«Ոսկե ծիրան»-ի կարմիր գորգից ու բացման պաշտոնական արարողությունից հետո, որն ավարտվեց Ատոմ Էգոյանի «Յոթ Քողը» ֆիլմի ցուցադրությամբ, հատուկ հյուրերը՝ այդ թվում Ատոմ Էգոյանն ու Քեւին Սփեյսին, երեկոն շարունակեցին «Լիվինգսթոն» ռեստորանում: Մեղմ երաժշտություն, հյուրասիրություն եւ, իհարկե, հանդիպումներ կինոփառատոնի աստղերի հետ: NEWS.am STYLE-ը եւս ներկա է եղել «after party»-ին, որը ներկայացնում ենք մի քանի կադրով:
Երեկոյին ներկա էին նաեւ հայ արվեստագետներ, շոու բիզնեսի ներկայացուցիչներ, որոնք հնարավորություն ունեցան անձամբ հանդիպելու ու շփվելու Սփեյսիի ու Էգոյանի հետ:
Հոլիվուդյան դերասանը բարձր տրամադրությամբ ժամանեց ռեստորան: Նա պատրաստակամությամբ շփվում էր հյուրերի հետ, եւ թեեւ հրաժարվեց պատասխանել մամուլի հարցերին, չմերժեց ժպտալ տեսախցիկների առջեւ:
Կանադահայ հայտնի ռեժիսոր Ատոմ Էգոյանը սիրով համաձայնվեց խոսել Հայաստանում գտնվելու առթիվ իր հույզերի եւ «Ոսկե ծիրանի» շրջանակում ցուցադրված իր ֆիլմի մասին:
«Կարծում եմ՝ սա շատ արժեքավոր փառատոն է երկրի համար, եւ, հատկապես, կարեւոր է այս պահին, երբ երկիրն այնքան դժվարությունների միջով է անցել. կարեւոր է իրականացնել այսպիսի մշակութային իրադարձություններ եւ հրավիրել այսքան շատ մարդկանց, սա շատ հուզիչ է, սա այն է, ինչի համար մենք պայքարում ենք»,-նշեց ռեժիսորը, որը փառտոնին վերջին անգամ մասնակցել էր 12 տարի առաջ: «Նախկինում, երբ եկել էի, ամեն ինչ ավելի կայուն էր, բայց ինձ համար ավելի էմոցիոնալ է լինել այս պահին այստեղ՝ իմ ժողովրդի կողքին»,-հավելեց նա:
Посмотреть эту публикацию в Instagram
Անդրադառնալով կինոփառատոնի բացումն ազդարարած իր ֆիլմին, որի գլխավոր դերում Ամանդա Սեյֆրիդն է, եւ որը Ռիխարդ Շտրաուսի «Սալոմե» օպերայի կլանիչ ու վառ պատկերային վերաիմաստավորումն է, Էգոյանը նշեց.
«Ցանկությունը եւ ուժը շատ խճճված բաներ են: Մենք շատ բարդ ժամանակաշրջանում ենք ապրում եւ պետք է դա գիտակցենք: Երբեմն այն, ինչ մենք ցանկանում ենք, իրականում այն չէ, ինչ մեզ պետք է: Ես շնորհակալ եմ Ամանդա Սեյֆրիդին, քանի որ նա խաղում է շատ միայնակ մարդու, որը շրջապատված է 7 տարբեր տղամարդկանցով՝ անցյալից, ներկայից, ապագայից, եւ նա այս ամենը ներկայացնում է շատ անսովոր ճանապարհով»:
Հավելենք, որ երեկույթը կազմակերպել էր Yerevan Projects-ը:
Սյունե Առաքելյան
Հետևեք NEWS.am STYLE-ին Facebook-ում, Twitter-ում և Instagram-ում
20:18, 7 սեպտեմբերի
Lamborghini-ն ներկայացրել է Reef AL Arancio յուրօրինակ մանկասայլակը18:10, 7 սեպտեմբերի
Ափամերձ նրբագեղության էությունը՝ Ralph Lauren-ի գարուն-ամառ 2025 հավաքածուում17:23, 7 սեպտեմբերի
Ռիհաննան՝ 20 000 դոլար արժողությամբ Alaïa վերարկուով16:02, 7 սեպտեմբերի
Սկսվել են «Աղախնի պատմությունները» սերիալի վերջին՝ վեցերորդ եթերաշրջանի նկարահանումները14:20, 7 սեպտեմբերի
Ջենիֆեր Լոպեսն իր նախկին ամուսնու՝ Բեն Աֆլեքի ֆիլմի աստղային պրեմիերային կրել է շլացնող զգեստ12:25, 7 սեպտեմբերի
10:34, 7 սեպտեմբերի
Սելենա Գոմեսը պաշտոնապես միլիարդատեր է դարձել09:00, 7 սեպտեմբերի
ՍԵՊՏԵՄԲԵՐԻ 7-Ի ՁԵՐ ՌՈՄԱՆՏԻԿ ՀՈՐՈՍԿՈՊԸ23:06, 6 սեպտեմբերի
Սեքսի համար իդեալական օրն ու ժամը22:17, 6 սեպտեմբերի
Սելենա Գոմեսի սիրելին կիսվել է իր տարօրինակ պեդիկյուրի լուսանկարներով, որոնք սարսափեցրել են երկրպագուներին21:14, 6 սեպտեմբերի
ArmenՅԱՆs. Դավիթ Սարգսյանը՝ Ջորջ Քլունիի եւ Բրեդ Փիթի հետ «Գայլերը» ֆիլմում նկարահանվելու եւ Փիթի վրա «զենք պահելու» մասին20:15, 6 սեպտեմբերի