• «Hahaha LA». Երբ մանկական հագուստը դառնում է մշակութային կամուրջ

  Լոս Անջելեսում հիմնադրված «Hahaha LA» հայկական ընկերությունը մանկական հագուստը վերածում է յուրօրինակ մշակութային կամրջի, որը կապում է սերունդներ, երկրներ և միմյանցից տարբեր մանկական աշխարհներ…

• «PROFAL․ ձայնամեկուսիչ է» արշավը երեք օր շարունակ գրավեց երևանցիների ուշադրությունը

  Երևան քաղաքի տարբեր փողոցներում երեք օր շարունակ հնարավոր էր տեսնել մի մեքենա, որը բառացիորեն ստիպում էր անցորդներին կանգ առնել ու պատրաստել հեռախոսները։ Քաղաքային աղմուկի ու եռուզեռի մեջ մեքենայի ներսում տիրում էր լիակատար անդորր ու խաղաղ մթնոլորտ...

• Քաշմիրե վերարկուներ և հազար դոլարանոց պայուսակներ. Louis Vuitton-ը ցուցադրել է հարուստների համար նախատեսված զգեստապահարան  

  Louis Vuitton-ը ներկայացրել է իր կանացի Flight Mode աշուն/ձմեռ 2026 հավաքածուն՝ ճանապարհորդության սիրավեպը վերածելով շքեղ զգեստապահարանի...

• Գլամուրը վերադարձել է. Carolina Herrera-ն 80-ականներից ոգեշնչված շքեղ շոու է կազմակերպել

  Carolina Herrera-ի 45-ամյակի առթիվ, ապրանքանիշի ստեղծագործական տնօրեն Ուես Գորդոնը դիմեց 1980-ականների շքեղ գեղագիտությանը՝ մի դարաշրջան, որը Կարոլինա Հերերան ինքն էր ներառել իր նորաձևության տան ԴՆԹ-ում…

• Ռալֆ Լորենը կենտրոնանում է սեքսուալության և շքեղության վրա. ինչպիսի՞ն կլինի կանանց զգեստապահարանը 2027 թվականի գարնանը

  Ռալֆ Լորենը բացեց իր մտերմիկ ցուցադրության դռները, որը երրորդ անգամ անցկացվեց Ստորին Մանհեթենի Ջեք Շեյնման պատկերասրահում․․․

• Maison Margiela-ն նորաձևությունը խորասուզում է հոգեբանական թրիլերում

  Maison Margiela-ն իր նոր գովազդային արշավը վերածում է իսկական նորաձևության թրիլերի․․․

• Հայկական ոճ. ճանապարհորդական գլամուր և քաղաքային շքեղություն

  Ի՞նչն է այսօր դարձնում կերպարը հմայիչ։ Այն պարտադիր չէ, որ պահանջի կրունկներ, հատակին հասնող զգեստ կամ ակնհայտորեն ջանք թափելու նշաններ…

• Շքեղություն H&M-ի գնով. Elie Saab-ը վերափոխում է կուտյուրը մատչելի շքեղության

  Լիբանանյան Elie Saab նորաձևության տունը ևս մեկ քայլ է կատարում բարձր նորաձևության աշխարհից այն կողմ…

Երբեմն թվում է, թե 2025 թվականն այն տարին է, երբ նորաձևությունը փորձարկում է մեր հումորի զգացումը... կամ մեր դիմացկունությունը: Մազոտ ներքնազգեստ, մերկ ջինսեր, մերկ տաբատներ և ատամների զարդեր՝ այս ամենը անցյալ տարվա իրական միտումներն են: Թվում էր, թե դիզայներները մրցում էին, թե ով կարող է ամենաշատը զարմացնել, ամաչեցնել կամ պարզապես զվարճացնել հանրությանը: Արդյունքը միտումների հավաքածու էր, որոնք ակտիվորեն քննարկվեցին, ծաղրվեցին և կրվեցին ավելի շատ գովազդի, քան գեղեցկության համար: Մենք առանձնացրել ենք ամենատարօրինակն ու ամենածիծաղելին:

PUBES. «Մազոտ լինեկու» միտումը

2025 թվականին նորաձևությունը անսպասելիորեն մտավ այն տարածք, որը նախկինում համարվում էր չափազանց անձնական: Մազոտությունը դարձավ միտում: Ամենաբարձրակարգ և քննարկվող օրինակը SKIMS-ի «մազոտ» ստրինգն էր՝ ներքնազգեստ՝ սեռական օրգանների մազերի իմիտացիայով, որը անմիջապես դարձավ մեմ և արագ վաճառվեց՝ ստեղծելով սպասման ցուցակ: Բայց SKIMS-ը ավելի լայն միտման միայն ամենաերևացող մասն էր: Ցուցափեղկերը, լուսանկարահանումները և սոցիալական ցանցերը ավելի ու ավելի հաճախ էին խաղում բնականության թեմայով՝ միտումնավոր ընդգծելով ինտիմ մանրամասները։

Գնդիկավոր կրծկալներ կամ «դուրս ցցված պտուկներ»

