Ավելի քան 10 տարի կրթելով սերունդներ. «Հայասի» պարային համույթը պատրաստվում է մեծ համերգի

Այլմոլորակայինների հանելուկը՝ հայերի հավատալիքներն ու կասկածները

Եգոր Գլումով. Այժմ սեփական հիմարությունը ցույց տալու ավելի շատ հնարավորություններ կան

Սոսո Պավլիաշվիլի. Արհեստական բանականությունը նեռի նմանակն է

Սոսո Պավլիաշվիլիի 60-ամյակը Հայաստանում. տոնական երեկո աստղերի հետ

Stylish Faces. Հնարքներ՝ Հայկ Freestyle-ից. «Ռեկորդ եմ ուզում գրանցել Գինեսում»

Սոսո Պավլիաշվիլին իր 60-ամյակը նշելու առթիվ ժամանել է Երեւան (ՈւՂԻՂ)

Լալա Մնացականյանի հոգեհանգստի արարողությունը՝ Կոնդի Սուրբ Հովհաննես եկեղեցում (ՈւՂԻՂ)

«Կապ» մշակույթի և մարդկանց միջև

Հումորը հաղթահարելու մեխանիզմներից մեկն է, որը եթե չանես կգժվես. Նարեկ Մարգարյան

Համլետ. նոր հայացք դասական դրամային

Այնքան ճշմարտություններ ասվեցին այդ օրը, որ ծրագիրը փակեցին. Արթուր Բախտամյան

Գունավոր մարդիկ, բարձր տրամադրություն. Գույների փառատոնը՝ Երեւանում

Football Fest. մրցույթներ, չելենջներ ու մարտահրավերներ

Երևանում պաշտոնապես բացվեց Armflix-ի գրասենյակը

Էսօր քշել չկա, էսօր գինու փառատոն ա

Տոտալ դրամա Երեւանում

«Ազգային երգիչ 2»-ի մեծ համերգը, Սամվելի նոր երգը, ու մասնակիցներն՝ իրենց նոր բենդի մասին (VIDEO)

Ատոմ Էգոյանը, Թարսեմ Սինգխը, Կուստուրիցան, Արտավազդ Փելեշյանը եւ այլ հայտնիներ՝ Սերգեյ Փարաջանովին նվիրված նոր վավերագրական ֆիլմում

15:05, 19 հունիսի

Երեւանյան հանդիսատեսին շուտով կներկայացվի մեծանուն ռեժիսոր Սերգեյ Փարաջանովին նվիրված նոր վավերագրական ֆիլմ՝ «Ես վրեժխնդիր կլինեմ աշխարհից սիրո միջոցով. Ս. Փարաջանով»։ Ֆիլմի ռեժիսորը Զառա Ջյանն է, որը հանդիսանում է նաեւ սցենարիստն ու պրոդյուսերը։ NEWS.am STYLE-ը ռեժիսորի հետ զրուցել է առաջիկա վավերագրության մանրամասների շուրջ։ Ըստ նրա՝ սպասվող աշխատանքը Փարաջանովին նվիրված դասական կենսագրական ֆիլմ չէ, «ավելին՝ կան շատ ֆիլմեր, որոնց միջոցով ավելի շատ կարելի է ծանոթանալ Փարաջանովի կենսագրությանը եւ աշխատանքներին, սակայն այս ֆիլմն անցյալը կապում է ներկայի հետ»։

0273d26d-c9cd-4e6f-a8cb-8b1a687e2138.jpg (233 KB)

«Մինչեւ 17 տարեկան մեծանալով Հայաստանում՝ ծանոթ էի Սերգեյ Փարաջանովին (պայմանավորված էր ընտանիքիս՝ նրա հանդեպ ունեցած մոտեցմամբ): Հետաքրքիրն այն է, որ տարբեր երկրներում ապրելով՝ Փարաջանովն անընդհատ «հայտնվում» էր իմ կյանքում: Ինչ վերաբերում է «Ես վրեժխնդիր կլինեմ աշխարհից սիրո միջոցով. Ս. Փարաջանով» ֆիլմին, ապա նշեմ, որ այնպես է ստացվել, որ ինչպես ֆիլմի խաղարկային հատվածում հերոսուհին թողնում է իր բնակավայրը, այնպես էլ ես՝ 2020-ից հետո չէի կարողանում ապրել Մոսկվայում: Երբ արդեն Երեւանում ծանոթներիս ուղեկցում էի Փարաջանովի տուն-թանգարան, մի պահ կանգնեցի Փարաջանովի «Երեք ազգերի զավակ» ինքնանկարի դիմաց, ինչ-որ մի բան տեղի ունեցավ ներսումս: Այն, ինչ ինձ խանգարում էր, եկավ աչքերիս առաջ, սկսեցի մտածել, թե որքան տաղանդավոր մարդիկ իրենց տաղանդը «փոխանակում» են՝ դառնալով քաղաքական բլոգեր: Տեսնելով ինքնանկարը՝ հասկացա, թե խորհրդային տարիներին Փարաջանովը որքան դժվարությունների միջով է անցել, սակայն հավատարիմ է մնացել իր գործին. իսկական հանճար էր: Հասկացա նաև, որ ցանկանում եմ այս մեսիջը տեղ հասցնել իմ ֆիլմի միջոցով»,-պատմեց նա:

7edac94a-1351-49aa-946d-c2ca4b6b60da.jpg (26 KB)

