• Լեգենդար «Որոգայթը» վերադառնում է՝ «Նոր սկիզբ»․ նոր պատմություն, նոր մասշտաբ, նոր խաղի կանոններ

  Լեգենդար «Որոգայթը» վերադառնում է՝ «Որոգայթ. Նոր սկիզբ» 24 մասից բաղկացած նոր քրեական դրամայով...

• Րաֆֆի Գալստյան․ «Ուզում եմ իմ լավագույն տարիները նվիրել հենց մեր թատրոնին»

  Մոլդովայի բեմում՝ Սպարտակի կերպարով, հայրենիքում՝ նոր դերերով ու ստեղծագործական ծրագրերով…

• Սյուզան Մարգարյանի արձագանքը Սիրուշոյի պատմությանը, Fashion Week-ն ու Երևանի 2808-ամյակը․ Instagram-ը՝ այս շաբաթ

  Հոկտեմբերի 7-ին կայացավ Վարդուհի Վարդանյանին նվիրված մեծ համերգը, որի ընթացքում գրանցվեցին մի շարք տպավորիչ ու հուզիչ դրվագներ...

• Երջանկության, վախերի ու սիրո մասին․ դերասանները՝ առանց բեմական կերպարների

  Բեմում դերասանին սովորաբար ճանաչում ենք նրա ստեղծած կերպարով, իսկ հարցազրույցում՝ նրա մասնագիտական հայացքներով․․․

• Կինոբեմադրիչ Ջիվան Ավետիսյանի՝ «Վերածնվածը» ֆիլմի անդրանիկ ցուցադրությունը Լոս Անջելեսում

  Լոս Անջելեսում՝ Warner Bros. Studios.-ի Steven J. Ross կինոթատրոնում, հոկտեմբերի 3-ին կայացավ կինոբեմադրիչ Ջիվան Ավետիսյանի «Վերածնվածը» (Revival) լիամետրաժ խաղարկային ֆիլմի առաջին ցուցադրությունը․․․

• Երեք հարս, մեկ սկեսուր ու մեկ մեծ գաղտնիք․ «Հարսների հավաքականը»՝ բեմում

  Երեք հարս, մեկ սկեսուր ու շատ ինտրիգներ. հոկտեմբերի 5-ին և 7-ին Ստանիսլավսկու անվան ռուսական դրամատիկական թատրոնի բեմ բարձրացավ ռեժիսոր Սեդրակ Գոջամանյանի «Հարսների հավաքական» զավեշտալի ներկայացումը՝ Իրինա Դանիելյանի, Մարջան Ավետիսյանի, Զառա Սահակյանի ու Լիանա Վանոյանի մասնակցությամբ….

• «Բարձրաձայն կարոտ»․ Վարդուհի Վարդանյանին նվիրված երեկոյին բեմում էին նաև որդին, թոռնուհին ու քույրերը (ֆոտո/վիդեո)

  Ապրեց ընդամենը 30 տարի, սակայն Վարդուհի Վարդանյանը հասցրեց ստեղծել մի ժառանգություն, որն այսօր էլ շարունակում է ապրել նրա երգերում, կատարումներում ու իրեն ճանաչողների հիշողություններում․․․

• Ռաֆայել Երանոսյանը խոստանում է «թեթևացնել» կյանքի ծանրությունները. նոր մոնոներկայացման պրեմիերան՝ հոկտեմբերի 19-ին

  Ռաֆայել Երանոսյանը կրկին բեմ է բարձրանալու մոնոներկայացմամբ, այս անգամ՝ «Ծանր ու թեթև» խորագրով...

Սեւ պատմություն, բայց մոտ 2 ժամ տեւած ժպիտ ու ծիծաղ, որոնք, պարբերաբար, ընդհատվում էին հուզական մենախոսությունների արանքում: Երեկ՝ սեպտեմբերի 14-ին, «Մոսկվա» կինոթատրոնում կայացավ ռեժիսոր Գոռ Կիրակոսյանի «Սեւազգեստ կանայք» սեւ կատակերգության փակ դիտումը՝ ֆիլմի անձնակազմի, հայտնիների ու մեդիա ներկայացուցիչների մասնակցությամբ: Միջոցառման, նույնիսկ, dress code-ն էր սեւ, իսկ ճեմասրահում ներկայացված էին ֆիլմի ճակատագրական հերոսուհիների կրած զգեստները:

