• Ջազի միջազգային օրը՝ Երեւանում

  Ապրիլի 30-ին՝ Ջազի միջազգային օրը՝ ժամը 16:00-22:30-ը, Գաֆէսճեան քանդակների պուրակում (Կասկադ համալիր) տեղի կունենա ջազային համերգ․․․

• Գիտնականն ու հայտնի կոմպոզիտորը պարզել է, թե ինչպես է հնչում պաստան

  Երբեւէ մտածե՞լ եք, թե ինչպես է հնչում ձեր սիրելի պաստան…

• Ավելի քան 200 երաժիշտներ, այդ թվում Բիլի Այլիշը եւ Նիքի Մինաժը, հայտարարել են ԱԲ սպառնալիքի մասին երաժշտության ոլորտում

  Ավելի քան 200 երաժիշտներ, այդ թվում Բիլի Այլիշը, Նիքի Մինաժը, Ջեյ Բելվինը, Չաք Դին, Benny The Butcher-ը, Metro Boomin-ը եւ Q-Tip-ը, հայտարարել են արհեստական բանականության սպառնալիքի մասին երաժշտության ոլորտում...

• «Չիկոյի ջազի ժամը»․ Երեւանում տեղի կունենա համերգ՝ նվիրված Արմեն Թութունջյանի ծննդյան 80-ամյակին

  Ապրիլի 1-ին «Արամ Խաչատրյան» համերգասրահում կկայանա Հայաստանի պետական ջազ նվագախմբի համերգը...

• Բեյոնսեն դարձել է առաջին սեւամորթ արտիստը, ում քանթրի երգը չարթերում գրավել է առաջին հորիզոնականը

  Իր «Ռենեսանս» շրջագայությամբ աշխարհը նվաճելուց հետո Բեյոնսեն շարունակում է պատմություն կերտել իր նոր՝ Act II ալբոմով…

• Երաժշտության պատմությունը փոխած «Rhapsody in Blue» ստեղծագործությունը 100 տարեկան է

  Փետրվարին լրանում է Ջորջ Գերշվինի «Rhapsody in Blue» ամերիկյան երաժշտության խորհրդանշական կոմպոզիցիայի ստեղծման 100-ամյակը․․․

• Շերը Ռոքնռոլի փառքի սրահի հավակնորդների թվում է

  Շերը, Լենի Կրավիցը, Շինեյդ Օ'Քոնորը, Մերի Ջեյ Բլայջը, Օզի Օսբորնը եւ Մրայա Քերին Ռոքնռոլի փառքի սրահի հավակնորդներից են․․․

• Sony Music-ը Մայքլ Ջեքսոնի կատալոգի մասնաբաժինը կգնի ավելի քան 1,2 միլիարդ դոլարով

  Sony-ի գործարքը չի ներառում Բրոդվեյի պիեսների եւ Ջեքսոնի երաժշտությունը ներկայացնող այլ թատերական բեմադրությունների հոնորարները․․․

Ջազ-դաշնակահարուհի Մաշա Ղարիբյանը, թողարկելով Mars անվանումով իր առաջին ալբոմը, դարձել է ֆրանսիական ջազային բեմի 2013 թվականի հայտնությունը: Հայտնի Bratsch խմբի հիմնադիրներից Դան Ղարիբյանի դուստր Մաշան կատարում է երաժշտություն, որը միավորում է հայկական եւ ամերիկյան երաժշտությունը՝ made in Brooklyn, ֆոլկ, Ուիլյամ Բլեյք եւ Կոմիտաս:

Երգչուհին եւ կոմպոզիտորը ստեղծագործական գործունեությամբ հարգանքի տուրք է մատուցում իր արմատներին: Մաշան հունվարի 10-ին Ֆրանսիայի մայրաքաղաքի հանդիսատեսին է ներկայացրել իր ստեղծագործությունները, որոնք անցյալ տարի նվաճել են ջազի սիրահարներին: Դաշնակահարուհին նյույորքյան հայտնի երաժիշտներ Ջեյսոն Մորանի, Գրեգ Տեբորնի եւ Ռալֆ Ալեսիի հետ շարունակելու է երաժշտական ճամփորդությունը՝ ընդգրկելով Արարատ լեռն ու Բրուքլինի մթնոլորտը: NEWS.am STYLE-ին տված բացառիկ հարցազրույցում Մաշան պատմեց իր, հայկական արմատների եւ ստեղծագործական ծրագրերի մասին:

