• «ChatGPT-ն համոզել էր ինձ, որ ես Հիսուսն եմ». ամերիկացին դատի է տվել OpenAI-ին՝ ինքնասպանության փորձի համար

  Գաղտնիք չէ, որ իրենց համեմատաբար կարճ պատմության ընթացքում արհեստական ​​բանականության չաթբոտները, այդ թվում՝ ChatGPT-ն, բազմիցս հայտնվել են պատմությունների կենտրոնում այն ​​մասին, թե ինչպես են նրանք համոզել օգտատերերին ծայրահեղ համոզմունքների մեջ․․․

• Մերժվածության վախը մարդկանց վերածում է կարգավիճակի և հարստության որսորդների

  Հինգ երկրներում անցկացված միջազգային ուսումնասիրությունը պարզել է, որ հարաբերությունների անապահովությունը կարող է անմիջականորեն ազդել մարդու՝ հարստության, հեղինակավոր ունեցվածքի և սոցիալական կարգավիճակի ձգտման վրա․․․

• 13 ամենատարածված երազները և դրանց իրական նշանակությունը

  Հոգեբանը բացահայտել է ամենատարածված 13 երազների իմաստը՝ հանրության մեջ մերկ հայտնվելուց մինչև դավաճանություն և շարժվելու անկարողության զգացում․․․

• Երբ մայրն է թելադրում կանոնները. ամուսնու՝ 11 ցավոտ սովորություններ, որոնք կփչացնեն ձեր հարաբերությունները

  Մեր առաջին հարաբերությունները ձևավորվում են տանը։ Եթե մանկության տարիներին ծնողների հետ առողջ հուզական կապ է եղել, մեծահասակը կարող է ներդաշնակ կապեր կառուցել․․․

• «Էներգետիկ վամպիրների» ազդեցությունը. Ինչպես են թունավոր մարդիկ արագացնում ծերացումը

  Քրոնիկ սթրեսը կարող է արագացնել կենսաբանական ծերացումը՝ լինի դա ֆինանսական խնդիրներ, գերծանրաբեռնվածություն, թե անընդհատ անհանգստացնող ազգական․․․

• Շուրթերն ավելին են ասում, քան խոսքերը. հոգեբաններն ու գիտնականները բացահայտում են համբույրի կախարդանքը

  Մեկ համբույրը կարող է երկարատև տպավորություն թողնել՝ թե՛ իրական կյանքում, թե՛ մեծ էկրանին։ Բայց ի՞նչն է այն դարձնում այդքան նշանակալից․․․

• Երբ է պատերազմը մտնում ննջասենյակ. Ինչպես են կոնֆլիկտները ազդում սեռական ցանկության և մտերմության վրա

  Երբ լրատվական հոսքերը լի են պատերազմներով ու աղետներով, դա միայն քաղաքականություն և աշխարհաքաղաքականություն չէ. այն թափանցում է մեր կյանք․․․

• Երջանիկ ամուսնության գաղտնիքը բացահայտված է. միասին պառկել քնելու

  2000 ամերիկացի զույգերի շրջանում անցկացված նոր հարցումը ուսումնասիրել է այսպես կոչված «քնելու ժամանակի տարբերությունը»՝ մեկ զուգընկերոջ քնելու և մյուսի միանալու միջև ընկած ժամանակահատվածը, և դրա ազդեցությունը ամուսնական բավարարվածության վրա…

Երկար ժամանակ հոգեպաթիայի մասին ավանդական պատկերացումները հիմնված էին բացառապես բանտային հետազոտությունների վրա։ Սակայն այսօր գիտնականներն ուշադրություն են դարձնում բարձր ֆունկցիոնալությամբ օժտված հոգեպաթներին․ սրանք կայուն գիշատչի գծերով (Persistent Predatory Personalities) մարդիկ են, որոնք հիանալի հարմարված են հասարակության մեջ, հաջող կարիերա ունեն կորպորացիաներում, քաղաքականությունում ու այլ ոլորտներում՝ միևնույն ժամանակ մնալով անպատիժ, գրում է Guardian-ը։

Ստորև ներկայացված են դոկտոր Քարեն Միթչելի և պրոֆեսոր Էսսի Վիդինգի ծավալուն հետազոտությունների գլխավոր եզրահանգումները, որոնք օգնում են հասկանալ, թե ինչպես են գործում նման մարդիկ և ինչու ենք մենք այդքան անպաշտպան նրանց առջև։