Հիշո՞ւմ եք այն հին ֆիլմերն ու կոմիքսները, որտեղ կանանց կուրծքը միտումնավոր ընդգծվում էր՝ սուր ձևեր, «գնդիկներ», ամեն ինչ անմիջապես աչքի էր ընկնում։ 2025 թվականին այս էֆեկտը կրկին նորաձև դարձավ։ Օրինակ՝ Miu Miu-ն վերադարձրեց կոշտ, դուրս ցցված բաժակներով կրծկալները, որոնք ստեղծում են դուրս ցցված պտուկների էֆեկտ։ SKIMS-ը նույնպես չմնացին աննկատ և նաև միտում ստեղծեց՝ թողարկելով պտուկների պիրսինգի էֆեկտով կրծկալ։

Ներքնազգեստի ոճ

2025 թվականին ներքնազգեստը վերջապես դադարեց լինել թաքնված բան և մտավ հանրային ոլորտ։ Կորսետները, կրծկալները, ժանյակավոր վերնաշապիկները, ներքնազգեստները սկսեցին կրել որպես հանդերձանքի լիարժեք մաս՝ տաբատների վրայից, բաճկոնների տակ կամ ընդհանրապես առանց որևէ այլ հագուստի։ Այս ոճը հիշեցնում է 90-ականների և 2000-ականների սկզբի գեղագիտությունը, երբ ներքնազգեստը փոփ մշակույթի տարածված մասն էր, բայց այսօր այն ավելի համարձակ տեսք ունի: Երբեմն այս կերպարները համարձակ են թվում, երբեմն՝ անհարմար, կարծես մարդը նոր է դուրս եկել տնից՝ ոչ լիովին հագնված։

Ցեխի մեջ գլորված կամ «կեղտոտ ջինսերի» միտումը

2025 թվականին «կեղտոտ» ջինսերը անսպասելիորեն նորաձևության մեջ մտան. բծերով, գծերով և այսպես կոչված «փողոցային կեղտի» էֆեկտով ջինսերը դարձան լիարժեք միտում: Այս տաբատները այնպիսի տեսք ունեն, կարծես նոր են հանել ջրափոսից կամ ճահճոտ արահետից։

Balenciaga-ն առաջինն էր, որ ակտիվորեն ցուցադրեց այս էֆեկտը, իսկ Acne Studios-ը և Diesel-ը հետագայում ընդունեցին այս գաղափարը: Ջինսերը միտումնավոր պատրաստված են մուգ և բաց բծերով, ստեղծելով մաշված, անփույթ ոճի զգացողություն, որը հասցվել է ծայրահեղության: Դրանք ամենից հաճախ համադրվում են մեծ չափսի շապիկների, շոտլանդական վերնաշապիկների և մեծ չափսի սվիտերների հետ: Արդյունքը առօրյա տեսք է, որը միտումնավոր անխնամ է թվում, բայց հենց դա է միտումի էությունը։

Labubu ատամների զարդեր և գրիլներ

2025 թվականին նորաձևությունը հասավ ատամներին։ Գրիլները, ծածկոցները և մետաղական զարդերը սկսեցին հայտնվել ոչ միայն ռեփ արտիստների, այլև ինֆլուենսերների, մոդելների և բլոգերների մոտ։ Լաբուբուի՝ տարվա պաշտամունքային աքսեսուար դարձած ատամնավոր հրեշի տեսքով գրիլները հատկապես վիրուսային դարձան։ Երբեմն թվում էր, թե Labubu-ն ավելի շատ զարդեր ունի, քան իր տերը։

Բեմական տաբատներ և չափազանց ցածր  գոտկատեղ

2025 թվականի մեկ այլ տարօրինակ վերադարձ է չափազանց ցածր գետկատեղով, բաց կոնքով տաբատները, որոնք այնպիսի զգացողություն են փոխանցում, թե հագուստը պատրաստվում է ներքև սահել։ Մենք խոսում ենք բեմական տաբատների և ջինսերի մասին, որոնք սովորականից ցածր են նստում, ստեղծելով հայտնի «հետույքի դեկոլտեի» էֆեկտը։ Այս կտրվածքն առաջին անգամ ցուցադրվել է Ալեքսանդր Մաքքուինի կողմից 1990-ականներին, և այդ ժամանակ այն համարվում էր համարձակ սադրանք։ 2025 թվականին միտումը վերադարձավ՝ ընտրված դիզայներների, ապա հայտնիների և փողոցային ոճի կողմից։

Լաբուբուի երևույթը

Եվ, իհարկե, անցած տարվա ամենաաղմկոտ և ամենամոլեգին միտումը Հոնկոնգի Pop Mart ընկերության Լաբուբուի արձանիկներն են, որոնք անսպասելիորեն եկան նորաձևության ասպարեզ: Այս խելոք, բայց տարօրինակ նապաստակի նման կերպարները՝ ատամնավոր ժպիտով, անցել են հավաքածուների սահմաններից և դարձել են աքսեսուարներ: Լաբուբուն հայտնվել է Simone Rocha-ի, Coach-ի և Bottega Veneta-ի ցուցադրություններում և վիզուալներում, ինչպես նաև փողոցային ոճում:

Հետևեք NEWS.am STYLE-ին Facebook-ում, Twitter-ում և Instagram-ում