• Ջենիֆեր Լոպեսը ցուցադրել է Hermes-ի հազվագյուտ Birkin պայուսակը, որն արժե ավելի քան 400,000 դոլար

  Ջենիֆեր Լոպեսը ցուցադրել է իր հազվագյուտ Birkin պայուսակը Hermes-ից, որը պատրաստված է հիմալայան կոկորդիլոսի կաշվից եւ արժե 432 000 դոլար․․․

• Էդի Մերֆիի առաջիկա ֆիլմերից մեկը հետաքննության կենտրոնում է հայտնվել նկարահանման հրապարակում տեղի ունեցած խնդիրների պատճառով

  Էդի Մերֆիի առաջիկա ֆիլմերից մեկը հետաքննության կենտրոնում է հայտնվել նկարահանման հրապարակում տեղի ունեցած խնդիրների պատճառով…

• Իրինա Շեյքը նոր տղամարդ է փնտրում

  Իրինա Շեյքը NFL-ի աստղ Թոմ Բրեդիի հետ անհաջող սիրավեպից հետո նոր տղամարդ է փնտրում, հայտնում է Page Six-ը՝ հղում անելով իր աղբյուրին…

• Լիլիթ Հովհաննիսյանը հայտնել է, որ իր վերջին տեսահոլովակի զգեստն ինքն է հեղինակել (ֆոտո)

  Լիլիթ Հովհաննիսյանն Instagram-ում նոր լուսանկարներ է տեղադրել, որոնցում կեցվածք է ընդունել փայլուն կանաչ զգեստով...

• Քանյե Ուեսթը մտածում է մեծահասակների համար Yeezy Porn հարթակ ստեղծելու մասին

  Քանյե Ուեսթն (Ye) ընդլայնում է իր բիզնեսի հորիզոնները եւ, կարծես, քայլեր է անում դեպի պոռնոարդյունաբերություն…

• Ջո Մանգանիելոն խոսել է Հայոց ցեղասպանությունից փրկված իր մեծ տատի մասին

  Ամերիկացի դերասան Ջո Մանգանիելոն, ով վերջերս է իմացել իր հայկական արմատների մասին, Instagram-ում պատմել է Հայոց ցեղասպանությունն ապրած իր մեծ տատի մասին…

• «Սրտի վալետ». նոր հումորային սիթքոմի մանրամասները. BACKSTAGE

  Ապրիլի 29-ին Արմենիա TV-ի եթերում կհեռարձակվի «Սրտի վալետ» նոր հումորային սիթքոմը...

• Քրիստի Թարլինգթոնի մերկ լուսանկարներն օգտագործվել են նրա որդուն ծաղրելու եւ հալածելու համար

  Նախկին սուպերմոդել Քրիստի Թարլինգթոնի մերկ լուսանկարներն օգտագործվել են նրա որդուն ծաղրելու եւ հալածելու համար…

Here Weed Go! փոթքասթի հոբելյանական թողարկման շրջանակում հաղորդավար Էդդի Սելայան հյուրընկալել էր System of a Down հայտնի ռոք խմբի անդամ, ամերիկահայ երաժիշտ Շավո Օդաջյանին։ Աշխարհահռչակ բասիստը խոսել է Լոս Անջելես տեղափոխվելու շրջանից, երաժշտության հանդեպ իր հետաքրքրությունից, System of a Down-ի ու հայտնիության, ինչպես նաեւ իր՝ 22Red ընկերության մասին, որը զբաղվում է մարիխուանայի արտադրությամբ։ 

Օդաջյանը պատմել է, որ երբ ընտանիքը որոշել է տեղափոխվել Սովետական Միությունից, ինքն ընդամենը 11 տարեկան էր։ Իր համար դժվար է եղել այն առումով, որ անգլերեն բացարձակ չի իմացել։ Ծնողներն այդ շրջանում ռուսական ձայնագրություններ են ունեցել։ Լսել է հենց այդ երաժշտությունը, բայց հասկացել է, որ ցանկանում է երաժիշտ դառնալ, երբ առաջին անգամ լսել է Kiss խմբին։

«Ես լսում էի այն, ինչ կար տանը ու փորձում այդ ամենից լավագույնը քաղել։ Անգլերեն չգիտեի, իմ կրթությունը, կարելի է ասել, սկսվեց Հոլիվուդում։ Սկսեցի ուսումնասիրել նաեւ տարբեր ազգություններն ու նրանց մշակույթները։ Ինձ շատ գրավեց լատինաամերկյան մշակույթը, այն ինձ հարազատ է մինչ օրս, քանի որ կարծում եմ՝ հայկականի հետ ունի որոշ ընդհանրություններ»։

