Փետրվարին լրանում է Ջորջ Գերշվինի «Rhapsody in Blue» ամերիկյան երաժշտության խորհրդանշական կոմպոզիցիայի ստեղծման 100-ամյակը: Ջազի եւ դասական երաժշտության յուրօրինակ համադրության դեբյուտը կայացել է Նյու Յորքում՝ 1924 թվականի փետրվարի 12-ին։
Երկուշաբթի երեկոյան Միացյալ Նահանգների ռազմաօդային ուժերի նվագախումբը՝ դաշնակահարուհի Սիմոն Դիներշտեյնի հետ ստեղծագործությունը կատարեց Կոնգրեսի գրադարանում (DC):
«Ջորջը 25 տարեկան էր։ Նա երիտասարդ էր, խոստումնալից, հաջողակ երգահան Բրոդվեյից, բայց դեռ չէր հասել իրական հաջողության: 1924 թվականն այն տարին էր, երբ նա հանկարծակի հասավ դրան»,-ասում է ավագ երաժշտագետ եւ Կոնգրեսի գրադարանի՝ Ջորջ եւ Իրա Գերշվինների հավաքածուի համադրող Ռայմոնդ Ուայթը:
«Այս աշխատանքը... շատ, շատ արագ դարձավ չափազանց հայտնի, եւ վերջին 100 տարվա ընթացքում այն տարածվեց ամբողջ աշխարհում: Այս սեզոնին նվագախմբերը ամբողջ տարածքում նվագում են այս ստեղծագործությունը, եւ դա ինքնին ինչ-որ բան է ասում դրա մասին»,-հավելում է Ուայթը:
Կոնգրեսի գրադարանի Թոմաս Ջեֆերսոնի շենքում տեղակայված են երկու ցուցանմուշներ՝ նվիրված «Rhapsody in Blue»-ին: Ցուցահանդեսին ներկայացված են նյութեր, որոնք արտացոլում են այս ստեղծագործության ուղին վերջին 100 տարիների ընթացքում։ Կան ստեղծագործության մասին գրքեր, այլ գործիքների մշակումներ եւ, իհարկե, ինֆորմացիա այն մասին, թե ինչպես «Rhapsody in Blue»-ն դարձավ մշակութային խորհրդանիշ:
Հայտնի երաժիշտ Փոլ Ուայթմանը ցանկացել է չեղարկել իր համերգը 1924 թվականի փետրվարի 12-ին։ Այս մասին նա խոստովանել է իր ինքնակենսագրության մեջ, որը կոչվում է «Ջազ» եւ որը նա հրապարակել է լրագրող Մերի Մարգարեթ Մաքբրայդի հետ: Բայց Նյու Յորքի Aeolian Hall հեղինակավոր համերգասրահում կայացած ելույթը, որը հայտարարվել էր որպես «Փորձարկում ժամանակակից երաժշտության մեջ», ի վերջո դարձավ լեգենդար:
Ուայթմանը որոշեց ավելի զարգացնել այս գաղափարը, թեեւ վախենում էր հետեւանքներից։ Նա ձեռնամուխ եղավ նոր ճանապարհ բացել արվեստի մեջ՝ ներկայացնելով աֆրոամերիկյան համայնքների երաժշտության այս ժանրը, որն այն ժամանակ համարվում էր անբարոյական եւ, նույնիսկ, վտանգավոր, էլեգանտ դասական համերգասրահում: Նա երիտասարդ դաշնակահար եւ կոմպոզիտոր Ջորջ Գերշվինին հանձնարարեց ստեղծել հատուկ ստեղծագործություն, որը հիանալի կերպով կհամատեղեր ջազի իրական ոճը դասական երաժշտության հետ:
Արդյունքը եղավ «Rhapsody in Blue»-ն՝ ստեղծագործություն, որը փոխեց երաժշտության պատմությունը։ Այժմ այն նշում է իր հարյուրամյակը՝ չկորցնելով հետաքրքրությունն ու ժողովրդականությունը։ Բայց սա նույնպես հակասական կարծիքների տեղիք է տալիս: Օրինակ, հունվարի 26-ին՝ The New York Times-ի էջերում, դաշնակահար եւ ջազ քննադատ Իթան Այվերսոնն այն անվանել է «ամենավատ գլուխգործոցը», «պարզ եւ բանալ» ստեղծագործություն:
Այսօր ոչ ոք կասկած չունի, որ «Rhapsody in Blue»-ն Գերշվինին դարձրեց առաջինը, ով կարողացավ հաղթահարել պոպուլյար եւ դասական երաժշտության միջեւ ենթադրյալ անջրպետը:
Աղբյուրը՝ Wtop News, El Pais
Հետևեք NEWS.am STYLE-ին Facebook-ում, Twitter-ում և Instagram-ում
13:23, 9 մայիսի
Շակիրան մեծ հաղթանակ է տարել Իսպանիայում իր հարկերի վերաբերյալ երկրորդ հետաքննության ընթացքում12:50, 9 մայիսի
Շեքսպիրի «անտեսված» կերպարը՝ յուրովի մեկնաբանությամբ. Արա Երնջակյանը ներկայացրեց «Հորացիոյի գաղտնիքը» գիրքը12:16, 9 մայիսի
Փերիս Հիլթոնը եւ Նիկոլ Ռիչին վերադառնում են ռեալիթի շոու11:18, 9 մայիսի
Քլոե Քարդաշյանը պատմել է, թե ինչպես է նիհարել 36 կիլոգրամով10:55, 9 մայիսի
Քիմ Քարդաշյանը «կոտրված Margiela տիկնիկի» դերում10:22, 9 մայիսի
Քրիս Ջենները հայտնել է, որ ուռուցք ունի09:00, 9 մայիսի
ՄԱՅԻՍԻ 9-Ի ՁԵՐ ՌՈՄԱՆՏԻԿ ՀՈՐՈՍԿՈՊԸ23:18, 8 մայիսի
Շամպայն, 24 կարատանոց ոսկուց խնամքի միջոցներ եւ 100,000 դոլարի շքեղություն. հանգստացեք Դուբայի լավագույն հանգստավայրում22:24, 8 մայիսի
Մայքլ Դուգլասը համեմատել է սեքսուալ տեսարանների նկարահանումները իր ծաղկման ժամանակների հետ. «Ես անցել եմ այն տարիքից, երբ պետք է անհանգստանայի»21:11, 8 մայիսի
Աշխարհի նախկին ամենահարուստ մարդը` Ուորեն Բաֆեթ. «Հաջողությունը փողի մեջ չէ, այլ նրանում է, որ սիրված լինեք նրանց կողմից, ում ցանկանում եք սիրել»20:26, 8 մայիսի
Սիլվեստր Ստալոնեի ժամացույցները կհայտնվեն աճուրդում, այդ թվում՝ նրա հավաքածուի «սուրբ գրաալը»19:27, 8 մայիսի
Նյու Յորքի Times Square-ը գլխավորում է աշխարհի ամենավատ զբոսաշրջային վայրերի ցուցակը