• «Մամայի Բալա»-ն վերադառնում է․ նոր եթերաշրջանում՝ նոր խառնաշփոթ, սեր ու անսպասելի փորձություններ

  Սվետայի տունը կրկին պատրաստվում է վերածվել ամենաանկանխատեսելի ու զվարճալի վայրերից մեկի...

• «Մի գդալ սեր»՝ ֆիլմ, որի յուրաքանչյուր դետալում սեր կա․ պրեմիերա, կարմիր գորգ, խոստովանություններ

  Գրեթե մեկ տարի անց «Մի գդալ սեր» ֆիլմը պատրաստ է հանդիպելու հանդիսատեսին․․․

• «Գերին և Գրեյսը»․ հույսի և մենության մասին տրագիկոմեդիան հայ հանդիսատեսին կներկայացնեն Հովհաննես Բաբախանյանն ու Նարինե Չիլինգարյանը

  ԱՄՆ-ում բնակվող ՀՀ վաստակավոր արտիստ Հովհաննես Բաբախանյանը սեպտեմբերին հյուրախաղերով հանդես կգա հայրենիքում...

• Բլոգեր Նուշիկ Օհանյանի ամուսինը, մեկ տարի կոմայի մեջ գտնվելուց հետո, մահացել է

  Բլոգեր Նուշիկ Օհանյանի ամուսինը, մեկ տարի կոմայի մեջ գտնվելուց հետո, մահացել է…

• Ալեն Սիմոնյանի շնորհավորանքը կնոջը՝ Անելյա Գուբրյանին, 26-ամյակի առթիվ (ֆոտո)

  Անվտանգության խորհրդի քարտուղար Ալեն Սիմոնյանի կինը՝ մոդել Անելյա Գուբրյանն, այսօր՝ սեպտեմբերի 2-ին, նշում է ծննդյան 26-ամյակը…

• ArmenՅԱՆs. Ջեք Թոփալյան՝ «էյֆորիայի» հայ աստղը․ ինչպե՞ս բիզնեսը փոխարինեց դերասանի կարիերայով, «տանջեց» Ջեյքոբ Էլորդիին ու հայերեն խոսեց ամերիկյան հայտնի սերիալում

  Մենք՝ հայերս, աշխարհի որ երկրում էլ լինենք, միշտ հպարտություն ենք ապրում, երբ մեր հայրենակիցներից մեկին հանկարծ տեսնում ենք որևէ խոշոր միջազգային նախագծում...

• Անձրևի և կայծակի պատճառով հետաձգվել է Էրիկի մենահամերգը

  Համերգի մեկնարկից հետո երգիչը հասցրել է մի քանի երգ կատարել, սակայն ուժեղ անձրևի և կայծակի պատճառով միջոցառումը ստիպված են եղել դադարեցնել։ Էրիկ Կարապետյանն ավելի ուշ իր ինստագրամյան սթորիում հայտնել է, որ համերգը տեղափոխվում է սեպտեմբերի 3-ին՝ ժամը 20:30-ին...

• Մոհաննայի «Անպայման»-ը․ նոր երգ, նոր տրամադրություն ու սիրելի տղամարդուն ուղղված երաժշտական խոստովանություն

  Մոհաննան ներկայացրել է իր նոր՝ «Անպայման» երգը, որն արդեն հասանելի է նաև ամբողջական տեսահոլովակով։ Նոր աշխատանքով երգչուհին ոչ միայն շարունակում է իր երաժշտական ճանապարհը, այլև բացում է իր զգացմունքային աշխարհի մի նոր էջ՝ երգը նվիրելով իր սիրելի տղամարդուն...