Ֆիլմի իրադարձությունները տեղի են ունենում մի տղամարդու հոգեհանգստի արարողության ժամանակ, երբ ընտանիքից ու հարազատներից բացի՝ «հրավիրվածների» ցանկում են լինում նաեւ նրա սիրուհիները, իսկ հանգուցյալի դուստրը փորձում է այնպես անել, որ մայրը չիմանա ամուսնու դավաճանությունների մասին: Այստեղից էլ սկսվում են ֆիլմի քաոսային իրադարձություները, որոնք համեմված են հումորային երկխոսություններով ու դրվագներով:

«Ֆիլմի մտահաղացումը ստեղծվել է 5-6 տարի առաջ, երբ իմ ընկերը՝ Դավիթ Բաբախանյանը, թղթախաղի ընթացքում պատմեց իր գաղափարի մասին: Նա ներկայացրեց այս ֆիլմի «ողնաշարը», որից հետո մենք մեկ տարի զրուցել ենք թեմայի շուրջ: Հետո մեզ միացել է նաեւ Աշոտը Աբրահամյան, եւ մենք սկսել ենք գրել սցենարը: Սցենարի շուրջ սկսել ենք աշխատել դեռ այն ժամանակ, երբ ես նկարահանում էի «Ազնիվ գողեր» ֆիլմը՝ 2019 թ-ին: 2021 թ-ին վերադարձա Հայաստան, եւ սկսեցինք նկարահանումները»,-պատմում է Գոռ Կիրակոսյանը:

Ֆիլմի գլխավոր դերերում  նկարահանվել են Արտյոմ Մարկոսյանը, Ելենա Վարդանյանը, Դիանա Մալենկոն, Լուիզա Ներսիսյանը, Իվետա Մուկուչյանը, Գրիգոր Դանիելյանը, Ռաֆայել Երանոսյանը, Ռոզի Ավետիսովան, Ռոմելա Սարգսյանը, Արմեն Դարբինյանը, Աշոտ Տեր-Մաթեւոսյանը եւ այլք։ Դերասաններից յուրաքանչյուրին կբացահայտեք նորովի, իսկ նրանք քիչ ջանք չեն թափել ռեժիսորի սպասումներն արդարացնելու համար: Օրինակ՝ Ելենա Վարդանյանը հայերեն սցենարը ստիպված է եղել ռուսերեն տառերով կարդալ, Իվետան ու Լուիզան հատուկ ֆիլմի համար Ֆլամենկո են պարել, Ռոմելան՝ էլ ավելի համարձակ պար: Ռոզին ստիպված է եղել կարճ կտրել մազերը, իսկ Դիանա Մալենկոն, չնայած եղանակային շոգ պայմաններին ու հոգնածությանը, անդադար եղել է բարձրակրունկներով, բայց, ինչպես, Իվետան նկատեց՝ «մեկ վայրկյան անգամ չի տրտնջացել»: Սակայն ամենադաժան փորձությունը, թերեւս, բաժին էր ընկել հանգուցյալին մարմնավորող Արտյոմ Մարկոսյանին: Դերասանը անհարմարություն է ունեցել դագաղի մեջ պառկելու հետ կապված, սակայն, ի վերջո, ոչ միայն կատարել է ռեժիսորի դրած խնդիրը, այլեւ ստիպված եղել նկարահնումների ընթացքում, գրեթե, չշնչել… 

Գոռ Կիրակոսյանի խոսքով՝ սեւ գույնը գերակշռում է, եւ դա պատահական չէ. հերոսների միջոցով նա սեւ գույնին փորձել է հաղորդել այլ «երանգ»: «Ֆիլմը ոչ թե մահվան, այլ ապրելու մասին է»,-ասում է նա:

Կատակերգությունը կոչ է անում գիտակցել, որ կյանքը մեկ անգամ է տրվում՝ այն պետք է վայելել, սակայն փորձելով չկրկնօրինակել գլխավոր հերոսին, այլապես տհաճ միջադեպերի մեջ կարող ես հայտնվել, նույնիսկ հետմահու: 

«Սեւազգեստ կանայք» ֆիլմի ռեժիսորի եւ դերասանների բացահայտումներն ու խոստովանություններն ավելի մանրամասն՝ NEWS.am STYLE-ի տեսանյութում:

Տեքստը՝ Սյունե Առաքելյանի
Տեսանյութը՝ Մելինե Տոնոյանի եւ Արսեն Սարգսյանի

Հետևեք NEWS.am STYLE-ին Facebook-ում, Twitter-ում և Instagram-ում