Ռեժիսոր Ելենա Արշակյանն ու սցենարիստ Անահիտ Մխիթարյանը համատեղ նոր ֆիլմ են նկարում՝ «Նոր տարվա կինո», եւ ինչպես հուշում է վերնագիրը՝ ֆիլմն ամանորյա պատմություն է։ Նկարահանումները սկսվել են հունիսի 7-ից եւ ընթանալու են մինչեւ աշուն։ NEWS.am STYLE-ի հետ զրույցում Ելենա Արշակյանը պատմել է ֆիլմի առաջին մանրամասների մասին ու տրամադրել կադրեր՝ նկարահանման հրապարակից։
«Ֆիլմի գաղափարը իմ ու Անահիտի մտքում էր դեռ 3 տարի առաջ: Երկար ենք աշխատել սցենարի վրա ու հիմա մեկ քայլ եւս մոտեցանք մեր երազանքին: Այս ֆիլմը մեզ համար երազանքի նման մի բան էր, ուզում էինք ստեղծել ֆիլմ հենց այս սցենարով, ուղերձով եւ գաղափարով, որը դրվել է սյուժեում: Առայժմ շատ մանրամասներ չենք կարող պատմել, բայց սա կարեւոր ու պատասխանատու աշխատանք է, որտեղ իրեն կգտնի յուրաքանչյուր հայ»,-նշեց նա։
Երբեք, երբեք մի դադարեք երազել՝ հենց այս հաղորդագրությունն են տարածում ֆիլմի հերոսները, որոնց երազանքներն իրականանում են ամենաանհավանական պահերին: Ռեժիսորն առայժմ չցանկացավ խոսել դերասանական կազմի մասին, սակայն հայտնի է, որ առանցքային դերով հանդես է եկել Վիկտորիա Շամիրյանը։ «Սա ֆիլմ է, որը ցույց է տալիս, որ ճշմարիտը, ազնիվը հաղթում է: Դերասանական կազմին առայժմ չենք բացահայտում, բայց հավաքվել են դերասաններ, որոնք մեր գաղափարակիցներն են, որոնք կրում են նույն երազանքը, ինչպես մեր ստեղծագործական թիմի յուրաքանչյուր անդամ։ Շնորհակալ եմ իմ դերասաններին, որ օգնում են իրագործել երազանքներ, այս դեպքում իմ ու Անահիտի երազանքը: Չափազանց հուզված ենք աշխատում, մենք նկարահանում ենք մեր կյանքի կարեւոր աշխատանքը»:
Ֆիլմի նկարահանումներն իրականացվելու են Հայաստանի գրեթե բոլոր մարզերում․ «Ներկայացվելու է Լոռու, Գեղարքունիքի, Շիրակի, Սյունիքի եւ մյուս մազրերի կոլորիտը, բարբառը, հումորները: Հատկանշական է, որ դերասանները, որոնք ընդգրկված են ֆիլմում, ներկայացնում են հենց իրենց ծննդավայր մարզը: Նախագիծը շատ անակնկալներ է խոստանում, այստեղ կտեսնեք մարդկանց, որ երբեք չէինք հանդիպի նման ժանրում»,-պատմեց Ելենա Արշակյանը:
Սյունե Առաքելյան
Հետևեք NEWS.am STYLE-ին Facebook-ում, Twitter-ում և Instagram-ում
14:28, 22 հունիսի
Բեն Աֆլեքից բաժանվելու լուրերի ֆոնին Ջենիֆեր Լոպեսը «աղմկոտ» սելֆիներ է անում Իտալիայում՝ զբոսանավի վրա13:41, 22 հունիսի
Ատոմ Էգոյանը վերադառնում է «Ոսկե ծիրան»․փառատոնը կբացվի նրա նոր ֆիլմով12:43, 22 հունիսի
Երեւանի ամենահայտնի բակը կորցրեց իր ամենասիրելի բնակիչներից մեկին՝ դրական ու հմայիչ Լալային12:02, 22 հունիսի
Ռուս միլիարդատերը շքեղ երեկույթ է կազմակերպել իր ընկերուհու համար՝ հրավիրելով Քրիստինա Ագիլերային11:07, 22 հունիսի
Առողջ միտք, առողջ հոգի, առողջ մարմին. Հայաստանում նշվեց Յոգայի 10-րդ միջազգային օրը10:30, 22 հունիսի
Երիտասարդ փարիզցիներին անհանգստացնում է Բիանկա Սենսորիի պահվածքը09:00, 22 հունիսի
ՀՈՒՆԻՍԻ 22-Ի ՁԵՐ ՌՈՄԱՆՏԻԿ ՀՈՐՈՍԿՈՊԸ23:10, 21 հունիսի
Ո՞ր անմեղ սովորությունն է սպանում լիբիդոն22:38, 21 հունիսի
Հաջորդ Lexus սուպերքարը կհայտնվի 2026 թվականին21:19, 21 հունիսի
Քիմ Քարդաշյանն ուշադրություն է գրավել հերթական էքստրավագանտ անսամբլով20:12, 21 հունիսի
Տակառում պահված աշխարհի ամենահին կոնյակը վաճառվում է 32000 դոլարով19:38, 21 հունիսի
«Օսկարը» դիտարկում է «Լավագույն դերասանի» եւ «Լավագույն դերասանուհու» անվանակարգերը փոխարինել «գենդերային չեզոք» անվանակարգով