• Ռասել Քրոուն կնկարահանվի «Էկզորցիզմ» սարսափ ֆիլմի գլխավոր դերում

  Օսկարակիր դերասան Ռասել Քրոուն կնկարահանվի «Էկզորցիզմ»՝ առաջիկա սարսափ ֆիլմում…

• Ջազի միջազգային օրը՝ Երեւանում

  Ապրիլի 30-ին՝ Ջազի միջազգային օրը՝ ժամը 16:00-22:30-ը, Գաֆէսճեան քանդակների պուրակում (Կասկադ համալիր) տեղի կունենա ջազային համերգ․․․

• Էդի Մերֆիի առաջիկա ֆիլմերից մեկը հետաքննության կենտրոնում է հայտնվել նկարահանման հրապարակում տեղի ունեցած խնդիրների պատճառով

  Էդի Մերֆիի առաջիկա ֆիլմերից մեկը հետաքննության կենտրոնում է հայտնվել նկարահանման հրապարակում տեղի ունեցած խնդիրների պատճառով…

• Ջո Մանգանիելոն խոսել է Հայոց ցեղասպանությունից փրկված իր մեծ տատի մասին

  Ամերիկացի դերասան Ջո Մանգանիելոն, ով վերջերս է իմացել իր հայկական արմատների մասին, Instagram-ում պատմել է Հայոց ցեղասպանությունն ապրած իր մեծ տատի մասին…

• «Ցեղասպանությունը եղել է․ իմ մեծ տատն ու պապը զոհ են գնացել այդ սարսափելի ոճրագործությանը»․ Գեւ Օրկյան

  Բրիտանահայ երաժիշտ, կատակերգու Գեւ Օրկյանը Հայոց ցեղասպանության 109-րդ տարելիցի կապակցությամբ ինստագրամյան իր էջում գրել է․․․

• Վահե Բերբերյանը հրապարակել է Հայոց ցեղասպանության զոհ դարձած իր պապի միակ լուսանկարն ու խոսել իր խոստման մասին

  Դերասան, կատակերգու եւ գրող Վահե Բերբերյանը Instagram-ում հրապարակել է Հայոց ցեղասպանության զոհ դարձած իր պապի արխիվային լուսանկարը՝ նշելով, որ դա միակ հիշողությունն է, որ ունի նրանից...

• «Մենք ոգեկոչում ենք 1915 թվականին զոհված հայերի հիշատակը: Նրանց թվում են իմ նախնիները»․ ամերիկահայ դերասանուհի Դիանա Մեդիսոն

  Ամերիկահայ դերասանուհի, պրոդյուսեր Դիանա Մեդիսոնը Հայոց ցեղասպանության 109-րդ տարելիցի կապակցությամբ տեսանյութ է հրապարակել ինստագրամյան իր էջում...

• «Ուզում եմ հիշել իմ նախնիներին, ովքեր զոհվել են, եւ նրանց, ովքեր ողջ են մնացել»․ Սերժ Թանկյանի գրառումը՝ Հայոց ցեղասպանության 109-րդ տարելիցի կապակցությամբ

  Ամերիկահայ անվանի երաժիշտ, System of a Down-ի անդամ Սերժ Թանկյանը ոգեկոչել է 1915 թ-ի Հայոց ցեղասպանության զոհերի հիշատակը...

Հայկական Վարդավառը, խորովածը եւ ավանդական զգեստները՝ Disney-ի «Միքի Մաուսի Զվարճանքների տունը»/Mickey Mouse Funhouse/ մուլտսերիալում: Անիմացիոն պատմության ամենահայկական դրվագի պրեմիերան տեղի ունեցավ մարտի 1-ին՝ Disney Channel եւ Disney Junior ալիքներով՝ անմիջապես տարածվելով համացանցի հայկական տիրույթում ու դառնալով բազմաթիվ հայերի քննարկման թեման, ովքեր մինչ օրս շարունակում են կիսվել իրենց ոգեւորությամբ:

NEWS.am STYLE-ի հետ բացառիկ զրույցում էպիզոդի հեղինակ Քեթլին Սարնելլի Կապուկչյանը նշեց, որ վաղուց էր ցանկանում գրել հայկական պատմվածք՝ հատկապես 2018 թվականին Հայաստան կատարած այցից հետո, որտեղ ամուսինը (Մանվել Կապուկչյան) ամուսնության առաջարկություն էր արել նրան։

«Մարդիկ, սնունդը եւ ճարտարապետությունը բացարձակապես հիասքանչ էին: Մի օր Գլենդելի այգիներից մեկում տեսա երիտասարդների եւ տարեցների, ովքեր ջուր էին շաղ տալիս միմյանց վրա եւ զվարճանում: Ես ամուսնուս հարցրի, թե այդ ինչ տոն է, եւ նա ինձ պատմեց ու ներկայացրեց Վարդավառի մասին: Երբ արդեն հղի էի, ես հասկացա, որ ցանկանում եմ որդուս ներկայացնել նրա մշակույթը»:

