«Սրտի վալետ». նոր հումորային սիթքոմի մանրամասները. BACKSTAGE

Գեւորգ Մկրտչյանի եւ Քրիստինա Հովհաննիսյանի առաջին տանգոն

Գեևորգ Մկրտչյանը և Քրիստինա Հովհաննիսյանը պսակադրվեցին

Աներեւակայելի էմոցիաներ. Համասյանի համերգը Խուստուփ լեռան լանջին

Տիհանա Vibes. Ո՞րն է ամուսնության լավագույն տարիքը, եւ կարելի՞ է արդյոք դավաճանել

MOCT 5. Անդերգրաունդ կյանքը Հայաստանում

«Armflix»-ի «Տանդեմ» սերիալի առաջին 3 սերիաների ցուցադրությունը, կարմիր գորգն ու հայտնի հյուրերը (VIDEO)

Անդրեյ Մակարեւիչ. «Ինտերնետը շատ շուտ է հասել մարդկությանը»

Գուշակիր գույնը, ստացիր ծաղկեփունջ. մեկ օր՝ Մայիս Վարդանյանի հետ

Տիհանա Vibes Դավիթ Մանոյանի հետ. Իվետա Մուկուչյանի հետ տեսահոլովակի, Կասպերի եւ այլ թեմաների մասին

Տիհանա Vibes. ZatikArtFest-ի գույներն ու մարդիկ

Տիհանա vibes. Թվում է՝ պարզ հարցեր են, պարզվում է՝ ոչ այնքան

Միխայիլ Շուֆուտինսկին ժամանեց Հայաստան

Տիհանա Vibes. Ընկերները, սեքսը, շաուրման. իսկ ձեզ ի՞նչն է երջանկացնում

Ի՞նչ ակնկալիքներ ունեն երեւանցիները «Եվրատեսիլում» Լադանիվայի մասնակցությունից

«Օսկար 2024». Լավագույնները, «ամենամերկը», հմայիչ Քենն ու մյուս հիշարժան պահերը

Տիհանա Vibes. Իսկ դուք պատրա՞ստ եք ձեր կնոջ համար այսպիսի «քննություն» հանձնել

«Մենչի վերջը» ստենդափի պրեմիերան, հայտնի հյուրերն ու գլխավոր «մեսիջը»

«Անդադար փորձում էի հիշել նմանատիպ կանանց, ովքեր եւս շատ են». Ռոզի Ավետիսովան՝ «Բարի օր» ֆիլմում Տաթեւի դերի մասին

19:25, 16 մարտի

Փետրվարի 29-ից մեծ էկրաններ բարձրացած «Բարի օր» ֆիլմը վերջին օրերին դարձել է ամենամասսայականներից, ինչի մասին, թերեւս, փաստում են հատուկ ավելացված սեանսները եւ sold out-ները: Մհեր Մխիթարյանի ստեղծած տաքսիստ Հենդոյի կերպարն ապացուցեց, որ այն, իսկապես, երկրպագուներ ունի, որոնք սպասում էին իրենց սիրելի հերոսի մասնակցությամբ լիամետրաժ ֆիլմի ցուցադրմանը: Ի տարբերություն նրանց՝ ֆիլմի գլխավոր դերակատարներից Ռոզի Ավետիսովան, ով մարմնավորում է Հենդոյի կնոջը, չգիտեր այս կերպարին.

«Նախքան քասթինգը չեմ իմացել Հենդոյին, չէի դիտել ոչինչ: Երբ հաստատվել էր, որ հենց ես եմ մարմնավորելու Տաթեւին, արդեն ծանոթացա Հենդոյի հետ: Իսկապես Մհերն այդ կերպարը ստացել է շատ իրատեսական, առանց որեւէ գռոտեսկի, ամեն բան շատ դիպուկ է արել ու շատ բնական: Իսկապես մենք հաճախ ենք հանդիպում մեր իրականությունում տաքսիստ հենդոների: Հուսամ՝ նրանք եւս կդիտեն մեր ֆիլմը: Ինչ վերաբերում է Մհերին, ապա նշեմ, որ շատ լավ խաղընկեր է, գերպատասխանատվությամբ էր մոտենում այն ամենին, ինչ կատարում էր նկարահանման հրապարակում: Միաժամանակ, նրա հետ շատ հեշտ էր աշխատելը, չէր բարդացնում ոչինչ: Հրաշալի նկարահանման օրեր ենք ունեցել, Մհերն էլ հաջողել է, ինչի համար շատ ուրախ եմ»,-NEWS.am STYLE-ի հետ զրույցում ասաց Ռոզի Ավետիսովան:

IMG_2917.jpeg (933 KB)

Դերասանուհին պատմեց, թե ինչպես է ստացել իր կերպարը.

