Հայաստանում Ֆրանկոֆոնիայի օրերի առթիվ Երեւան են այցելել ֆրանսիացի հանրահայտ գրող Սիլվեն Տեսոնը եւ հայտնի լրագրող, «Ֆիգարո» ամսագրի տնօրենի տեղակալ Ժան-Քրիստոֆ Բյուիսոնը:
Հայաստանի ազգային գրադարանի թամանյանական մեծ դահլիճում երեկ՝ մարտի 18-ին, տեղի ունեցավ Տեսոնի «Սեւ ճանապարհներին» գեղարվեստական ֆիլմի ցուցադրությունը, որտեղ հանգամանորեն ներկայացված է արկածախնդիր գրողի անցած բարդ ու դժվարին ճանապարհը, որի օրինակով ընգծվում է նպատակին հասնելու ոչ դյուրին ուղին․ բայց երբ դա անում ես, երջանկության արցունքները սպասեցնել չեն տալիս։ «Սեւ ճանապարհներին» ֆիլմը հիմնված է Տեսոնի համանուն ինքնակենսագրական վեպի վրա, իսկ գլխավոր դերում հանդես է գալիս համաշխարհային կինոյի աստղ, օսկարակիր դերասան Ժան Դյուժարդենը, որը հանրությանը, հատկապես, հայտնի է «Արտիստը» ֆիլմում իր դերով։
Լրագրողների հետ զրույցում գրողը վերհիշեց՝ 1994 թ-ն էր, երբ նմանատիպ մի ճանապարհ, նմանատիպ հետաքրքրություն մի օր նրան բերեց Հայաստան, որին սիրահարվեց այնպես, որ անտարբեր չկարողացավ մնալ հայ ժողովրդի խնդիրներին։
«94 թ-ին Հայաստան եկել եմ որպես զբոսաշրջիկ, հեծանվով էի ճանապարհորդում, ու այդպես հայտնվեցի այստեղ: Հենց առաջին օրից հետաքրքրվեցի Հայաստանով ու մինչ օրս էլ այդ հետաքրքրությունը բարձր է»։
Գրողի հաջորդ այցը 2020 թ-ին էր՝ 44-օրյա պատերազմի ժամանակ․ «Վերադառնալով Փարիզ՝ Հայաստանի ընկերներով մի խումբ ստեղծեցինք՝ բաղկացած արտիստներից, լրագրողներից, գրողներից, երաժիշտներից, լուսանկարիչներից… Մեր առաջին խնդիրը եղել է հասարակությանը եւ կառավարություններին Հայաստանում տեղի ունեցող խնդիրներին իրազակելը: Եվ, ի վերջո, որ Արցախից բռնի տեղահանված հայերը իրենց համարձակությամբ ու քաջությամբ մնան Հայաստանում, եւ այդ բոլոր կետերի շուրջ է, որ այստեղ շարունակում ենք մեր աշխատանքը»,-պատմում է նա։
2020-ին Տեսոնը Հայաստան էր ժամանել լրագրող Ժան-Քրիստոֆ Բյուիսոնի հետ, որը եւս մեծ ներդրում ունի արցախյան իրադարձությունների լուսաբանման մեջ։ Լրագրողների հետ զրույցում վերջինը նշեց, որ «մերժում է Արցախի կորուստը»՝ հավելելով, որ 2020 թվականի սեպտեմբերյան պատերազմի առաջին իսկ օրերից այն զգացողությունն է ունեցել, որ, եթե որեւէ գիրք կամ հոդված գրի Արցախի մասին, դա վատ կանդրադառնա նրա վրա: «Եթե գրեի, կստացվեր, որ Արցախի պատմությունն ավարտվել է, բայց ես չեմ ցանկանում հավատալ դրան, նույնիսկ այսօր, երբ Արցախը չունի իր սուվերենությունն ու պետությունը, այն գոյությունի ունի մարդկանց սրտերում: Գիրք կգրեմ Արցախի մասին այն ժամանակ, երբ արցախցիները վերադառնան իրենց երկիր, որտեղ ապրել են հազարավոր տարիներ: Կգրեմ այդ հզոր պատմության մասին: Եթե վերադառնան, դա միայն նրանց շնորհիվ չի լինի. նրանց կօգնեն, բայց հայերի վերադարձը իրենց հողեր կարելի է պատկերացնել այն դեպքում, երբ Ալիեւի ռեժիմն այլեւս չլինի»,-ընդգծեց Բյուիսոնը:
Այցի շրջանակում հյուրերը շրջեցին գրադարանով, իսկ ֆիլմի դիտումից հետո քննարկում ունեցան միջոցառման մասնակիցների հետ։
Սյունե Առաքելյան
Հետևեք NEWS.am STYLE-ին Facebook-ում, Twitter-ում և Instagram-ում
16:03, 9 մայիսի
Հայաստան կատարած ուղեւորությունից հետո Թամլին Քուրինիը ճանաչվել է «Խմիչքի թեմայով տարվա հեղինակ»15:36, 9 մայիսի
«Լադանիվա»-ն այսօր ելույթ կունենա «Եվրատեսիլ 2024» երկրորդ կիսաեզրափակչին․ ի՞նչ է լինելու բեմում15:26, 9 մայիսի
Ռոբերտ Դե Նիրոյին նվիրված առաջին փառատոնը տեղի կունենա Նյու Յորքում14:34, 9 մայիսի
Կիանու Ռիվզը ցանկանում է նկարահանել «Արագություն» ֆիլմի երրորդ մասը՝ Սանդրա Բուլոքի մասնակցությամբ13:23, 9 մայիսի
Շակիրան մեծ հաղթանակ է տարել Իսպանիայում իր հարկերի վերաբերյալ երկրորդ հետաքննության ընթացքում12:50, 9 մայիսի
Շեքսպիրի «անտեսված» կերպարը՝ յուրովի մեկնաբանությամբ. Արա Երնջակյանը ներկայացրեց «Հորացիոյի գաղտնիքը» գիրքը12:16, 9 մայիսի
Փերիս Հիլթոնը եւ Նիկոլ Ռիչին վերադառնում են ռեալիթի շոու11:18, 9 մայիսի
Քլոե Քարդաշյանը պատմել է, թե ինչպես է նիհարել 36 կիլոգրամով10:55, 9 մայիսի
Քիմ Քարդաշյանը «կոտրված Margiela տիկնիկի» դերում10:22, 9 մայիսի
Քրիս Ջենները հայտնել է, որ ուռուցք ունի09:00, 9 մայիսի
ՄԱՅԻՍԻ 9-Ի ՁԵՐ ՌՈՄԱՆՏԻԿ ՀՈՐՈՍԿՈՊԸ23:18, 8 մայիսի
Շամպայն, 24 կարատանոց ոսկուց խնամքի միջոցներ եւ 100,000 դոլարի շքեղություն. հանգստացեք Դուբայի լավագույն հանգստավայրում