Ռեժիսորը հավելում է՝ երբեմն ֆիլմն ավելի շատ հարցեր է առաջացնում, քան տալիս է պատասխաններ: «Թեպետ ինքս ստացել եմ ինձ հուզող պատասխանը, սակայն այս ֆիլմի միջոցով շատ հարցեր եմ բարձրացնում, որոնց պատասխանում են մեր ֆիլմի հերոսները: Հավելեմ, որ ֆիմն ունի շատ բարդ կառուցվածք. առաջին հատվածում հերոսների հետ վերհիշում ենք Փարաջանովին, որոնցից շատերն իր ընկերներն են եղել, բայց, իհարկե, կան հերոսներ, որոնք անձամբ չեն ճանաչել Փարաջանովին, սակայն վերջինս ոգեշնչել է նրանց, օրինակ ծառայել: Այս ֆիլմոմ շեշտադրում ենք Փարաջանովի՝ օրինակ ծառայելու գաղափարը»:

5945932d-8112-40a8-b77d-5eb6a58c3ab8.jpg (51 KB)

Ֆիլմը թե իր հերոսներով, թե նկարահանումներով միջազգային է ստացվել: Այն հայ-ֆրանսիական արտադրություն է՝ Մեծ Բրիտանիայի մասնակցությամբ: Նկարահանումները տեղի են ունեցել Հայաստանում, Լատվիայում, Գերմանիայում եւ Սերբիայում: Ֆիլմի հերոսների ցանկն էլ բաղկացած է միջազգային ճանաչում ունեցող հեղինակավոր դեմքերից՝ Ատոմ Էգոյան, Թարսեմ Սինգխ, Էմիր Կուստուրիցա, Չուլպան Խամատովա, Ջոել Կապրոն, Ալի Խամրայեվ, Լորա Գուերրա, Լեւոն Աբրահամյան, Արտավազդ Փելեշյան:

c8a6fe2e-72aa-4d9d-ad05-ecb2e99bade4.jpg (26 KB)

«Առանց ավելորդ համեստության՝ պետք է փաստեմ, որ այս ֆիլմն իսկապես շատ միջազգային է դարձել, առանց խորհրդային հետքի, որը բնորոշ է Փարաջանովին նվիրված ֆիլմերին: Շատ եմ ցանկանում երկու մարդու մասին խոսել, որոնք եթե չհավատային այս նախագծին, ոչինչ չէր ստացվի: Նախքան պրոդյուսեր Անի Որսկանյանին հանդիպելը հենց այդպիսի մարդ էի փնտրում, ով կլինի եւ պրոֆեսիոնալ, եւ կունենա գաղափար: Առանց նրա չեմ կարծում, որ այս ֆիլմը կլիներ: Ինչպես նաեւ ցանկանում եմ խոսել Հայաստանի ազգային կինոկենտրոնի տնօրեն Շուշանիկ Միրզախանյանի մասին, ով և մոտիվացնում էր, և օգնում էր: Հենց նա մեզ ծանոթացրեց ֆիլմի համապրոդյուսեր  Ստեֆան Ժյուրդեն հետ: Շուշանիկ Միրզախանյանն իսկապես  աշխատում է ֆիլմ արտադրողի համար՝ աջակցելով նրան: Ես միայնակ չեմ եղել, բոլորս աշխատել ենք մեծ նվիրումով եւ հավատով: Պատկերի հեղինակ Նորայր Կասպերի շնորհիվ էլ ֆիլմը ստացանք հենց այնպիսին, ինչպիսին պատկերացնում էի: Նորայրը պատկերի հեղինակն է: Շատ երկար էի նրան փնտրում, ինձ համար կարեւոր էր, որ ֆիլմի պատկերի հեղինակը լիներ ինտելեկտուալ մեկը, ով ծանոթ կլինի այդ  իրականության հետ, կունենա հայկական արմատներ՝ միջազգային մտածողություն: Մեծ աշխատանք է կատարել նաեւ ֆիլմի երկրորդ օպերատոր Նարեկ Մարտիրոսյանը: Հենց այս եւ ֆիլմի ստեղծագործական մյուս անդամների շնորհիվ ստացանք այն, ինչին այդքան հավատում էինք: Ֆիլմը միջազգային է, առհասարակ, Փարաջանովն ինձ համար խորհրդային փշալարերից դուրս գործիչ էր, հետեւաբար՝ նրան նվիրված ֆիլմն էլ պետք է այդպիսին ստացվեր»,-նշեց Զառա Ջյանը՝ հավելելով, որ այնտեղ նաեւ միստիկ մի բան կա․ հերոսները երբեմն նույնիսկ պատահականությամբ հայտնվում էին հենց այնտեղ, որտեղ պետք է նկարահանումներ տեղի ունենային:

d5924f7e-32ca-4f52-97a9-e494e4eba01b.jpg (63 KB)

fa9f2fde-92f3-4684-98c3-bbe7e6203c3c.jpg (38 KB)

Ֆիլմի ստեղծագործական կազմը նախատեսում է փառատոններին ակտիվ մասնակցություն, սակայն նախքան դա՝ հուլիսի 8-ին, տեղի կունենա երեւանյան պրեմիերան, ինչի առիթով նախատեսվում է մի շարք հեղինակավոր հյուրերի ժամանումը Հայաստան:

Սյունե Առաքելյան


Հետևեք NEWS.am STYLE-ին Facebook-ում, Twitter-ում և Instagram-ում




Տպել    |  In English

  • Այս թեմայով



@NEWSam_STYLE

  • Արխիվ
Որոնել