«Այս կերպարը ստեղծելիս՝ շատ երկար մտորումներ ունեի, պետք էր ստանալ մի հերոսուհի, ով ինձնից շատ տարբեր է: Մի  կերպար, որին շատերս ենք հանդիպում, բայց, միաժամանակ, չպետք է լիներ ձանձրալի, շատ կենցաղային: Այդ ամենը համադրելը բավական բարդ էր, բայց ես անդադար փորձում էի հիշել նմանատիպ կանանց, ովքեր եւս շատ են: Այդպես եմ փորձել ստանալ իմ Տաթեւին: Կերպարի հաջողելու մասին կասի հանդիսատեսը: Երբ ֆիլմը բարձրացավ էկրաններ, տպավորություններս շատ մեծ էին, անհանգստություններս էլ փարատվեցին: Մեծ բավականությամբ եմ դիտել»:

Ռոզի Ավետիսովայի խոսքով՝ ֆիլմի՝ այսքան մեծ հաջողությունը շատ իրական լինելով է նաեւ պայմանավորված.

«Ֆիլմը թեպետ ունի ֆանտաստիկային բնորոշ գիծ (օրը կրկնվելու փաստը), բայց այն շատ իրական է ստացվել, չկա կեղծիք, կարծում եմ՝ դա էլ այս մեծ հաջողության գրավականն է: Մարդկանց սրտին դիպչող ֆիլմ է ստացվել, ինչպես նաեւ՝ այն շատ զվարճալի է: Չնայած ժամանցային լինելուն՝ կարեւոր թեմաների ենք անդրադարձել: Լիարժեք ընտանեկան ֆիլմ է, քանի որ ֆիլմի մեխերից մեկն էլ հենց ընտանիքի գաղափարն է: Մենք փորձել են շեշտել՝ ինչպես պետք է վարվել ընտանիքում՝ այդ ամենը համեմելով լավ հումորով: Իսապես խորհուրդ եմ տալիս անպայման դիտել «Բարի օրը»:

IMG_2918.jpeg (916 KB)

«Բարի օր» ֆիլմի գլխավոր հերոսը՝ տաքսիստ Հենդոն, տարիներ շարունակ արթնանում է հոկտեմբերի 14-ին, իսկ օրն ու իրադարձությունները տեւական ժամանակ չեն փոխվում։ 

Ֆիլմի ռեժիսորները Գրիգոր Գասպարյանը եւ Արման Սարգսյանն են: Գլխավոր դերակատարներն են Մհեր Մխիթարյանը, Ռոզի Ավետիսովան, Նանուլը, Վարդան Քոչարյանը: Ֆիլմում էպիզոդիկ դերերում կարելի է հանդիպել Գարիկ Մարտիրոսյանին, Մենչին, Արկադի Դումիկյանին, Իվետա Մուկուչյանին եւ այլոց:

Փոքրիկ դրվագներով են հանդես եկել նաեւ ֆիլմի ստեղծագործական անդամները, այդ թվում՝ ռեժիսորները, պրոդյուսերներից՝ Արտյոմ Հակոբյանը եւ այլք: Հավելենք, որ ֆիլմի գլխավոր պրոդյուսերն Ամարաս Գասպարյանն է:

Ստեղծագործական կազմի խոսքով՝ «Բարի օրը» տասնյակ հազարավոր մարդիկ են արդեն դիտել, սակայն ֆիլմի հանդեպ հետաքրքրությունը գնալով մեծանում է:

Սյունե Առաքելյան


Հետևեք NEWS.am STYLE-ին Facebook-ում, Twitter-ում և Instagram-ում





  • Այս թեմայով

TV SHOWS PHOTO VIDEO


@NEWSam_STYLE

  • Արխիվ
Որոնել