Հին ժամանակներից նուռը համարվում էր պտղաբերության և բարգավաճման սուրբ խորհրդանիշ: Ավելին, դարեր շարունակ ամբողջ աշխարհի ժողովուրդները նուռն օգտագործել են որպես տարբեր հիվանդությունների դեմ դեղամիջոց։ Այս ժողովուրդներից ոմանք տիրապետել են համեղ ըմպելիք պատրաստելու արվեստին, որը հայտնի է որպես նռան գինի: Նրանց թվում էին հայերը, որոնք առաջին հերթին են ասոցացվում նռան գինու հետ: Հետագայում գինին այնքան օրիգինալ և հիշարժան է ստացվել, որ այն առանձնացել է այլ մրգային գինիներից և այս պահին գոյություն ունի և ընկալվում է, գրեթե, որպես գինու առանձին կատեգորիա։
NEWS.am STYLE-ի գինու սյունակագիր Լիանա Աղաջանյանը ձեզ կծանոթացնի նռան գինու պատրաստման տեխնոլոգիային ու առանձնահատկություններին, ինչպես նաև կպատմի, թե այս կատեգորիայի որ գինիներն անպայման արժե փորձել։
Նախ, հարկ է նշել, որ ոչ բոլոր նռներն են հավասարապես պիտանի գինեգործության համար. պտուղները պետք է լինեն բավականին հյութալի, ինչպես նաև պահպանեն շաքարի և թթվայնության բարձր մակարդակ։ Նռան ծառերի լավագույն և ամենահին տնկարկներից մի քանիսը գտնվում են Սյունիքի մարզի հարավում՝ հայկական Մեղրի քաղաքի շրջակայքում: Այս քաղաքի անունը կարելի է թարգմանել որպես «մեղր»՝ հավանաբար նկատի ունենալով այս տարածաշրջանում հազարավոր տարիներ աճող նռան քաղցրությունը։ Ինչպես սովորական խաղողի գինին, նռան պտուղները ճզմում են, սեղմում և հետո ֆերմենտացնում։ Այստեղ ամենակարեւորը ճզմելիս նռան կեղեւը չվնասելն է, այլապես դրա դառնությունը կփոխանցվի հյութին։ Ֆերմենտացումը սովորաբար դադարեցվում է տակառը սառեցնելով, որպեսզի պահպանվի բնական շաքարի մի մասը և հասնի այն հաճելի, նուրբ քաղցրությանը, որով հայտնի է նռան գինին: Խմորումը ընդհատվում է մոտ մեկ ամիս հետո, երբ ալկոհոլի պարունակությունը հասնում է 6-7%-ի:
Կարծիք կա, որ նռան գինին օգտակար է առողջությանը։ Եվ իզուր չէ՝ նուռը հարուստ է սննդարար նյութերով. այն պարունակում է C և K վիտամինների, ֆոլաթթվի և կալիումի մեծ քանակություն: Փաստացիորեն, գիտնականներն ապացուցել են, որ նռան գինին երեք անգամ ավելի շատ հակաօքսիդանտներ է պարունակում, քան կարմիր գինին կամ նույնիսկ կանաչ թեյը։ Այս հակաօքսիդանտներն ունեն հզոր հակատարիքային ազդեցություն, օգնում են բարելավել մաշկի վիճակը և իջեցնում խոլեստերինի մակարդակը: Այլ կերպ ասած, մարդիկ հիմքեր ունեն նռան գինին ոչ միայն համեղ, այլեւ առողջարար անվանելու։
Իսկ հիմա կանցնենք գործնական մասին՝ ինչպե՞ս և ինչի՞ հետ խմել նռան գինին․
Նռան գինին պետք է խմել կիսաքաղցր և հարստացված գինիներ խմելու ավանդույթին համապատասխան՝ սառը վիճակում, և այն կարելի է համադրել, գրեթե, ցանկացած ուտեստի հետ, քանի որ այն բավականաչափ հագեցած է համեմունքների վառ համին դիմակայելու համար և, միևնույն ժամանակ, դրա նրբագեղ քաղցրությունն ու հյութեղ թարմությունն ընդգծում և չեն ընդհատում ուտելիքի համը։ Անպայման փորձեք շիշ քյաբաբի կամ լուլա քյաբաբի հետ։
