Ինչպիսի՞ն է միլենիալների սերնդի ժամանակակից հայ գործարար կինը: Ոճային, նպատակասլաց, հավակնոտ: Այո՛։ Սակայն ամենակարևորը՝ անվախ ու կարծրատիպեր կոտրող։ Dreamy Domes շքեղ գլեմփինգ ցանցի համահիմնադիր Շուշաննա Կոստանյանն ընդամենը 25 տարեկան է։ Սակայն տարիքը չի խանգարում նրան բիզնեսի բարձունքները նվաճելու ճանապարհին, չնայած այն բոլոր դժվարություններին ու նախապաշարմունքներին, որոնց իր ճանապարհին ստիպված է եղել հանդիպել արմավիրցի երիտասարդ գեղեցկուհին։ «Աստղեր տանող ճանապարհը միշտ փշոտ է»,- մեղմ ժպիտով ասում է Շուշաննան, որը հասցրել է կարճ ժամանակով աշխատել նաև պետական ոլորտում՝ որպես նախկին փոխվարչապետ Համբարձում Մաթևոսյանի օգնական։ Մեր «Նորաձև մարդիկ» նախագծի շրջանակում Շուշաննայի հետ զրուցել եմ իր բիզնես ամբիցիաների, ոճի, տղամարդկանց և այն մասին, թե ինչու է նա երբեմն ցանկանում լինել վարդագույն ակնոցով փոքրիկ, քմահաճ աղջիկ։
Շուշաննան հարցազրույցի էր եկել բաց վարդագույն ոճային տաբատով և ժիլետով։ «Այսօր ես վարդագույն եմ հագնվել, նույնիսկ ակնոցս է վարդագույն։ Այսօր շատ սթրեսային օր եմ ունեցել, և ցանկացա աշխարհին նայել վարդագույն ակնոցով»,- նշեց նա։ Սակայն չարժե խաբվել․ թեև վարդագույնը սազում է Շուշաննային, նրա բնավորությունը ոչ մի կերպ «վարդագույն» չէ։ Նրա մեջ զգացվում է ուժ, վճռականություն և սուր միտք: Նա ասում է, որ չի հրաժարվել պետական աշխատանքի վերադառնալու մտքից՝ իհարկե, բիզնեսում բավական փորձ ձեռք բերելուց հետո։ Իմ զարմացած հայացքին ի պատասխան Շուշաննան բացատրում է․
«Մայրս ինձ սովորեցրել է, որ եթե մարդը վատ է խոսում իր երկրի, քաղաքի, գյուղի մասին, որտեղ ծնվել է, պետք չէ այդ մարդու հետ գործ ունենալ, նա շատ վտանգավոր մարդ է։ Միշտ հիշում եմ այն շրջանն ու քաղաքը, որտեղ ծնվել եմ։ Որովհետև հայրենիքը այն իշխանությունները չեն, որ եղել են, կան կամ կլինեն։ Հայրենիքը ավելի լայն հասկացություն է, որը քո արյան մեջ է... Ես ինձ վրա զգում եմ այս պատասխանատվությունը, և կարծում եմ, որ բոլորս միասին պետք է հասնենք դեպի լավը տանող փոփոխություններին։
Շրջազգեստը եւ կորսետը՝ Ruzane, զարդը՝ Made-vel-e, ժամացույցը՝ Panthère de Cartier, կոշիկները՝ Zara
...Հաշվի առնելով, թե ինչ իրավիճակում է մեր երկիրը գտնվում երկար տարիներ, նա մեր կարիքն ունի։ Այն, ինչ եղել է և կա հիմա, հնացել է։ Նոր էջ բացելու համար անհրաժեշտ է, որ երիտասարդ սերունդը լրջորեն զբաղվի գործով, բայց այս սերունդը, այդ թվում՝ ես, երկար ճանապարհ ունի անցնելու, որպեսզի իսկապես ինչ-որ լավ բան անի մեր երկրի համար։
Իսկ վերապատրաստվելու լավագույն վայրը մասնավոր հատվածն է: Բիզնեսում սխալները դժվար են ներվում, և դա այն ոլորտն է, որտեղ դու պատասխանատու ես զգում քո յուրաքանչյուր խոսքի և որոշման համար: Ես հիմա հենց այնտեղ եմ, որտեղ կարող եմ ինչ-որ բան սովորել և անհրաժեշտ փորձ ձեռք բերել»։
Ինչպե՞ս ծնվեց շքեղ գլամփինգների գաղափարը
