Ինչպե՞ս է փոխվել Ձեր կյանքը մայր դառնալուց հետո:
Դե, նախ սկսում ես հասկանալ, թե ինչ դժվարությամբ է քո մայրը քեզ լույս աշխարհ բերել, պահել ու մեծացրել: Եվ ինչքան պատասխանատու ես փոքրիկիդ առջեւ՝ նրա երջանիկ մանկությունն ապահովելու հարցում:
Երբ նայում եմ Հայկին, հասկանում եմ, թե որքան շատ եմ սկսել սիրել կյանքը... Որքան էլ հոգնած լինեմ, տխուր կամ բարկացած, գրկում եմ նրան, սեղմում կրծքիս ու մոռանում ամեն ինչ: Երեխայի հանդեպ սերն ամենաանկեղծն է աշխարհում:
Ինչո՞ւ հենց Հայկ անունն ընտրեցիք:
Ամուսնուս հոր անունն է եւ, բացի այդ, շատ գեղեցիկ է հնչում: Ինձ շատ է դուր գալիս: Սկզբում անսովոր էր, որովհետեւ իմ կյանքում նոր մարդուկ էր հայտնվել, իմ եւ ամուսնուս սիրո պտուղը: Անունով սկզբում չէի կարողանում կոչել: Իսկ հիմա, երբ նայում եմ նրան, հասկանում եմ, որ ճիշտ անուն ենք ընտրել, նրան շատ վայել:
Բոլոր մայրերի մոտ մի արտասովոր վախ է լինում: Ինչ-որ երեւակայություններ, որոնք իրականում երբեք չեն էլ կարող լինել: Ձեզ մոտ կա՞ նման բան:
Դե իհարկե: Երբ Հայկը դեռեւս չէր ծնվել, ես վախենում էր, որ նա կծնվի, կշփոթեն ու ինձ ուրիշ բալիկ կտան: Դրա համար երբ ծնվեց, ուշադիր ուսումնասիրում էի, որ չխառնեն: Դա էլ մեր սերիալների արդյունքը: Բայց, իհարկե, այդ ամենը անցավ, որովհետեւ յուրաքանչյուր մայր զգում է իր բալիկին:
Ո՞ր գույներն եք նախընտրում նրա հագուստում:
Կարմիր, սպիտակ եւ սեւ: Դրանք իմ սիրած գույներն են: Բայց Հայկն իր արտաքինով թելադրում է իր գույները: Հղիության ժամանակ նախընտրում էի կապույտը, կանաչն ու շագանակագույնը, իսկ հիմա այդ գույները սազում են նաեւ նրան: Ի դեպ, դեղինը չեմ սիրում ու նրան չեմ հագցնում: Տանել չեմ կարողանում հագուստի վրա փայլուն ուլունքներ, քարեր, ժապավեններ:
Կարիերային ե՞րբ եք վերադառնալու:
Արդեն աստիճանաբար քայլեր եմ անում այդ ուղղությամբ: Երկու օր առաջ նկարահանվել եմ:
Իսկ Ձեր ամուսինն օգնո՞ւմ է երեխայի հարցում:
Այո: Թե՛ ամուսինս, թե՛ Հայկի տատիկը: Առանց նրանց ինձ համար շատ դժվար կլիներ: Կարծում եմ՝ յուրաքանչյուր տղամարդ, ով իրոք սիրում է իր կնոջը, օգնում է նրան: Իսկ փոքրիկս ինձ եւս մեկ անգամ ապացուցեց, որ ամուսնուս հարցում չեմ սխալվել, ու նա օրեցօր ավելի է ամրացնում մեր սերն ու կապը: Արդյունքում էլ ստանում է իր ծնողների սերը:
Քանի՞ երեխա եք ծրագրում:
Ուզում ենք, որ շատ լինեն: Իսկ Աստված մեզ քանիսը կտա, այդքանն էլ կունենանք: Ինչպես ամուսինս է ասում կես-կատակ կես-լուրջ, տղան պետք է եղբայր ունենա, իսկ աղջիկը՝ քույր: Երեխան հրաշք է: Ու ինչքան շատ լինեն այդ հրաշքները, այդքան հետաքրքիր կլինի բոլորիս կյանքը:
Մարինա Ադուլյան
Հետևեք NEWS.am STYLE-ին Facebook-ում, Twitter-ում և Instagram-ում
12:05, 10 մայիսի
«Ձեր մտքով անցե՞լ է, որ այստեղ լինելով վտանգ եք ներկայացնում այլ մասնակիցների եւ հանրության համար». լրագրողը՝ Իսրայելի ներկայացուցչին11:16, 10 մայիսի
Էնդի Սերկիսը վերադառնում է «Մատանիների տիրակալի» տիեզերք10:20, 10 մայիսի
Հեյլի Բիբերը հղի է10:05, 10 մայիսի
«Կարծում եմ՝ մեր մայրիկները էկրանից այն կողմ լաց էին լինում». «Լադանիվան»՝ «Եվրատեսիլ 2024»-ի ֆինալիստների ասուլիսին09:27, 10 մայիսի
Հայաստանը «Եվրատեսիլ 2024»-ի եզրափակչում ելույթ կունենա 19-րդ համարի ներքո09:00, 10 մայիսի
ՄԱՅԻՍԻ 10-Ի ՁԵՐ ՌՈՄԱՆՏԻԿ ՀՈՐՈՍԿՈՊԸ01:13, 10 մայիսի
«Եվրատեսիլ 2024». Հայաստանն անցավ եզրափակիչ փուլ00:12, 10 մայիսի
Հայաստանը ներկայացնող «Լադանիվա»-ի ելույթը՝ «Եվրատեսիլ 2024»-ի երկրորդ կիսազրափակչին (VIDEO)23:00, 9 մայիսի
«Եվրատեսիլ 2024»-ի երկրորդ կիսաեզրափակիչը․ «Լադանիվան» ելույթ կունենա 8-րդը (ՈւՂԻՂ)22:09, 9 մայիսի
Սալվադոր Դալին եւ նրա լեգենդար բեղերը21:23, 9 մայիսի
Բուրջ Խալիֆան աշխարհի ամենաբարձրահասակի տիտղոսը կզիջի Սաուդյան Արաբիայի Ջիդդա աշտարակին20:16, 9 մայիսի
Շառլ Ազնավուրի սիրավեպերը․ շանսոնյեի հարյուրամյակին