• Վահագ Ռաշը հետեւորդներին է ներկայացրել «Լուսամփոփի պես աղջիկ» երգի նոր տարբերակը

  Երգիչ, երգահան Վահագ Ռաշը հետեւորդներին է ներկայացրել «Լուսամփոփի պես աղջիկ» երգի նոր տարբերակը…

• Էդի Մերֆիի առաջիկա ֆիլմերից մեկը հետաքննության կենտրոնում է հայտնվել նկարահանման հրապարակում տեղի ունեցած խնդիրների պատճառով

  Էդի Մերֆիի առաջիկա ֆիլմերից մեկը հետաքննության կենտրոնում է հայտնվել նկարահանման հրապարակում տեղի ունեցած խնդիրների պատճառով…

• Լիլիթ Հովհաննիսյանը հայտնել է, որ իր վերջին տեսահոլովակի զգեստն ինքն է հեղինակել (ֆոտո)

  Լիլիթ Հովհաննիսյանն Instagram-ում նոր լուսանկարներ է տեղադրել, որոնցում կեցվածք է ընդունել փայլուն կանաչ զգեստով...

• «Սրտի վալետ». նոր հումորային սիթքոմի մանրամասները. BACKSTAGE

  Ապրիլի 29-ին Արմենիա TV-ի եթերում կհեռարձակվի «Սրտի վալետ» նոր հումորային սիթքոմը...

• Եվա Բաղդասարյանն ու ամուսինը, 2 տարվա համատեղ կյանքից հետո, օրինականացրել են հարաբերությունները

  Դերասանուհի Եվա Բաղդասարյանն ու ամուսինը, պսակադրությունից 2 տարի անց, օրինականացրել են հարաբերությունները...

• «Ցեղասպանությունը եղել է․ իմ մեծ տատն ու պապը զոհ են գնացել այդ սարսափելի ոճրագործությանը»․ Գեւ Օրկյան

  Բրիտանահայ երաժիշտ, կատակերգու Գեւ Օրկյանը Հայոց ցեղասպանության 109-րդ տարելիցի կապակցությամբ ինստագրամյան իր էջում գրել է․․․

• Վահե Բերբերյանը հրապարակել է Հայոց ցեղասպանության զոհ դարձած իր պապի միակ լուսանկարն ու խոսել իր խոստման մասին

  Դերասան, կատակերգու եւ գրող Վահե Բերբերյանը Instagram-ում հրապարակել է Հայոց ցեղասպանության զոհ դարձած իր պապի արխիվային լուսանկարը՝ նշելով, որ դա միակ հիշողությունն է, որ ունի նրանից...

• «Մենք ոգեկոչում ենք 1915 թվականին զոհված հայերի հիշատակը: Նրանց թվում են իմ նախնիները»․ ամերիկահայ դերասանուհի Դիանա Մեդիսոն

  Ամերիկահայ դերասանուհի, պրոդյուսեր Դիանա Մեդիսոնը Հայոց ցեղասպանության 109-րդ տարելիցի կապակցությամբ տեսանյութ է հրապարակել ինստագրամյան իր էջում...

Երեկ՝ փետրվարի 8-ին, մեծ էկրաններ բարձրացավ Նադի Իսպիրյանի «Թամզարա» գեղարվեստական ֆիլմը, որի պրեմիերան կայացավ «Մոսկվա» կինոթատրոնում։ Չնայած ցուրտ եղանակին՝ ռեժիսորն ու դերասանները փայլուն ու տոնական կերպարներով կեցվածք էին ընդունում կարմիր գորգին՝ չթաքցնելով հուզմունքն ու ոգեւորությունը։ Նադին հանդիսանում է ոչ միայն ֆիլմի ռեժիսորը, այլեւ սցենարիստը։ 

«Չեմ վախեցել, այս ֆիլմում շոշափել եմ Կարմիր խնձորի թեման»,-NEWS.am STYLE-ի հետ զրույցում նշեց նա,-«Հետաքրքիր մելոդրամա է, փորձել եմ հնարավորինս որակով ֆիլմ ստանալ, մնացածը թողնում եմ հանդիսատեսի դատին»։

Посмотреть эту публикацию в Instagram

Публикация от NEWS.am STYLE (@style.news.am)

Ֆիլմի գլխավոր հերոսուհին՝ Թամզարան, պարուհի է։ Պատմության սկզբում նրա ընկերը՝ Ռուբենը, թողնում եւ հեռանում է նրանից՝ ընտրելով կարիերան։ Երկար ժամանակ աղջիկը ոչ մի այլ տղամարդու իրեն մոտ չի թողնում՝ կորցնելով վստահությունը յուրաքանչյուրի հանդեպ։ Բայց կյանքը մի օր կրկին ժպտում է նրան, եւ նա հանդիպում է Աթոյին ու սիրահարվում տղային։ Բայց սիրելիի ավանդապաշտ ընտանիքը դեմ է նրա եւ Թամզարայի հարաբերություններին՝ պատճառաբանելով, որ վերջինը նախկինում հարաբերությունների մեջ է եղել այլ տղայի հետ։ Բացի այդ, ֆիլմում հասունանում են նաեւ այլ ինտրիգներ՝ պատմությունը դարձնելով ավելի լարված ու հետաքրքիր։ 

Կինոնկարում առկա են նաեւ պարային տեսարաններ։ 

Խոսելով ֆիլմի ասելիքի մասին՝ Նադին նշեց․ «Ես, բացարձակապես, չեմ ուզում հերքել կամ ընդունել կարմիր խնձորի ավանդույթը, պարզապես, նկարել եմ մի պատմություն, իսկ կարծիքը թողել եմ հանդիսատեսին»։

Գլխավոր հերոսներին մարմնավորում են Աելիտա Գեւորգյանն ու Վահե Մկրտչյանը։ Ռեժիսորի խոսքով՝ քասթինգը եղել է երկար, բայց գոհ է դերասանների վերջնական ընտրությունից։ 

«Ֆիլմի գլխավոր հերոսուհուն՝ Թամզարային, մարմնավորում է Աելիտա Գեւորգյանը․ սա նրա առաջին փորձն է գեղարվեստական ֆիլմում, եւ ես հատուկ եմ ընտրել այնպիսի դերասանուհու, որն առաջին անգամ հենց իմ ֆիլմում կխաղար, իսկ հերոսին՝ Աթոյին մարմնավորում է Վահե Մկրտչյանը, որը բավական ճանաչված է հեռուստադիտողի կողմից»։

Ֆիլմի էպիզոդներից մի քանիսում նկարահանվել է նաեւ ինքը՝ Նադին, սակայն, բոլորովին կերպարանափոխված տեսքով։ Մյուս առանցքային կերպարներին մարմնավորում են Աշոտ Հակոբյանն ու Մանանա Գեւորգյանը։ 

Թեեւ Նադին հանդիսանում է նաեւ սցենարի հեղինակը, նշում է՝ պատմությունը, բացարձակապես, կապ չունի իր անձնական ապրումների հետ․ «Ֆիլմը նկարահանված է իրական պատմության հիման վրա, բայց սցենարն ինձ հետ ընդհանրապես կապ չունի»։

Սյունե Առաքելյան 

Հետևեք NEWS.am STYLE-ին Facebook-ում, Twitter-ում և Instagram-ում