• Wine Story. Մինչեւ 5000 դրամ արժողությամբ գինի՝ Մալբեկի համաշխարհային օրվա համար

  Մալբեկը հարուստ, դարավոր պատմություն ունեցող խաղողի տեսակ է, որն ամբողջ աշխարհի գինու սիրահարներին գերել է իր համարձակ համերով եւ տարբերվող հատկանիշներով․․․

• Wine Story. Van Ardi գինիները Հայաստանի ժառանգության մասին են

  Van Ardi գինեգործարանը, որը գտնվում է Արագածոտնի հնագույն գինեգործական մարզում, առաջին բուտիկ գինեգործարանն է Հայաստանում և առանցքային դեր է խաղացել հայկական գինեգործության վերածննդի գործում...

• 20000 դոլար՝ հայտնիների ընկերակցությամբ թանկարժեք գինի վայելելու համար

  Եթե ​​ցանկանում եք թանկարժեք գինի վայելել այնպիսի հայտնիների ընկերակցությամբ, ինչպիսիք են Լեբրոն Ջեյմսը, Կառլոս Սանտանան եւ Դենի Դե Վիտոն, ապա դա ձեզ կոպեկներ կարժենա․․․

• Wine Story. Պորտվեյնի ակունքները

  Պորտվեյն գինու՝ շշերի մեջ թանկարժեք գանձի պես խնամքով պահվող այս հիասքանչ խմիչքի պատմությունը...

• Վիշապի լեգենդը կամ հայկական «379beer» գարեջրի հաջողության պատմությունը

  Վիշապի լեգենդը կամ հայկական «379beer» գարեջրի հաջողության պատմությունը...

• Wine Story. Առաջին հայկական Ռիսլինգը եւ Alexandrea Winery եզակի գինիների պատմությունը

  Ռիսլինգը խորհրդավոր հմայքով սպիտակ գինու տեսակ է, որի համային պալիտրան տատանվում է չորից մինչև հագեցված-քաղցր՝ կախված տեռուարից և գինեգործի ոճից․․․

• Wine Story. Ինչպես ընտրել ճիշտ գինի Սուրբ Զատիկին

  NEWS.am STYLE-ը կկիսվի, թե ինչպես ընտրել ճիշտ գինի և պահպանել կրոնական կանոնները...

• Շոտլանդական արտադրող արհեստական ինտելեկտի միջոցով ստեղծել է հազվագյուտ վիսկի՝ 50 հազար դոլար արժողությամբ

  Diageo ընկերությունը միավորել է նորն ու հինը՝ ստեղծելով 50 հազար դոլար արժողությամբ վիսկիի երկու հազվագյուտ շիշ: Նոր արտադրանքը SmokeDNAi կոչվող արհեստական ինտելեկտի տեխնոլոգիան է, որը թույլ է տալիս ուսումնասիրել տակառներում վիսկիի հնեցման գործընթացը...

Հայաստանում կարելի է ցանկացած ճաշակի ու գույնի գինի գտնել, պարզապես պետք է ճիշտ կողմնորոշվել դրա ոճում՝ թե որն է ավել մոտիկ ձեզ, ասում է ազգությամբ ռուս գինու փորձագետ Եվգենիա Խավտորինան, որի հետ NEWS.am STYLE-ը զրուցել է հայկական գինու եւ խոհանցի, ինչպես նաեւ՝ մասնագիտական այլ հմտությունների մասին։

Հայկական գինիների մասին

Հայկական գինիներին այստեղ տեղափոխվելուցս շատ ավելի վաղ եմ ծանոթացել։ Մեզ դրա մասին պատմել են դասընթացի ընթացքում, որտեղ այն հրաշալի ձեւով են ներկայացրել։ Մեզ նաեւ հնարավորություն էր վիճակվել այցելել գինու գործարաններ, ծանոթանալ գինեգործների հետ։ Գինեգործության մեջ կան մի քանի խոշոր ուղղություններ՝ որոշները կենտրոնացած են ավանդական տեսակների վրա։ «Արենի»-ն ու «Ոսկեհատ»-ը հայկական գինեգործության ամենահայտնի օրինակներից են, որոնք ծրագրում են միջազգային հարթակում դառնալ հայկական գինու գլխավոր ներկայացուցիչները։ «Արենի Նուար»-ը բազմակողմանի տեսականի է, որից կարելի է պատրաստել, ինչպես եվրոպական ամենաէլեգանտ՝ Pinot Noir-ի եւ բուգունդական ոճի, այնպես էլ՝ ամենաբրուտալ ոճի գինիներ։ 

Գրենաշն, օրինակ, Արագածոտնի մարզից է բերվում․ սա հարավային, տաք վայր է, որտեղ շատ քիչ են տեղումները լինում, ինչի շնորհիվ խաղողը բավական քացր է, համապատասխանաբար՝ գինին ավելի շատ չափաբաժնով ալկոհոլ եւ դաբաղանյութեր է պարունակում։ Այս տեսակները, անպայման, պետք է փորձել՝ Վայոց Ձորի նուրբ «Արենի Նուար»-ը եւ Արագածոտնի կամ Արմավիրի մարզերից՝ ուժեղ «Արենի Նուար»-ը։  

