Թեմա կա. ո՞ւմ մասին է Աստղիկ Սաֆարյանը մտածում գիշերվա 2-ին և ո՞ւմ է տեսնում որպես «Երկու աստղի» հաջորդ զույգ

Օսկար Ուայլդի «Սալոմեն»՝ Երևանի դրամատիկական թատրոնի նոր հարթակում

Կանանց զուգարանից՝ հասարակության հայելի. «Toilet կանանց համար»

Մանկությանս տիկնիկը կուզեի վերադարձնել

Armenia Marriott-ում կրկին համաշխարհային գաստրոնոմիկ շոու է՝ Le Petit Chef-ը վերադարձել է Երևան

Երբևէ ասե՞լ եք «Ես քեզ սիրում եմ»՝ իրականում այդպես չզգալով

«The Last Breath». Սևան Շահմիրյանը հանդիսատեսին է ներկայացնում իր երաժշտական աշխարհը

Լողազգեստով լուսանկարներ. ազատ ինքնարտահայտո՞ւմ, թե՞ չափի զգացում

Կարմիր խնձորը… Արդյո՞ք այն դեռ ակտուալ է

Տղամարդիկ ուժեղ չեն. դերասանուհի Մարի Գրիգորյան

Մեկնարկեց «Ոսկե ծիրան» Երևանի 23-րդ միջազգային կինոփառատոնը

Արսեն Ալբարյան․ բեմի լույսերի տակ՝ զգացմունքների, ընտրությունների ու անկեղծության մասին

Հրաժեշտ Արտիստին. Արտաշես Ալեքսանյանի հոգեհանգիստը՝ Կոնդի Սուրբ Հովհաննես եկեղեցում

Դերասան լինելու որոշումն եմ կայացրել՝ չնայած բոլորի դեմ կարծիքին. Հովհաննես Դիշչյան

Վահե Վայան. Ինչքան մարդիկ շատ են իմանում մարդու մասին, այնքան բարդ է դառնում ապրելը

Նիկոս Վերտիսը «ԱԿՎԱ ԲԻԼԴԻՆԳՍ» ընկերության հրավերով արդեն 3-րդ անգամ ելույթ կունենա Հայաստանում

Մալյան թատրոնի դերասանները՝ Թումանյանի «Հեքիաթներ» ներկայացման զվարճալի դեպքերի մասին

Մի երեկո Նեմրայի հետ․ զրույցներ և պատմություններ, որոնք մնում են երաժշտությունից հետո

Սիրով՝ ամեն ինչի մասին. Ռուսլան Սաղաբալյանի «Քաղաքի խենթը» գրքի շնորհանդեսը

20:40, 15 դեկտեմբերի

Common & Ground-ում կայացավ Ռուսլան Սաղաբալյանի «Քաղաքի խենթը» նոր գրքի շնորհանդեսը։ Ահա թե ինչպես դա տեղի ունեցավ:

Հինգշաբթի, երևանյան մթնշաղ, ամանորի եռուզեռի նախօրեին անցնելով Արամ Խաչատրյանի տուն-թանգարանի կողքով, հայտնվում եմ շրջանաձև սանդղավանդով բակում, աստիճաններն ինձ տանում են դեպի գրքերի սրահ, որ լի է մարդկանցով։ Շնորհանդեսին հավաքվել էին գրողի ընկերներն ու հարազատները, փոքր տարածքը հազիվ էր տեղավորել գրողի բոլոր երկրպագուներին։ Ինձ դիմավորում են լուսաշղթայի  մեղմ լույսը, հյուրերի աղոտ պատկերները և գրքերի շարքերի միջև կախված՝ գրողի անձնական լուսանկարները:

руслан1.jpg (68 KB)

Գիտակ շրջանակներում գրողը ներկայացման կարիք չունի։ Արձակագիր, հրապարակախոս և կինոդրամատուրգ՝ հայտնի ինչպես Հայաստանում, այնպես էլ Ռուսաստանում։

Միջոցառման ծրագիրը ներառում էր Սաղաբալյանի սցենարով երկու մուլտիպլիկացիոն ֆիլմի դիտում, նոր գրքի քննարկում, ինքնագրերի բաժանում, որը դարձավ երեկոյի առանցքային իրադարձությունը, և ֆուրշետ:

