Եթե կասկածում եք՝ արդյոք իսկապես սիրում եք ձեր ընտրյալին, թե կապվածություն եք զգում նրա նկատմամբ, ուրեմն ուշադիր ընթերցեք այս վեց կետերը։ Դրանք կօգնեն ստանալ ձեզ տանջող հարցի պատասխանը։
Սերը կիրք է, իսկ կապվածությունը՝ անտարբերություն
Այստեղ խոսքը բաժանման ժամանակ զույգերի պահվածքի մասին է։
Ասում են՝ սիրուց ատելություն մեկ քայլ է. ուստի, սիրող զույգերի դեպքում բաժանման ժամանակ սիրո գեղեցիկ զգացմունքը վերածվում է ատելության։ Իսկ եթե զույգերի միջեւ կապվածություն է, ուրեմն բաժանվելիս նրանք անտարբեր կլինեն եւ անգամ չեն էլ զայրանա։
Սերն անվերապահ է, իսկ կապվածությունը՝ եսասիրական
Սիրող զույգերը անվերապահորեն նվիրվում են միմյանց։ Զույգերից ամեն մեկի համար մյուսի պահանջներն ու ցանկությունները սեփականից վեր են դասվում։ Իսկ կապվածության ժամանակ զույգերը եսասիրական մոտեցում են ցուցաբերում միմյանց նկատամամբ։
Սերը բարդ է, իսկ կապվածությունը բարդ է, երբ միասին եք
Իրական սիրո դեպքում ամեն ինչ շատ դժվար է։ Թվում է՝ ամեն ինչ պետք է գեղեցիկ ու պարզ լինի, բայց կյանքն իր օրենքներն է թելադրում, եւ սիրող զույգերը պետք է մշտապես պայքարեն միմյանց կողքին լինելու համար։ Իսկ կապվածության դեպքում զույգերը պարզապես մտածում են, թե շաբաթական քանի անգամ են հանդիպելու։ Այս դեպքում հարաբերությունները չեն զարգանում եւ թմրանյութի նման՝ ազդեցությունը վաղ թե ուշ անցնում է։
Սերն ազատություն է, իսկ կապվածությունը՝ բանտարկություն
Երբ դուք սիրում եք, չեք մտածում սիրած էակին մշտապես ձեր տեսադաշտում պահելու մասին։ Կարիք չկա զգացմունքները հասկանալու համար ամեն վայրկյան միմյանց կողքին լինել։
Իսկ երբ զույգերը կապված են իրար հետ, իրական սիրո զգացում չկա, քանի որ նրանք այդ սերը զգում են միայն միմյանց ներկայության դեպքում։
Սերը ընդլայնում է սահմանները, իսկ կապվածությունը՝ սահմանափակում
Իրական սիրուց բացի, ոչինչ այս աշխարհում չի կարող ամենազորության զգացում առաջացնել զույգերի մոտ։ Սերը նոր շունչ, էներգիա եւ ուժ է տալիս ձեզ, եւ դուք պատրաստ եք գրավել ամբողջ աշխարհը։
Իսկ կապվածության դեպքում սերը վերածվում է իշխանության համար պայքարի։ Զուգընկերներից ամեն մեկը ցանկանում է հավաստիանալ, որ հարաբերությունների «ղեկը» հենց իր ձեռքում է։
Սերը հավերժ է, իսկ կապվածությունը՝ ժամանակավոր
Երբ դուք իսկապես սիրում եք, ուրեմն ձեր սերը հավերժ է։ Նույնիսկ եթե հարաբերություններն այլ ընթացք են ստանում, եւ զույգը բաժանվում է, միեւնույնն է, նա մնում է ձեր կյանքի միակ սերը։ Իսկ կապվածության դեպքում զույգերը նման զգացողություններ չեն ապրում։ Նրանց կապվածությունը ժամանակավոր է, իսկ հարաբերությունները՝ կեղծ։
Աղբյուրը՝ Adme
Հետևեք NEWS.am STYLE-ին Facebook-ում, Twitter-ում և Instagram-ում
23:11, 14 մայիսի
Աշխարհի ամենաթանկ շրթներկների հնգյակը22:34, 14 մայիսի
Ինչո՞ւ են հասուն կանայք նախընտրում ավելի երիտասարդ տղամարդկանց21:11, 14 մայիսի
Սերը` առաջին համբույրից, գուցե, իրականություն է20:22, 14 մայիսի
Ֆրենսիս Ֆորդ Կոպոլան հրապարակել է իր «Մեգալոպոլիս» էպիկական նախագծի առաջին թիզերը19:35, 14 մայիսի
«Սարսափելի գիշեր էր». Բրենդոն Լիի մահից 30 տարի անց16:13, 14 մայիսի
«Դաունթոնի աբբայության» հիման վրա երրորդ ֆիլմը կնկարահանվի15:23, 14 մայիսի
Նաոմի Քեմփբելը «նրբագեղության մարմնացում է» դասական փոքրիկ սեւ զգեստով14:37, 14 մայիսի
Ջորջ Քլունին իր դեբյուտը կկատարի Բրոդվեյում14:04, 14 մայիսի
Սերժ Թանկյանը ցանկանում էր հեռանալ System of a Down-ից13:16, 14 մայիսի
Քեյթ Մոսը սիրավե՞պ ունի Բոբ Մարլիի թոռան հետ12:35, 14 մայիսի
Շերը շլացուցիչ սեւ բոդիով է ներկայացել «Բոբ Մաքի. մերկ պատրանք» ֆիլմի պրեմիերային11:58, 14 մայիսի
Ինչու էին Շարլիզ Թերոնն ու Թոմ Հարդին ատում միմյանց «Խենթ Մաքսը» ֆիլմի նկարահանման հրապարակում