Մարդիկ կան՝ վատ բաներ են մեր հետևից ասում, մարդիկ կան՝ ուրախանում են. Հելոուինը` Հայաստանում

VIDEO. Սոս Ջանիբեկյանը, Լուիզա Ներսիսյանը, Դիանա Մալենկոն և Լևոն Հախվերդյանը՝ սիրային քառանկյունու կիզակետում

Ինչպես Նարեին դիմավորեցին «Զվարթնոց» օդանավականում՝ «Մանկական Եվրատեսիլում» հաղթանակից հետո. երգչուհու էմոցիաները

Թեմա կա. ո՞ւմ մասին է Աստղիկ Սաֆարյանը մտածում գիշերվա 2-ին և ո՞ւմ է տեսնում որպես «Երկու աստղի» հաջորդ զույգ

Օսկար Ուայլդի «Սալոմեն»՝ Երևանի դրամատիկական թատրոնի նոր հարթակում

Կանանց զուգարանից՝ հասարակության հայելի. «Toilet կանանց համար»

Մանկությանս տիկնիկը կուզեի վերադարձնել

Armenia Marriott-ում կրկին համաշխարհային գաստրոնոմիկ շոու է՝ Le Petit Chef-ը վերադարձել է Երևան

Երբևէ ասե՞լ եք «Ես քեզ սիրում եմ»՝ իրականում այդպես չզգալով

«The Last Breath». Սևան Շահմիրյանը հանդիսատեսին է ներկայացնում իր երաժշտական աշխարհը

Լողազգեստով լուսանկարներ. ազատ ինքնարտահայտո՞ւմ, թե՞ չափի զգացում

Կարմիր խնձորը… Արդյո՞ք այն դեռ ակտուալ է

Տղամարդիկ ուժեղ չեն. դերասանուհի Մարի Գրիգորյան

Մեկնարկեց «Ոսկե ծիրան» Երևանի 23-րդ միջազգային կինոփառատոնը

Արսեն Ալբարյան․ բեմի լույսերի տակ՝ զգացմունքների, ընտրությունների ու անկեղծության մասին

Հրաժեշտ Արտիստին. Արտաշես Ալեքսանյանի հոգեհանգիստը՝ Կոնդի Սուրբ Հովհաննես եկեղեցում

Դերասան լինելու որոշումն եմ կայացրել՝ չնայած բոլորի դեմ կարծիքին. Հովհաննես Դիշչյան

Վահե Վայան. Ինչքան մարդիկ շատ են իմանում մարդու մասին, այնքան բարդ է դառնում ապրելը

Աշխարհահռչակ դաշնակահար Նիկոլայ Լուգանսկին եւ «Գրեմմիի» դափնեկիր Շառլ Դյութուան հանդես կգան Երեւանում (ֆոտո)

19:31, 7 նոյեմբերի

Աշխարհահռչակ դաշնակահար Նիկոլայ Լուգանսկին եւ «Գրեմմիի» մրցանակակիր դիրիժոր Շառլ Դյութուան Երեւանում են։ Երաժիշտների համերգը նախատեսվում է նոյեմբերի 8-ին՝ «Արամ Խաչատրյան» համերգասրահում, «Երեւանյան հեռանկարներ» 23-րդ միջազգային փառատոնի շրջանակում։ Երեկոյի ընթացքում Հայաստանի ազգային ֆիլհարմոնիկ նվագախմբի նվագակցությամբ կհնչեն Ֆրեդերիկ Շոպենի Դաշնամուրի կոնցերտ թիվ 2, Էկտոր Բեռլիոզի Ֆանտաստիկական սիմֆոնիա ստեղծագործությունները։

«Երեւանյան հեռանկարներ» փառատոնի նախագահ Ստեփան Ռոստոմյանը, կարեւորելով երկու հայտնի երաժիշտների հայաստանյան այցը, այսօր՝ նոյեմբերի 7-ին կայացած մամուլի ասուլիսի շրջանակում նշեց․ 

«Դյութուան եւ Լուգանսկին այն երաժիշտներն են, որոնց մենք տարիներով ցանկացել ենք հյուրընկալել Հայաստանում։ Աշխարհի ցանկացած նվագախմբի համար մեծ պատիվ է նրանց հետ աշխատելը, եւ ես երջանիկ եմ, որ նրանց այցը կայացավ»։ 

314770182_1311923836246241_687905881704152267_n.jpg (108 KB)

Նա հավելեց, որ չնայած դժվար ժամանակներին՝ արվեստը պետք է ապրի եւ ապրեցնի մարդկանց, իսկ փառատոնի շուրջ անելիքները շատ են․ նպատակ ունեն առաջիկայում այն կազմակերպել նաեւ Բյուրականում։

«Մարդկությունն ամենադժվար իրավիճակներում անգամ չի կարող ապրել առանց մշակույթի, արվեստը գերմարդկային բան է։ Ես ուրախ եմ, որ մեր փառատոնով մենք այսպիսի ճանապարհ բացեցինք Հայաստանի համար, ու հիմա շատ ավելի հայտնի արտիստներ են ժամանում ամեն տարի։ Ուրախ եմ, որ արվեստը կանգ չի առնում»։

Շառլ Դյութուան նշեց, որ Հայաստանում երկրորդ անգամ է, բայց ի տարբերություն այս այցի՝ 15 տարի առաջ այստեղ եղել է զբոսաշրջիկի դերում․

314544402_650623059853746_7574976098280795821_n.jpg (110 KB)

«Սա իմ առաջին այցն է, սակայն, որպես երաժիշտ։ Ես այստեղ եմ կնոջս հետ, եւ մեզ համար Հայաստանը հրաշալի վայր է, որտեղ ապրում են բարի ու ժպտադեմ մարդիկ։ Առաջին անգամ էի հանդիպում Հայաստանի ազգային ֆիլհարմոնիկ նվագախմբին, տպավորություններս աննկարագրելի են։ Ինչ վերաբերում է քաղաքին՝ կարծում եմ՝ այստեղ մի շարք փոփոխություններ են տեղի ունեցել իմ նախորդ այցից ի վեր, սրճարաններ են ավելացել․․․ Մի խոսքով, մեզ Հայաստանում շատ է դուր գալիս»։

Նիկոլայ Լուգանսկին հավելեց, որ նույնպես Հայաստանը շատ է սիրել։ Վիրտուոզ դաշնակահարը մեր երկիրն, առաջին հերթին, ասոցացնում է լավ երաժշտության հետ։

314728694_693058891939952_2169150422283086720_n.jpg (108 KB)

«Խաչատրյան, Բաբաջանյան, Տերտերյան․․․ նրանց երաժշտությունը հրաշալի է։ Մենք շատ հայերի հետ ենք աշխատում․ Նարեկ Հախնազարյանն, օրինակ, իմ լավ ընկերն է։ Առհասարակ, շատ ընկերներ ունեմ Հայաստանից, եւ նրանցից յուրաքանչյուրն իր ոլորտում անասելի պրոֆեսիոնալ է»։

Երկու երաժիշտներն էլ խոստացան՝ վաղը սպասվող համերգը տպավորիչ է լինելու։ Ինչ վերաբերում է հաջորդ հանդիպմանը՝ դա կլինի մյուս այցի ժամանակ, որը չեն կասկածում՝ կայանալու է։

Սյունե Առաքելյան


Հետևեք NEWS.am STYLE-ին Facebook-ում, Twitter-ում և Instagram-ում




Print  

  • Related News

TV SHOWS PHOTO VIDEO


@NEWSam_STYLE

  • Archive
Search