«Ուսումնառության տարիներին փորձնական շրջան եմ անցել տարբեր բարձրակարգ հյուրանոցներում թե՛ այստեղ, թե՛ արտերկրում։ Ինձ միշտ դուր է եկել հյուրընկալության ոլորտը: Ես մեծացել եմ մի ընտանիքում, որը սիրում է հյուրեր ընդունել, հյուրասիրել և այլն: Եվ դա իմ մեջ ներդրված է գենետիկ մակարդակով: Ես հասկացա, որ հյուրընկալությունն այն է, ինչ ինձ դուր է գալիս, և դա այն է, ինչի կարիքն ունի մեր երկիրը։ Ես երազանք ունեի ինչ-որ բան անել այս ոլորտում։ Մշակեցի Dreamy Domes-ի հայեցակարգը, ներգրավեցի հիանալի գործընկեր, և մենք վեց ամսից էլ քիչ ժամանակում սկսեցինք այս հիանալի նախագիծը Հայաստանում:
Զգեստը՝ LIMÉ, պայուսակը՝ LIMÉ, կոշիկները՝ Dior
Հողատարածքը, որտեղ գտնվում է Dreamy Geghard-ը, դրա հիմնական ուժն է. 2300 մ բարձրության վրա Աժդահակ լեռ տանող ճանապարհին: Իրականում դա խելագար գաղափար էր, քանի որ ոչ ոք չէր հավատում, որ այնտեղ կարելի է էլեկտրաէներգիա, ջուր, գազ քաշել, ներգրավել լավագույն կադրերին... Սակայն ինչ-որ չափով ամեն ինչ ստացվեց, չէի ասի, թե այն լիովին հաջողված է, քանի որ չեմ կարծում, որ նախագիծը 100 տոկոսով գործարկվեց։ Սակայն գլխավորը դրական մտածողությունն է»:
Շուշաննան խոստովանեց, որ եթե ի սկզբանե գիտակցեր, թե ինչ դժվարությունների է բախվելու, ինչ պատասխանատվություն է ստանձնում, գուցե մի փոքր ուշ սկսեր նախագիծը. «Սթրեսը և պատասխանատվությունը շատ է։ Ես լիովին չէի պատկերացնում մասշտաբն այն խնդիրների և պատասխանատվության, որոնց պետք է բախվեի: Սակայն երբ հավատում ես քո գաղափարին, կամքդ հավաքում ես ու առաջ գնում։ Բարեբախտաբար, ես շրջապատված եմ մեծ փորձ, ստաժ ունեցող մարդկանցով, լավ գործընկերներով... Եվ հենց այդ գիտակցումը, որ նրանք իմ թիկունքին կանգնած են, ինձ օգնեց առաջ գնալ»:
Կիսատաբատը, բլուզը՝ Red Valentino, շարֆը՝ Hermes, ժամացույցը՝ Rolex, լողազգեստը՝ Etam
«Արդեն վաճառվել է Dreamy Domes-ի մեկ ֆրանշիզ, իսկ օգոստոսին Աղվերանում կմեկնարկի հրաշալի նախագիծ։ Ներկայումս քննարկում ենք ևս երեք նոր վայրերի բացման հարցը»,- ասաց նա:
Հետաքրքիր է, որ Շուշաննան նշեց, որ եթե դուստր ունենա, ապա չէր ցանկանա, որ նա այս ամենի միջով անցներ. «Ինձ թվում է, որ աղջիկները ծաղիկների նման են, նրանց պետք է փայփայել...»:
«Երես առած երեխա»
Պարզվում է՝ ծնողները հիացած չեն իրենց դստեր բիզնես հավակնություններից: «Ես միակ երեխան եմ՝ ուշացած և շատ սպասված: Ծնողներս 15 տարի չէին կարողանում երեխա ունենալ... Նրանք օրինակելի մարդիկ են իրենց շրջապատի համար։ Մայրիկս 21 տարեկանից ղեկավարում է ՔԿԱԳ գործակալության գրասենյակը, բոլորը շատ են հարգում նրան, հայրիկս ինժեներ է, որին նույնիսկ Ճապոնիա են կանչել մի քանի տարի աշխատելու։ Երբ ես ծնվեցի, բոլորը երես էին տալիս ինձ, երբեմն նույնիսկ չափից շատ։ Ես շատ ակտիվ, անկառավարելի երեխա էի։ Սակայն հետո մայրս, որը շատ ուժեղ բնավորություն ունի (առ այսօր կարող է ինձ թույլ չտալ, որ տուն մտնեմ կարմիր մանիկյուրով) որոշեց զբաղվել ինձնով և ուշքի բերել ինձ...