Այսօր գինիների շատ այլ տեսակներ են զարգանում, որոնք ստեղծողներն իմ հիացմունքին են արժանանում, քանի որ դրանք շատ բարդ են, թանկարժեք ու քրտնաջան աշխատանք պահանջող։ Օրինակ՝ «Հաղթանակը», «Տիգրանին», «Կարմրանյութը» մեծ ճանաչում են վայելում։ Այսինքն, եթե «Արենի Նուար»-ը չափազանց «խնամված» եւ «կոկիկ» է թվում, ապա փորձեք տեղական ավտոխթոն սորտերը:

Խոսելով սպիտակ գինիների մասին՝ հարկ է նշեմ, որ իմ կարծիքով Հայաստանում կարմիր գինին ավելի հաջող է ստացվում, քան սպիտակը։ Պատճառն այն է, որ այստեղ կլիման տաք է, եւ խաղողը դժվարությամբ է պահպանում իր թթվայնությունը։ Դրա համար էլ ես նախընտրում եմ Վայոց Ձորի սպիտակ գինիները, քանի որ այնտեղ կան բարձրադիր խաղողի այգիներ, որոնք Եվրոպայում ամենաբարձրն են համարվում (ծովի մակարդակից մինչեւ 1800 մետրի հասնող)։ Այդ բարձրության շնորհիվ հաջողվում է պահպանել խաղողի թթվայնությունը, ինչի արդյունքում գինիները ստացվում են թարմ եւ ոչ այնքան ալկոհոլային։ Հենց դա էլ հատուկ է սպիտակ գինիներին։ Իսկ եթե խոսեմ փրփրուն գինիներից, կառանձնացնեմ Keush ապրանքանիշը։ Այս հրաշալի գինիները 2-3 տարի են պահվում։ Դրանք նույն ձեւով են պատրաստվում, ինչպես Շամպանում։ Հայաստանում, առհասարակ, ցանկացած ճաշակի ու գույնի գինի կարելի է գտնել, պարզապես ընտրեք այն, ինչը մոտ է ձեր քիմքին։ 

Գինու նույնացումներ Հայաստանի հետ

Չեմ սիրում կոպիտ ընդհանրություններ անել․ Հայաստանը շատ տարբեր է, այստեղի մարդիկ՝ եւս։ Բայց կարծում եմ՝ Հայաստանը չպետք է յուրացնի որեւէ եվրոպական ոճի գինի կամ կենտրոնանա նոր պատմությունների վրա։ Հայերն արդեն ունեն իրենց հրաշալի գինին, որոնց հետ նրանց ասոցացնում են, եւ այդ չափազանց հին գինեգործությունը, չնայած շատ դժվարությունների, գոյատեւել է, հասել մինչեւ մեր օրեր ու դեռ շարունակում է զարգանալ։ 

Տպավորություններ՝ հայկական խոհանոցից

Սննդի առումով ես ասկետ եմ։ Ինձ համար միայն միսն ու բանջարեղենն արդեն կատարյալ են: Իսկ դա այն է, ինչի պակասը Հայաստանը չունի․ ուղղակի կրակի վրա միս են տապակում եւ բանջարեղեն կտրատում։ Տոլմա, օրինակ, ես արդեն սովորել եմ պատրաստել։ Իհարկե՝ ոչ այնքան համեղ, որքան հայ տատիկները, բայց ես ձգտում եմ դրան։ Կարող եմ ասել, որ ինձ վրա տհաճ տպավորություն թողեց ավելուկով աղցանը։ Այն ինձ դուր չի եկել ոչ համով, ոչ տեսքով, ոչ ձեւով, ոչ էլ հոտով:

Երեւի դեռ պետք է ընտելանամ եւ ապրեմ Հայաստանում, որպեսզի սովորեմ նման ուտեստներին։ Միեւնույն ժամանակ, ես հիացած եմ այստեղի կանաչեղենի հավաքածուով։ Մինչ ես փորձում եմ համեմը տարբերել մաղադանոսից, այստեղ դեռ մոտ 30 այլ կանաչիներ կան, որոնց մասին ես, նույնիսկ, չգիտեմ: Կարծում եմ՝ հայկական խոհանոցի հրաշքը ոչ թե առանձին ճաշատեսակների, այլ այստեղ առկա համեմունքների եւ խոտաբույսերի տեսականիների մեջ է: Օրինակ, երբ տոլմա եմ եփում, այն նման է լինում ռուսական կոլոլակի համին, քանի որ ես դեռ չեմ տիրապետում այն գաղտնի բաղադրիչներին, որոնք այստեղ ավելացնում են։ Կարծում եմ, որ հայկական խոհանոցի ողջ գաղտնիքը համեմունքների և խոտաբույսերի մեջ է։

Զրուցեց Ռեգինա Մելիքյանը

Լուսանկարները՝ Արսեն Սարգսյան

Հետևեք NEWS.am STYLE-ին Facebook-ում, Twitter-ում և Instagram-ում