• Գիտնականն ու հայտնի կոմպոզիտորը պարզել է, թե ինչպես է հնչում պաստան

  Երբեւէ մտածե՞լ եք, թե ինչպես է հնչում ձեր սիրելի պաստան…

• Ավելի քան 200 երաժիշտներ, այդ թվում Բիլի Այլիշը եւ Նիքի Մինաժը, հայտարարել են ԱԲ սպառնալիքի մասին երաժշտության ոլորտում

  Ավելի քան 200 երաժիշտներ, այդ թվում Բիլի Այլիշը, Նիքի Մինաժը, Ջեյ Բելվինը, Չաք Դին, Benny The Butcher-ը, Metro Boomin-ը եւ Q-Tip-ը, հայտարարել են արհեստական բանականության սպառնալիքի մասին երաժշտության ոլորտում...

• Բեյոնսեն դարձել է առաջին սեւամորթ արտիստը, ում քանթրի երգը չարթերում գրավել է առաջին հորիզոնականը

  Իր «Ռենեսանս» շրջագայությամբ աշխարհը նվաճելուց հետո Բեյոնսեն շարունակում է պատմություն կերտել իր նոր՝ Act II ալբոմով…

• Երաժշտության պատմությունը փոխած «Rhapsody in Blue» ստեղծագործությունը 100 տարեկան է

  Փետրվարին լրանում է Ջորջ Գերշվինի «Rhapsody in Blue» ամերիկյան երաժշտության խորհրդանշական կոմպոզիցիայի ստեղծման 100-ամյակը․․․

• Շերը Ռոքնռոլի փառքի սրահի հավակնորդների թվում է

  Շերը, Լենի Կրավիցը, Շինեյդ Օ'Քոնորը, Մերի Ջեյ Բլայջը, Օզի Օսբորնը եւ Մրայա Քերին Ռոքնռոլի փառքի սրահի հավակնորդներից են․․․

• Sony Music-ը Մայքլ Ջեքսոնի կատալոգի մասնաբաժինը կգնի ավելի քան 1,2 միլիարդ դոլարով

  Sony-ի գործարքը չի ներառում Բրոդվեյի պիեսների եւ Ջեքսոնի երաժշտությունը ներկայացնող այլ թատերական բեմադրությունների հոնորարները․․․

• Թեյլոր Սվիֆթը «Գրեմմիի» ռեկորդ է սահմանել

  Լոս Անջելեսում կայացել է Գրեմմիի 66-րդ մրցանակաբաշխությունը…

• Ջեյ Լոն եւ Latto-ն՝ «Can't Get Enough (Remix)» երգի «թեժ» տեսահոլովակում

  Միակ բանը, որից Ջենիֆեր Լոպեսը չի կարող կշտանալ, սերն ու բուռն երաժշտական ​​տեսահոլովակներն են․․․

MP3 նվագարկիչներն իսկական բեկում մտցրին երաժշտական արդյունաբերությունում և մեծ տարածում գտան 2000-ականներին։ Շարժական նվագարկիչների, թերեւս, վերջին վառ ներկայացուցիչն iPod-ն է։ Սմարթֆոնների եւ հոսքային ծառայությունների ի հայտ գալով MP3 նվագարկիչների տարածվածությունը բավական կտրուկ նվազեց, դրանք ասես լիովին կորցրին իրենց իմաստն ու մոռացվեցին։ Իրականում 2010-ականների վերջին սկսվեց դրանց վերածնունդը։ Hi-Res նվագարկիչներն ակտիվորեն վերանվաճում են կորցրած դիրքերը, եւ այսօր, որպես կանոն, դրանք գնում են կա՛մ հավաքորդները, կա՛մ աուդիոֆիլները, որոնք շարունակ գայթակղված են «գրպանում» բարձրորակ ձայն ապահովող սարք ունենալ։ NEWS.am STYLE-ն առաջարկում է հայացք նետել MP3 նվագարկիչների պատմության կարեւոր դրվագներին եւ ժամանակակից աշխարհում դրանց զբաղեցրած տեղին։ 

