատերական փառատոնի հեդլայներ կդառնան Սանկտ-Պետերբուրգի պատանի հանդիսատեսի թատրոնի «Ձմեռային հեքիաթ» (Ռուսաստան) և IM Perfect թատերախմբի «Ռոմեո և Ջուլիետ» (Իտալիա) ներկայացումները։

Այս տարի Շեքսպիրյան փառատոնի ընթացքում միավորվում են հասարակական-բարեգործական և մշակութային արժեքները։ Կլինի տոմսերի վաճառք և փառատոնից ստացված ողջ հասույթը կուղղվի բարեգործության։

Ներկայացում կցուցադրվի նաև Գյումրու Վ. Աճեմյանի անվան դրամատիկական թատրոնի բեմում Նովոռոսիյսկի դրամատիկական թատրոնը (Ռուսաստան) կներկայացնի «Լիր արքան»։ Փառատոնի շրջանակում կանցկացվի նաև հատուկ ծրագիր «FestOFF» խորագրով, որը նախատեսված է ուսանողների և անկախ թատերախմբերի համար։

Փառատոնի բացումը տեղի կունենա ս.թ. հոկտեմբերի 17-ին` ժ. 19:00-ին,  Ա. Սպենդիարյանի անվան օպերայի և բալետի ազգային ակադեմիական թատրոնի «Ռոմեո և Ջուլիետ» ներկայացմամբ (բեմադրող բալետմայստեր ԽՍՀՄ ժողովրդական արտիստ Օլեգ Վինոգրադով)։

Փառատոնի օրերին կանցկացվեն վարպետաց դասեր։ Երևանի Շեքսպիրյան փառատոնը ձեռք է բերել բացառիկ համաձայնություն․ փառատոնի օրերին վարպետաց դասեր կվարի հայտնի թատերական ռեժիսոր, մանկավարժ, մի շարք թատերական մրցանակների դափնեկիր Յուրի Բուտուսովը (ՌԴ)։ Սա աննախադեպ հնարավորություն է  հռչակավոր ռեժիսորի հետ  շփվելու համար։

Նշենք, որ  փառատոնի նորություններին կարելի է հետևել https://www.tobe.am/ նորաստեղծ կայք-էջի միջոցով։ 

Հիշեցնենք, որ Երևանի Շեքսպիրյան միջազգային թատերական փառատոնը աշխարհահռչակ Եվրոպական Շեքսպիրյան փառատոնների ցանցի անդամ է: 2016թ․-ից փառատոնի տնօրենը Կարո Բալյանն է։ Փառատոնի հիմնադիրն է Հայաստանի թատերական գործիչների միության նախագահ Հակոբ Ղազանչյանը:

Հետևեք NEWS.am STYLE-ին Facebook-ում, Twitter-ում և Instagram-ում