Մել Գիբսոնը Esquire ամսագրին տված հարցազրույցում գովաբանել է իր վաղեմի ընկերոջը եւ Air America-ի աստղ Ռոբերտ Դաունի կրտսերին։
Գիբսոնը Դաունիին անվանել է «խիզախ, առատաձեռն եւ բարի», քանի որ վերջինը Հոլիվուդին կոչ էր արել ներել Գիբսոնին՝ 2006 թվականին նրա տխրահռչակ ձերբակալությունից հետո, որի ժամանակ «Խիզախ սիրտը» ֆիլմի աստղը վիրավորական արտահայտություններ էր արել հրեաների հասցեին: Գիբսոնի հակասեմական արտահայտությունները խաթարեցին նրա հոլիվուդյան կարիերան:
«Մի անգամ ես վատ իրավիճակի մեջ հայտնվեցի, որը վերջ դրեց իմ կարիերայի»,-Esquire-ին ասել է Գիբսոնը,-«Ոստիկանական մեքենայի հետեւի նստարանին հարբած էի եւ հիմարություն ասացի, որից հետո հանկարծ հայտնվեցի սեւ ցուցակում: Մի քանի տարի անց Ռոբերտն ինձ հրավիրեց ինչ-որ մրցանակաբաշխության... Մեզ մոտ միշտ եղել է այս ճոճանակը՝ երբ նա բարձունքում էր, ես ընկնում էի, իսկ երբ ես էի բարձունքում, նա էր ընկնում։ Ես այդ ժամանակ Հոլիվուդում գործնականում գոյություն չունեի, եւ նա պաշտպանեց ինձ: Դա խիզախ, առատաձեռն ու բարի ժեստ էր։ Ես սիրում եմ նրան դրա համար»:
Գիբսոնը նկատի ունի 2011 թվականի American Cinematheque մրցանակաբաշխությունը։ Դաունին ամենամյա մրցանակի դափնեկիրն էր, որտեղ իր ելույթն օգտագործեց Գիբսոնին աջակցելու համար: Հրեա Դաունին խնդրեց Հոլիվուդին միանալ իրեն՝ ներելով իր ընկերոջ արարքը, առաջարկելով այն նույն մաքուր թերթիկը, որն իրեն էին տվել, որպեսզի առանց ամաչելու շարունակի իր «մեծ եւ մնայուն ներդրումը մեր հավաքական արվեստի մեջ»:
Դաունին նշել է՝ «Եթե դուք մեղք չեք գործել, ապա սխալ ոլորտ եք ընտրել, եւ պետք է մտածեք Գիբսոնին երկրորդ հնարավորություն տալու մասի»:
«Երկաթե մարդը» ֆիլմի աստղը գիտեր Հոլիվուդում երկրորդ շանսերի մասին որոշ բաներ՝ հաշվի առնելով, որ ինքն էլ արդյունաբերության մեջ մերժված էր՝ 1990-ականների վերջին մի շարք իրավական խնդիրների պատճառով: Նա ձերբակալվել է 1996 թվականին՝ հերոին, կոկաին եւ չլիցքավորված ատրճանակ պահելու համար եւ ստացել երեք տարվա պայմանական ազատազրկում։ Մեկ տարի անց նա մոտ չորս ամսով բանտարկվեց այն բանից հետո, երբ ձախողեց դատարանի կողմից նշանակված թմրամիջոցների թեստը: 1999 թվականին նա հերթական անգամ դատապարտվեց երեք տարվա ազատազրկման։ Դաունին 15 ամսվա պատիժ կրեց, այնուհետեւ կրկին ձերբակալվեց ազատ արձակվելուց չորս ամիս անց՝ թմրանյութ պահելու համար:
Հետևեք NEWS.am STYLE-ին Facebook-ում, Twitter-ում և Instagram-ում
21:09, 16 մայիսի
HerMine Dialog-ը՝ բացօթյա ձեւաչափով․ երեւանյան բեմում կներկայացվեն հայկական մթերքներով ուտեստներ20:28, 16 մայիսի
InTouch. Աֆլեքն ու Լոպեսը երկու տարվա ամուսնությունից հետո պատրաստվում են ամուսնալուծվել19:04, 16 մայիսի
Ալեքսանդր Դուլին. «Ես անսահման ուրախ եմ Հայաստան վերադառնալու համար»16:12, 16 մայիսի
Բրիթնի Սփիրսի հուզիչ խոստովանությունն իր ընտանիքի մասին՝ տարիներ շարունակվող թշնամանքի ֆոնին15:24, 16 մայիսի
Երգչուհի Վալերիան բացատրել է Բուզովայի կյանքում տղամարդու բացակայության պատճառը14:05, 16 մայիսի
Սամվելը, Անին, Արսենն ու Հայկուհին՝ այսուհետ «Ազգային band»-ում13:16, 16 մայիսի
«Պետք է կարողանանք լսել, որ չմնանք «փահլեւան»–ի կարգավիճակում»․ Ռաֆայել Երանոսյանի նոր մոնոներկայացման պրեմիերան (Ֆոտո)12:32, 16 մայիսի
Գեւորգ Մկրտչյանն իր ծննդյան 26-ամյակին իրեն շքեղ նվեր է արել (VIDEO)11:36, 16 մայիսի
Մայրանալ պատրաստվող Հեյլի Բիբերը ցուցադրել է իր կլորիկ փորիկը10:20, 16 մայիսի
Հայկական հարսանիքի ավանդույթների հետքերով․ «7 օր, 7 գիշեր» ֆիլմի պրեմիերան՝ Երեւանում09:00, 16 մայիսի
ՄԱՅԻՍԻ 16-Ի ՁԵՐ ՌՈՄԱՆՏԻԿ ՀՈՐՈՍԿՈՊԸ23:19, 15 մայիսի
Արեւայրուք՝ առանց արեւի ու տնից դուրս գալու