Սննդակարգի տարրական սխալների հետեւանքով նիհարելու եւ սիրելի ջինսերի մեջ տեղավորվելու բոլոր ջանքերը կարող են զուր լինել: Գարունը զարթոնքի շրջան է: Այդ շրջանում շատ կանայք որոշում են ազատվել ավելորդ կիլոգրամներից: Դրա համար պետք չէ մարզասրահներում ուժասպառ անող վարժություններ կատարել կամ խիստ սննդակարգ պահպանել: Շատ աղջիկների համար նիհարելը մշտական դիետա է նշանակում: Մի քանի շաբաթ կանայք իրենց խիստ սահմանափակում են, իսկ հետո սարսափելի արագությամբ հարձակվում են սննդի վրա: Սկզբում այդ քայլերն արդյունք են տալիս, իսկ հետո ավելորդ կիլոգրամները կրկին վերադառնում են: Եվ այս ամենը նիհարողների գլխավոր սխալն է:
Ավելորդ կիլոգրամներ հավաքելուն հաճախ հանգեցնում են սննդի պատրաստման եւ այն ընդունելու փոքր սխալները: Եթե դրանք բացառենք եւ խոհանոցում մի քանի պարզ կանոնի հետեւենք, մեզանից յուրաքանչյուրը կարող է խուսափել ավելորդ կալորիաներից եւ կայուն քաշ պահպանել:
Եվ այսպես, ինչպիսի՞ տարածված սխալներ են թույլ տալիս նիհարել ցանկացողները:
Մեծ չափաբաժին
Ամեն անգամ ափսեի մեջ քիչ ուտելիք լցրեք, քան նախատեսել եք: Պատրաստեք այնքան, որ մեկ անգամ ուտեք, այդ դեպքում լրացուցիչ չափաբաժին ուտելու նենգ ցանկություն չի առաջանա: Սնվեք չափավոր եւ առանց շտապելու:
Բաղադրատոմսին ճիշտ հետեւելը
Պետք չէ կուրորեն հետեւել բաղադրատոմսին, քանի որ խոհարարական գրքերում երբեմն բարձր կալորիականություն ունեցող բաղադրիչներ են ներառված, օրինակ՝ մայոնեզ եւ կարագ: Փորձեք թթվասերը յոգուրտով փոխարինել կամ աղցանի վրա մայոնեզի փոխարեն բուսայուղ լցնել: Ուտեստի կալորիականությունը զգալիորեն կնվազի:
Պատրաստման ընթացքում համտեսելը
Ընտանիքի համար ճաշ պատրաստելիս կինը մի քանի անգամ համտեսում է: Աղի, պղպեղի կամ պատրաստ լինելը ճշտելու համտեսները հանգեցնում են նրան, որ կինը 30 տոկոսով ավելի է ուտում, քան ընտանիքի մյուս անդամները:
Շատ յուղեր
Շատ կանայք պատրաստման ընթացքում մեծ քանակությամբ արեւածաղկի կամ բուսական այլ յուղ են օգտագործում: Հավանաբար նրանք չեն մտածում, որ մեկ գդալ յուղը 120 կալորիա է պարունակում: Արդյունքում, մեկ գդալ տապակած միսը կամ բանջարեղենը 300-ից 400 կկալ է պարունակում:
Ուտեստի մնացորդներն ուտելը
Մեզանից շատերն ուտում են ճաշից հետո սեղանին մնացած քիչ քանակությամբ սնունդը, որպեսզի այն «չկորչի»: Բայց նրանք, ովքեր ցանկանում են նիհարել, պետք է ընտրեն, թե որտեղ պետք է հայտնի ճաշի մնացորդը. գոտկատեղում, թե՞ աղբարկղում:
Աղբյուրը՝ liza.ua
Հետևեք NEWS.am STYLE-ին Facebook-ում, Twitter-ում և Instagram-ում
01:13, 10 մայիսի
«Եվրատեսիլ 2024». Հայաստանն անցավ եզրափակիչ փուլ00:12, 10 մայիսի
Հայաստանը ներկայացնող «Լադանիվա»-ի ելույթը՝ «Եվրատեսիլ 2024»-ի երկրորդ կիսազրափակչին (VIDEO)23:00, 9 մայիսի
«Եվրատեսիլ 2024»-ի երկրորդ կիսաեզրափակիչը․ «Լադանիվան» ելույթ կունենա 8-րդը (ՈւՂԻՂ)22:09, 9 մայիսի
Սալվադոր Դալին եւ նրա լեգենդար բեղերը21:23, 9 մայիսի
Բուրջ Խալիֆան աշխարհի ամենաբարձրահասակի տիտղոսը կզիջի Սաուդյան Արաբիայի Ջիդդա աշտարակին20:16, 9 մայիսի
Շառլ Ազնավուրի սիրավեպերը․ շանսոնյեի հարյուրամյակին19:05, 9 մայիսի
«Վայ քու… կամ փարթամ կակտուսը». ֆիլմի պրեմիերան ու «կանաչ» գորգը (ֆոտո)18:31, 9 մայիսի
Տիհանա Vibes. Dasein-ը սիրո եւ տարբերվող մարդկանց մասին է17:38, 9 մայիսի
Հայտնի երաժիշտ եւ մշակութային քննադատ Միխայիլ Կազինիկն առաջին անգամ համերգներով հանդես է գալիս Երեւանում16:03, 9 մայիսի
Հայաստան կատարած ուղեւորությունից հետո Թամլին Քուրինիը ճանաչվել է «Խմիչքի թեմայով տարվա հեղինակ»15:36, 9 մայիսի
«Լադանիվա»-ն այսօր ելույթ կունենա «Եվրատեսիլ 2024»-ի երկրորդ կիսաեզրափակչին․ ի՞նչ է լինելու բեմում15:26, 9 մայիսի
Ռոբերտ Դե Նիրոյին նվիրված առաջին փառատոնը տեղի կունենա Նյու Յորքում