• Որտե՞ղ են խորհրդավոր կերպով անհետանում գուլպաները

  Նայեք ձեր գուլպաների դարակում եւ հաշվեք, թե քանի՞ զույգն է պակասում…

• Հարսնացուն ցնցված է. նա հարսանիքին ստացել է «ամենազզվելի նվերը»

  Հարսանեկան նվերները կարող են լինել տարօրինակ, ավելորդ, զվարճալի…

• Աշխարհում սերմնահեղուկի ամենամեծ բանկը, որտեղ ամսական կարող եք վաստակել 420 ֆունտ, կենտրոն է բացել Մեծ Բրիտանիայում

  Cryos International-ը աշխարհում սերմի եւ ձվաբջիջների ամենամեծ բանկն է, որն առաջարկում է առաքում ավելի քան 100 երկիր, եւ այն ընտրել է Մանչեսթերը՝ որպես Մեծ Բրիտանիայում իր առաջին գրասենյակի վայր․․․

• Ավստրալիայում ամենաթանկ ամուսնալուծությունն ավարտվել է կնոջ հաղթանակով. նա դավաճան ամուսնուց կստանա 180 միլիոն դոլար եւ անշարժ գույք

  Դաժան ամուսնալուծության եռամյա պայքարից հետո կինը նախկին ամուսնուց կստանա 180 միլիոն դոլար եւ նրա անշարժ գույքի մի մասը․․․

• Գերմանացի նախկին էլեկտրիկը դարձել է Ջեֆ Բեզոսի նմանակը եւ շքեղ կյանքով է ապրում

  Գերմանիայից նախկին էլեկտրիկը թողել է իր աշխատանքը եւ դարձել աշխարհի երկրորդ ամենահարուստ մարդու՝ Ջեֆ Բեզոսի պրոֆեսիոնալ նմանակը…

• Նշվել են այն երկրները, որոնց բնակչուհիներն ունեն ամենամեծ եւ ամենափոքր հետույքները

  Նշվել են այն երկրները, որոնց բնակչուհիներն ունեն ամենամեծ եւ ամենափոքր հետույքները․․․

• Տղամարդիկ, ովքեր սոցցանցերում վիրավորակամ մեկնաբանություններ են գրում կանանց, բարդութավորված կնատյացներ են

  Տղամարդիկ, ովքեր սոցցանցերում նողկալի մեկնաբանություններ եւ վիրավորանքներ են գրում կանանց հասցեին, բարդութավորված անբաններ են․․․

• Ինչո՞ւ են տատիկներն իրենց թոռների հետ ավելի մեղմ վարվում, քան սեփական երեխաների

  Տատիկներն իրենց թոռների հետ ավելի մեղմ են վարվում, քան սեփական երեխաների․․․

NEWS.am STYLE-ի խմբագրությունում Ամանորը սիրելի տոն է, եւ մեր թիմի բոլոր անդամները սիրում են զարդարել տոնածառը: Այս տարի մենք որոշեցինք ձեզ ներկայացնել մեր մշտադալար գեղեցկուհիներին եւ կիսվել մեր մտքերով, հիշողություններով ու ցանկություններով:

Մեր տեսանախագծերի, այդ թվում՝ #ՇոկTok-ի հեղինակ Մելինե Տոնոյանը նախընտրում է տոնածառը զարդարել կոնկրետ գունային գամմայով։

Ստացվել է նուրբ ու էլեգանտ: «Նոր տարին ինձ համար մայրիկիս թխվածքների բույրն է, եւ հունվարի 1-ի առավոտյան մեծ ընտանեկան հավաքույթը»։

«Սանկտ Պետերբուրգ. 2000-ականների ձմեռ. դեկտեմբերի 31։ Պատուհանից դուրս ձնակույտեր են, պատուհաններին՝ սառույց, տանը տաք է։ Փոքրիկ տոնածառ, պատերին ծաղկեպսակներ եւ գունավոր լույսեր: Մայրս խոհանոցում խշխշացնում էր տոպրակներն ու հորդորում, որ ես ու եղբայրս այնտեղ չգնայինք։ Մենք սողալով մոտենում էինք խոհանոցի դռանը եւ փորձում ճեղքից տեսնել, թե ինչ է նա թաքցնում մեզանից, կամ գոնե կռահել հնչյուններից, բայց հեռուստացույցը խլացնում էր ամեն ինչ։ Նա միշտ կարողացել է թաքցնել դա։ Ուղիղ կեսգիշերին նա ինձ եւ եղբորս քաղցրավենիքի տուփեր էր փոխանցում։ Ոչ թե խանութից էր գնում, այլ պատրաստում այն կոնֆոտներով, որոնք մենք սիրում էինք։ Սա արդեն ավանդույթ է դարձել։ Մենք անհամբերությամբ էինք սպասում այդ նվերներին՝ պատկերացնելով, թե այս անգամ ինչ նրբություններ կարող են լինել, իսկ մայրիկը միշտ արդարացնում էր մեր ամենամեծ սպասելիքներն այդ առումով։