Ռոքի ապագա աստղը 12 տարեկանում արդեն լսում էր ծանր մետալ, ու հստակ որոշել էր, որ ցանկանում էր զբաղվել հենց այդ երաժշտությամբ, սակայն ծնողներն այնքան էլ չէին աջակցում նրա գաղափարին,-«Դե, նրանք չէին ուզում, որ ես «սոված արտիստ» դառնայի,-հիշում է Օդաջյանը,-բայց ես լավ բանակցող եմ (ծիծաղում է)։ Միշտ ասում էի նրանց, որ սա է իմ ճանապարհը։ Ի վերջո, տատիկս ինձ կիթառ նվիրեց, որից հետո ես դրա հետ ժամեր էի անցկացնում իմ սենյակում։ Կարդում էի ռոքի աստղերի մաին ամսագրերը եւ ինքնուրույն սովորում էի այդ ամենից։ Շատ ջանք չէի թափում․ ինձ դա, պարզապես, դուր էր գալիս։ Ես ցանկանում էի դառնալ ռոք աստղ։ Հետո արդեն սկսեցի ինքս գրել երգեր, ու հասկացա, որ ինձ մոտ վատ չի ստացվում»։

Օդաջյանը պատմել է նաեւ SOAD-ի երկար ու դժվար ճանապարհից։ 

«Մենք, իսկապես, տարբերվում էինք, ու ես շատ էի ցանկանում մեր խումբը ճանաչելի դարձնել աշխարհում, ու այնպես էր պատահում, որ մեր համերգներին շատ լեյբլներ էին գալիս, բայց նրանցից ոչ ոք մեզ չէր ընտրում համագործակցության համար։ Այդպիսի պահերին մտածում էի՝ «լավ, ո՞րն է մեր խնդիրը»։ Բայց մենք շարունակում էինք աշխատել, կոտրել ժանրային էլեմենտներն, ու մի օր մեզ ընտրեցին․․․»։

Ռոք աստղն այսօր ունի իր բրենդը, որը զբաղվում է մարիխուանայի արտադրությամբ։ Նա շեշտում է, որ իր համար կարեւորագույն գործոնը որակն է։ Այդ բիզնեսով Օդաջյանը սկսել է զբաղվել, երբ Կալիֆորնիայում օրինական է դարձել մարիխուանա ծխելը։ Սակայն երաժիշտը սկզբունքորեն որոշել է իր անունը չտալ բրենդին։ 

«Երբ մարիխուանայի օգտագործումը Կալիֆորնիայում օրինական դարձավ, շատերը հարցնում էին, թե ինչու չեմ բացում իմ բրենդային ընկերությունը, բայց ես սկզբում ասում էի՝ ես արտիստ եմ, ով սիրում է ծխել մարիխուանա, բայց ես չէի ցանկանում, որ իմ անունը լիներ նման արտադրանքի վրա։ Շատ արտիստներ կան, ովքեր, երբ որեւէ բիզնես են սկսում, իրենց անունն են դնում դրա վրա, բայց դա ինձ դուր չի գալիս։ Այդպիսով որոշեցի այլ անուն ընտրել։ 22-ն իմ ծննդյան օրն է, ես եւ կինս էլ նշում էինք մեր ամունության 22-ամյակը, բացի այդ՝ ես 22 տարեկան էի, երբ System-ը կազմավորվեց։ 22-ն ինձ համար խորհրդանշական թիվ է։ Իսկ ինչո՞ւ Red, քանի որ երբ փակում եմ աչքերս ինչ-որ բան մտածելու համար, կարմիր գույն եմ տեսնում։ Այդպես էլ ծնվեց բրենդի անվանումը»,-պատմել է երաժիշտը։ 

Հարցին, արդյոք, ինքը դեռահասության տարիքի՞ց է սկսել ծխել, Օդաջյանը բացասական պատասխան է տվել՝ հավելելով, որ իր առաջին փորձը եղել է շատ ավելի ուշ, երբ աշխատում էր Soil բենդում։ 

Լուսանկարը՝ KEVIN WINTER/GETTY IMAGES

Հետևեք NEWS.am STYLE-ին Facebook-ում, Twitter-ում և Instagram-ում