MP3 նվագարկիչների պատմությունն սկսվել է 1990-ականների վերջին, հենց այդ ժամանակ  հնարավոր դարձավ երաժշտական ֆայլերը պահել MP3 թվային ձեւաչափով։ Մինչ այդ «թվային» երաժշտություն լսելու համար հարկավոր էր հնչյունային քարտ ունեցող համակարգիչ։ Սակայն 1998 թ. ի հայտ եկավ առաջին MP3 նվագարկիչը, որն ստեղծել էր հարավկորեական SaeHan Information Systems ընկերությունը և կոչվում էր «MPMan»։ MPMan-ն առաջին շարժական աուդիոնվագարկիչն էր, որը կարող էր նվագարկել MP3 ֆայլեր եւ ուներ 32 ՄԲ ծավալով ներկառուցված հիշողություն։ 

MP3 նվագարկիչների պատմության հաջորդ նշանակալի փուլը տեղի ունեցավ 2001 թ., երբ Apple-ը թողարկեց իր առաջին iPod-ը։

iPod-ն ստեղծել էին Ջոն Ռուբինշտեյնն ու Apple-ի նրա թիմը։ Դա առաջին MP3 նվագարկիչն էր, որն ուներ ներկառուցված հիշողության մեծ ծավալ, ինչպես նաեւ հեշտ միանում էր համակարգչին։ iPod-ն արագ մեծ տարածում գտավ՝ շնորհիվ օգտագործման պարզության եւ կառավարման նորարարական ինտերֆեյսի։ 

Այդ ժամանակվանից ի վեր MP3 նվագարկիչները դարձան ստանդարտ հարմարանք «ցանկացած վայրում եւ ցանկացած ժամանակ» երաժշտություն լսելու համար։ Creative, Sony, Samsung ընկերությունները շուկա հանեցին նվագարկիչների հազարավոր տարբերակներ։ Դրանք դարձան ավելի հասանելի եւ կարող էին ավելի շատ երգեր տեղավորել, ինչով էլ անհավանական մեծ տարածման արժանացան։

Սակայն վերջին տարիներին աուդիոֆիլների եւ մելոմանների շրջանում սրընթաց կերպով տարածվում են Hi-Res նվագարկիչները։ Դրանք շարժական նվագարկիչների նոր սերունդ են եւ կարող են ձայնի ավելի բարձր որակ ապահովել։ Hi-Res նվագարկիչները հնարավորություն ունեն վերարտադրել երաժշտությունը բարձրորակ ձեւաչափով՝ FLAC (Free Lossless Audio Codec), ALAC (Apple Lossless Audio Codec), WAV (Waveform Audio File Format) եւ DSD (Direct Stream Digital)։ Այդ ձեւաչափերն ապահովում են ձայնի ավելի բարձր որակ, քան MP3-ը՝ ձայնը դարձնելով ավելի հստակ, մանրամասն եւ հարուստ։ 

Բացի դրանից, Hi-Res նվագարկիչները սովորաբար ունեն ավելի լավ աուդիոսարքավորումներ,  քան դրանց MP3 «եղբայրները»։ Օրինակ՝ ավելի որակյալ անալոգա-թվային կերպափոխիչ, ուժեղացուցիչ եւ աուդիոկոդեկներ։ Դա օգտատերերին թույլ է տալիս գերազանց որակի ձայն ստանալ, անգամ սովորական ականջակալներ կամ ոչ թանկ աուդիոհամակարգեր օգտագործելու դեպքում։ 