Ինչու՞ մենք նրանց չենք նկատում

1. Կատարյալ քողարկում և բացարձակ ինքնավստահություն․ Մարդկանց մեծ մասը սուտ խոսելիս կամ ստի մեջ բռնվելիս ուժեղ սթրես, անհարմարություն կամ շփոթմունք է ապրում։ Մինչդեռ «մութ անհատականությունները» համատեղում են բացարձակ ինքնավստահությունն ու կատարյալ սուտը։ Նրանք չեն կարմրում և չեն հուզվում ստելիս, ինչն իսկույն շահում է շրջապատի վստահությունն ու «անջատում» մեր պաշտպանական մեխանիզմները։
2. Ուրիշի ալտրուիզմի շահագործում․ Ինչպես նշում է պրոֆեսոր Էսսի Վիդինգը, նման մարդկանց «մտերիմների խումբը» բաղկացած է ընդամենը մեկ հոգուց՝ իրենցից։ Մենք հավաքական էակներ ենք, հակված ենք համագործակցությանն ու վստահությանը։ Իսկ այս հոշոտող տեսակները դարեր ի վեր գոյատևում են հենց այլոց ալտրուիզմն ու բարությունը շահագործելու հաշվին։
3. «Դերերի փոխանակման» էֆեկտը (DARVO)․ Կոնֆլիկտային իրավիճակներում նրանք վարպետորեն կիրառում են «ժխտիր, հարձակվիր, փոխիր զոհի ու ագրեսորի տեղերը» ռազմավարությունը։ Արդյունքում շրջապատը հաճախ սկսում է անկեղծորեն հավատալ, թե ագրեսորը հենց զոհն է, իսկ իսկական տուժողը լիովին հեղինակազրկվում է։

«Բարձր ֆունկցիոնալությամբ գիշատչի» դիմանկարը

Հինգ տարվա հետազոտություններից և փորձագետների (HR-մենեջերներից մինչև ՀԴԲ (FBI) աշխատակիցներ ու սոցիալական աշխատողներ) հետ հարցազրույցներից հետո դոկտոր Քարեն Միթչելն առանձնացրել է 20 առանցքային հատկանիշ (բաժանված 4 խմբի) և 25 ռազմավարություն, որոնք բնորոշ են նման մարդկանց․

• Խումբ 1 (Վերահսկողություն և էգո)․ բացարձակ վերահսկողության պահանջմունք, սեփական անձի կարևորության չափազանցված ընկալում, ցանկացած քննադատության կամ մարտահրավերի նկատմամբ հիվանդագին արձագանք, վրեժխնդրություն, զիջումների գնալու բացարձակ անընդունակություն։
• Խումբ 2 (Վարքագծային հոշոտում)․ շրջապատին շահագործելու հակում, դաժանություն ու սադիզմ, արհամարհանք օրենքների, կանոնների և բարոյականության հանդեպ, անձնական ու ինտիմ կյանքում սահմանների բացակայություն, այլոց նկատմամբ անհամաչափ բարձր պահանջներ։
• Խումբ 3 (Սուտ և քողարկում)․ «նորմալության» արհեստական քողի ստեղծում, քամելեոնային ճկունություն, աննկարագրելի թաքնված սուտ, ճարպկություն, մանիպուլյատիվություն և սեփական արարքների բացասական հետևանքների համար պատասխանատվություն կրելուց կտրուկ հրաժարում։
• Խումբ 4 (Էմոցիոնալ աշխարհ)․ բոլոր էմոցիաները միայն ձևական կրկնօրինակում են․ նրանք չեն կարող իսկական կապվածություն կամ դրանից բխող ուրախություն զգալ, անհոգի են, զուրկ էմպաթիայից, չունեն զղջման զգացում, ծայրաստիճան էգոցենտրիկ են և անսահման հանդուգն։

Ինչո՞ւ է սա կործանարար

• Վնասի մասշտաբը․ Ի տարբերություն բանտարկյալների՝ բարձր ֆունկցիոնալությամբ գիշատիչները գործում են գրասենյակներում, դատարաններում, քաղաքականությունում, բարեգործական ու կրոնական կազմակերպություններում։ Նրանք քանդում են ոչ միայն մարդկանց կարիերան, այլև հասցնում են ծանր հոգեբանական տրավմաների, դեպրեսիայի և նույնիսկ ինքնասպանության (ինչպես արձանագրվել է Ֆրանսիայում մի շարք կորպորատիվ սկանդալների ժամանակ)։
• «Պատոկրատիայի» էֆեկտը․ Երբ նման գծերը դրսևորվում են իշխանության վերին օղակներում, հասարակությունը բախվում է «հակադարձ շրջափակման» երևույթին․ սուտը մատուցվում է այնքան ինքնավստահ ու մասշտաբային կերպով, որ մարդիկ կորցնում են կողմնորոշումը՝ փորձելով ոսկե միջին գտնել հորինվածքի և իրականության միջև։

Եզրակացություն․ «Ընտանի կատուն ընդդեմ վայրիի»

Ամփոփելով բազմամյա աշխատանքի արդյունքները՝ դոկտոր Միթչելն ընդգծում է․

«Սրանք ներքին արգելակներից լիովին զուրկ, վտանգավոր մարդիկ են, որոնց ուղեղն ու մտածողությունը բոլորովին այլ կերպ են աշխատում․ տարբերությունը նույնն է, ինչ ընտանի կատվի և վայրի գազանի միջև»։

Քանի որ էվոլյուցիայի ընթացքում նման գենետիկական ու վարքագծային առանձնահատկությունները հազիվ թե իսպառ վերանան, այսօրվա գլխավոր խնդիրն է՝ դադարել աչք փակել խնդրի վրա, ուսումնասիրել տագնապալի ազդանշանները («կարմիր դրոշակները») և սովորեցնել մարդկանց քննադատական մտածողություն ու առողջ զգոնություն ցուցաբերել։

Հետևեք NEWS.am STYLE-ին Facebook-ում, Twitter-ում և Instagram-ում