Բլուզը՝ Ariga To, տաբատը՝ Zgest, գոտին՝ Dolce&Gabbana, ժամացույցը՝ վինտաժային CK
Հիմա չեն համակերպվում այն փաստի հետ, որ ես անընդհատ աշխատում եմ, որ այդքան լարված, նյարդային վիճակում եմ։ Նրանք ի սկզբանե դեմ էին թե՛ նրան, որ ես մտա պետական ոլորտ, և թե՛ նրան, որ ես, գլոբալ առումով ոչինչ չունենալով, ստանձնեցի նման մասշտաբային նախագիծ։ Նրանց կարծիքով՝ ես կարող եմ ավելի հանգիստ ու բարեկեցիկ կյանք ունենալ։ Ցանկանում են, որ ես ընտանիք կազմեմ և ընտանեկան հանգիստ կյանքով ապրեմ։ Ես պարզապես փորձում եմ նրանց բացատրել, թե ինչու եմ հիմա անում դա, որ հասկանում եմ, թե ինչ է ընտանիքը, բայց ես ընդամենը 25 տարեկան եմ»,- ասում է Շուշաննան՝ նշելով, որ նախագծի գործարկման ժամանակ չի խորհրդակցել ծնողների հետ և հրաժարվել է նրանց ֆինանսական աջակցությունից։ «Ծնողներս չգիտեին, ես նրանց հետ չեմ խորհրդակցել։ Նրանք գիտեին իմ գաղափարի մասին, բայց պատկերացում չունեին մասշտաբների մասին, մինչև չեկան շինհրապարակ: Ես չէի ուզում նրանց խառնել այդ ամենին, քանի որ գիտեի, որ չափազանց շատ ռիսկեր կան: Եվ ես չէի ուզում այդ ռիսկերը տարածել նաև նրանց վրա: Դա իմ ընտրությունն է, իմ ռիսկերը»։
Այսպիսով, որտեղի՞ց այդ գումարները
Շուշաննան վստահեցնում է, որ իր նպատակին հասել է գրագետ գործընկերության շնորհիվ. «Իմ գործընկերոջ փորձի շնորհիվ մենք կարողացանք վարկեր ներգրավել։ Ես և իմ ընտանիքը բավականին ապահովված ենք։ Ֆորսմաժորային իրավիճակի դեպքում նրանք ինձ ամեն դեպքում կփրկեին։ Սակայն նախնական ներդրումներ չեն եղել։ Ամեն ինչից բացի՝ զբաղվում եմ նաև մարկետինգով, և բավական կայացած եմ այս ոլորտում։ Ունեմ որոշակի եկամուտ, որն ապահովում է ինձ համար անհրաժեշտ կյանքի որակը: Եվ առաջին շրջանում այս եկամուտն ինձ օգնեց հոգալու այն ծախսերը, որոնք բանկային վարկերը չէին ծածկում, և ապահովելու այն կենսամակարդակը, որին ես սովոր էի՝ ելնելով այն հանգամանքից, որ ապահովված ընտանիքից եմ»:
«... Իհարկե, վախենալու է։ Մեկ օրում կարող ես կորցնել ամեն ինչ։ Եթե, օրինակ, հիմա ինձանից խլեն այն ամենը, ինչ ունեմ, մեկ տարի հետո ես նույն տեղում կլինեմ, քանի որ գիտեմ, թե ինչպես դա անել։ Դրա համար ես չեմ վախենում»:
Զգեստը՝ LIMÉ, պայուսակը՝ Chopard, ականջօղերը՝ Pregomesh