Բացի դրանից, Hi-Res նվագարկիչները սովորաբար ներկառուցված հիշողության մեծ ծավալ ունեն եւ հիշողության քարտերի բնիկներ, ինչը թույլ է տալիս մեծ քանակի երաժշտական «ծանր» ֆայլեր պահել։ Դա օգտակար է հատկապես նրանց համար, ովքեր ցանկանում են, որ իրենց երաժշտությունը հասանելի լինի ցանկացած ժամանակ՝ առանց համացանցին միանալու անհրաժեշտության։ 

Hi-Res նվագարկիչների առավելություններից մեկն էլ այն է, որ դրանք ունեն մեծ էկրան, որը հեշտացնում է սարքը կառավարելն ու հնչող երաժշտության մասին ինֆորմացիան տեսնելը։ Hi-Res նվագարկիչների այսպիսի ֆունկցիոնալությունը շատ է հեշտացնում նրանց կյանքը, ովքեր հաճախ են փոխում իրենց երաժշտությունն ու կարգավորումները։ 

Ներկայում շուկայում կան տարբեր արտադրողների Hi-Res նվագարկիչների բազմաթիվ մոդելներ, նաեւ նախաատեսված տարբեր բյուջե ունեցողների համար։ Ամենատարածված մոդելներից են՝ Sony NW-ZX300, Astell&Kern AK70 MKII, Fiio X7 Mark II, Pioneer XDP-300R եւ HiBy R6։  

Այս նվագարկիչները հնարավորություն ունեն նաեւ միանալ համացանցին, ինչը թույլ է տալիս լսել հոսքային երաժշտություն՝ բարձրորակ ձեւաչափով, ինչպիսին է Tidal-ը կամ Qobuz-ը՝ դրանով իսկ նվազեցնելով հենց սարքում ամբողջ երգացանկը պահելու անհրաժեշտությունը։

Չնայած Hi-Res նվագարկչի բոլոր առավելություններին, դրանք դեռ այդքան էլ տարածված չեն, ինչպես MP3 նվագարկիչները կամ բջջային հեռախոսներով երաժշտության հոսքային ծառայությունից օգտվելու պրակտիկան։ Այս մրցավազքում հիմնական խոչընդոտը, թերեւս, գինն է։ Hi-Res նվագարկիչները սովորաբար մի քանի անգամ ավելի թանկ են, քան սովորական MP3 նվագարկիչները եւ ոչ բոլոր օգտատերերն են պատրաստ հանուն դրա դատարկել իրենց դրամապանակները։ Գինը տատանվում է 100 դոլարից մինչեւ 1500 դոլար եւ ավելի բարձր։

Բացի դրանից, հոսքային ծառայությունների մեծ մասը (Spotify կամ Apple Music) բարձրորակ ձեւաչափով երաժշտության հոսքային վերարտադրության հնարավորություն չի տալիս, ինչպես նաեւ երաժշտական ալբոմների մի մասը մինչ օրս թողարկվում է MP3 ձեւաչափով, ինչը նույնպես նվազեցնում է Hi-Res նվագարկիչների արդիականությունը հնարավոր գնորդների մեծ մասի համար։ Այս մասին մանրամասն պատմել ենք մեր նախորդ հոդվածում։ 

Այնուամենայնիվ, Hi-Res աուդիոյի տարածվածության եւ գրադարան ունեցող երաժշտական բարձրորակ ծառայությունների թվի աճին զուգահեռ Hi-Res նվագարկիչներն ավելի հաճախ են աուդիոֆիլներին խելքահան անում։ Ընդհանուր առմամբ եւ MP3, եւ Hi-Res նվագարկիչներն ունեն իրենց ուժեղ կողմերը։ Անկախ նրանից, թե ինչ սարք կընտրեք, կարեւոր է հիշել, որ ձայնի որակը եւ օգտագործման հարմարավետությունը ամենակարեւոր գործոններն են շարժական աուդիոնվագարկչի ընտրության ժամանակ։

Նիկիտա Ակիմով

Հետևեք NEWS.am STYLE-ին Facebook-ում, Twitter-ում և Instagram-ում