Ռուսլան Սաղաբալյանը Ժուռնալիստների միության, Հայաստանի և Ռուսաստանի գրողների միության անդամ է, իսկ հիմա  նաև անդամ «քաղաքային խենթերի» ակումբի, որին հանդիսավորությամբ անդամագրվեցին երեկոյի բոլոր մասնակիցները։

руслан2.jpg (72 KB)

Սաղաբալյանի մտերիմների, այլ գրողների և գրաքննադատների ելույթներից հետո վերջապես հանդիսատեսի առաջ է կանգնում մի բարձրահասակ տղամարդ՝ մանդարինի գույնի ժիլետով․ թերեւ  այն կենսուրախության մոտիվներով, որով լի են հեղինակը և նրա ստեղծագործությունները։ Ողջույնի և շնորհակալական ելույթներին հաջորդում են կատակները և զրույցները փիլիսոփայության մասին։

Սաղաբալյանի նոր գիրքը էսսեների հավաքածու է սիրո, քաղաքի, կոսմոպոլիտության, կանանց, ազգային ավանդույթների և այն ամենի մասին, ինչի մասին կարելի է գրել և ոգեշնչվել:

руслан3.jpg (64 KB)

Սաղաբալյանի գրչին ծանոթները նշեցին, որ արձակագիրը շատ նրբորեն է զգում կնոջ հոգու էությունը՝ ինչպես ոչ ոք հասկանալով նրա բոլոր քմահաճույքները: Գրողի մտերիմները բարձրաձայն կարդացին իրենց սիրելի հատվածները նոր գրքից։

Համեստորեն լսելով բոլոր բանախոսներին՝ Սաղաբալյանը խոսեց կարճ. «Ամեն ինչի մասին կարելի է խոսել, արվեստում չկան թեմաներ, որոնց մասին խոսել չի կարելի»,- ասաց արձակագիրը։

руслан5.jpg (51 KB)

Մտածելով սովորական շրջանակների սահմաններից դուրս, չվախենալով քննադատել ու հեգնել ազգային առանձնահատկությունները՝ գրողն իր նոր գրքով ընթերցողին հնարավորություն է տալիս կողքից նայել իրեն և սովորել ծիծաղել իր վրա։ Գիրքը լի է ռոմանտիզմով, հումորով և անունների ու իրադարձությունների անվերջ հիշատակումներով։ Երեկոյին հավաքվածները մի քանի անգամ ընդգծեցին, որ իրենք ամենևին էլ հիմար չեն, բայց նույնիսկ իրենք հեղինակի գրքում եղած անունների, անվանումների և այլ մետատեքստի միայն  փոքր մասն են  հասկանում և գիտեն։

Ինչ-որ մեկն ասաց, որ Ռուսլան Սաղաբալյանը հավասարապես փայլուն է եւ որպես լրագրող, եւ որպես գրող, և որպես սցենարիստ։ Եվ գրողի հետ հանդիպելուց հետո ավելի ես համոզվում դրանում։

руслан4.jpg (67 KB)

Երկրպագուների բազմության միջով անցնելով՝ ես ցածրաձայն խնդրում եմ գրողին թույլ տալ լուսանկարել իրեն: Հազիվ հասցնելով  ներկայանալ  և լուսանկարելով, ես առաջ եմ թողնում համառ ձեռքերի շարանը, որոնք ձգվում են ինքնագիր ստանալու և հետևում եմ, թե ինչպես է Սաղաբալյանը իր բարեմաղթանքները ստորագրում մանր ձեռագրով: Մենք ժպիտներ ենք փոխանակում, և ես հրաժեշտ եմ տալիս այն գիտակցմամբ, որ Ռուսլանի գրքերը, եթե ոչ միշտ են սիրո մասին, ապա անպայման գրված են սիրով:

 

Ռեգինա Մելիքյան

 


Հետևեք NEWS.am STYLE-ին Facebook-ում, Twitter-ում և Instagram-ում





  • Related News

TV SHOWS PHOTO VIDEO


@NEWSam_STYLE

  • Archive
Search