Հաղթանակ հաղթանակից հետո, բայց Սյուզաննա Մելքոնյանն այն արտիստներից է, ով չի բավարարվում ձեռքբերումներով եւ անընդհատ ձգտում է նոր բարձունքների, հատկապես, երբ խոսքը հայրենիք ներկայացնելու մասին է։ Ինչպես արդեն հայտնել ենք, Սյուզաննան «Սլավյանսկի բազար» միջազգային մրցույթում Հայաստանի այս տարվա դեսպանն է։ Երգչուհին մասնակցության առաջարկը ստացել է մրցույթի Հայաստանյան պատվիրակության ղեկավար Վրեժ Կիրակոսյանից․

«Քանի որ Վրեժի հետ աշխատելու փորձ ունենք, ամիսներ առաջ էլ միասին հաղթանակ ունեցանք Ղազախստանում, ունենք փոխադարձ վստահություն եւ հարգանք: Երբ նա այս մրցույթի ձեւաչափն ինձ ներկայացրեց, հասկացանք, որ սա այն պահն է, որ ոչ մի հնարավոր միջազգային հարթակ չպետք է բաց թողնենք, եւ որոշեցինք կրկին համագործակցել։ Ես շնորհակալ եմ Վրեժին՝ այն բարձր գնահատականի համար, որը միշտ ինձ տալիս է»,-NEWS.am STYLE-ի հետ զրույցում նշեց Սյուզաննա Մելքոնյանը։ 

Ղազախստանի  ALMATYM JŪREGIMDE/«Ալմաթին իմ սրտում» միջազգային երգի մրցույթում տարած հաղթանակից անմիջապես հետո որոշվել է, որ Սյուզաննան պետք է ներկայացնի Հայաստանը այս ամռանը Վիտեբսկում կայանալիք «Սլավյանսկի բազար» մրցույթում,-«Մրցույթի կանոնադրության համաձայն՝ դեռեւս չէինք կարող բարձրաձայնել այդ մասին. այս ընթացքում քննարկումներ ունեցանք, մոտավորապես գծեցինք, թե ինչպես պետք է աշխատենք, քանի որ ամեն հնարավոր բան պետք է անենք, որ Հայաստանը պատվով ներկայանա երկու մրցութային օրերին էլ: Երբ ծանոթացա ձեւաչափին, մեծ հաճույքով համաձայնվեցի մասնակցել: Սա սարսափելի պարտավորեցնող է, հատկապես՝ իմ դեպքում. մարդիկ ինձ արդեն այլ մրցույթներում տեսել են հաղթողի կարգավիճակում, եւ քառակի պատասխանատվություն եմ կրում այդ պատճառով: Մի քիչ լարվում եմ այդ մտքից, հատկապես, որ իմ մասնակցության վերաբերյալ պաշտոնական հայտարարությունից հետո շատերն արդեն գրում են՝ վստահ ենք, որ կրկին հաղթելու ես»,-ասում է երգչուհին։ 

Մրցույթն անցկացվելու է հուլիսի 12-ից 17-ը, ունենալու է երկու մրցութային օր։ Առաջին օրը մասնակիցները պետք է որեւէ սլավոնական երգ ներկայացնեն, երկրորդ օրը՝ միջազգային հիթ.

«Այս պահին աշխատում ենք երգերի ճիշտ ընտրության շուրջ, քանի որ իմ մրցութային փորձն էլ ցույց է տալիս, որ ճիշտ ընտրված երգը մրցույթում հաղթանակի կեսն է: Կան, իհարկե, երգերի տարբերակներ, դրանք մոտ օրերս կհստակեցվեն»:

Սյուզաննան, ինչպես միշտ, հաղթանական է տրամադրված․ ասում է՝ այս անգամ էլ գնում է հաղթելու ու բարձր հորիզոնականով վերադառնալու նպատակով,-«Դրա համար պետք է շատ աշխատել ու լավ պատրաստվել, ինչին ես պատրաստ եմ: Բայց, առաջին հերթին, ուզում եմ, որ Հայաստանի պատիվն, իսկապես, բարձր մնա, եւ շատ գեղեցիկ ներկայանանք: Այո, ես իմ անունից միայն չեմ խոսում, որովհետեւ մի ամբողջ երկիր եմ ներկայացնում, ինչն ամեն անգամ մեծ պատասխանատվություն է: Աստված առաջ, վստահ եմ՝ լավ աշխատանքի դեպքում կունենանք լավ արդյունք»:

Սյունե Առաքելյան

Լուսանկարները՝ Սյուզաննայի ֆեյսբուքյան էջից

Հետևեք NEWS.am STYLE-ին Facebook-ում, Twitter-ում և Instagram-ում