• Հարգանքի տուրք Ազնավուրին․ բացվեց քանդակագործ Մկրտիչ Մազմանյանի ցուցահանդեսը

  Շառլ Ազնավուրի ծննդյան 100-ամյակին նվիրված հոբելյանական միջոցառումների շրջանակում Two Arcs պատկերասրահում բացվեց քանդակագործ Մկրտիչ Մազմանյանի հայաստանյան առաջին ցուցահանդեսը...

• Միջնադարյան առեղծվածային ձեռագիրը կարող է լինել սեքսի հնագույն ձեռնարկ

  Տարօրինակ նկարներով միջնադարյան ձեռագիրը կարող է լինել սեքսի մասին շատ հնագույն ձեռնարկ կամ գոնե դրա մի մասը․․․

• Ուինսթոն Չերչիլը նկար է նկարել իր սիրելի վիսկի Johnnie Walker-ի պատվին

  Թեև Ուինսթոն Չերչիլը գուցե հայտնի չէր իր նկարներով, բրիտանացի հանգուցյալ վարչապետը կայացած նկարիչ էր, և նրա որոշ գործեր վաճառվել են միլիոնավոր դոլարներով...

• Ինչու՞ է Ալ Կապոնեն մինչ օրս պատմության մեջ մնում ամենահայտնի եւ հիացմունքի արժանի մաֆիոզը

  Այս տարի լրանում է բոլոր ժամանակների ամենահայտնի գանգստերներից մեկի՝ Ալ Կապոնեի ծննդյան 125-ամյակը․․․

• «Միկի Մաուսի զվարճանքների տունը» անիմացիոն սերիալում կհայտնվի Վարդավառին նվիրված դրվագ

  «Միկի Մաուսի զվարճանքների տունը» անիմացիոն սերիալում կներկայացվի Վարդավառին նվիրված դրվագ, հայտնում է Armenian Film Society-ին…

• «Ինձ դուր չէր գալիս իմ հաջողությունը, ես խուսափում էի դառնալ մոդայիկ նկարիչ». Մարտիրոս Սարյանի ծննդյան օրվա առիթով

  Այսօր՝ փետրվարի 28-ին, լրանում է Մարտիրոս Սարյանի ծննդյան 144-ամյակը․․․

• Ճապոնիան չեղարկել է 1000-ամյա «մերկ տղամարդկանց փառատոնը»՝ բնակչության թվի նվազման պատճառով

  Ձմեռային, գրեթե, ցրտաշունչ ջերմաստիճանի պայմաններում եւ կրելով միայն սպիտակ վարտիքներ․․․

• «Մահը մերն է, մենք՝ մահինը»․ Հովհաննես Թումանյանի ծնունդից 155 տարի անց

  Այսօր՝ փետրվարի 19-ին, լրանում է հայ գրող, բանաստեղծ Հովհաննես Թումանյանի ծննդյան 155-ամյակը․․․

Իրադարձությունների, մարդկանց, սովորույթների եւ մշակութային ընկալումների համեմատություն՝ խճանկարի տեսքով: Հեղինակ Նունե Լեւոնյանն ընթերցողների դատին հանձնեց իր «Այդ տարին» գիրքը, որտեղ պատմում է Ամերիկայի Միացյալ Նահանգներում անցկացրած իր մեկ տարվա մասին: Նունեն 2017-ին էր տեղափոխվել Վերմոնտ նահանգ, իր հուշերը, սակայն, սկսել է վերաշարադրել 2020 թ-ից: Հեղինակը նշում է՝ գիրքը որոշել է գրել՝ ի պատասխան իր ընկերների հարցադրումների, ովքեր անդադար հետաքրքրվում էին՝ ինչպիսին էր կյանքն ԱՄՆ-ում:

«Սա, ասես, օրագիր լինի, որտեղ ես պատմում եմ, թե ինչ եմ ես տեսել այդ տարվա ընթացքում, ինչն էր անսովոր, ինչն էր, որ չէր համապատասխանում իրականությանը, ինչն էր ճիշտ: Այն, ինչ գիտեի Ամերիկայի մասին, պարզվեց՝ այդքան էլ այդպես չէր: Ես ներկայացրել եմ զուտ այն, ինչ բնորոշ է Վերմոնտին»:

Գիրքը հրատարակվել է «Գրանիշ» հրատարակչության կողմից. հրարարակչության խմբագիր Հասմիկ Հակոբյանի խոսքով՝ այն ընթերցվում է հետաքրքրությամբ ու հեշտությամբ՝ ընթերցողին փոխանցելով տարբեր հույզեր:

«Այստեղ պատմություններ են մարդիանց մասին, որոնք հանդիպել են Նունե Լեւոնյանին մեկ տարվա ընթացքում, բայց ինձ համար կարեւոր էր այն շերտը, որը բացվում էր այդ մարդկանց հետ փոխհարաբերություններից: Գիրքը շատ հեշտ էր ընթերցվում. որոշ հատվածներ զվարճալի էին, երբեմն տխրում էիր, հասկանում՝ ինչ տառապանքի միջով կարող է անցած լինել մարդը: Բայց այն շատ թեթեւ է, եւ կարող եմ նաեւ ուրիշներին խորհուրդ տալ ընթերցել»,-ընդգծեց նա:

Նունե Լեւոնյանն իր գործունեությունը սկսել է տարիներ առաջ: 2015-ին հրատարակել է «Դասեր, որ պետք չեն գալու» բանաստեղծությունների գիրքը, 2016-ին՝ «Հույս» ժողովածուն:

Հեղինակի «Այդ տարին» գիրքը հասանելի է երեւանյան մի շարք գրախանութներում:

Սյունե Առաքելյան

Հետևեք NEWS.am STYLE-ին Facebook-ում, Twitter-ում և Instagram-ում