Ալիքի վրա
Ոճն այն է, ինչը ստեղծում է գեղագիտության և ներդաշնակության զգացում: Սա ալիք է։ Ներքին զգացողություն, որ դու քո սեփական ալիքի վրա ես: Օրինակ, երբ քո սեփական ալիքի վրա մտնում ես սենյակ համաշխարհային առաջնորդների հետ, դու շատ վստահ ես զգում և շատ վստահ ես պահում քեզ և հասնում ես այն նպատակներին, որոնցով եկել էիր այդտեղ: Ճշմարիտ ոճը չունի ժամանակային շրջանակներ: Անձամբ ես ավելի շատ old-money style մարդ եմ: Շքեղությունը պարզության մեջ է։ Ինձ համար ոճի մեջ կարևոր դեր է խաղում պարզությունը, ոչ թե հավակնոտությունը։
Վերարկուն կարվել է Հայաստանում՝ պատվերով, պայուսակը եւ կոշիկները՝ Dior, գլխարկը՝ Ruslan Baginkiy
...Ես շատ եմ սիրում ձիասպորտը, զբաղվել եմ դրանով, ինչպես նաև թենիսով։ Եվ հաշվի առնելով իմ սպորտային բնույթը՝ ես շատ եմ սիրում Hermes-ը, քանի որ շատ բան կապված է ձիերի հետ, այնտեղ պատմություն կա, և նրանք շատ գրագետ են դիրքավորվում մարկետինգի առումով... Ոճի և իմ կազմվածքի առումով ինձ շատ են սազում Dior-ը և Channel-ը: Նաև շատ հաճախ եմ հագնում հայկական ապրանքանիշների հագուստներ, օրինակ, Ruzanne, Zgest։ Հիմա, եթե ինքս ինձ համար թանկարժեք բան եմ գնում, դրանք հիմնականում աքսեսուարներ են՝ կոշիկներ, պայուսակներ, ժամացույցներ։ Ես ստանում եմ շքեղության և մասս-մարկետի խառնուրդ:
Ի դեպ, վերջերս պայուսակների ոլորտում բացահայտեցի նոր ուղղություն՝ Chopard-ը։ Դրանք շատ հետաքրքիր են, զուսպ և հիանալի: Գլոբալ իմաստով ես նույնպես մարկետինգի զոհ եմ՝ Hermes պայուսակներ, հատկապես՝ Kelly:
«Երկչոտ» տղամարդիկ
Շուշաննան խոստովանում է, որ իր հաջողությունը վախեցնում է տղամարդկանց։ «Բայց դա ավելի լավ է: Ինչ վերաբերում է անձնական հարաբերություններին, ապա ես կարծում եմ, որ եթե ինչ-որ բան պետք է լինի, ապա կլինի: Եվ չարժե հատուկ ջանքեր գործադրել դրա վրա: Այն, ինչ իմն է, անպայման կգա իմ կյանք։ Ես հիմա ներդաշնակ եմ ինքս ինձ հետ, առաջ եմ գնում, հագեցած ու հետաքրքիր կյանքով եմ ապրում։ Ես շատ ուրախ եմ, որ կայացած եմ և ստիպված չեմ որևէ մեկի հետ լինել հանուն նյութական ինչ-որ հնարավորությունների։ Սա ընտրության ազատություն է տալիս:
Բլուզը՝ LIMÈ, տաբատը՝ LIMÈ, գոտին՝ Hermes, պայուսակը՝ Louis Vuitton, ակնոցը՝ LIMÈ, սանդալները՝ Tod’s, թեւնոցը՝ Bvlgari