Մաշա, փոքր-ինչ պատմեք Ձեր մասին…

Ես ծնվել եմ Ֆրանսիայում, հայկական արմատներ ունեմ, քանի որ հայրս հայ է: Մանկության տարիներից հայկական երաժշտությունն ինձ հոգեհարազատ է, ինչը, բնականաբար, հետագայում հսկայական ազդեցություն է ունեցել իմ ստեղծագործությունների վրա: Ես մեծացել եմ որպես դասական երաժշտություն կատարող դաշնակահարուհի: Նաեւ երգում էի, խաղում թատրոնում: Մի պահ որոշեցի ինձ համար ինչ-որ նոր բան բացահայտել եւ մեկնեցի Նյու Յորք: Այնտեղ ծանոթացա բավական ինքնատիպ երաժիշտների հետ, եւ աստիճանաբար ջազը ներխուժեց իմ երաժշտություն:

Ձեր հայրն ու նրա երաժշտությունն ի՞նչ ազդեցություն են ունեցել Ձեր ստեղծագործության վրա:

Հայրս եւ Bratsch խումբն ազդեցություն ունեցել են իմ ստեղծագործական գործունեության վրա, քանի որ նրանք ինձ ցույց տվեցին, թե ինչպիսի անհավանական երաժշտություն կարելի է ստեղծել տարբեր երաժշտությունների եւ տարբեր ոճերի խառնուրդից: Մանկությունից ես սովոր եմ եղել նման հագեցած ու խառը կենսակերպին. տարբեր մշակույթներ, լեզուներ, ոճեր: Այս ամենն ինձ համար ինչ-որ առումով սովորական է դարձել: Հարկավոր է բաց լինել աշխարհի առջեւ, ինչը յուրաքանչյուր մարդու հնարավորություն է տալիս նաեւ փոխանցել իր մասնիկը, իր մշակույթը, ինչպես նաեւ ճանաչել մյուսներին: Հայկական երաժշտությունն իմ մասնիկն է: Ես նվագել եմ հորս հետ: 2006թ. մենք եկանք Երեւան, եղանք նաեւ Գյումրիում, Իջեւանում:

Իսկ ինչպե՞ս ծնվեց նյույորքյան ջազն ու հայկական մեղեդիները միավորելու գաղափարը: 

Գաղափարն ինքն իրեն ծնվեց: Ես հայկական ֆոլկ էի նվագում, բայց, միաժամանակ, որեւէ արդիական բան էի փնտրում: Ժամանակի ընթացքում ամեն ինչ ինքնաբերաբար, բնական ստացվեց: Ինձ վրա ազդեց ժամանակը, ինչպես նաեւ ծանոթությունն այնպիսի երաժիշտների հետ, ինչպիսիք են կիթառահար Դավիթ Պոտո-Ռազելը եւ թմբկահար Ֆաբրիս Մորոն: Ստեղծագործելիս ես չեմ մտածում, թե ինչ ոճի երաժշտություն եմ ստեղծում կամ ինչ ուղղության եմ հարում: Ես ինձ եւ իմ ստեղծագործությունները շրջանակի մեջ չեմ դնում: Մինչեւ իմ առաջին՝ Mars ալբոմը ստեղծելը, ինքս ինձ հարցրեցի, թե ինչպե՞ս եմ կարողանալու միավորել իմ բոլոր երաժշտական ցանկություններն ու փորձարկումները: Բայց արդեն ձայնագրման ստուդիայում ամեն ինչ բնական հունով ընթացավ:

Մաշա, ինչո՞վ եք ուրախացնելու ձեր երկրպագուներին, երբ Հայաստան այցելեք:

Մենք համերգային ծրագրով շրջում ենք Ֆրանսիայում, ներկայացնում եմ իմ նոր ալբոմը, իսկ վերջերս Ալժիրում մասնակցեցինք երաժշտական մի փառատոնի: Հուսով եմ՝ մոտ ապագայում իմ խմբի հետ կայցելեմ նաեւ Հայաստան: Ներկայում մի քանի նախագիծ ունեմ, որոնք ջազը միավորում են տարբեր էթնիկ երաժշտության հետ: Ինչ վերաբերում է Փարիզում կայացած վերջին համերգին. հիասքանչ հանդիսատես էր, ինձ ջերմորեն ընդունեցին, ես ունկնդիրներին ինձ հետ «աշխարհով մեկ ճամփորդության» տարա: Համերգը հեռարձակվում էր France Musique հեռուստաալիքի ուղիղ եթերում:

Զրուցեց Պարույր Սինյավսկին

Հետևեք NEWS.am STYLE-ին Facebook-ում, Twitter-ում և Instagram-ում