Voskevaz Pomegranate
Հավանաբար հայկական նռան ամենահայտնի գինիներից մեկը՝ հատկապես սիրված զբոսաշրջիկների շրջանում, ովքեր որսում են Հայաստանի մրգային կիսաքաղցր գինիները: Այն պատրաստվում է Արագածոտնի մարզում աճող նռան ընտիր, հասած և անուշաբույր մրգերից։ Դրա համն ինտենսիվ է, ոմանք նույնիսկ ասում են, որ առաջին կումից հետո բերանում սուր կծու զգացում են զզում, հետհամը շոկոլադի հաճելի նրբերանգներ ունի։
Akoom Pomegranate Semi-Sweet
Գինի՝ Mijnaberd ապրանքանիշից, որը հայտնի է իր պրեմիում թորումներով։ Գինին ունի նռան հյութի ոչ շատ մուգ գույն, մրգերի և կեռասի վառ բուրմունք, համում առկա է կեղևի տտիպություն և հատիկների թթվայնություն։ Հետհամը թթու է՝ թեթևակի մածուցիկ քաղցրությամբ: Այն դուր կգա նրանց, ովքեր իրականում չեն սիրում քաղցրություն, այլ նախընտրում են թեթև դառնություն ու տտիպ զգացողություն բերանում:
Gevorkian «Meghri» Pomegranate Reserve
Սա վառ և, հավանաբար, ամենահզոր հայկական նռան գինին է, որը պատրաստված է Gevorkian Winery ընկերության գինեգործների կողմից՝ եզակի տեխնոլոգիայով։ Գինու պատրաստման համար օգտագործում են հասուն նռներ, որոնք աճում են Մեղրի քաղաքի այգիներում՝ կիզիչ արեւի տակ։ Արտադրության ընթացքում նռան հյութը ֆերմենտացվում է 15-16 ºC ջերմաստիճանում։ Գինին այնուհետև հնեցվում է ղարաբաղյան կաղնե տակառներում 6 ամսվա ընթացքում։ Գինու գույնը մուգ է, հիշեցնում է կոնյակ, բույրը կարող է թունդ թվալ, բայց համը փափուկ թավշյա դաբաղանյութերով է, թեթև թթվայնությամբ և նռան կեղևի դառնությամբ։
Լիանա Աղաջանյան
Հետևեք NEWS.am STYLE-ին Facebook-ում, Twitter-ում և Instagram-ում
09:00, 17 մայիսի
ՄԱՅԻՍԻ 17-Ի ՁԵՐ ՌՈՄԱՆՏԻԿ ՀՈՐՈՍԿՈՊԸ23:20, 16 մայիսի
Հայազգի երգչուհի Մարիամ Մերաբովան կոչ է արել ռուսներին չներել Պուգաչովային, որն իրենց ստրուկ է անվանել22:28, 16 մայիսի
Մերիլ Սթրիփը հիշել է, թե ինչպես է նկարահանել վտանգավոր սեքսուալ տեսարանում21:29, 16 մայիսի
«Նոր Ալիք 2024» միջազգային երգի մրցույթում Հայաստանը կներկայացնի Անահիտ Հակոբյանը21:09, 16 մայիսի
HerMine Dialog-ը՝ բացօթյա ձեւաչափով․ երեւանյան բեմում կներկայացվեն հայկական մթերքներով ուտեստներ20:28, 16 մայիսի
InTouch. Աֆլեքն ու Լոպեսը երկու տարվա ամուսնությունից հետո պատրաստվում են ամուսնալուծվել19:04, 16 մայիսի
Ալեքսանդր Դուլին. «Ես անսահման ուրախ եմ Հայաստան վերադառնալու համար»16:12, 16 մայիսի
Բրիթնի Սփիրսի հուզիչ խոստովանությունն իր ընտանիքի մասին՝ տարիներ շարունակվող թշնամանքի ֆոնին15:24, 16 մայիսի
Երգչուհի Վալերիան բացատրել է Բուզովայի կյանքում տղամարդու բացակայության պատճառը14:05, 16 մայիսի
Սամվելը, Անին, Արսենն ու Հայկուհին՝ այսուհետ «Ազգային band»-ում13:16, 16 մայիսի
«Պետք է կարողանանք լսել, որ չմնանք «փահլեւան»–ի կարգավիճակում»․ Ռաֆայել Երանոսյանի նոր մոնոներկայացման պրեմիերան (Ֆոտո)12:32, 16 մայիսի
Գեւորգ Մկրտչյանն իր ծննդյան 26-ամյակին իրեն շքեղ նվեր է արել (VIDEO)