Հաշվի առնելով, որ ես էությամբ գործարար և ակտիվ եմ, ինձ թվում է, որ իմ ընտրած մարդը նույնպես այդպիսին կլինի։ Ընդ որում, նա ինձնից առնվազն հինգ տարով մեծ կլինի, ես դրանում վստահ եմ։ Հասակակից տղամարդիկ ինձ փոքր երեխաներ են թվում: Այնուամենայնիվ, ես չեմ ուզում այս հարցում ինձ համար որևէ կանոն կամ սահման դնել, որովհետև ես շատ եմ ջանում, աշխատում եմ և ուզում եմ այս հարցում հոգու ընտրության ազատություն ունենալ»:
Սակայն գեղեցկությունն ու երիտասարդությունը երբեմն խանգարում են նրան բիզնեսում։ «Երբեմն ինձ լուրջ չեն վերաբերվում։ Չէի ասի, թե ռոմանտիկ քայլեր անելու փորձեր են լինում․.. Ոչ... Ես այդ առումով անմիջապես վերջնականապես լուծում եմ այդ հարցը, և նրանք հասկանում են, որ իմ դեպքում դա ակտուալ չէ։ Սակայն թերահավատություն կա մինչև այն պահը, երբ ապացուցում ես, որ դու քո տեղում ես»։
Միտքը նյութական է
Եթե մարդու մոտ միտքը ծնվում է, ապա նա կարող է ինքնաբերաբար իրականություն դարձնել դա։ Պարզապես, գուցե ոչ առաջին փորձից: Կարևորը դրական մտածելն է։
Լուսինե Վահրամյան
Հետևեք NEWS.am STYLE-ին Facebook-ում, Twitter-ում և Instagram-ում
20:18, 7 սեպտեմբերի
Lamborghini-ն ներկայացրել է Reef AL Arancio յուրօրինակ մանկասայլակը18:10, 7 սեպտեմբերի
Ափամերձ նրբագեղության էությունը՝ Ralph Lauren-ի գարուն-ամառ 2025 հավաքածուում17:23, 7 սեպտեմբերի
Ռիհաննան՝ 20 000 դոլար արժողությամբ Alaïa վերարկուով16:02, 7 սեպտեմբերի
Սկսվել են «Աղախնի պատմությունները» սերիալի վերջին՝ վեցերորդ եթերաշրջանի նկարահանումները14:20, 7 սեպտեմբերի
Ջենիֆեր Լոպեսն իր նախկին ամուսնու՝ Բեն Աֆլեքի ֆիլմի աստղային պրեմիերային կրել է շլացնող զգեստ12:25, 7 սեպտեմբերի
10:34, 7 սեպտեմբերի
Սելենա Գոմեսը պաշտոնապես միլիարդատեր է դարձել09:00, 7 սեպտեմբերի
ՍԵՊՏԵՄԲԵՐԻ 7-Ի ՁԵՐ ՌՈՄԱՆՏԻԿ ՀՈՐՈՍԿՈՊԸ23:06, 6 սեպտեմբերի
Սեքսի համար իդեալական օրն ու ժամը22:17, 6 սեպտեմբերի
Սելենա Գոմեսի սիրելին կիսվել է իր տարօրինակ պեդիկյուրի լուսանկարներով, որոնք սարսափեցրել են երկրպագուներին21:14, 6 սեպտեմբերի
ArmenՅԱՆs. Դավիթ Սարգսյանը՝ Ջորջ Քլունիի եւ Բրեդ Փիթի հետ «Գայլերը» ֆիլմում նկարահանվելու եւ Փիթի վրա «զենք պահելու» մասին20:15, 6 սեպտեմբերի