Նա դա անում էր, նույնիսկ, այն ժամանակ, երբ ես արդեն դեռահաս էի: Մի օր նա խանութից վերադարձավ տուն՝ նվերների տուփերի համար նախատեսված ստվարաթղթերը ձեռքին: Ես միշտ հասկանում էի, որ սա Ձմեռ պապից չէ, ուստի չէի տխրում, եւ ամեն տարի սպասում էի, որ մայրս կփակվի խոհանոցում, կխշխշացնի տոպրակները՝ ուշադրությամբ դասավորելով մեր սիրելի քաղցրավենիքը եւ դրանք խնամքով դնելով տուփերի մեջ...

Ձմեռ, 2023 թ։ Երեւան։ Ես 31 տարեկան եմ եւ կարող եմ ինքս ինձ գնել այս քաղցրավենիքից տասնյակ կիլոգրամներ, բայց դեռ անհամբերությամբ սպասում եմ Ամանորին, երբ մայրս ինձ համար կհավաքի իմ ամենասիրած կոնֆետների տուփը՝ իր սեփական ձեռքերով ընտրելով յուրաքանչյուր քաղցրավենիք»։ Ռեգինա Մելիքյան, լրագրող։

«Ամանորն ինձ համար ամեն պահի կախարդանքն է։ Այս կախարդական ժամանակահատվածում փոփոխությունների եւ թարմ հնարավորությունների ակնկալիք կա: Ես սիրում եմ այն ​​ոգեւորությունը, որ բերում է ամանորյա եռուզեռը, եւ խորհրդավոր մթնոլորտը՝ լցված լույսերով, մանդարինի բույրով եւ ամանորյա մեղեդիների ձայնով: Նոր տարին հնարավորություն է վերսկսելու, նոր նպատակներ դնելու եւ սիրելի մարդկանց հանդիպելու՝ ուրախության եւ հույսի մթնոլորտում: Սա այն ժամանակն է, երբ սրտերը լցվում են ջերմությամբ, եւ ամեն պահը յուրահատուկ է»։ Գինու սյունակագիր՝ Լիանա Աղաջանյան։

«Երբ փոքր էի, Նոր տարին ինձ համար առաջին ձյունն էր, մանդարինի հոտը, ձմեռային արձակուրդները, սահնակով սահելը, առաջին ձնեմարդը, որը պատրաստում էի, տոնածառի գույնզգույն ու բազմաձեւ խաղալիքները… Մեր եղեւնին հիմա ուրիշ է, զարդարանքները՝ եւս: Թութակների ու կաղնու տեսքով եւ տարբեր զարդանախշերով պատված կլոր խաղալիքներին տարիների ընթացքում փոխարինել են  նորերը, այս տարի՝ կարմիր եւ ոսկեգույն երանգներով տարբերակները: Տոնի խորհուրդը, սակայն, ինձ համար նույնն է՝ ընտանիքը, երազելու ունակությունը չկորցնելը, նոր նպատակներ սահմանելը, հավատալը, որ գալիք տարին կլինի բարի, խաղաղ ու միայն ձեռքբերումներով լի»։ Սյունե Առաքելյան, լրագրող։ 

«Մեծ տոնածառ՝ պարզապես հսկայական: Այդպիսին էր այն ինձ թվում մանկության տարիներին։ Ես ու քույրս մեր գիշերազգեստներով թռչում էինք անկողնուց եւ վազում դեպի մեր «հսկայական» տոնածառը՝ նվերները նայելու։ Ես զարմանում էի, երբ մայրս հունվարի 1-ի առավոտյան մեզ թույլ էր տալիս նստել «մեծահասակների» հետ՝ գեղեցիկ դասավորված սեղանի շուրջ: Իսկ հայրս մեզ հետ «միասին» զարդարում էր տոնածառը՝ թույլ չտալով, որ որեւէ խաղալիք կախեինք, քանի որ դա «սխալ» էինք անում։

Մանկական հանդարտ երջանկության զգացումը եւ վստահությունը նրանում է, որ ամեն ինչ հաստատ լավ է լինելու: Ու թեեւ անցնող տարին մեզ համար դարձավ դառը հիասթափությունների, կորուստների եւ անդառնալի ողբերգությունների տարի, թեկուզ կարճ ժամանակով, թեկուզ հինգ րոպեով, ձեզ կայցելի հանգստության, հանդարտ ուրախության եւ այս մանկական զգացումը։ Վստահություն, որ ամեն ինչ լավ է լինելու»։ NEWS.am STYLE-ի խմբագիր՝ Լուսինե Վահրամյան։

Հետևեք NEWS.am STYLE-ին Facebook-ում, Twitter-ում և Instagram-ում