Սերիալում Միքին եւ նրա ընկերները բացահայտում  են տարբեր մշակույթներ եւ տոնակատարություններ, ուստի Քեթլինը մտածեց՝ «ինչո՞ւ չանդրադառնալ Վարդավառին»:

«Այն, ինչ ինձ իսկապես տպավորեց այս տոնի մեջ, այն էր, որ այն բացառապես հայկական է: Ես երբեք չեմ տեսել մի տոն, որտեղ երիտասարդներն ու տարեցները հավաքվեն ու այդքան զվարճանան միմյանց վրա ջուր ցողելով»,- ասում է նա:

Դրվագը բազմաթիվ դրական արձագանքներ է ստացել ամբողջ աշխարհում՝ ոչ միայն հայերի կողմից: Գրողը կարծում է, որ բոլոր երեխաները, անկախ ազգությունից,  սիրել են այն, քանի որ անիմացիոն այս ֆիլմաշարն ուղղված է տարբեր մշակույթների եւ ավանդույթների ներկայացմանը: «Mickey Mouse Funhouse-ը հիանալի է նրանով, որ մենք ցուցադրում ենք տարատեսակ ավանդույթներ եւ երեխաներին ծանոթացնում նոր ու հետաքրքիր տոների հետ: Վարդավառը կատարյալ տոն էր հայ ժողովրդի զվարճանքն ու երջանկությունը ցուցադրելու համար»:

Աստղիկ աստվածուհու, հայկական տարազ հագած Մինի Մաուսի եւ ավանդական խորովածի կողքին դրվագում կարող ենք տեսնել նաեւ Գառնու տաճարը, որը առանձնահատուկ վայր է Քեթլինի համար, քանի որ հենց այնտեղ է տարիներ առաջ ամուսինը նրան ամուսնության առաջարկություն արել:  «Դրվագում ինձ հոգեհարազատ էր Աստղիկը (ջրի, սիրո և գեղեցկության աստվածուհին. հեղ.), որը կրում էր հայկական ավանդական տարազ։ Ինձ դուր է գալիս այն, թե ինչպես մեր թիմը ցուցադրեց այս գեղեցիկ զգեստը։ Այս հագուստն առանձնահատուկ էր ինձ համար, քանի որ երբ տեսնում էի ավանդական հայուհիների պարը, նրանք կրում էին այսպիսի գեղեցիկ տարազներ: Խորովածը, նույնպես, գրեթե բոլոր հայկական միջոցառումներին կա, ուստի մտածեցի, որ զվարճալի կլինի այն ներառել»,-հիշում է գրողը:

«Միքի Մաուսի Զվարճանքների տունը» հեռուստաշոուի պրեմիերան կայացել է 2021 թվականին եւ մեծ պահանջարկի շնորհիվ՝ շարունակվել երկրորդ եւ երրորդ եթերաշրջաններով: Քեթլինը կարծում է, որ անիմացիոն սերիալն առանձնահատուկ է դարձել թիմային աշխատանքի շնորհիվ: «Ֆիլ Վայնշտեյնը (գործադիր պրոդյուսեր), Թոմաս Հարթը (գործադիր պրոդյուսեր) եւ Մարկ Դրոպը (խմբագիր) միշտ քաջալերում էին մեզ՝ թույլ տալով ցուցադրել նոր տոներ եւ գաղափարներ: Միքին եւ նրա ընկերախումբը հայտնի են ամբողջ աշխարհում իրենց բարությամբ եւ բաց լինելով, եւ սա է, կարծում եմ, մեր շոուի հաջողության գրավականը»:

Քեթլինն ասում է, որ մուլտսերիալի պատմություններն ընտրում է՝ հիմնվելով այն փորձառությունների եւ դասերի վրա, որոնք նա սովորել է մանկության տարիներին:

«Ես նաեւ սիրում եմ երեխաներին ծանոթացնել նոր մշակույթների հետ, որոնք նրանք նախկինում չեն իմացել, օրինակ՝ Վարդավառը, կամ՝ Մեռյալների օրը: Նոր մշակույթների մասին գրելը միշտ հաճելի է, եւ ես ինքս էլ սովորում եմ մանրամասներ, որոնց մասին նախկինում չգիտեի: Աստղիկի մասին իմանալն այնքան հուզիչ էր, որ ես, իսկապես, ցանկացա կիսվել նրա պատմությամբ»,-հավելեց նա:

Սյունե Առաքելյան

Հետևեք NEWS.am STYLE-ին Facebook-ում, Twitter-ում և Instagram-ում